yan0920的個人專頁

佐敦特色小店，座位不多，但環境幾有特色，都幾舒服。當日係平日下午2點左右，但都全店滿座，要等一陣，咁熱嘅天氣，好彩店員安排我係近門口坐係到等，睇下menu，好貼心卡邦尼意大利粉，好味道，意粉軟硬適中。蝶豆花椰香咖啡有齊我最鍾意嘅元素，加入蝶豆花嘅藍色，好夢幻黯然銷魂飯堡，本來係因為想試呢個所以揀呢間餐廳。可能有期望，所以對呢個有少少失望。首先講係面嘅飯，外層香脆但就顯得入面d飯好乾，荷包蛋，菜芯同叉燒都好食，尤其係塊叉燒。但係我覺得最大嘅問題係呢個飯堡嘅汁，諗住拎起成個好似漢堡包咁食，但一拎起未開始食，d豉油就係紙嘅尾端流晒出嚟，好狼狽，最後係要拆散黎食，可能改用好似醬油膏/黑醬油比較杰身嘅會好d。整體黎講係唔錯嘅，雖然小貴，但小店係值得支持！…查看更多

經openrice即日book位，仲要有折扣，十分方便。第一次到呢間酒店食自助餐，環境唔錯，好舒適。折扣後價格合理，雖然款式不算多，但食物質素唔錯。成晚最滿意，食得最多係龍蝦🦞廚師會即煮，人多可能要等下一轉。無任何調味，就咁烚熟嘅龍蝦，食到龍蝦嘅鮮甜彈牙，好滿足！好似係油甘魚我都唔太確定，每晚會有大概兩次到，原條即場劏，平時我都唔太會食呢類刺身，見好似幾新鮮就試下，都真係唔錯。即焗榴連撻，新鮮熱辣，唔錯。雖然無影太多相，但整體黎講呢間我係會再黎（淨係食龍蝦都抵啦）…查看更多

6月新開見周圍都有宣傳，已經想試，但次次經過都大排長龍，前幾日平日見啱啱過左中段休息時間，仲未有人排隊，明明未係好肚餓，都要入去試一試老公叫左呢個香港限定‘軟殻蟹丼’都唔平，要$158一送上黎畫面係幾震撼，但係軟殻蟹唔夠脆，有d淋，反而茄子同溫泉蛋最好食。另外我叫左‘天吉雙品’$108，又係有d失望，首先講個冷烏冬，麵質好好，但個冷麵汁原全無味，完全破壞晒整個冷烏冬至於個飯，虎蝦都唔錯但都係唔夠脆，偏淋。我都係覺得最好食係茄子同溫泉蛋。整個飯食落會覺得比較油膩。整體黎講一般，無想像中咁好食。…查看更多

五點幾收工就早少少食個飯再返屋企，呢幾日天氣實在太熱🥵，經過朗豪坊就俾強勁嘅冷氣吸引入去，見到呢間裝修好舒服，有少少文青風，新開嘅台灣麵店就入去試下。🤩一入去就聽到店員用國語同你打招呼！🤗之後就會見到牆上呢隻好顯眼嘅牛🐮我見到中間大枱枱面有多個無線電話叉電器🔋，我緊係唔執輸一路食一路叉電，好方便！我叫左個‘人氣精燉。牛三寶。關廟麵’，因為本身豆腐同鴨血係跟麻辣湯底，所以就同碗麵分開另上，首先講碗麵，精燉湯底唔錯，有牛嘅香味亦有清甜味，牛三寶有三個唔同嘅部位，口感同味道都唔同。牛脥肉比較特別，之前係未食過嘅，口感比較爽口彈牙。麵底唔錯，唔會好快變淋。豆腐及鴨血都入味，但麻辣就未必所有人食到。仲叫左個炸花枝丸，但唔記得影相，呢個花枝丸好食喎，炸到香口，咬落仲食到一粒粒嘅花枝。飲品方面，叫左杯有文青風嘅‘芋見鮮奶茶’，原本想叫好似好好食嘅流心麻糬芋泥手抓餅，但得一個人食唔到咁多，唯有下次再試，所有就叫左杯有芋泥嘅鮮奶茶。原本想叫少甜，但店員話呢杯甜度定左，另外店員同我講佢地嘅飲品甜度比出面嘅偏向無咁甜，咁我就信佢啦。呢茶鮮奶茶嘅茶味係比較香濃。又真係唔係好甜，加埋本身有甜度嘅芋泥就啱啱好呢間新開嘅餐廳環境唔錯，坐得幾舒服，味道唔錯，係朗豪坊黎講價錢算適中，下次會再黎試下其他食品…查看更多

7:05pm 咁啱經過，見入面有好多位，只有兩枱客，一枱仲只有一位，無book位情況下入去，員工A同員工B講無book位喎，員工B就話7:45pm要交枱，即係得40分鐘，諗埋食乜，再等你整好上枱，應該無30分鐘用餐，仲要你地呢間係居酒屋，唔係叫碗麵食完就走，如果叫串燒。。咁我有幾分鐘可以食呀。你得40分鐘俾我，不如同我講full booking 好過啦。真係第一次見有餐廳俾客人嘅用餐時間少過60分鐘。…查看更多

