fung0526的個人專頁

同朋友行經 本身都搵緊宵夜食聞到好香既食物味就坐低左舖面比較細，食客要坐係露天位置，因為我個時已入黑，覺得還可以接受。但兩位事頭婆好好人！不但只介紹菜式比我地食，仲比左佢把風扇仔我地吹真係好好人！我地點左個鴛鴦戲水（雲吞x水餃各4隻）同半隻口水雞 仲有（綠豆海帶同牛奶雪燕）碟鴛鴦戲水唔係講笑，啲麻辣香好足料！我個朋友媽媽係雲南人，佢成日係屋企都食到好正宗既地道麻辣野，都話呢碟野既味道好似佢媽媽煮既餸 搞到好期待口水雞不過食落原來唔太辣（事頭婆話落輕手左 朝早太多人話太辣haha）口水雞果然都係冇失望 超鍾意佢落花生！平時都唔太特別好口水雞 但呢個我覺得可以覆桌佢芫荽氣味唔濃 未去到會唔鍾意既程度平日唔食既朋友可以試下（唔知點解 可能係麻辣香料蓋過左）而兩碗糖水就不過不失 個人覺得主菜出色啲haha不過小店加埋只有8道主菜同糖水 如果可以多啲花款同埋有飯/麵線就好了(｡･ω･｡)咁晚飯既時候就可以過黎食…查看更多

食完後急不及待就打食評 哈哈今次去左食黑糖勢力+一個c餐 鬆餅魚柳一入到去裝潢好靚好舒服 好有style影相一流（不過人太多冇影到）員工好nice好好人 語氣好溫柔！上碟既速度都幾快下 一叫完 等左陣就到首先黎既係兩杯黑糖飲品 一杯係雞蛋布丁係底一杯係珍珠+oreo雪糕球（唔係我飲 但個樣似係oreo）呢兩杯既黑糖都唔會太甜 又唔會奶太多所以冇味 我有輕輕試過兩杯 覺得有雪糕果個好飲啲因為雪糕球溶左落去杯黑糖 帶返少少甜味落去 十分夾 賣相唔洗講啦 好靚不過鬆餅原本以為係甜品個隻 原來係呢隻入面個餡都同樣出色而拼盤個碟係番薯條 個人本身都唔太好就不評論了 但個鹽酥雞係不錯 炸粉薄肉嫩咬落仲有少少肉汁！食完後飽到爆炸 發現原來兩個人食一個黑糖拼盤原來都差唔多（仲以為好少添哈哈）總結黎講係幾好食 但價錢稍貴…查看更多

朝早搵早餐但係又唔想食連鎖店經過見到呢間舖睇落好似好豐富又平就入去試下入面環境好好 好大 啲位好寬敞 坐得好舒服朋友叫左蕃茄湯牛肉米線 我就叫左魚柳炒蛋斑㦸等左冇幾耐就黎到 原本以為咁平 份量可能唔多 但原來咁足料（米線直情就黎瀉）賣相睇落仲好好食！咁我唔記得影佢個蛋白麥皮一向我都唔好麥皮 嫌佢冇乜味但佢地既麥皮我係食得落口 食到有啲奶味甜甜地 真係唔差而個炒蛋賣相一睇就知係靚啦真係好足料 魚柳肉好多 炸皮薄身不過最驚喜竟然係個㦸整得好好食 好鬆軟鬆軟呢間野早餐cp值超高！一個餐飽到我有啲食唔落晏 但佢又唔會40幾蚊咁貴仲抵食過快餐店早餐！…查看更多

呢個商場岩岩開 下面food court好多都係中式野 唔係特別想食 咁就唯有食呢架啦價錢都頗貴下（始終係旺角既商場 無計啦）咁我就叫左個較平既肉醬意粉佢地配野飲要加最少10蚊 真係太貴了等左都幾耐終於有本身food court既野我都唔會太期望勁好食咁但佢呢個意粉又真係唔差wor平時食開好多舖頭既意粉都會有啲硬硬的但佢地係軟綿綿 肉醬味道都好食 我食完粉之後仲清埋啲肉醬份量睇落少但其實都係飽肚既不過呢間野既價錢真係好貴…查看更多

