alicechan94的個人專頁

呢間餐廳食物質素還可以，但最想講嘅係所有員工嘅服務態度都好差。餐廳本身比較細，枱亦都好細，而且座位狹窄，所以我地問店員會唔會有張凳比我地擺野，店員嘅回答係"無"，然後就完。然後我地叫左白酒汁青口，青口係附送薯條嘅，店員亦喺上菜時講話薯條係點青口嘅白酒汁食嘅，但當我地食完哂青口，仲食梗薯片嘅時候，店員多次想收走裝汁嘅碟，而我亦都多次表示想留低個汁。朋友其實預先同餐廳嗰邊講想order 寫happy birthday 嘅甜品，但係去到7:50分左右就有店員同我地講要交枱，完全冇提早話我地知，我地問可唔可以嗌埋甜品，然後都係好直接咁講"唔可以"，再指住另一枱已坐低左嘅客人講"其實佢地等梗你張枱"，但其實當時現場仍然有多張空枱。其實我地完全理解時間緊迫，同埋餐廳空間有限，但係所有店員對於我地嘅請求都用好無禮嘅回應，我地真係覺得呢次用餐體驗好差。…查看更多

諗住拿拿聲買份魚蛋燒賣當晚餐就趕下個行程去到依間舖出面見到得一個人等緊，諗住都好快買完點知入面有三個阿姐，得一個係做緊野(不過手腳極慢，食咗豬油膏）隔離個阿姐明係見到有人等都唔郁，齋企食花生慢慢開始等到有成十個人響後面排隊隔離企煎釀三寶個阿姐都係不為所動😤😤結果等咗好耐先落到單，再等咗好耐先拎得前後等咗十分鐘以上比著響旺角/灣仔買，1分鐘唔駛已經買完啦！都未講佢啲魚蛋燒賣幾難食如果唔係同區同類舖頭執哂，我諗佢都唔會咁多人買😒依間一定無下次！！…查看更多

響銅鑼灣附近食完個DINNER, 都只係8點幾, 朋友們提議襯天氣未係好凍要黎食冰呀!去到已經有條人龍, 舖頭內都幾細架! 攞位方式係響門口塊板自己寫名同人數, 到時有位職員就會出黎叫~等左大約20分鐘有位, 因為我地5個人先等得比較耐, 見其他人如果2個人都好快就入得!我地5個人食, 叫左3個冰, 分別係Earl Grey Milk Tea, Strawberry Special (w/panna cotta) & Avocado Milk!Strawberry首先黎左, 個賣相好靚, 食落個味好似HAAGEN DAZS雪糕隻味。唔係唔好味, 只係個味冇乜驚喜。之後黎左avocado, 第一啖食落去陣味有點怪, 好似有陣草青味, 但越食越好食, 牛油果迷一定會鐘意最後既earl grey milk tea真係最最最正呀! 茶味超香, 入面仲有d奶凍, 同個冰好夾!整體個刨冰都做得好細滑, 好容易入口, 讚!…查看更多

成日都係做運動做到夜晚十點幾呢啲時候先搵野食發現體育館對面仲有間未閂門嘅米線一向鐘情於米線嘅我又可以試多一間喇有套餐亦都有自選餸其實分開嗌同嗌餐係一樣嘅只係睇下餐嘅配搭啱唔啱你口味🤣我就喺餐到已經搵到啱我食嘅雞翼冬菇米線湯底方面有蕃茄 酸辣 同麻辣(呢個唔記得係咪有😅)我自己就揀左清湯 唔會太淡夜晚食嘅話就啱啱好 唔會太刺激👅朋友有叫到蕃茄湯底但係就話只係多左幾舊蕃茄喺碗米線冇乜蕃茄味雞翼同冬菇都好入味米線又唔會太'林'份量又啱啱好餐飲呢個水果茶我好鐘意因為有得飲之餘仲有得食🤓而且水果種類都多個茶底主要係百香果味但係清清地唔太甜好好飲🤤…查看更多

