jadelauu的個人專頁

尖沙咀周圍都係韓國嘢食 🇰🇷，今次就同friend試咗呢間幾出名嘅「Outdark」。餐廳入面燈光暗暗地 💡，幾有feel 😎，幾啱傾偈 🗣️。我哋先叫咗個韓式牛肉飯卷($98) 打下底 🍙。飯卷包得幾實淨，餡料有牛肉、青瓜絲、紅蘿蔔絲嗰啲 🥕，食落麻油味幾香，飯粒都夠軟糯，正正常常啦 👌。跟住個泡菜煎餅($128) 有surprise 😮，超好食！👍 佢個邊煎到好香口好脆 ✨，中間又夠煙韌。泡菜嘅酸辣味好足 🌶️，最特別係佢入面加咗金菇一齊煎 🍄，咬落除咗煙韌，仲多咗份爽脆嘅感覺，個口感幾得意 😋。主菜我哋叫咗個韓式燉牛小排餐($338)，呢個一上枱真係嚇親 😱，份量超大份。啲牛小排炆到好腍 🐮，切好哂一片片方便你夾 👍，而且好入味。個醬汁係甜甜鹹鹹嘅韓式醬油味，用嚟撈飯食一流 🍚。除咗牛肉，個鍋入面仲有好多配料，好似粉絲、芽菜、韮菜、娃娃菜同菇菌等等 🥬，全部索晒啲汁，好豐富。😂見到其他枱都有叫韓式cocktails 🍹，賣相都幾唔錯！下次有機會會試下佢地嘅燒酒加炸雞！🍻🍗🤩…查看更多

喺鰂魚涌呢啲商業區想食餐家常便飯 🏢，特別係飲啖靚湯 🥣，真係唔容易 🙏。呢間「燉湯奶奶」就主打燉湯同蒸飯，感覺好有屋企feel！🏡同同事叫左咸蛋蒸肉餅飯、土魷蒸肉餅飯、黃酒雞飯同蟲草花紅棗蒸雞飯 🍚，燉湯方面就叫左黑蒜蟲草花螺片湯、羊肚菌響螺燉竹絲雞湯、姬松茸螺片淮山燉竹絲雞湯、日月魚合掌瓜螺片燉竹絲雞湯 🍲。每一款湯都超級足料，而且湯頭好清澈，非常鮮甜！👍 我地最鐘意日月魚合掌瓜螺片燉竹絲雞湯 ❤️。合掌瓜嘅清甜味完全滲晒出嚟，令到成個湯好清新解渴。日月魚就負責提鮮，令到湯嘅甜味更有層次。呢款湯冇前幾款咁濃味，但勝在夠清潤，好適合夏天或者覺得好熱氣嗰陣飲 😌。飯方面都唔錯，肉餅肥瘦比例啱啱好，食落幾 juicy 唔會乾，送飯一流！😋個人比較喜歡蟲草花紅棗蒸雞飯 🙋‍♀️，比較家常同健康嘅選擇 🌱。雞件同樣蒸得好滑 🐔，食落有紅棗嘅天然甜味同蟲草花嘅清香，味道清清地，簡簡單-單，但就係嗰種好舒服嘅住家飯味道 🥰。相比下黃酒雞飯就比較甜，我自己麻麻地 😅 但同事就好鐘意！😂$65有湯又有飯其實真係冇得輸！💯 下次再試其他飯同燉湯先！🏃‍♀️…查看更多

