miwong25的個人專頁

貪近去過幾次,一直都覺得水準嘛嘛地，但係為了就腳，因為唔想我的八十歲媽媽行太遠。今天攝氏十度，上午十一點到達，已見滿座。女服務員見我們三人就叫我們上樓上，後來又話有人埋單，出門口等執檯。於是惟有同老媽又反出門口，吹左十分鐘風都唔見執檯，當時只有我們在等。接著有一位男士進來卻被立即安排坐位並奉茶。我就同女服務員話我地有三位，佢話'得啦，我知道!'終於唔使二分鐘就執完張檯，但又唔話我知入得去，又唔擺位都唔知佢想點！最後又係我地埋到檯邊話'我地三位'，剛坐下來，方發覺腳底踩著一塊骨頭!! 如果唔係帶住我媽媽，我一定走。隨便點了四款點心：金網香煎鍋貼，鮮蝦菜苗餃，原汁蜜味叉燒飽，布拉滑腸粉。上菜都好快，可是鍋貼很多油，墊在碟底張紙索滿油，我地仲要用紙巾索一次先入得口。菜苗餃一籠三隻，有一隻的皮卻穿了! （真後悔沒有拍照），另外兩款乏善可陳，逗留不足一小時，期間我們的檯面卻被女服務員放上鄰桌的茶壺，餐具....埋單連服務費＄92（初一到初七收加一服務費）! 以後帶媽媽行多兩步去一點心!…查看更多

在過去十多年幾乎每個月都會從香港島過佐敦一兩次,每次到會到這裏吃茶餐.還記得在自由行前的日子,他們的服務態度是敏捷而有禮的.不過,隨自由行的開展,隨著同胞們褒獎它的美味食物之後,他們的服務態度已變為催促加呼喝,真的與國內接軌:今天早上11點,如常在門口有一條龍在排隊之餘,在狹小的餐室內又已有不下十人之前被侍應點了入來散落在各張後站著等.到得坐下來,雖然有餐牌,你只可從快餐,早餐,或燉蛋中選擇,因為D侍應企埋來5秒你唔ORDER的話,佢就會走開,而佢地個格又超爛仔.好似坐在我隔離個個姐姐仔咁,可能驚左佢,可能佢明明想嗌快餐,點知指錯左早餐(因為早餐多碟火腿通粉),當碟通粉來了,姐姐仔就話'我無叫通粉喎!',個個超爛仔格侍應登時雙眼反白,跟住話'係你指住檯面呢個餐啊姐!呢個係早餐啊姐!你係咪指住呢度先?!''但見姐姐仔都費事同佢嘈,已經開始食啦,個個超爛仔格侍應仲得勢不饒人地話'唔知唔好亂指丫啊姐!'餐室的另一方,另一個超爛仔格侍應就呼叫一位帶著兩個小孩,貌似自由行的婦人埋位,當她無反應之時,超爛仔格侍應#2就大喝:喂!啊姐!我叫你呀!係咪三個呀?過去個度啦!雖然它的炒蛋&麵包是我食過最好的,如此而已.劉德華個句:今時今日咁既服務態度....但係佢地又超多客唔憂做,唔通人真係犯賤既??…查看更多

第一次幫襯時是煙槍餐\\\廳，印象不大好，無煙食肆條例生效後才多去光顧下午茶，最愛吞那魚治跟熱奶茶，還有籠仔蝦乾雞粒飯!幾個老伙記招呼超好，業主要收舖，不免惆悵!今天再去下午茶，順便買個胡椒豬肚湯飯做晚餐\\\，發覺在收銀處及門口有喬遷通告，新店將會在附近的水星街，希望他們能保持水準(食物及服務)!因為在該條街，現在已有五間茶餐\\\廳及一間麵包店，競爭好大!…查看更多

2007年2月26日下午3點30分，正值下午茶時間，路經該店，滿以為水準與灣仔店一樣，偌大的餐廳，只有小貓三四，差不多伙記還多過顧客，隨便在大堂中央坐下，五分鐘有多過去，重未見有人來招呼(例如奉上清茶並問食D乜)，回頭一望，卻見侍應們圍在一起好似脆麻花般翹手翹腳在水吧講笑，偶然有一個侍應行過又扮時運高睇唔到，直到我好似發問咁高舉隻手先有個人埋來，叫了蛋撻及熱咖啡，即時來了一個已涼了半截的蛋撻(這是下午茶時間)，再等了五分鐘，咖啡還未到，催了一次，發覺原來無落單，又等了五分鐘，咖啡還未到，回頭望下水吧，有一杯熱飲孤單地站在水吧上，再催一次，那杯孤單的熱飲就被帶到我面前，已變成暖咖啡，埋單盛惠$18(暖咖啡$13，涼蛋撻$5)，早知幫襯隔離大家樂!這是我第一次去中環檀島，亦是最後一次!…查看更多