做完運動沖完涼已經十點幾但又想喺附近食少少野先番屋企就周圍睇下有咩揀原本想食宵夜餐 但係要等多幾個字侍應又話常餐都唔錯我地決定唔等直接嗌常餐lu常餐離不開都係多士奄列加個麵啦多士唔係淨係牛油 仲有蒜蓉味而且都幾鬆化又唔太乾 好味😋奄列中間用左腸仔而唔係火腿個人比較鐘意火腿不過腸仔蛋都一定係夾架啦🤣麵我就揀左炸餃子辛辣麵辛辣麵竟然唔洗加錢餃子有五隻比起平時嘅麵餐算多喇同埋皮唔會太硬 加埋個湯都幾好味朋友就叫左個雞翼烏冬不過唔記得影相雞翼係炸雞翼味道類似香芧雞翼 都幾惹味夜晚呢個時候諗唔到食咩有間茶餐廳食下常餐都係個唔錯嘅選擇😋😋…查看更多

去開荃灣知道有好多好野食最後幾間餐廳入面揀左呢間原因係比佢嘅卡通咖啡吸引左🤣當晚星期日都驚多人所以打左去訂位但去到都有幾張吉枱加上原來有樓上一層嘅我地四個人叫左四個晚餐再加個小食拼盤我叫左個蒜香白酒蜆肉意粉蒜味好夠而且都有好多蜆肉但係有少少乾如果份量可以多少少就好喇兩個朋友叫左香草鮮茄烤雞意粉不過不失雞肉都夠滑同埋好濃蕃茄味都係嫌份量少左啲啫另外個朋友就再叫左一個豬鞍架雖然係話慢煮兩小時但係都唔算好'林'同入味係靠面頭醬汁調味我地四個人share 個小食拼盤有雞翼 薯條 薯餅 咖哩角 春卷份量啱啱好雞翼幾出色夠juicy味道又唔錯飲品方面叫左熱情果紅茶 蘋果綠茶 伯爵奶茶同埋為左佢而黎嘅卡通朱古力初初以為淨係得咖啡但原來有朱古力咁我就揀左超可愛嘅小丸子飲品方便okay啦 因為我地嗌呢啲種類都唔會有咩驚喜😅總括黎講食物係中等但勝在環境唔錯可以比你坐低慢慢傾下計樓上仲有個帳幕可以影下相…查看更多

星期日的中午相約好友黎到因泰國菜而聞名既九龍城食LUNCH, 但今次係黎咖啡店。我地之前已經黎過, 都係鍾情佢個牛油果蛋多士多士比之前食有點退步, 包皮太韌。多士表面搽左厚厚既牛油果醬, 再響面放左花形既牛油果同太陽蛋, 好有心思。我覺得層牛油果醬令個多士整體生色不少近期興飲台式飲品, 奶蓋茶就少不免, 估唔到依間餐廳都有得飲呀!之前試過passion strawberry cover, 冇令我失望, 奶蓋味道濃厚, 整體好滿意呀!食物飲品都屬高質, 有wifi用, 地方闊落, 光猛舒適, 係假日消閒既好地方*唯一唔好處係夜晚太早閂門喇, 有時收工想食都趕唔切…查看更多

星期日早上去完跑步就黎到食個早餐!地方算大, 唔駛等位!叫左個生滾牛肉蕃茄米粉+炒蛋多士+凍檸茶!點知碗生滾牛肉蕃茄米粉黎到我發現有隻蚊滋仔浮響面, 我即刻叫人黎幫我換左佢, 樓面都幾有禮貌~個米粉唔係其他地方食個種硬身好似鐵線既米粉, 佢質地比較淋, 通透, 比起正常其他地方既米粉好食, 應該係新竹米粉黎, 非常推薦比大家茄湯就冇乜驚喜, 唔算濃。個凍檸茶就唔錯, 茶底幾夠濃 依個早餐埋單$35, 比我預期好喎~…查看更多