好耐冇食牛摩 🍲，見最近多左個卜卜蜆鍋就俾佢吸引左！再配個特選牛肉放題 🥩。個鍋一上枱，入面已經鋪滿晒-同蒜蓉🧄，啲蜆一早就熟左，等熱番就可以食。第一 round嘅蜆都好多，有成碗滿嘅 😋，如果唔夠嘅話可以再加 🙌。蜆肉都幾大隻同鮮甜，任食黎講唔錯！肉類方面，個set有幾款牛同豬 🐮🐷。牛肉眼相對比較瘦身，肉味幾濃郁，淥耐少少都唔會韌，食落有咬口 💪。而牛肩胛就多啲油花，食落好軟滑，牛油味重啲，輕輕淥幾下就食得，好香口 🤤。阿古豚梅肉有surprise! 😮 豬肉肥瘦分明，肉質幾爽彈，冇乜豬臊味，食落好甘香，油脂豐富，但唔會過分油膩！全晚嘅MVP一定係手機落單嘅小食，特別係炸物！🏆 全部都熱辣辣即叫即整 🔥，個人最鐘意係雞皮餃子 🥟，外層塊雞皮炸到勁香脆，但又唔會乾爭爭，入面嘅餃子餡仲好juicy，一啖咬落去，脆、軟、多汁三種口感一次過滿足晒 💯，真係好食到忍唔住encore咗幾轉。😂…查看更多

試咗兩款麵底，粗麵同米線。粗麵煮得幾好，食落夠彈牙，又幾掛汁；米線就勝在夠滑溜，好索湯，配濃味啲嘅湯底一流。👍牛腩牛筋 🐮：呢個係必點！牛腩炆得非常腍滑，肉味香濃，唔會死鹹。牛筋更加係精華所在，充滿膠質，入口軟糯得嚟仲帶少少彈性，唔會煮到爛晒，口感一流。豬腸 🐷：最怕食到有異味嘅豬腸，但呢度處理得好乾淨，完全冇問題。滷得好入味，食落軟熟得嚟，仲保留到少少嚼勁，口感好好。豬紅：睇得出係新鮮貨，口感好滑嫩，咬落去冇乜氣孔，唔會鞋口。索晒啲湯汁一齊食，簡單又滿足。蘿蔔：清甜係基本，呢度嘅蘿蔔煮到好透，完全冇渣，而且吸飽晒湯底嘅精華，一咬落去勁juicy，可以平衡返其他餸嘅濃味。冬菇 🍄：冬菇好厚肉，菇味好香濃。滷汁嘅味道完全滲入咗冬菇入面，咬開好多汁，好好食。溏心蛋 vs 滷水蛋 🥚：我哋兩樣都試咗。溏心蛋嘅蛋黃做到完美嘅流心效果，不過味道就比較清淡。相反，滷水蛋就滷得非常入味，連蛋白都食到滷水嘅香味，蛋黃係實心嘅，但好甘香。如果你鍾意食濃味啲，我會推薦直接揀滷水蛋。金菇：車仔麵嘅經典配搭，唔少得佢，主要係用嚟索湯同增加口感。小食方面，叫咗個好多人推介嘅「必食辣魷魚」。呢個堅係要試！🦑 魷魚鬚食落好爽口彈牙，完全唔會韌。個醬汁調得好好，辣得好過癮🌶️，唔係死辣嗰種，帶少少麻香同甜味，惹味到令人停唔到口，送麵或者齋食都一流。…查看更多

旺角人多，想搵個地方靜靜地食飯唔係咁易。見呢間樓上Cafe「部屋咖啡室」網上好評幾多，就決定上嚟試下。餐廳唔算好大，但環境幾舒服，坐得幾自在。我哋先叫咗個「越式炸蟹餅」做前菜。蟹餅外層炸得幾香脆，食落味道都夠，唔會成舊都係粉，配埋酸甜醬汁幾開胃。👍主食方面，我試咗「辣虎蝦番茄意粉」🍝。番茄醬汁味道幾濃，帶少少微辣，幾惹味。意粉煮得軟硬適中，做到 al dente。配料都幾足，有青口、蝦同魷魚，食落都幾新鮮爽口。朋友叫嘅「黑松露意大利飯」🍄，黑松露香氣一上枱就聞到。醬汁好 creamy，份量夠多可以均勻包住每粒飯，而且濕潤度啱啱好，食落唔會太腍，保留到少少飯心嘅口感。甜品我哋揀咗「豆腐芝士蛋糕」🍰。佢嘅質感幾滑，不過食落豆漿味唔算好出，反而芝士味比較濃郁。面頭嘅士多啤-梨醬增加咗少少清新感，但個人覺得如果可以俾客人選擇落唔落會更好😂。飲品方面，「朱古力沙漠」幾有驚喜，朱古力味好濃，小朋友應該會好鍾意。🍫總括嚟講，食物質素唔錯，價錢合理。另外見到餐廳有唔少board game，如果想同朋友喺旺角搵個地方食下嘢、hea下，呢度會係一個唔錯嘅選擇！🎲…查看更多

