TiffTu的個人專頁

同frd平日黎食雖然要等位，但等一陣都有枱三個人食都好飽每碟份量都多叫左蝦多士 (28蚊/舊)鐵板炒牛仔骨 128十分夠鑊氣，味道偏咸，份量夠3至4人食另外叫了芥蘭同炒大蜆想叫梅菜扣肉同牛腩煲都冇供應。整體食物是不錯的，可惜服務太趕客，都未食完已經趕住收碟，食到一半諗住放低筷子吹陣水，侍應姐姐都問左4次收得碟未，十分趕客，途中仲不斷收走不同碗碟，平均碟嘢食完後十秒已經比人執走，十分勤快。其實我地坐低都已經8點，外面亦都冇大排長龍，真不明白點解要咁想趕我地走。食物雖然不錯，但想同朋友開心一聚，閒談一番，這就恐怕不是一個好地方，而我也不會想再來次來這間餐廳了真金白銀自己比錢食，有曬碌卡資料，冇受到任何款待！…查看更多

今晚難得嚟到西環，同朋友想食一間好嘅西餐，就搵左呢一間喺西環近海旁嘅西餐廳，因為平日晚上黎食，所以餐廳人唔太多，又冇限時所以可以輕輕鬆鬆同朋友坐一晚傾計首先前菜係香檳忌廉煮紐西蘭藍青口，呢個青口非常鮮甜，果汁亦都非常濃郁，同朋友差啲連個青口殼都食埋啊！海鮮拼盤，拼盤亦都十分豐富有四種海鮮種類，全部都好新鮮，鮮蝦亦都十分大隻野菌湯，十分濃郁夠味，亦都好Creamy龍蝦湯，本身麻麻哋龍蝦湯，但係呢一個龍蝦湯唔會好腥，反而有龍蝦嘅香味，亦都有龍蝦肉係入面，幾鐘意！南瓜湯，用好多南瓜煮嘅南瓜湯，口感濃厚喎西班牙杜洛克豬鞍，呢個豬鞍口感一流，點上燒汁，加上下邊用一個非常creamy嘅薯溶托底，簡直就食唔停口美國蘆筍鮮蝦菠菜天使麵，同海鮮拼盤嘅鮮蝦一樣十分大隻，平時喺外面都比較少食到天使麵，呢間餐廳煮得十分入味，份量亦都好足，十分滿足！牛肝菌意大利飯， 份量非常足料，菌類亦都好香，對於白汁類嘅risotto，毫無抵抗力呀朱古力心太軟，心太軟唔會好甜， 味道恰到好處！為呢一餐畫上完美嘅句號…查看更多

好多年前在觀塘食過古今二，是比朋友拉去的，本身不太感興趣，但試過一次就令我改觀，確實不錯，壽司卷物十分岀色呢.事隔幾年，又再有人提議黎銅鑼灣的分店，我當然答應啦，很掛住他們家的卷物呢！但今次就冇食好多壽司，反而食左其他不同的，亦十分不錯呢，價錢又不太貴，食日本嘢又多一個去處！..銅鑼灣依間裝修十分舒服，以木為主的和風設計，掂啦！晚上七點去到，訂左枱，但本身餐廳不太多人，同朋友食飯傾計都好舒服..沙律正常，主要有蝦，有沙律菜，玉子，沒有甚麼不好，份量夠三個人每人食小小.芝士魚餅係依度既招牌小食，真係不錯，夠熱，煎炸得剛好，口感又好好，入面既芝士又好香唔會太少，鐘意芝士既人一定會愛上呢！.炮菜辣雞翼，雞翼有小小炸過頭，但入面都有肉汁的，咸度適中，不過頗貼心是剪做單邊雞翼，食得方便.黎到我既favourite！紅粉佳人！賣相一流之外仲有好豐富既口感呀，上面舖左三文魚子加三文魚沙律，外層又包左粉紅色既薄皮，十分賞心悅目呢，食落去就係十分滿足就對了！.另外依個鰻魚pizza就幾特別，下面個底原來係炸飯底，幾好口感，又有創意！.食左咁多個嘢都冇乜湯，就叫多個壽喜燒，職員會幫你整，壽司燒個湯都整得幾正宗（感覺上哈哈），食定個胃暖笠笠，正呀！.Overall黎講，服務不錯，環境又舒服，主要係比較安靜所以食得自在，中等價位，可encore…查看更多

