Ivan Dor的個人專頁

Farewell lunch for my buddy~ 人少少揀間靚靚仔仔嘅餐廳～中環返工，過海去iSquare幾乎係指定動作，貪呢度啲餐廳性價比高，又唔多人想嚟呢間情調一流嘅餐廳好耐，但估唔到第一次嚟竟然唔係同老婆xDisquare餐廳有無敵海景幾乎係指定動作，配搭白色餐枱布，成個餐廳夠晒開揚，不過夜景應該仲正餐牌價位中上，無牛不歡嘅人見到呢個Menu其實都唔使點諗強烈推薦呢個Panzanella Salad，賣相算唔錯，酸酸甜甜咁，味道清新，而且每樣材料都好新鮮爽脆，非常開胃主角登場.....Order左Medium嘅扒，無呃你，真係煎到粉紅色。好彩食到塊肥瘦均勻嘅「叉燒」，肉質夠晒嫩，juicy！調味方面都叫做啱啱好（不過buddy就話佢果塊重手咗）hard sell講句，塊扒真係無死角，$238真係俾返啲質素你。最後來個是日brownie，做個完美句號。滿足！…查看更多

同事約食lunch，去到先知原來係一間miffy主題嘅點心舖頭，呢種crossover真係第一次見。傾開先知呢間舖頭會不定期轉變餐廳主題（例如幾個月前仲做緊蠟筆小新），舖面裝飾、食物、飲品、贈品等等全部都會跟主題變，認真有心思。食物方面，大部份點心都會用「印水紙」將miffy圖案印落食物上面，或者加上得意眼珠做裝飾。蒸煮點心，例如蝦餃、腸粉、燒賣，同酒樓比較嘅話屬於中上質素，無驚喜但叫做唔會得個樣。兩份炸點相對較為出色，尖椒味融入到煎釀嘅材料入面，唔會椒還椒，料還料；炸蝦做到婚宴蟹鉗嘅質素，性價比高。同事們另外試左椰皇、椰汁糕，椰皇唔差嘅，不過棷汁糕唔夠結實，影響左個口感，加上miffy圖案有瑕疵，叫做有少少美中不足。食到捧住個肚走，每人都係170蚊，喺中環飲茶嚟講叫做公價，但係話晒叫做有卡通人物主題，都無markup太多，絕對可以返啅。其他食物：…查看更多

放假遠征去愉景新城，放完阿B嘅電，就行左入附近間西餐廳食tea。款式同一般西餐大同小異，比較surprise係tea set都有扒据 不過最後都係叫左質素比較穩陣嘅burger、all day breakfastall day breakfast不過不失，由於要同bb share炒蛋，所以叫左全熟，不過廚房都炒到啱啱好，唔會好鞋好實。煙肉略嫌煎得唔夠焦脆，有啲油膩。beef burger牛味夠，略欠肉汁，薯條半淋半脆，配菜沙律唔錯，中和返其他油膩食物。跟餐有得揀接骨木玫瑰花冰茶，特別得嚟味道唔差，對於凍飲控嚟講，係凍檸茶以外一個唔錯嘅選擇。餐廳位處商場角落，反而突出到佢裝修成酒吧嘅設計，食晚餐+飲嘢個feel應該幾正…查看更多

某日喺fb見到呢間buffet嘅感覺，完全俾佢嘅主打嘅蒸龍蝦征服咗，於是嗱嗱臨book左枱試下。一嚟即刻去左龍蝦個counter，阿姐話每人每次只可以攞半隻，不過可以再排隊攞過。雖然係即蒸，但係目測每次都蒸10-15隻（即係20-30邊），每次蒸10分鐘，所以實際上都唔使等好耐。由於係新鮮即蒸，所以啲龍蝦隻隻都好爽好多汁。餐廳仲有芝士醬，同埋好多款唔同嘅醬汁俾你揀。當然，唔點任何嘢，啲龍蝦都已經好鮮味。除左龍蝦，其他嘅熱盤其實唔算多：周末限定嘅澳洲燒烤，除左有常見嘅豬牛羊雞，仲有袋鼠同鱷魚肉，味道都唔錯；鍾意清清哋，燉湯同中式麵都係唔錯嘅選擇；另外仲有炒飯、牛扒等等正路嘢。冷盤方面比較推介佢哋嘅刺身，款式多之餘亦都好新鮮，如果唔係食龍蝦食濟咗，應該會chur多幾轉刺身。甜品有H記雪糕作招徠，但係個人比較鍾意佢個豆花，配埋薑汁糖漿，正！順帶一提，自助餐除左包一杯咖啡/茶，仲有得無限添飲百事、七喜、橙汁（果汁先生），啱晒我呢啲嘢飲控。環境唔錯，地方寛落又好坐，無論一家大細、二人世界、gathering都得註：因為有折，每人都係食左550（連加一），不過可以話有350都係喺龍蝦果度，其他嘢食都只係算一般。咁當然，550任食龍蝦都算超值啦…查看更多