最近同朋友試咗間叫「Here Thai Market」嘅泰國餐廳，食咗幾樣家常小菜，整體感覺唔錯，有啲菜式嘅處理幾有心思。我哋叫咗兩個主食，其中一個係「牛柳炒闊河粉」。呢碟河粉鑊氣幾足🔥，醬油嘅香味幾突出。河粉嘅質感比較特別，有啲似粉皮，食落煙煙韌韌，幾有咬口，而且好掛汁，鐘意濃味嘅人必試。牛柳都算嫩滑🥩，而且份量勁多又好大舊😂超抵食！另一碟主食係「打拋豬肉飯」🍳，算係穩陣之選。豬肉碎炒得幾惹味，辣度適中🌶️，唔會太刺激，Basil嘅香味都好出，用嚟送飯幾好。飯上面有隻煎得幾靚嘅太陽蛋，蛋邊有少少脆，蛋黃都做到流心效果，撈埋飯同肉碎一齊食，味道幾夾😋。幾樣小菜之中，我最欣賞嘅係「泰式豬肉碎同生菜」。平時食呢道菜都係得肉碎，但佢哋加咗炸豬皮落去，呢個配搭比較少見🐷。豬肉碎本身嘅調味唔錯，酸辣得宜，香料味都足。用生菜包住一齊食🥬，除咗有肉碎嘅惹味，仲多咗份豬皮口感，令到成件事層-次豐富咗，食落幾得意。另外都叫咗碟菜，「炒香蒜西蘭花苗」。碟菜炒得唔錯，西蘭花苗保持到翠綠爽口，唔會過火。蒜蓉味都夠香🧄，簡簡單單，用嚟配搭其他濃味嘅菜式幾好。…查看更多

喺灣仔想食返餐好啲嘅燒味飯，今次聽同事介紹，試下呢間叫「發達叉燒」嘅舖頭😎我叫咗個招牌 叉燒雙蘭王蛋飯 🍳。碗飯一上枱，賣相唔錯，兩隻蘭王太陽蛋橙紅色，睇見都開胃。主角叉燒切得幾厚身，揀咗半肥瘦，邊位有啲焦香嘅「燶邊」，食落去肥嘅部分有啲入口即化嘅感覺，瘦肉就保持到肉質，唔會韌。蜜汁嘅甜味幾自然，唔會太膩。將隻流心蛋黃拮穿 🥚，蛋汁撈埋豉油同飯，再加一啖叉燒，口感好豐富，味道好夾，幾滿足。👍朋友叫咗個 茅台醬油雞燒鵝飯 🦢。我試咗少少，個醬油雞肉質好滑，雞皮薄身，食落有陣好淡嘅酒香 🍶，幾有特色。燒鵝皮脆，最抵讚係唔會一大啖肥肉，咬落去有鵝油嘅甘香，肉質都嫩滑，唔錯！咁啱坐左係廚房前面見到師傅切鵝，見到有特登切走啲肥肉，好細心！ 老火例湯 🥣，係苦瓜紅蘿蔔豬肉湯。個湯飲落好清甜，有苦瓜嘅甘味，感覺冇乜味精，飲完成個人幾舒服。另外加多碟 鵝汁西蘭花苗 🥦，菜苗夠嫩，加埋鵝汁食好香口。燒味水準唔錯，用料都好有誠意。叉燒同燒鵝都值得一試，連個湯同菜都唔馬虎。如·果喺灣仔想食返餐好少少嘅燒味飯，呢間係個唔錯嘅選擇。💯…查看更多

