marylam351marylam的個人專頁

之前係呢附近經過果時,咁岩見到呢到開左間新既餐廳,做日本大阪燒既,於是就好奇行上去主下啦,黎到個大門口,裡面D裝潢都唔錯,佢係門口果到都放左一部點餐機,標開黎睇,發現裡面D食物都唔貴,於是就叫左個”芝士海鮮大阪燒”,再比門口小姐姐帶入去埋位坐。落單後,會見到面前就係一塊勁大既玻璃,係即叫即整的,等左大約10分鍾左右,終於上菜啦!餅底爽口入味,上面芝士味濃郁,食落個口感層次都好豐富,幾十蚊可以食到呢種大阪燒,絕對係值得一試。…查看更多

由於呢附近番工,通常路過呢頭都會見到呢間日鐵板燒料理GE,其實一直都心旭旭想走過黎試下,但奈何LUNCH得果一粒鍾頭時間,實在係等得到位黎都無時間食野......所以當有FD話出黎食飯,我就即刻同佢地推介左呢間餐廳。最近佢地出左個聖誕節限定既刺身套餐,都係講緊二百幾蚊,但可以食到五款魚生,實在唔貴。吞拿魚腩,三文魚,池魚,帆立貝,牡丹蝦:吞拿魚味超濃,口感軟滑,三文魚除左鮮之外,較甜,帆立貝份量大,咬口好,味道超正!!!其實我地都仲試左唔少野,總體而言,呢間店刺身方面真係做得唔錯GE,而且價錢係高級刺身之中,都算係偏低價,所以算得上係抵食之選啦。…查看更多

朋友介紹黎的...認真,d醬汁偏鹹...無睇張相,想像中咁好食......感覺上兩款唔同既雞,食落去就只係兩種醬汁既味道 (仲要係幾重味)...不過店員服務態度好,值我一讚,可能我咁岩簡既都唔好啦 (唔記得左邊款,其中一個係辣味黎),最後2款野,食到好制...環境係幾好既,不過感覺上有少少偏左貴.btw佢好似係韓國人開既正宗韓國炸雞?anyway...下次去既話,都會諗諗先或者唔姚雞,試下其他野`…查看更多

今日放lunch果陣,同班同事仔係呢到食,主食地道酸辣,而且價錢實惠。裡面得幾張枱,但佢雖則地方不大...不過比人d感覺幾溫馨。呢到主要食酸辣粉,,好鍾意呢個主打食,重慶酸辣粉。雖然呢間店係開響大商場(仲要係正去澳門坐船果邊),但係都只不過二十幾蚊一碗,,,可以話超值而且見到佢地就算有d四季小火鍋可以打下,但價錢都係非常良心價,之後都會再同同事落黎捧下場的...吾錯,吾錯......最後祝店家生意興隆~~~…查看更多

星期日梗係一家人出去揾食嘅好時機，今次嚟咗新開張嘅焸‧帝王蟹海鮮火鍋專門店， 其實我哋都係抱住試下嘅心態入去食下，哈哈 一入去見到地方雖然唔算好大，不過店員好熱心咁為我哋送上調味盤，仲同我哋介紹左好多好野食，唔單止有打邊爐仲有小菜仲有刺身，方便到呢!! 三文魚刺身: 非常新鮮! 肉質鮮甜，入口甘香法國生蠔: 淡淡海水味，味道鮮甜，真係一流!!歌樂山辣子雞: 每件細細粒，炸得好香，配以大量花椒同指天椒，十分惹味！ 加埋杯冰凍生啤真係一流！ 本哋手切肥牛: 脂肪分佈平均，牛味十分濃郁，肉質鮮嫩有彈性，同機切牛完全冇得比，都算好有驚喜！推介大家要試一試。海鮮拼盤: 花甲鮮甜又冇沙，唔點醬料都好夠味 扇貝:一望就知又大又肥美啦，成隻都漲卜卜，食落口感厚身，鮮甜 海蝦:非常爽口隻隻鮮甜，食完一隻再想食第2隻環境同服務都好好， 坐得好舒服。…查看更多

有朋自遠方來，說很懷念上海菜的朋友，唔知道平時係唔係食得太多西餐!!! 大學時期曾經說過以後黎香港定會帶佢一嘗香港美食，雖然我對中菜唔係好有研究，不過朋友其實要求不高,靜靜坐下食個飯能夠一起聊聊過去既少女往事已經好滿足 因為她係香港住港島區,所以我便選擇了上環既望月軒， 朋友好喜歡這裡,環境很好，食品種類又有好多 毛血旺$268 毛血旺即就是鴨血，相信鴨血大家都食得多,特別係台灣，鴨血就非常出名。不過今次黎個四川味道, 除左豬紅, 原來仲有腸仔、竹荀、菇類等等 豬紅好爽滑,入口除左無血嘅腥味,仲有帶點麻辣，並非普通麻辣,食落條脷真係麻架！吸收左辣油既腸仔呀同菇類相當入味,朋友第一次就食覺得好好味 四川回鍋肉 $138聽到個名都已經流晒口水，回鍋肉半肥瘦,食落口一D都無油膩嘅感覺，肉汁慢慢浸入口腔,非常惹味,白飯都送左2碗，特別開胃，又唔會好辣 朋友話離開香港之前都再食多一次,睇黎佢真係好鐘意，哈哈 不過講真心話,真係好味既,服務又唔差，讚!!…查看更多

因為出開去太古幫個客對數，食晏時間同個客食呢間囍點。環境不過不失，之前都聽個客講呢度既湯唔錯，因為無加任何味精。是日星期五靚湯蓮藕栗子紅蘿蔔煲西施骨飲落味道好豐富，飲完唔會話好口渴 是日揀咗XO醬墨魚炒麵好可惜墨魚唔多，而且好似主角同個配角分開炒，得炒麵有XO醬辣味；可能XO醬關係會比較油少少。飯後附送摯愛豆腐花 好香濃豆味，如果健康朋友可以唔加糖食！味道天然唔錯…查看更多

較之前歡送我地公司老臣子阿懿，佢係公司一直做咗十幾年，所以就約埋幾個同事同佢Farewell，我地一行六人；叫咗碟口水雞，有營健康雜菜盤、台式蚵仔煎同埋海蜇燻蹄再另外叫咗幾籠點心。口水雞相當惹味；味道絕對唔會差過出面專門食辣野既食店，真心值得推薦！旁邊既皮蛋，亦係亮點之一，索晒當中辣汁味道，好味！講到台式蚵仔煎，蠔仔都頗大粒同鮮甜；而且煎得幾香口，亦唔多油，味道一絕！有營健康雜菜盤，賣相顏色好吸引，有椰菜花、椰菜、小唐菜、菜心同埋青豆加上仲有番茄伴碟，食落味道好清新，而且酸酸甜甜既番茄令人十分開胃。至於海哲燻蹄，海蜇爽脆，味道唔會好咸，配上蒜醋蘸汁令人食過回味無窮，讚！只可惜份量唔夠，每人一舊已經差唔多無晒。最後必須最讚係蝦餃，好味，用料新鮮，入面嘅蝦十分爽口，而且皮唔會話好厚同張住口；配埋辣油更加惹味！其他點心味道都相當唔錯，侍應服務亦可以。今餐除開每個人大約$129，(連埋請阿懿果份)。抵食！下次可以再嚟試過！…查看更多