早一日訂左枱黎食生日飯, 不過就得返TATAMI既座位咋! 要除左鞋先可以入去坐(坦白講坐一個晚餐既時間其實都幾辛苦, 下次我寧願揀正常既位)(煙肉芝士奶油意大利麵 - 2人份) 侍應同我地講會好大兜, 叫我地4個人點2人份就ok。其實就唔算好大兜, 但咁樣都好, 我地可以試多d其他食物! 味道方面都幾滿意, 芝士味唔算濃, 但就好creamy, 好豐富既口感!(黑芝麻汁煙肉沙律) 用料新鮮, 份量都算多。(味噌茄子) 不過不失, 唔太特別。當前菜食住先係ok既!(牛油醬油燒白子) 我地見未食過白子, 就叫黎試下。原來白子係魚類既精巢,  有豐富蛋白質、維他命D, 日本人係當白子係女人美膚之寶架! 可能本身白子難入味, 食落好似冇乜味咁。(明太子雞蛋卷) 依個係必點呀, 一定要試! 明太子有少少辣, 配著濃濃蛋香, 好滿足! 但我覺得個蛋可以再厚D~(薑汁豬肉野菜+什錦海鮮膾) 野菜有D普通, 食唔到薑味!  什錦海鮮膾細細兜, 但都幾高質, 加埋隻溫泉蛋撈埋好好味!整體都幾抵食, 試左好多野每人都唔駛$200! 下次有機會會再黎試其他野呀(現場見到有D居港日本人都黎食呀!)…查看更多

一直都好想試由台灣綜藝節目主持納豆開設的台式飲品專門店，今日早放工又好好彩無咩人排隊（平時多人到見到都唔想排🙈)，所以就趁呢個大好機會試下佢個[啵爆黑糖厚鮮奶] 其實呢間除咗黑糖珍珠厚鮮奶出名，仲特別主打自選4色珍珠，包括白玉原味、抹茶、火龍果同芝麻，話全部都自家制同無人工色素。下次要試試佢講番個[啵爆黑糖厚鮮奶 $36]先個質地都算濃厚，帶微微焦糖香喺厚鮮奶上面。黑糖珍珠係新鮮整暖笠笠咁，尚算煙韌但偏林。不過整體既味道稍為甜咗小小，可能因為黑糖同厚鮮奶既比例未係最好。$36既呢杯飲品性價比不過不失啦…查看更多

近期旺中開多咗好多間小食店，除咗係少女買平衫嘅聖地，仲提供咗一個食野嘅平台。今次我就專程黎試下依間都有幾多好評嘅炸雞排！舖位近旺中同新之城嘅接口位，keep住都有人排隊，見到入面係即整雞排，等嘅時候會睇住佢炸前上粉落雞度，感覺好新鮮，唔似其他地方係炸定再翻炸！見到有位疑似老闆娘都親切推介比客人，好有禮貌！等咗大約十分鐘，就拎到我叫嘅拍手雞排！拎上手超熱呀，拎住食時都熨到手食落有驚喜，唔似其他炸雞排咁厚粉，食落好juicy, 食到啖啖肉size都好大塊！不過食到底有骨嘅位置就食得比較辛苦，始終係放響個紙袋度食，有點吃力！…查看更多