一入去俾餐廳嘅裝修吸引住，真係好有泰個啲大排檔feel！🇹🇭 同frd叫咗幾樣泰國菜必食嘅嘢。第一樣上枱嘅係 泰式豬頸肉 🐷。塊豬頸肉燒到外面有啲焦香，邊位脆卜卜，但入面啲肉仲係好彈牙、好juicy🤤。最緊要係嗰兜醬汁，酸酸甜甜又帶少少辣🌶️，個平衡做得啱啱好，點埋豬頸肉一齊食，即刻成個人都醒晒，勁開胃！跟住主食係 泰式豬手飯 🍚。隻豬手炆到好入味，肉質唔係平時食開個啲一篤就散開嘅，係比較實淨，有少少似牛腩，啲豬皮充滿膠質，食落口即刻溶化👄，完全唔覺得肥膩。啲滷水汁好入味，送住啲泰國香米飯一齊食，啖啖都係滿足感，真係好正👍。隔離仲有啲酸菜同半隻蛋🥚，正好可以解下膩，食得好C服😌。另一碟主食 泰式甲拋豬肉飯 就更加冇得彈，鑊氣十足！🔥 啲免治豬肉同九層塔、辣椒、蒜蓉一齊炒，一上枱就聞到勁香嘅九層塔味🌿。豬肉碎炒得夠乾身，又夠惹味，辣度啱啱好，送飯一流。最正係拮穿面頭隻太陽蛋🍳，啲蛋黃汁流晒出嚟，撈埋啲甲拋豬肉同飯一齊食，又香又辣又滑，呢個組合真係泰國菜嘅精髓！💯今日嘅MVP一定係椰青水🥥，呢個椰青水真係數一數二嘅清甜，好飲到我飲完又叫多左一個！😍 食完啲咁重口味嘅野飲一啖，即刻爽晒！😎 啲椰青水夠晒冰涼解渴，天然嘅甜味啱啱好可以清走個口入面嘅辣味同油膩感，為呢餐飯畫上一個完美嘅句號。✨…查看更多

「究極丼」一上枱，視覺效果已經滿分！🤩 碗入面堆滿唔同刺身，每一件都入口即溶，魚油甘香到喺口入面爆發；海膽鮮甜到好似食緊海水味嘅忌廉；牡丹蝦肉質爽彈，鮮味十足。仲有滿滿嘅三文魚籽同左口魚，每一啖都係唔同層次嘅鮮味衝擊，配埋底下粒粒分明、醋味恰到好處嘅壽司飯，簡直係完美。💯卷物方面，「醬燒三文魚炸蝦卷」將口感豐富，外層嘅三文魚經過火炙，逼出豐富油脂，焦香撲鼻；內層嘅炸蝦天婦羅脆卜卜，一軟一脆嘅對比非常過癮。🍤 而「4重芝士炸鰕卷」就係邪惡嘅代表！🧀 四種芝士嘅鹹香完美融合，火炙過後帶嚟濃郁嘅焦香味，加上拉絲效果，視覺同味覺都係一種享受。濃郁嘅芝士包住脆口嘅炸蝦，味道出奇地夾，食到停唔到口。熱食同樣出色。「明太子芝士玉子燒」滑嫩多汁，蛋香濃郁。中間嘅流心芝士同鹹香微辣嘅明太子味道一齊湧出，味道層次豐富，每一啖都係幸福感。🍳 另一道「薯蓉廣島蠔」充滿驚喜。焗到金黃嘅芝士薯蓉，口感綿密，上面鋪滿一隻隻飽滿多汁嘅廣島蠔。蠔嘅鮮甜完全融入薯蓉之中，鮮味十足，creamy得嚟一啲都唔膩。🦪最後係「梅花爛漫」梅酒。🍶 佢嘅梅香非常濃郁，甜酸度平衡得好好，入口順滑。冰凍嘅梅酒正好可以清新味蕾，中和食物嘅油膩感。…查看更多