新浦崗有好多間酸辣粉舖而眾多間入面呢間係我既首選價值便宜就不在話下（around $28-30中）最最最最緊要既係有我好鍾意既花生味我叫左豬頸肉一餸佢地既豬頸肉份量一啲都冇偷雞就咁睇圖未計湯入面已經有6條仲要唔係薄切！米線亦都好幼滑彈牙我就唔太食得好辣 不過都叫仲左中辣唔係唔辣 係好味到我一定要叫辣先得除左佢地啲花生好出味之外酸菜同酸豆角都好正 酸酸咸咸 配落個湯味道一流環境方面 都唔錯 不過好少位但佢地其實有第二間分店係附近 所以呢間冇位都可以去第間大啲既…查看更多

中學時期真係差唔多日日都去食學生餐既價錢都只不過係28$～35$份量正常+好味既飯/麵仲送多杯野飲呢個係照燒雞肉燥飯 未黎到聞到香味（爬左兩啖先記得影相哈哈）肉燥既味道咸咸地+照燒雞排真係正到爆店內空間有少少窄 不過好有氣氛全部木枱木凳 店員姐姐非常nice(可能食左咁多年都認得我了)午市人多既時候出面會開枱比客人露天坐不過因為呢度始終係山 冬天就會比較凍啦因為有肉燥加持所以個人覺得原燒既飯係好食過拉麵可惜舖頭位置真係好好好好偏 唔係住附近/附近返學既人好少會發現到呢個好店…查看更多

今次係黎食午餐沙嗲王平時都成日同動漫有合作 一入黎就見到好多自己都鍾意睇既動漫午餐既選擇都十分豐富 都好化算我地就叫左白咖哩香茅豬扒飯同沙嗲肩胛肥牛拉麵 加多15蚊要左個香蒜燒雞翼點完餐之後都等左頗耐下先到 可能係因為岩岩開舖未準備好啦～不過我地都唔趕時間既但係一黎到我地餓到連相都唔記得影就食左先搞到「食左先影」雞翼係真係唔錯既 但如果唔係午市 係晚市直接叫份 我就覺得有啲啲既貴啦友人對個拉麵就冇咩評價 正正常常我就覺得個豬扒飯係幾好食 咖哩有點兒辣 不過都食到既！ 同埋佢既汁岩岩好撈到一碗飯 豬扒冇骨又好方便懶人哈哈話說佢點餐個鐘都好似爛左好耐 希望佢地快啲整好啦 多人既時候都幾唔方便 叫極都冇人…查看更多

之前睇過廣告慕名而來我地食既係午市 晚市實在價錢太高了負擔唔起 第時一定要食一次晚市今次訂左位所以可以坐壽司吧！日本師傅好可愛好型 一路等一路睇住兩位師傅整壽司都係種享受侍應仲會遞上熱毛市抺手抺嘴 好細心咁我就叫左個自選既壽司套餐 友人就叫左個貴啲既十二件壽司餐（唔記得左個名）兩個餐都配有前菜雖然係前菜 但一啲都唔求其！仲好好食沙律新鮮不再講 中間碟牛肉肉味好香 肉質軟熟 直情想單點多錢份食 哈哈而右上角既係蒸蛋不過食完個前菜都有4 5成飽主菜上面既係貴啲個餐 下面係自選既壽司每樣都好食 生既鮮甜 玉子就軟綿綿 但感覺到佢每一層一層既口感 入口即融而且食完會有甜甜既蛋味係個口友人玉子燒魔人都讚不絕口當中較出色既係甜蝦 甜蝦真係最好食！好甜好多汁 另外就係上圖綠色餡果個卷 味道好得意 咸咸地辣辣地 中間既餡係脆架！！估唔到而本身怕食海膽既我都勇於試左舊 佢地既海膽一啲都唔腥 都冇奇怪味 平時驚食既朋友都可以試下呀！食完主菜就有甜品 呢個芝麻雪糕都好好食 好濃芝麻味 我覺得同movin pick一樣level鍾意食壽司既人一定要黎試下埋單兩個605$ 有加一…查看更多

旺角周街都係炸雞 不過都未試過呢間因為佢既價錢都偏貴入到去環境好明亮好舒服夜晚坐去靠窗卡位仲有靚靚風景添！今次就叫左咖哩蜜糖炸雞（$198）原本以為份量唔多 但原來勁大份兩個女仔食既話其實直接叫一份雞就飽了但因為我地仲叫左個雞蛋卷 所以都食唔曬要打包肉質軟熟 外層既味道好出 淡淡既咖哩辣辣地同蜜糖既甜甜地好夾 外皮脆卜卜 咬落仲有汁流出黎另外叫左呢個雞蛋卷都好出色！蛋香濃 好鍾意內餡脆卜卜既青瓜個人覺得3個醬 茄汁最正路 中路可試下 最左隻醬好好食！我唔知佢係咩醬 但應該係千島？仲辣辣地 隻醬留低黎點炸雞都好好味…查看更多