一位住荃灣既朋友介紹我黎依間餐廳, 話D野食好正, 就同佢黎試下啦~事前有個同事講依間西餐已經冇以前響舊舖咁正, 所以我都冇抱太大既期望。晚上七點半去到, 要等一陣先有位, 都幾多人幫襯啊!! 舖頭細細, 但turnover rate幾高門口有個餐牌可以睇定有咩食, 其實佢個FACEBOOK PAGE都有每日UPLOAD餐牌, 可以去食之前就諗定食乜架喇!好快老闆娘就安排到位比我地入去, 態度都好親切, 係注重街坊生意既感覺!我同朋友分別點左 杏仁龍利柳+黑松露煙肉蘑菇忌廉扁意粉 &  王子SUPER COMBO黎到我首先試左個蒜蓉包, 佢做到外脆內軟, 超香~ 仲可以同兜好好食既芝士醬一齊食!個黑松露炒蛋就比較油, 搞到成個碟都係油, 依點可以改善下呀!個沙律方面都幾特別, 有沙律菜, 木耳絲, 同幾片雪梨, 響依D差唔多入秋既天氣岩哂食佢啦! 好清新同潤呀整體好好食, 份量都幾足夠,  可能係因為有好多薯角既關係。之後既杏仁龍利柳+黑松露煙肉蘑菇忌廉扁意粉我就非常滿意喇!好有心思, 用杏仁包住舊魚, 味道唔會太咸, 好有口感, 好特別!個忌廉意粉都好正, 好CREAMY。如果再黎食都想ENCORE呀PS 朋友話次次餐飲都有唔同, 今次係百香果茶, 之前有柑桔檸檬等。MENU同餐飲都成日會轉, 成日去都唔怕悶啊…查看更多

今日同事帶咗我去試依間佢話唔錯嘅餐廳，話係食pasta嘅～中午十二點去到， 剛開舖。點餐時都陸續有人入座，都幾旺場喎！我地一行五人，每人點咗個pasta同飲品！首先黎到既係墨魚汁海鮮意粉 ($88), 份量比我想像中大兜! 味道方面比較咸, 但程度仲係可接受既!個魚都係偏咸!之後就係試大蝦闊條麵 ($78), 個名好簡單, 但食落有驚喜喎入面有好多蒜粒, 味道唔會太咸, 好香口呀!再黎既黑松露雜菌意粉 ($68), 一黎到就聞到超濃既黑松露味, 鐘意黑松露既話真係唔好錯過呀!味道恰到好處, 價錢都合理!跟住既蓄茄忌廉蟹肉寬條麵 ($88) 係我既最愛呀!! 廚師落既材料一d都唔孤寒, 有超多蟹肉響入面, 同d麵一齊食真係啖啖肉架!!平時唔多鐘意食蕃茄pasta既我都好滿意, 整體唔太酸!最後既欖油蜆肉意粉($78) 就比較失色喇, 可能前面幾個pasta太濃味, 所以食依個既時候只係聞到少少香草味, 食落好似太淡咁, 比較岩鐘意清淡既人!整體來說, 性價比都幾高, 下次有機會會再黎拜訪啊!  …查看更多

中午又黎到屯門搵食喇, 依間麵店我間唔中都會黎架!新興係做街坊生意, 環境比較破舊, 而且有點逼, 但碗牛肉米絕對值得我成日黎! 鮮灼牛肉米加魚皮餃 ($41)個牛肉係鮮灼, 同平時食既牛肉唔同, 有d坑紋, 質感特別 係我的最愛呀!平時我仲鐘意叫墨魚丸同牛丸, 牛丸唔算大粒, 但非常彈牙, 值得一試! 而墨魚丸就質感較淋, 但就大大粒。個湯底好鮮甜! 大大碗好抵食! 男士如果唔夠可以加底, 我見現場不少男士會再加魚皮同菜。依間麵舖中午12點先開, 但12:10入去已經冇乜位喇, 想食就可能要等下…查看更多

同朋友們8點幾食完飯就過黎食糖水喇!一去到已經見要排隊! 估唔到咁早都要排啊! 不過好快就入到去like 我叫左合桃露加湯圓 ($22+7), 另外四位朋友分別係叫薑汁湯圓, 薏米腐竹, 馬蹄西米露同杏仁露yummy 我平時都好多時食中式糖水既, 但我就覺得今次依碗合桃露實在太甜喇! 甜到唔係幾想食落去....但個湯圓係唔錯既, 係芝麻黎既, 細細粒易入口!  睇落個馬蹄西米露應該係最好食!如果怕太甜既話就要好好考慮叫乜野喇sick ps 服務好一般, 都係比人想你食完快d走既感覺~…查看更多