秋意不嬲都係愛雞之人必食之選，上次食左觀塘店, 今日終於的起心肝去埋新開嘅分店試下!！🚶‍♂️餐廳舖仔細細，裝修簡約，只做外賣，係晚餐時間都吸引到唔少附近嘅上班族！😋單點左一隻鼓油雞。番到屋企叮一叮一上枱已經聞到好香嘅豉油味，隻雞皮光肉滑✨，色澤均勻，睇見都流口水🤤。雞皮薄得嚟又滑溜，皮下脂肪甘香豐腴。雞肉嫩滑無比，完全唔嚡口，肉汁滿滿。豉油嘅味道調得啱啱好，鹹香中帶點微甜，完全滲透到雞肉裡面，但又唔會蓋過雞嘅鮮味。最重要係，佢哋嘅雞有濃郁雞味！絕對係心機之作。👍💯跟住係我期待已久嘅「口水雞飯」🌶️。紅油鋪滿喺嫩白嘅雞件上，再灑上大量香脆花生碎同蔥花，賣相非常吸引。雞肉同樣嫩滑，掛汁能力一流。個醬汁先係精髓所在，麻、辣、香、酸、甜五味紛陳，層次感十足！嗰種「麻」嘅感覺喺舌尖跳動，辣度溫和得嚟好過癮，食落超級開胃，忍唔住一啖雞一啖飯咁扒，好快就清晒成碗飯。🍚實在太滿足！最後加點咗一隻「酒釀溏心蛋」🥚。橙紅色嘅啫喱狀蛋黃緩緩流出，畫面極度療癒😍。一咬開，淡淡嘅花雕酒香喺口腔散發，同蛋黃嘅甘香完美結合，甜甜地，好滋味。作為一個小配角，佢絕對為呢餐飯加咗唔少分。…查看更多

行過銅鑼灣唔知食咩好 揀水門雞一定冇死🙋‍♀️叫咗幾個招牌菜試下。首先主角一定係碟水門雞🐔，啲雞肉真係滑到不得了，完全唔嚡口，連雞胸肉都好嫩滑。雞皮爽口彈牙，皮下脂肪唔多，食落一啲都唔會好肥膩。佢個雞油飯都好講究，粒粒分明，索晒雞湯精華，油香十足但又唔會太油。不過最靈魂嘅一定係個醬汁，酸甜中帶點微辣，仲有啲薑蓉蒜蓉香，點埋啲雞肉同雞油飯一齊食，味道層次即刻提升，真係冇得頂👍，我哋三扒兩撥就清晒成碟。跟住就係個泰式豬手飯🍖，一上枱已經聞到好香嘅滷水味。豬手炆到勁腍勁入味，用筷子輕輕一夾就皮肉分離，啲皮同筋位幾乎入口即溶🤤，充滿骨膠原嘅感覺，而啲瘦肉又唔會散開。個滷水汁甜甜地，撈飯又係一流，每一啖飯都掛滿醬汁，鍾意食重口味嘅朋友一定會好鍾意。食得肉多，梗係要叫啲菜平衡下。碟泰式炒通菜🥬鑊氣十足，一上枱就聞到蒜香。用咗泰式豆醬去炒，鹹香惹味，通菜又夠爽脆，完全冇炒到黃晒或者太老。呢個菜真係白飯小偷，送飯食真係絕配。另外個青木瓜沙律🥗都好開胃，青木瓜絲切得好幼，口感好爽脆，配埋脆卜卜嘅花生碎、鹹香嘅蝦米，再加埋個集齊酸、甜、辣、鹹四種味道嘅醬汁🌶️，成件事好 fresh，即刻解晒啲油膩感，夏天食真係一流。總括嚟講，呢餐真係食得好滿足😋。由主菜到配菜都睇得出好有心機，味道好地道，份量又足。無論係主角水門雞定係其他配菜都好有水準，價錢又合理，如果你突然想食返餐地道泰國菜，呢間絕對係一個唔會令你失望嘅選擇！💯…查看更多

