king23432的個人專頁

網上見到呢間斗斗滋味小廚做緊限聚優惠，Happy Friday，當然第一時間約D埋朋友去試下！一坐底，靚仔店員已經問我地想要飽魚/乳鴿，因為做緊免費贈送，叫我地可以慢慢再叫野食，留左俾我地先，服務幾好，抵讚我地岩岩好4個人，送左4隻醉飽魚(2選1)，夠入味，幾彈牙！泡椒鳳爪：夠酸夠辣，好開胃醉鵝肝：朋友鐘意食鵝肝嘅話好正，我就1塊起2塊，係幾好食嘅，但太肥膩主角黎喇！就係呢個金湯酸菜魚，食過真係返唔到轉頭，色香味俱全，香+辣+麻+酸都好平均，唔會話只得酸/辣，越食越想食，見到都流口水酸辣湯：同酸菜魚一樣咁出色椒鹽排骨：切得太大舊，味道OK，夠野味炒土豆絲：清淡左少少，可能之前D野食重口味最後唔夠喉，叫多2隻乳鴿餸下啤酒，皮夠脆，估計都係即叫即炸總結：整體黎講呢間斗斗滋味小廚食物質素屬於中上，特別係川味辣野，真係好惹味，價錢雖然唔算平，但食物質素幾好，對得住個價錢同店員吹水時發現原來之前轉過廚師，改左新餐牌，新主廚以前係酒店做過，難怪食品咁有水準…查看更多

相信好多喺觀塘做野嘅人，每日最煩惱嘅就係luncn唔知食咩好（因為太多野食），經過成業街見到呢間"斗斗" ，門口好吸引，一於入去試下佢先！佢好似"前舖後居"咁應該話係前小食＋飲品，後台式美食，店員話買小食都可以拎去後面食，唔洗企响街到食一入去見到香港7-80年代嘅裝修，仲有幾個雀籠，即刻諗起以前阿公帶隻雀落街飲茶個畫面個天花仲整左個竹棚咁，好有特色！我地先買左3款小食入去，咖喱魷魚＋咖哩魚色＋燒賣。呢個咖喱一流，越食越辣，好食到想叫個飯撈黎食燒賣都好食，可以撈埋個咖喱汁食我最鐘意問店員：有咩推介？（佢地日日食，點都有D心水）佢地就推介呢個怪味雞，可以揀飯/米粉/麵，我就揀左米粉再加酸菜，小食再叫左鹵水豆腐＋蛋。呢個芭樂汁不得了，鐘意番石榴嘅人一定會愛上佢。味道：佢地嘅怪味雞有D似醉雞嘅質感，上面再加好多蒜蓉同少少辣椒，應該再加左香醋/醬油，錯綜複雜嘅味道，好惹味喎！米粉用上台灣新竹米粉，細滑之餘仲好索味，可以撈埋D餸落去食。鹵水豆腐＋蛋都好入味，好台灣夜市feel。服務：店員都好友善，有問下我地好唔好食，有咩意見，同埋佢地既對話都好有趣。環境：可以見到佢地好有心思佈置，好多裝飾都係舊古董/舊玩具，可能仲老過我如果鐘意香港舊情懷既，可以過去研究下， 仲可以呃下Like！去相！Madonna黑膠唱片, 算盤, cassette機, 舊海報電影海報＋黑膠牆人力車都有，勁細個成日扭嘅彈彈波…查看更多