andyc02的個人專頁

之前嗰間都有同朋友去過幾次，欣賞他們的咖啡香氣，因為我偏向喜歡 nutty 嘅咖啡，佢哋個漢堡同意粉都做得幾好，可惜做唔住。見到又有間新嘅所以特登嚟試吓。呢間咖啡普遍係fruity。朋友叫咗杯 Blackccino , 我叫咗杯 Dirty 。一般去唔同嘅咖啡shop都會係用 nutty 嘅豆，呢間兩杯都上 fruity 豆，仲要偏酸，有點失望。其實Blackccino 咖啡通常會選擇 nutty 的咖啡豆，因為這種風味能與牛奶形成良好的平衡，且能帶出黑咖啡的醇厚感。 係有人偏好fruity 的咖啡豆，但nuttier 的咖啡豆更常被用於製作Blackccino，以達到更和諧的口感。 Dirty這種將濃縮咖啡直接倒入冰牛奶中的咖啡，通常會選擇帶有堅果風味的咖啡豆。 這是因為nutty咖啡豆可以與冰牛奶的柔和形成很好的平衡，比較少用 fruity豆。嘢食頭盤叫炸薯條同炸番薯條，薯條好過老麥少少，番薯條完全比唔上隔離商場食漢堡包嗰間。Main 叫咗個四川蟹肉意粉 + lasagna 。 蟹肉意粉一上枱就聞到一陣腥味，四川味蓋過咗蟹肉味，唔值得呢個價錢。Lasagna 上枱時有有諗過隻碟會唔會暖暖哋，but of course，我期望有點高了，lasagna 沒太大驚喜。甜品加咗個 Tiramisu ，還可以嘅，用咖啡浸 lady finger，但係某個位嘅 lady finger 有點過硬，又有部分好似梳咗氣嘅味，係打卡able嘅靚，但整體唔夠穩定。呢個質素有D貴，peak hour 仲係得75分鐘，而家中環返工晏晝食 Phi 都完全唔覺得奢侈了。…查看更多

本來行緊上山搵另外一間 pizza，點知聞到pizza 味就跟住D味搵到間嘢。無諗到 lunch set 都大大份，蒜蓉包頭盤睇落有小小油但係食落口感好好，又有番茄醬可以用。 Pepperoni pizza 薄餅邊好鬆軟，薄底，夠醬，夠芝士，夠 pepperoni。 Dough 食落有小小烤味，真係幾好食。 Lunch set又有飲品。食唔曬個pizza 打包，但係加咗$20食埋個甜品 Tiramisu。無諗過加$20有咁大見甜品。推薦…查看更多

真係火到來呀！以前都幾多人來㗎，而家越來越少茶客係有解嘅。佢D送餐服務員可以唔理D嘢食係架推車到逐漸變凍，起誓同其他人傾偈，D嘢食繞場一週來到都凍曬啦！淨係掛住傾偈。個滷水拼盤得個鹹字，鹹魚肉餅飯一D都唔香。最離譜個 XO 醬炒蘿蔔糕，差D見唔到有 XO醬，一D色水都無仲好油好鹹，佢D經理話係咁㗎喎。真係無語啦！差評！佢哋仲成日漏單，但有會來趕你走。我預咗大半個小時前叫嘅嘢都來唔到仲要我埋單。唔係我呀婆話來飲下啦，都真係唔鬼來。下次去樓上其他酒樓！…查看更多

去元朗做body check 諗住去yoho mall 食飯，但係有D早所以睇下附近有咩其他餐廳。。。呢度附近有幾間 cafe，最終揀咗呢間因為地方大D，望落去好坐D，而且早餐1款式多D。外面有兩張枱，可以帶狗狗一齊去。我同個 friend 一人一個餐+黑咖啡，無加一，只收現金或八達通。個薯餅炸得幾好，杯齋啡都可以，鹹牛肉炒蛋都滑，好耐無食覺得好正，仲配埋肥牛角包。整體唔錯嘅，就係無咩 service，但無咩所謂，唔 rude就可以嚕 。早早哋，唔係太多人係幾好嘅一間 cafe。…查看更多