同好耐冇見嘅朋友食飯，突登搵左呢間靚靚Layback Cafe & Bar👀呢度環境不錯✨位置好闊落坐得好舒服，好岩一班女仔慶生/聚會！生拆蟹粉拌北京拉麵超級SURPRISE🤩🤩！呢一個麵簡直係全晚MVP✨一上枱個時見到啲蟹粉蟹膏多到瀉出黎！除左淋係拉麵上面嘅蟹粉蟹膏外，仲有額外一整碗淨蟹粉蟹膏✨🦀每一啖都充滿蟹嘅鮮味，真係好滿足！食之前waiter同我地講解因為蟹比較寒涼所以食前會噴d女兒紅😂幾得意，好有儀式感而且好貼心！呢個蟹粉拉麵真係超推薦！😍 大澳虎蝦乾配北海通帆立貝龍蝦汁意大利飯呢個意大利飯都唔錯😋飯煮得剛剛好唔會過硬。用左大澳虎蝦乾令到呢一道西式嘅菜有少少fusion嘅感覺😂汁同飯比例配合得好好，係expected嘅味道！日本和牛粒配喜馬拉雅山岩鹽和牛粒油脂幾豐富👍但可惜有少少太熟🥲配左岩鹽同黑椒碎俾我地自己點。食落幾香口，用黎送酒不錯☺️不過希望下次控制下火喉😂😂開心果巴斯克芝士蛋糕今晚另一個MVP！擺盤好靚好有心思，蛋糕上面嘅開心果醬超香超重開心果味🍰芝士蛋糕都食到開心果味，但比起開心果味芝士味更加出🧀但都好好味！如果配埋上面嘅開心果醬就perfect!!開心果迷一定要試🌟The Dao of Life以經典的 Old Fashioned 為基礎，融入了濃郁的抹茶風味🍵。以抹茶清香帶出whisky木質香氣🥃，濃郁得嚟又順口，好驚喜兩種東西方傳統味道碰撞竟然咁夾🤩！兩隻味道比例調得啱啱好，完美協調之餘唔會互搶風頭。係一杯老派韻味十足嘅調酒，好適合想嘗試whisky但怕味道太濃嘅女仔✨✨開心果Latte奶味比較重😂😂有啲搶左開心果嘅味。但唔係好甜，所以都幾好飲！🫶🏼…查看更多

做完運動突然好想食辣野就去左冒喜試試佢地嘅麻辣燙！叫左個八寶套餐😋配料揀左潮汕手搥牛肉丸、墨魚丸、豬大腸、萵筍、娃娃菜、雲耳同貴州丁家脆哨。仲叫多左一份涼拌酸辣土豆絲同酸梅青檸烏龍茶🫡麻辣湯底叫左小辣，個辣味唔係啲死辣，辣得好香😍食到唔同嘅香料味，好有層次。蒜同蔥令到個湯頭更惹味👍豬腸同手搥牛肉丸最好味！豬腸清洗得好乾淨😊唔會有怪味，而且唔係用最肥個part所以唔會食到成口油！配埋個麻辣湯勁好送飯❤️手搥牛肉丸超彈牙多汁！🤩🤩咬開就見到啲肉汁流出黎！而且肉味非常濃郁，食到好足料🥳貴州丁家脆哨見佢個名好有趣，抱住個嘗鮮嘅心態試試☺️Google左原來係醃製左嘅肥豬肉再油炸而成。脆卜卜咁好似食緊零食，每一啖都食到好香嘅豬油味🐷而且經炸哂啲油出黎所以唔會話好油膩！都幾值得試試👀涼拌酸辣土豆絲真係好surprise🤩本身酸辣汁已經好高質好惹味！但個土豆絲先係最surprise,👍👍口感勁爽脆✨而且好索汁，每一啖都可以掛哂啲酸辣汁！酸梅青檸烏龍茶嘅配搭好清新🍋酸酸甜甜咁好醒胃。有果香之餘仲保留到菜嘅香醇🍵食完辣野飲真係好爽！…查看更多