今晚同朋友黎到依間上環的西餐廳，一直在wish list入面，終於輪到依間了！餐廳位置方便，七點入座不太多人，環境也舒服。.這個蟹肉湯好多蟹肉！比想像過岀色，是朋友點的，一向我對這類湯都不大興趣，但這個飲落真的不錯，不太甜又不腥，仲啖啖蟹肉，又冇殼，讚！.我喜歡creamy既canbonara，所以依個好啱我口味，好rich好有口感，食完真係好滿足，而且入面既海鮮配料不少，所以依個卡邦尼意思係高質，對得住價錢.一開頭以為麵包蟹risotto份量不大，還擔心不飽，但愈食愈多咁好有份量，依個都係幾好食，加埋d黑松露醬係畫龍點睛，如果加埋入去煮會更好呢！.豬手啖啖肉，啱曬我地成班食肉獸，外皮煮得十分脆，配菜都毫不馬虎，處理得剛好，能媲美德國餐廳嘅豬手，推薦鍾意食脆皮豬手嘅朋友！.食完飯，當然會叫甜品啦，我哋揀咗朱古力Brownie，一人一舊，食落份量剛好，甜度亦都恰到好處，為晚餐畫上一個完美嘅句號啊！.整體餐廳服務不錯，亦都十分周到，又沒有限時，適合朋友聚會，唯個別服務生水平可以再提升，才令到顧客有一個更賓至如歸的感覺呢！期待下一次黎試其他野食！.menu…查看更多

男友十分喜歡打邊爐，聽幾個朋友都話養心殿高質，今日有興致就一於食下佢！.環境真係幾好，幾有feel.Omg就係為左依個麻辣鍋而來，好香亦好重料！仲有好多好多鴨血係個鍋入面，令人蠢蠢欲動.依個酒香白肉係成餐性價比最高的，酒味好香，肉都好新鮮，就算放左落個湯度煮完都完全冇蓋過個酒味，岀色！.蔬菜新鮮，依個蔬菜盤仲好多菇類，正常.寬粉，係另一個主角！個粉易熟，唔會好難咬，同外面既不同，又吸左個湯，真係必叫！.霜降肉眼肥牛，好有鮮牛味，食左依個先知自己平時食果d雪藏牛差幾遠，果然一分錢 一分貨.依個餃就冇乜太大驚喜，可能本身個湯已經係辣，所以不太食到辣味，但牛肉都係新鮮，好香.芋絲同豆腐都係拆包裝的，不過芋絲有好多，都幾抵，兩個人真係食唔曬.總括環境好舒適，服務比好多餐廳都好，坐幾耐就幾耐，又闊落，加上用料好，難怪平日都滿座要訂位！冬天再來吧…查看更多

成日係openrice都見到依一間好評不斷，食物望落又幾雅緻，係一個星期五晚上就同大學同學黎試下，happy friday.餐廳氣氛不錯，不算太多人，室內噪音不大，算係舒服侍應服務同到，不會讓人感到人手不足或者服務不周.依個扒大蝦沙律配彩色蕃茄黑醋欖油，清清地，兩隻大蝦都好新鮮，肉質厚實，不錯不錯.三文魚他他，巴馬火腿蕃茄莎莎多士好好味，味道濃郁，同朋友都爭住食呢！依個會encore！.烤野菜賣相幾靚，好似藝術品咁，都煮得易咬，不會過生，不過原來全部都係西蘭花同椰菜花，唔鐘意既朋友要注意下！.黑松露薯條，對得住價錢，有微微既黑松露味，都炸到脆脆地，餐前小食來說幾抵食.紅酒黑松露野菌燴牛臉頰肉配法式薯蓉：個肉好入味同易咬，唔係係外面容易食到既牛部位，薯蓉好重牛油味，好滿足呀！三個人分剛好呢！.朱古力千層蛋糕：同我想像中既千層有點出入，其實用千層慕絲會更貼切這個不太甜，鐘意食巧克力既朋友會好鐘意！朱古力味濃！.朱古力布朗尼配法式馬卡龍：本人不太好馬卡龍，都係同一般馬卡龍一樣甜，但個brownie就幾不錯！厚實，不會太濕，預得剛好呢.Beach baby，清新，好香荔枝味，加埋薄荷葉，可以解一解膩，值得一試！.士多啤梨芝士餅奶昔，加埋依個真完美的一餐，好好飲，雖然不太飲到有cheesecake，但冇想像中咁膩同飲落唔會有覺得好肥既感覺，加上賣相真係一流.值得一讚係一張過既menu，簡單易睇，又唔使同朋友爭menu睇…查看更多

又落旺角搵食！今次同同事經過砵蘭街見到依間餐廳，大家又鐘意食蠔，見openrice咁多好評就一於試下.環境都安靜，傾計也不錯，也沒有限時，店員服務不錯.我地叫左個經典二人套餐，加個生蠔拼盤.首先係生蠔拼盤抵食，生蠔新鮮，叫左一款creamy同兩款爽口，一食完沒有腸胃不適，沒有蠔殼，依個價錢食到依個質素，good good.套餐既前菜，沙律，湯同餐飲前菜個鵝肝肥美，加上青瓜去左油膩感。火腿蜜瓜不過不失。.意大利飯幾creamy，味道不錯，加埋d菌類食好香，risotto煮得啱啱好，比一般岀去食岀色！.飯後甜品依個奶凍有驚喜，好好味，奶味好夠，我同同事旋風食曬.…查看更多