首先就是門口排隊位置十分大風，今日仲要有微雨，吹到頭痛。建議拎飛排隊會好d.之前經過幾次都被門口好搶眼嘅招牌吸引,但試完覺得失望！叫左兩個小食，餃子及炸雞，餃子味道普通，反而炸雞唔錯，好juice.麵食反而比炸物更遲先到，等左將近20分鐘先到。一個沾麵及辛辣湯麵，先講辛辣湯麵，湯底只有辣，好油無味，唔咸唔香。但個沾麵湯底就超級咸同好油，舊叉燒都係勁肥，食左唔夠一半已經放棄，要勁飲多水。呢間應該唔會再試。…查看更多

餐廳得我們一枱客人，真係伏呀！訂枱講明食鐵板燒，但去到唔係安排鐵板燒枱，要問先話可以安排。叫左兩個鐵板燒一人前，之後又話刺身無海膽，失望。炒飯太乾。其他嘢食尚可接受。要了薄燒牛肉，得兩舊切開嘅4粒，會唔會太少。員工不停大聲傾計，十分影響。最唔滿意一點，麻煩企係刺身櫃果位師傅？唔係唔俾你病，但麻煩你帶返口罩，你每隔一分鐘就咳一咳，我成餐飯都俾你影響。嘢食唔難食，一般。但一個人都要$598加一，咁嘅價錢，服務環境就真係唔可以接受。…查看更多

成日都去新城市廣場開餐，上次見到仲係圍板，今日去見開左就試下啦。5:00左右都唔洗等位，一入就咁啱見到老闆娘，我都好鍾意聽佢唱歌㗎。叫左個‘三星麵’落單話要麻辣，但侍應落左紅燒。個麵都唔錯，但就嫌貴左少少，麵質係我鍾意嘅，有少少似上海麵果種，但最鍾意係枱面可自由加嘅酸菜。仲叫左一個‘魯肉飯’，隻蛋賣相麻麻，魯肉同飯嘅口感係無問題，敗筆在個魯肉同汁係無味嘅，又唔夠香，加左酸菜食都叫有d味，入到口🤦🏼‍♀️鹽酥雞都算唔錯，都幾乾身，唔油。珍珠奶茶都係普普通通。總括黎講唔太差，但唔算好食。…查看更多

選擇呢間餐廳，完全係因為俾個名吸引左。入到去環境走文青清新路線，好舒服！叫左一個小‘牆城小食拼盤’🍟🍗都幾豐富，但薯條有少少唔夠脆。之後叫左‘牛油果蟹肉忌廉扁意粉’，‘黑松露野菌意大利飯’兩個都唔錯，但蟹肉意粉會比較抵食。再加一個甜品‘櫻花樹下的忽法奇想’好得意嘅名，其實係棉花糖加Brownie。Brownie唔太甜，非常好👍🏻總括嚟講食物唔錯，但價錢偏貴，仲有暫時只接受現金，比較唔方便。…查看更多

之前已經去過旺角及荃灣分店，今次同朋友到屯門新店試下，呢間同之前分店裝修同餐牌都有少少唔同，但都一樣咁靚，好適合同幾個朋友食下嘢影下相😍今次叫左幾款食物同飲品，我最鍾意係南瓜🎃意大利飯，慢煮三文魚🐟同Yellow Bus🚌 芝士同南瓜真係好夾，成個飯好香濃好味道😋平時好驚煮熟嘅三文魚好腥，但呢個三文魚真係喜出望外，一d都唔腥，好滑好好食👍🏻至於Yellow Bus 係菠蘿🍍+椰子🥥perfect match 冰涼好飲好夏天呀☀️Pizza都幾香脆，但如果可以多兩塊就更好。意粉幾creamy 唔錯，Girl’s 分享盤入面有幾款小食，亦有幾款shake shake 粉可以選擇，加落雙色薯條🍟味道唔錯。仲叫左幾杯又靚又可以呃like嘅飲品😂Unicorn Dream 🦄 (波子汽水巨峰提子smoothie 🥤🍇)Yellow Bus 🚌 (菠蘿椰子smoothie 🍍🥥)Teddy Bear 🐻 (朱古力曲奇smoothie🍫🍪)Paradise LUPICIA TEA (熱帶水果樂園茶🍊🍍）新開黎講服務都算唔錯，坐得幾舒服。餐廳除左堂食，亦有外賣飲品及外賣軟雪糕🍦下次要試下日本NISSEI嘅牛奶軟雪糕🍦，好似好好食😋…查看更多

經過見到新開，就入去試下。星期日下午5點幾，唔洗等位，只有兩枱客。原本想試漢堡包，但夜d去食飯就叫左炸魚薯條同BBQ 雞翼，仲有兩杯飲品，食左$140，價錢ok.首先BBQ雞翼黎到味道ok,$30有4隻亦算抵食，之後炸魚薯條黎到，但對呢個炸魚薯條真係好失望，薯條普通唔算好食，點知個炸魚仲唔好食，個炸魚好油，一拎起條炸魚仲要炸皮痴住左張紙😤，魚肉好腥，第一次食到咁唔好食嘅炸魚薯條。雖然$60唔算太貴，但唔會再試。…查看更多