MRino的個人專頁

今日和太太去食這間店，一入到去叫一杯咖啡和炸芝士，服務員話今日咖啡機壞咗，芝士條賣晒。試諗吓一間店舖下晝1:30鐘，可以話賣晒，請問這間店點樣預貨？唔緊要，叫一杯青檸梳打，一杯凍朱古力， +1個炸雞柳，一個意大利辣肉腸pizza，一個煙三文魚凱撒沙律。青檸梳打淡得了來，梳打水居然冇氣的，請問是青檸水還是青檸梳打？並且沒有青檸味。至於凍朱古力，我相信一般茶餐廳好飲過佢。辣味炸雞柳，沒有辣味，嗰啲肉質超粗糙，提供嘅醬汁，好似水一樣，稀如水一樣，請問點樣可以將醬汁掛在雞柳上？至於個煙三文魚沙律，那些炸麵包，我相信係過咗氣，完全一啲都唔脆口，至於個Pizza，好似食咗一斤鹽喺個口到一樣。而且面頭嗰啲汁，太多，太稀疏，係一攤水咁樣放喺個Pizza上高。如果大家想花錢食這間店，倒不如過對面新葵興花園食薩莉亞好過。最少人哋平，而且冇咁多鹽，對身體健康點。但係話說回頭，這些服務員，亦都未至於黑口黑面，服務態度還好。…查看更多

完全唔明白點解咁多人會比like，是否全部都係買返嚟？在OpenRice見到這間店有咁多人讚好味，今日和太太走咗去食這間店，當然梗係要點選一些四川東西，擔擔面，棒棒雞，泡椒鳳爪，等等。先講擔擔麵，麵質，同公仔麵完全冇分別。但係佢嘅豌豆蓉，係真係幾好食，因為佢係起沙的。至於泡椒鳳爪，你可以去7–11買一包零食泡椒鳳爪，完全一樣。至於棒棒雞，係超大鑊。佢裏面用嘅油，係有油味，簡直令人作嘔。同服務生講完，他們把這個棒棒雞換成夫妻肺片，諗住OK啦，點知原來真係佢用嘅油，出咗事。所以一大浸味。另外，仲有鐘餃子，認真食完第一粒，真係好想搵佢老闆出嚟𢰦佢一鑊，裏面嘅餡料，味道和大國製造的cheap cheap媽媽腸冇分別。唔好以為呢一餐好平，佢都成三舊水有多。現在，我明白佢點解叫做瘋狂小面，係因為食完之後，真係會瘋狂地「小」佢老闆塊面…查看更多

卡幫尼意粉，我在網上睇咗幾次，都冇見有洋蔥，但係這間店的卻有洋蔥出現。那是否一個新派的卡幫尼意粉？另外在這碟意粉裏面，搵到兩三個蛋殼，是否驚我鈣質唔夠？哈哈哈哈另外，佢叫得自己做茶王，相信佢對自己的奶茶或者茶膽，都一定有返咁上下信心。那當然便叫兩杯奶茶來飲，品質如何，你自己喺照片裏找出問題，最後發現太興燒味嘅奶茶，俾佢還要好飲。咁麻煩你唔好叫自己做茶王雞翼薯條，收我40幾蚊，三隻雞翼十幾條薯條，真的很抵食。正常人走去百佳，一睇便知道，你哋賺幾多錢。真係小本經營，生活困難。仲有那位服務員阿姐，佢真係好忙，我舉左好多次手，佢先至見到我想落單，除咗幫我哋落單，仲要不停係咁用手機，打訊息等工作和他的仔女和朋友討論不同的事項。阿姐！辛苦你了！不如你返屋企啦！如果在試業期間，俾人嘅印象都係咁差，真係諗吓，是否應該繼續開業。…查看更多