一直都聽到這家在旺角的咖啡室有不少好評，於是晚上就跟朋友嚟到，九點鐘入坐仍然有人排隊，可見都幾有人氣.店內裝修幾好feel.同朋友坐高枱，面對砵蘭街，環境不錯，位置不算擠迫，只是要先到收銀處點餐.芝士奶蓋比想像中好飲，跟街外的飲品店味道不相伯仲，茶底十分出色，對得住呢一個價錢，幾滿意.跟住朋友依一杯芝芝草莓，亦都十清新，加上少少奶蓋，成杯嘅口感都10分濃郁及香濃嘅草莓味，值得一試身.跟住呢一個牛油果軟殼蟹包真係10分抵食，$88嘅價錢有一大個包加薯條仲有個沙律，兩個女仔食已經有啲飽，個包10分厚實而且焗得好香，好有驚喜，好好味呀！個薯條一d都唔馬虎tim！.個包好香牛油味，加埋香脆軟殼蟹，真係一大享受.呢個沙律就不過不失啦，都幾多鴨胸，同埋有足夠沙律醬.餐牌…查看更多

今晚同兩位朋友嚟到呢一個充滿日本居酒屋氣氛的餐廳，我哋其實期待左好耐，因為呢間餐廳人氣一直好高，食飯時間絕對係高朋滿座！.首先餐廳嘅門口佈置已經十分吸引同有心思，實木設計加上日式嘅佈置，已經令人十分雀躍！.坐低左，侍應已經好快手送上熱水，即使人多，但手腳都快，見到呢度串燒咁出名就梗係要食下啦！三個女仔來講食到好飽，但係樣樣食物都真係幾好食，雖然價錢有少少高，但完全冇令到我哋失望，質素完全對得住個價錢！.五色刺身刺身來講真係每一款都非常之肥美，尤其是係牡丹蝦同帶子，真係十分之出色，非常鮮味同喺日本食到嘅魚生冇分別！.秋葵牛肉串加埋特製醬汁燒真係十分惹味，唔會覺得好油，食落不錯.厚切牛舌呢一個牛舌係我喺香港食過嘅牛舌最好食最厚既牛舌，我絕對會為咗呢一個串燒再黎，真係啖啖香味又燒得恰到好處，食到我哋十分之滿足！好想瘋狂食十串.黑牛頂葉片呢一個牛肉又係10分好味，加埋芥末籽食，完全將味覺同口感昇華左，牛味十分之濃，完全心心眼，真係好岀色！.鹽燒雞翼呢度嘅全串燒真係一樣比一樣有驚喜，呢個鹽燒雞翼同樣地燒到恰到好處，而且雞翼好大隻，絕對唔慳料，外皮脆卜卜，又juicy，師傅燒功一流.自家製月見免治雞肉串呢個免治雞肉串本身望落平平無奇，但係加埋呢一個雞蛋醬汁，成件事就唔同晒。係一個不錯既配搭，搞勻個醬汁，將雞蛋同特製豉油撈埋一齊，就會帶出個鮮味，鍾意食蛋嘅我當然好欣賞.鹽燒小鯛本身我唔係好食魚，但朋友想食，於是都叫左一條，本身上菜嘅時候以為佢會好乾，點知食落係好有魚味，完全唔腥，仲完全唔乾身，仲要冇乜骨，所以我都食咗不少，哈哈.柚子檸檬酒成晚咁開心，黎到日式居酒屋，點可以唔飲少少酒呢，哩一杯柚子檸檬酒非常適合女士飲，因為佢柚子味好濃，所以偏甜，酒味又唔重，好易入口.雪莉酒桶熟成原酒 仲有叫咗呢一支熟成原酒，酒味稍重，但日本酒黎講係幾好飲！.總括嚟講呢一餐都好滿意，大家都食得十分滿足，而且呢一間餐廳用了真係完全唔手軟，用一場味覺既盛宴黎形容一d都唔誇張！會再黎食燒厚切牛舌…查看更多

