sonymui的個人專頁

優質裝修,水泥黑金屬感裝修，優雅之餘又有型。優質食物、menu 唔多但都係啲famous menu,我個Burger 個薯條係我鍾意果隻。🪱優質staff🤣(女仕會開心啲，因為全型男)就連身為男人既我都話正，全男班、三個年齡層20、30、40都有，最緊要係有禮貌。今日食左個lunch,cafe ok、個burger好得，熟咗啲但都爆汁、個bagel就好唔掂，個牛油果醬好難食。同帶子唔係咁Match!不過整體係高分既。可以再嚟，推介女仕幫襯🤣…查看更多

原本以為元朗無好食既韓式炸雞，Yoho果間奶奶太難食，千色一般。但交通廣場一條無人行既後行，無啦啦有間韓式炸雞，佢咩都唔做剩做炸雞，我覺得咁先好，我食過好多Menu 好似報紙咁選擇多到不得了，但無樣好食，我發現Menu 小既通常味道都好出色。做好一樣野好過你幾十款野食但無樣好。老闆好似係個唔識中文既韓國女人，menu得6款雞同炸薯條炸芝士既小食好簡單，門口好細仲要係後行，好鬼死難搵只造外賣但包裝同味道唔差，除咗芝士味外其他都好好食，洋蔥乳酪味係我最愛…查看更多

元朗都有土耳其美食，最近元朗開左好多好靚既外國風情餐廳，尼泊爾、中東、土耳其啊咁，搞到我成日四出覓食。元朗廣場附近突然有間土耳其菜，果然即走人去試，叫左個羊肉二人餐三個人食絶對足夠，加一三杯野飲先400多。服務一般，可能新啲staff生疏但可以體諒既，老闆坐喺門口好好禮貌，又似好大方咁細細間鋪六個樓面有service charge,但食物質素算高，羊肉set，味道正宗份量多，kebab 同個羊蹄最正，望到隔離枱叫咖哩好似唔錯。平日有午餐未試過但價錢公道50蚊左右。係大馬路陽光充足，鋪面用全落地玻璃，晏就去可能會有啲熱。裝修都不失土耳其風情。絶對可以n call既餐廳…查看更多

食咗個丰富早餐，裝修唔錯但堂膠鏈影響晒顏值，牛角包脆卜卜就知用焗爐唔係微波爐！加分。炒蛋都唔錯，唔係牛奶炒蛋，依樣好緊要，好多人唔識整以為就咁加奶就滑，搞到隻蛋充滿奶味好難食。沙律個汁用日式麻醬好難食好醒。刀叉靚但好難用。咖啡好難飲。成場除左個姨姨好禮貌啲其他就黑口黑面，我早左小小既10點左右入去問聲開左門未，咖啡機果個人回我一句掃安心出行先啦！我知食飯唔一定得到服務，但都唔洗咁啊！總結係間可一不可再既打卡café…查看更多

知道元朗開分店即刻拉個朋友一齊去試，去到元朗果間點知慘遇*伏*地魔，落錯我張單三次算，隔離個小朋友張單又錯，係咪仲未訓醒😂不過我係唔鐘意寫紙落單既，因為錯既機會大，staff 又無機會confirm先入機，staff 同客人無咩communicating個場好冷冰。野食就大失所望，有睇開我食評都知我一係讚到上天，一係踩到落地獄，我個咀腌尖無辦法。首先湯麵無湯。蕃茄濃湯唔濃變左做羅宋湯。酸辣小食聽講唔錯點知停產。熱飲隻杯好樣衰，叫左個檸檬雪梨茶睇到都唔想飲。碎牛肉麵竟然用下欄牛肉好肥好羶(下欄意思係唔要揼落垃圾桶既部分)。唔浪費係好事，但依樣野係唔係比人食架，點可以拎出嚟Service比人加。😡雞批菇唔切片咬到牙較好軟。牛舌用錯切法好難咬。不過上海麵質唔錯煮到岩岩好。凍飲個樽幾靚有創意既。今日同埋個朋友每人都食剩半碗，牛舌食左兩舊就賣單走人。作一個識食既食客就。。。。。睇唔出排隊既原因。希望你用返啲心機，我會再嚟試你有無改進，如果無就拜拜啦。…查看更多