朋友話諗住一齊試下，順便周圍行下。入去就聽到店員傾偈不時係度講粗口都算啦，無咩人，唔洗等位就坐低。朋友叫咗個茶，我叫咗杯 Dark Roasted Cappuccino, 焦糖香橙經典朱古力蛋糕食。間嘢都無人，我杯 cappuccino 完全無拉花，失望！簡咗 dark roast 點知一D咖啡味都無，仲衰過我屋企個 Nespresso machine，失敗！個蛋糕，等到要問，佢哋先記得攞來 味一般，好少可以出錯嘅朱古力蛋糕囉，無驚喜！間嘢冷氣太細，差D一路飲一路出汗，店員掛住自己傾偈。呢個區有好幾間 coffee shop，未必一定有來呢間試…查看更多

知道 Beans 執咗之後開咗間新嘅 coffee shop 所以來試下。 入來之後好似去咗 Beans 咁因為D裝修好似一啲都無變。但係冷氣唔多夠，亦都好似好多飛蚊仔！勁驚D飛蚊仔同我掙食 講返D嘢食，叫咗個蜜糖雞翼（$38）+ Cold Brew（$55），個雞翼無咩特別，Cold Brew 偏酸。其實入來見到好似重用Beans嘅裝修已經覺得間 Cafe 無咩心思，好聽嘅可以話佢環保囉，唔好聽嘅咪無自己 cafe 嘅風格囉嘢食無特別嘅地方就睇下裝修風格值唔值得推介俾D朋友。個人覺得呢間就可試可唔試。…查看更多

真係無諗過會咁差，佢哋應該專注做打邊爐，唔好搞咩定食啦。我去過好幾間分店食打邊爐都幾好嘅，但係荃灣呢間就第一次，諗住試下佢哋D定食啦，點知真係好後悔，浪費晒D quota。唔只定食味道差，呢間D服務都好差。我同個 friend 叫咗個台式三寶麵（牛肉，牛筋，牛肚）+ 炸豬飯。 個麵來到真係嚇親，以為其他客人食剩湊一碗俾我咁，湯麵連湯都差D見唔到有。我自己屋企煮都好食過佢，差差差。 個豬扒鹹，肉燥唔好食，隔離嗰間台灣快餐好食過呢間多多聲。叫咗杯大紅袍珍珠奶茶，無茶味，得奶味。間鋪頭好似唔夠人手，遇溺式舉手都要等足5分鐘先落到單。佢哋應該考慮用 QR code 落單啦，upgrade 下啦。真心奉勸大家來呢間唔好食佢D定食啦，食完會唔多開心，睇下個餐來到時個樣就知道我呢餐食得有幾失落了。…查看更多

完全唔起眼，路過幾次見到人群先知道原來有間韓國餐廳。咩都有D，辣豆腐湯，辣炒年糕，拌飯，飯卷，炸雞，etc。有小型拼盤好似我今日食嘅，紫菜飯卷+辣炒年糕+炒粉絲+熱檸茶 = $80，無加一費用。辣年糕有同平時唔同，佢D年糕長幼身，有落香腸魚糕等等，偏辣。紫菜飯卷+炒粉絲同一般韓國餐廳差唔多，可以的。我早咗去驚多人所以唔需要等位，用 QR code 落單，食完可以直接網上結帳。食完走嘅時候見到好多人買外賣。下次可以再來試其他的。…查看更多

公司搬咗來 KCC 所以週圍睇下有咩正嘢食。見到呢間嘅 rating 都唔錯所以來試試。 叫咗個“安格斯牛肉”漢堡包+無糖烏龍茶，跟沙律+薯條。個沙律無咩特別除咗麻醬特別多，薯條炸得唔係太好食。個 Burger 中間塊肉沒有特別驚喜，沒有給我“以假亂真”的感覺，我覺得個 burger 味道有D太淡，食食下自己落咗D茄汁一齊食。擺得幾靚嘅，環境都幾衞生都坐得舒服嘅，但我暫時沒有特別想回來試其他的食物的意向，亦未必會介紹同事來試試。…查看更多