深夜係旺角搵野食 突然想食串燒行左幾間都唔岩睇 經過呢間既時候聞到好香好香既味就入左去lu首先一定要講既係呢間舖既店員個個都好有禮貌！！同之前經過既店舖比簡直覺得好似去左第二個國家咁haha 野食方面我地叫左雞軟骨 四季豆 豬頸肉色水唔錯 食落都幾好食！有時串燒舖燒完上黎既野好熱好熱 熱到有啲辛苦 但佢地上碟既係暖暖 唔凍 好正叫個時冇講辣既程度但佢落既粉又適中 唔太重口味 同埋適逢佢開業5週年合資格既有7折咁岩友人岩岩好有埋單都只係89$ （仲有叫兩罐野飲）會再黎食！…查看更多

黎到旺角成日都食祥興記但無打到食評諗返起第一次食祥興記個時簡直係驚為天人！ 旺角居然仲有咁咁咁咁好食既野真係無誇大（可能我少食生煎包）次次都會叫4粒招牌生煎包入面既湯汁永遠都係熱辣辣 好正好有肉汁味果然係米芝連！次次食完都想翻焯 太好味啦！食既時候一定要係啲角角位咬一小口然後再吸小小湯汁 吹凍少少再一大啖咁食曬成粒就可以同時享受到啲汁同肉仲唔會爆汁不過如果間舖大少少就好了 次次都要企係度拎住好多野食好麻煩 萬一爆汁又好呢hea…查看更多

有驚喜的小店👍🏻今日約咗朋友去石硤尾南山邨，出發前隨意找咗間茶記--樂斯食早餐叫咗個吉豬早餐，估唔到係即叫即整！等咗20分鐘，不過都無妨，反正唔趕時間。上菜時確實不錯，香氣撲鼻而來，吉列豬既份量足，比起大x樂等連鎖快餐店確實好d，而且新鮮做起真係熱辣辣幾好食，配d沙律醬減走熱氣，確係個Good morning！埋單都係35蚊，個人覺得比連鎖店cp值高，不過不失，吉豬算係有驚喜，下次有機會黎都會再食。…查看更多

經過聞到好香好香既味道就入左去首先呢度既環境好好 暗黃既燈光好舒服好有氣氛 啲吊燈裝飾都好靚野食都不算很貴 今次叫左個半打串燒（雞牛豬） 金邊粉同飛天通菜 但佢份量好大 兩個人分一碟金邊粉同通菜已經飽了金邊粉係幾好食既 但友人好鍾意食花生 佢略嫌唔太重口味 不過就花生味唔夠出而我就反而覺得飛天通菜唔夠入味 食落去冇其他泰式餐廳既好味串燒就正正常常 啲肉唔鞋不過我就建議要上左菜趁早熱辣辣食我地食左其他兩樣最後先食 搞到凍左環境真係好好 好乾淨企理 又唔迫…查看更多

係石硤尾突然間想飲茶記得品香樓附近有間好大既茶樓雖然都已經唔對香港既茶樓有希望但呢間野啲野食真係不行個時係食2點下午茶 佢下午茶茶點會平啲咁就叫左燒賣蝦餃蘿蔔糕同叉燒腸蘿蔔糕就太咸 燒賣就乾爭爭冇咩味係招牌蝦餃比較正常第一次去唔係好知 問下個員工啲醬係邊就黑面咁大聲講 個陣時仲要唔多客人啲辣椒醬鮮紅到好似落左好多色素咁雖然佢係街坊價 好平但我個人覺得都係唔好專登去呢間飲茶了食物既選擇其實都唔太多佢唯一既好就係環境夠大夠寬敞即使係疊枱都唔會好迫…查看更多

旺角泰國菜實在太多不過見佢有滿$200加$1有四樣餸送 就入去試下啦總體來講都係不過不失 正正常常 唔難食串燒不太咸幾夠味 份量都好足 醬汁淋上去夠足料 不過啲肉可惜唔夠嫩 但都唔鞋 擺得落口到條明爐烤魚 魚肉的確係幾嫩唔錯但就唔夠入味 搞到條魚啲味道好淡 可惜如果佢入味啲就又嫩又好食了下面呢個係送既1蚊生蝦 雖然平 質素一啲都唔差 反而係幾好食呢個令我有啲驚喜生菜包就不過不失啦成間野既食物份量都大 四個人食都差啲食唔曬！ 如果係兩個人食 其實一條魚一份生菜包都夠皮了…查看更多