約年幾前女朋友肚餓要我買野食比佢，之後我發現又新街唔知幾時有間海南雞飯，所以試下。。佢附近都有間既但好難食，所以試左佢。返到屋企以經即刻食，但已經凍曬。講緊只係5分鐘既事。心念唔緊要啦，我兩食兩啖飯幾舊雞就放底筷子，出左去食蒲田。價錢平我唔應該太腌尖既，但難食到有小小過份。不過聽講其他分店好食啲既。今日念住咁耐啦，一定有人投訴難食既，廚應該有改進。但點知一樣。唔好因爲價錢平而疏忽烹調方式，因家族生意問題，我係對雞有要求既人，煮雞煮好食啲唔會對成本太大影響。1:知你一定用冰鮮雞架啦！雞一定要自然解凍，啤水解凍會破壞雞肉肉身。煮唔好太耐，火要文武火，如果你用既係煮好既雞反熱唔好煮太耐，你一係凍上，如果唔係反煮既雞肉質會完全破壞，唔識食既人以為你雞滑，我就係食到你既雞肉梅左。2:雞油飯雞油係生米果陣先用嚟輕炒生米落既，煮好既飯先落雞油就得個油字而唔香，同你啲飯太花，水既比例要調教下，海南雞飯應該係乾而香，肉質應該有咬口而滑。希望下次食會有改進🙏🏼…查看更多

朋友知我鐘意食辣，就帶我離尖沙咀依間火鍋，個初時知係任食時，已經冇抱有好大希望，但點知埋單果陣忍唔住比多幾十蚊tips。睇menu 時每款鍋底都好吸引，好想試曬佢。我總共去左兩次，第一次麻辣雞第二次麻辣紅燒牛，兩隻味道濃厚不浰，特別係牛肉入味好好食。佢第一round 配料無得任食二選一的，但豐富到否得了，我兩次都選擇左墨丸牛丸果個，配料中既黃金魚片不得了。肉就選擇左牛，而牛肉都係靚位。因為細食，任食果啲無點試過酒水勁喎，38任飲，啤酒唔係曳啤酒，cocktail mocktail 都唔差。服務又好。人頭300蚊搞店，咁既價錢高質食材同服務我念佢好快變火鍋公敵。…查看更多

香港地日本菜開到成行成市，特別銅鑼灣係高級日本菜集中地。可惜太多相反變得普通，幾好既食材都變得精彩不在。但依間新開既日本菜除左必有既夢幻食材外，佢仲破舊立新，お任せ(omakase)除左壽司刺身外，連日式火鍋既お任せ都有，張日式火鍋精彩地展現給客人。除此之外師父們竟仲可以整出一些地道日本菜，地道到日本都未必食到既家鄉菜,因為我自己都係日本生活一段好長時間，當回味到依種味到時好感動。所以叫omakase 時不防問下師父有咩地方料理介紹。真係可以再黎既驚喜日本菜。…查看更多

今次去高空發展，咁岩做gym 係加州大厦，所以決定加州大厦入面求其選擇一間，點指兵點中依間餐廳。入到餐廳我念大部人都會比佢既裝修吸引，簡單但有氣派。我好鐘意。服務唔錯，侍應完全無待慢過。上菜速度快而準，唔會因爲係lunch而亂咁上菜，睇得出待應同廚房溝通得好好，食完第一道菜先叫廚房準第二道，保證到食物溫度。我覺得一間餐廳好唔好食好睇佢可唔可以做到一個好既lunch，而依間佢就做到！我原本唔太鍾意意大利菜，因為全部意粉薄餅蕃茄，調味又要小，覺得好悶。但依間有啲唔同。我係佢份set lunch menu 選擇左蕃茄湯同sea bass ，個湯濃而不酸，香濃蕃茄味帶小小香草味，湯面加上九層塔增加不小風味！Sea bass 炸得岩岩好，外脆內軟。。加上酸菜食到停唔到口！依間餐廳可以經常黎！…查看更多

依間燒味餐廳有啲過份，因為味道真係一般！如果要我再幫襯都幾難58蚊下午茶。。叫左個叉燒燒肉飯。以為貴會好食啲，點知中伏叉燒乾爭爭，瘦位好硬好乾，肥位多筋咬唔到。叉燒無叉燒味。食左3舊，一舊仲要吐反出離。燒肉比左腩位我，以位執到寶。點知太咸入唔到口，唔想浪費但真係放唔到入口，食左兩舊就停手，全部食左小半碗同青菜就賣單走左去隔離食南記。。。總結離講，老闆張鋪面裝修得幾靚其既人，可惜對食物既要求好底，食物品質差唔改善，連杯檸茶都可以無茶味既，希望佢會改正。…查看更多