去咗觀塘攞嘢順便食 lunch，見到差唔多坐滿所以入去試下。我叫咗個韓式牛肉拌飯。佢哋嘅前菜放向一個中央位置自助式夾（任夾），有炒粉絲同泡菜。嘢飲都係自助式攞其中一樣。我夾咗少少炒粉絲試下，麻油味夠嘅但就有少少太油。個飯有跟一碗海帶湯，飯搞大碗但係個辣醬唔係好辣，落多少少都唔覺得辣，唔知係用咩牌子同平時其他韓國餐廳唔係好同。個飯嘅配料都夠嘅但係整體就無咩驚喜，亦都無平時食韓國嘢嘅好味程度所以這碗飯嘅味道我覺得值3粒星。最好係無加一。…查看更多

公司啱啱搬咗來 KCC，第一次來想試下個 Pizza 得唔得。Lunch set 有前菜，有嘢飲，加$20有甜品。我叫咗火箭菜 salad, 9” Pepperoni Pizza, coke zero。火箭菜 salad 除咗我唔食D olives，都幾好食嘅。我覺得個Pizza餅低整體都幾好，唔係太薄，有質感，有咬口，個 Tomato sauce 唔係落唔夠但我覺得個味唔係好出，cheese落得夠多嘅有得拉絲，辣肉腸都唔係好薄身，我覺得可以落多幾片會好D。 整體環境都幾好，Lunch 都會滿座嘅。食食下聞到隔離枱食咖喱薄餅，下次想去試下…查看更多

平時都見到有人來食，今日放假就去試下。買了個赤武士（辣）拉麵+炸雞+可樂。個拉麵還可以，我覺似日本出嘅即食拉麵，叉燒有兩片，地獄辣唔多覺辣，無咩特別。炸雞有兩舊，第一舊食落去都覺得幾好嘅，第二舊一咬落去睇到唔多熟喎，仲生生地，見到粉紅肉色。我食完份拉麵，走的時候諗住同個店員講聲，提醒佢哋唔好咁厚攞去炸啦，點知個職員堅持已經熟了，又話如果唔熟係應該有血絲而唔係粉紅色透明嘅肉色喎。我都費事同佢繼續講落去，心諗我屋企D冰鮮雞肉都係無血絲㗎，唔同攞出來就食得㗎？ 勸喻大家有得揀未必一定試呢間嘅。…查看更多

今次第 n 次買外買，主餐飲上個燒五花腩肉，午餐嘅韓式豬肉飯及韓式炒年糕。因為疫情，我自己選擇外買回家為主，之後肯定要去堂食試試。除咗D湯同煎餅，真係好多款食品都試過，暫時次次都覺得唔錯的。今次個五花腩都唔錯，唔覺得肥膩，如果有生菜包住仲好食，但係就咁用D辣蔥絲+泡菜夾埋一起食都幾好。韓式炒年糕入面有幾多片嘅魚糕，汁就偏向辣小小但係接受到的。韓式炒豬肉已經食過兩次，唔食辣嘅朋友可以試試的，仲有好多唔同嘅前菜。…查看更多

前後買過外買3次，不同食品，次次都好食的。有兩次係 openrice 落單，一次直接去到先落單。第一次買炸雞（辣+原味），返到屋企都覺得好好食，D醃蘿蔔都好正。第二次買咗3個唔同的午餐 combo，買想已經好好啦，多款小食，主菜好食，份量肯定足夠。第三次淨係買咗個 豬肉炒粉絲，攞返屋企就發現應該係4人份量，D肉都幾多都juicy，味道幾好。去到買外買時先發現暫時只能收現金，但係佢哋都幫我落單先，等我去 ATM 攞完錢返來就直接俾錢同攞外賣返屋企。店員都好 nice，有話我知碟豬肉炒粉絲好大份的…查看更多

$49買咗個辣豬肉煎蛋泡菜拌飯，都幾大份的。豬肉唔會太肥膩。有得揀用韓式辣醬或牛肉汁，自己拌。隻蛋係即叫即煎的，不會太多油，煎得幾靚。佢哋有幾個bar台類型的位可以係堂食的。下次會考慮試紫菜捲。…查看更多