我哋先叫咗個「越式炸蟹餅」做前菜。蟹餅外層炸得幾香脆，食落味道都夠，唔會成舊都係粉，配埋酸甜醬汁幾開胃。👍
主食方面，我試咗「辣虎蝦番茄意粉」🍝。番茄醬汁味道幾濃，帶少少微辣，幾惹味。意粉煮得軟硬適中，做到 al dente。配料都幾足，有青口、蝦同魷魚，食落都幾新鮮爽口。
朋友叫嘅「黑松露意大利飯」🍄，黑松露香氣一上枱就聞到。醬汁好 creamy，份量夠多可以均勻包住每粒飯，而且濕潤度啱啱好，食落唔會太腍，保留到少少飯心嘅口感。
甜品我哋揀咗「豆腐芝士蛋糕」🍰。佢嘅質感幾滑，不過食落豆漿味唔算好出，反而芝士味比較濃郁。面頭嘅士多啤-梨醬增加咗少少清新感，但個人覺得如果可以俾客人選擇落唔落會更好😂。飲品方面，「朱古力沙漠」幾有驚喜，朱古力味好濃，小朋友應該會好鍾意。🍫
總括嚟講，食物質素唔錯，價錢合理。另外見到餐廳有唔少board game，如果想同朋友喺旺角搵個地方食下嘢、hea下，呢度會係一個唔錯嘅選擇！🎲