蔡生開既點都要試，排隊既明，忙既明！但唔好以食家名就做亂咁做至得架！因為條隊長，所以一次過叫左好多野，念住有排都唔離食，點知咁做係絶對正確！自制河粉彈性高，好食。但任加有啲多餘。因為一碗粉已經飽。點左個椰青！佢只吉個窿比我算，但我想食入面啲肉。越式法包三文治，我唔知自己食左咩。點左個$128蚊既湯河，有齊全部牛，staff 都解答到邊樣打邊樣，但味道一般，牙菜有啲變黑添。牛腩仲要薄片上，我只能讚師父刀工好。咁薄既牛腩都切到。環境其實一般，枱櫈坐得好唔舒服，餐具底級唔靚，匙羹太重，staff 態度ok，但個supervisor就。。。有點影衰蔡生個名。…查看更多

老闆話請我食好野，點知好成咁！Menu 勁誇，係一塊銅色鋼板，餐具勁靚，裝修只能用豪華形容。雖然只係lunch,已經大滿足餐湯係碗螺頭花膠湯，好難唔好飲。主菜全部碟頭飯。但全部靚材料整既！西班牙黑毛豬焗豬扒飯，肉嫩油小口感好，炒飯乾濕度岩岩好。花膠撈飯，冰島花膠香而不浰，花膠炆得岩岩好，飯唔會大濕。暗然銷魂飯，宮崎快樂豬厚切叉燒(有啲誇張)😂。。但肉感不得了。加上濃厚煎蛋，會令人想叫多碗。下次黎食晚飯至得。…查看更多

平時喜歡堂食多過外賣，但早兩日做野無法唔叫外賣，念唔到食咩之際，就選擇左翠華，因為太耐無食，返離香港咁耐都無特登去食過一次！之前都係幾次飲完野食左個魚蛋粉。。魚蛋粉個湯ok既，無咩投訴！個外賣我係中環蘭桂坊果間叫左個咖哩牛腩飯，佢哋賣廣告味道50年不變係真既，咖哩汁都仲好食，但牛腩就。。。。。shit散秀秀，無舊完整無部肉絲，有啲炆到霉囇，牛根軟到啫喱咁，啊！薯仔相反無事佢咁好野既！78蚊個飯比個咁既野我，家下食你個飯定食你個名先！最嬲係尋晚OT到今朝，附近咩都未開門又肚餓，無得選擇既情況下又食個中環。叫左個特色早餐，味道係難食囉！OT左成晚個人火火地架啦！食個咁難食既早餐真係果刻想死！個湯水咁完全無味得個麵味，個麵脹到口感好嘔心，抄蛋ok。。但加菠菜既話，菠菜再切碎啲好啲，豬仔包好難唔好食既！總之佢一日唔執返緊啲品質，好難再去食…查看更多

早排天氣涼涼地，想食下粉麵暖下身啦！九記又多人又貴同無以前咁好食，所以我決定去遠啲搵食。行到皇后大道西行到唔行想行，咁岩見到依間野，所以入左去試下。入到去門口入面裝修殘到不得了，又亂！仲要得個阿叔係度，不過滿曬人又勁多人等外賣。阿叔勁啊！一個人做曬，收碗收錢落單煮麵。所以等左好耐阿叔先問我食咩。原本我想走架，間野咁核突又得一個人做曬要等好耐，但好彩我無走炸。本人食肉系男生痛既，所以念都無念叫個筋腩米。碗野一到見到清湯腩喎，應該好食極有限，點知食落去又軟又滑，湯又香又濃，牛筋炆得岩岩好，但最好食唔係肉質，係香味。咬落去散發出好香既花椒八角味，令牛腩味道升層次。價錢仲要只係30蚊，心念依間野一定會再幫襯。好耐無食過咁好食既牛腩，好滿足。…查看更多

收工念住食小小返屋企，天氣凍食啲暖野啦！去左附近依間野，出面寫到咖哩幾出名啊咁，所以試下Menus好多選擇，花多眼亂。。最後食個腩河咖哩算，點知要50蚊，咁心念應該好好食。落單叫極無人理我，見啲阿姐好忙周圍走，但成場無咩客架喎，唔知佢忙咩。落完單無耐個阿姐擺底個牛腩飯即刻高速走去收銀坐底禁電話，令一個同廚房傾計，我叫極無人理我。同住碟飯五分鐘係度念食唔食，五分鐘後終於有人發現我舉手大叫。換返碗粉後試食啦！覺得味道太普通，薯仔太多，牛腩太散咖哩味重但味道太淡，唔會再離食囉…查看更多