最近好似成日見到呢間餃子咁，前排終於同朋友試左😋鋪頭環境唔錯，位置闊落坐得幾舒服！我地叫左雙拼煎餃，有韭菜豬肉+元貝豬肉。我地兩個都鐘意韭菜豬肉多啲🥰韭菜豬肉餃啲餡料勁香🤩韭菜新鮮爽口，豬肉嫩滑多汁✨個餃皮煎到金黃香脆，底部焦香惹味。兩款餃子個皮都煎得恰到好處，外脆內軟🔥一啖咬落去仲會爆汁，正！龍鳳松茸灼餃龍鳳松茸雙灼餃都係一絕，一上碟見到隻隻餃子飽滿之餘仲晶瑩剔透😍可見每一隻都皮薄餡靚！雖然唔係好食到兩款餃有咩大分別😂😂但兩款餃一入口都食到好重嘅松茸味🙆🏻‍♀️鐘意食菇類嘅人一定唔可以錯過！四川涼皮四川涼皮就啱晒夏天食！個面彈牙十足👀而且配料豐富：花生、青瓜絲，樣樣齊。最正係佢個汁👅麻香過癮，又唔會太重口味，食完成碗都唔覺漏。蜂蜜檸檬薏米水🫶🏼蒠米水清甜爽口，加埋蜂蜜同檸檬，酸甜適中，仲可以食到啲蒠米🥳軟糯有嚼勁，好解膩！👏🏼👏🏼…查看更多

最近我去咗「牛霸王」，一間主打和牛嘅本地小店🫶🏼！入到去，環境靚靚❤️裝修比較日底，氣氛好輕鬆，啱晒同朋友聚餐。首先，我試咗佢哋嘅手打和牛漢堡飯，真係一大驚喜！🤩漢堡排份量好足，牛肉餡厚實，咬落去時，肉汁瞬間爆出🤌🏼鮮嫩得嚟又帶有一點牛脂香，諗番起都流哂口水！佢哋用嘅和牛質素超高，油香撲鼻！飯上嘅生蛋黃配上和牛漢堡，令到味道更昇華😍唔會愈食愈油膩！宜家仲做緊碗底驚喜活動🤑食完和牛漢堡飯會見到碗底有唔同嘅字，做番對應嘅任務就可以有唔同嘅獎勵！真係好正！接住就係招牌牛肉壽喜燒🐮呢個鍋都幾大份，配菜都幾多！牛肉片好厚，係壽喜燒汁湯底煮完後有一絲絲甜味👍而且肉質鮮嫩，忍唔住勁快就清哂啲牛😂😂各種新鮮嘅野菜煮完都吸收哂壽喜燒汁，除左菜嘅清甜外仲有好香醇嘅壽喜燒味！最後係雞皮餃子🤩🤩會話呢個餃子係最Surprise 🤌🏼餡料調味做得好，唔會太咸。咬下去嘅時候，雞皮嘅香氣瞬間撲鼻而來🔥配上少少沙律醬，咸香得嚟又唔膩，真係超滿足！平時鐘意食雞皮嘅話一定要試試！✨…查看更多