每逢星期二都會在油麻地上堂，上完堂都會在附近食個宵夜醫肚，今次想食泰國菜，見到依間都幾吸引，就同朋友黎食.門面充滿泰國風味.因為比較夜，所以今次就冇食好多嘢lu，首先叫左個泰式鮮蝦金柚沙律，首先調味好足！好開胃之餘個金柚唔會酸，好好味，蝦都有好多隻，有七八隻到，加上泰式香料，依個真係食唔停口！.惹味泰式燒生蠔同朋友去好鐘意食生蠔，依個燒蠔係燒得剛好，不會冇左生蠔個鮮味，重點係，d配料好特別，好香，混合左香茅等，辣度算係大辣，如果唔係好食得辣既朋友要注意一下。總括整度菜都好開胃好鐘意！.Thai-in虎蝦炒金邊粉依個同平時岀面食開既有d唔同，佢上面會鋪滿左唔同嘅調味料，等你自己攪勻佢，大蝦十分新鮮，整個金邊粉味道十分濃郁，而且濕度適中，唔會覺得太乾或太濕，辣到屬於小辣，推薦！.餐牌…查看更多

做野晏左，同同事食餐好既慰勞吓自己留意左佐敦呢一間日式餐廳好耐一直都好想試，終於都有機會啦！.鋪頭裝修係簡約嘅日本設計，暖色嘅燈光，服務都好周到，上菜好快，冇乜點等，九點鐘嚟到依然高朋滿座，又唔會限時，坐得好舒服，我地食到收舖.坐底馬上叫了一枝真澄梅酒 ($138)，呢支梅酒好啱女仔飲，入口好甜，酒精大概十幾度，餐廳好貼心咁俾咗個細冰桶，好靚好貼心.前菜黎個小青椒先 ($33)，完全唔辣，新鮮爽口，送酒真係一流.接住就係刺身拼盤 ($128)，我哋要咗海膽，三文魚，北寄貝，甘蝦。拼盤仲包左一個飯團，刺身都好新鮮，重點推介三文魚！呢個價錢可以食到四款刺身都算係十分經濟.炸雞軟骨 ($38)，都幾大盤，炸粉唔算好厚，亦都好大粒，所以食得好過癮，同樣都係攞嚟送酒.芝士泡菜薯條 ($38)，幾特別嘅配搭但係又好好食，上面紅色醬係泡菜醬，薯條中間仲包住泡菜幾惹味！.鹽燒青唐豆腐煮 ($38)，餐飯我覺得呢一個係最好食嘅，豆腐非常之滑，配上特製嘅醬汁入口非常之清爽，好快已經比我食晒！.岩鹽黃金燒蟹籽美國生蠔 ($45/one)，呢個非常之出色，上面嘅沙律醬唔會太多，份量控制得好好，唔會蓋過個生蠔嘅鮮味，重點係隻生蠔非常之大隻，仲要好有海水味，一定encore呀.瀨風鮭魚燒飯團 ($42)，呢個飯團係燒完新鮮上碟，適合唔太重口味嘅朋友，上面嘅三文魚亦都好足料，燒過既飯團仲有少少脆口，好特別！.…查看更多

同個fd上星期五見到依間新開既西班牙餐廳，好多人排隊，一票難求，決定平日再戰！終於比我地食到啦！.裝修十分適合打卡，亦坐得很舒服，不限時，同朋友傾計就啱曬，值得提既係這裡服務好好，個個店員都好勤力有禮，加不少分數！.荔枝茉莉綠茶一杯綠茶有大概三到四粒荔枝肉，茶都幾清香，最啱不太喜歡甜既人.仲夏水果茶比荔枝茶甜少少，入面有好多果肉，十分足料.芝士煎蟹餅這道菜與其話煎，倒不如話係芝士焗蛋蟹鉗，個人全晚最鍾意啲道菜，因為好似西班牙焗蛋餅，芝士味十分濃郁，蟹鉗亦都好新鮮，整道菜配合得好好，加上我又鍾意食蛋同芝士，所以呢道菜我會比一百分.西班牙海鮮飯主菜嚟啦，有好多唔同嘅海鮮，有大蝦，海蜆，青口同埋西班牙火腿，最新鮮嘅係大蝦，真係啖啖肉都好爽口，而西班牙火腿嘅鹹香將個飯嘅味道帶出嚟，真係不錯，兩個女仔食真係會好飽好滿足！.雜果麻糬窩夫呢一間餐廳仲有一樣野出名，就係麻糬窩夫，仲有好多唔同口味，好辛苦先揀咗雜果，望到個賣相已經覺得好好食，一切落去，窩夫好熱辣辣同好脆，入面包住麻糬又好鬆軟，加埋雜果同個雲呢嗱雪糕，好正好好味.有時食一餐飯唔單只係食佢既食物，店舖嘅裝修同埋員工嘅態度亦會影響客人對餐廳嘅印象同聲譽，這家餐廳不只食物好，員工又好服務，睇得出係裝修同佈置上邊花咗好多心思，所以即使價錢不算平亦覺得物有所值，因為食左一餐好滿意既晚餐.餐牌…查看更多

這一兩年在大圍區開了不少餐廳，一直未有時間試吓，難得有時間就跟弟弟來到這間Cafe一試！門口佈置不錯，十分吸睛.餐廳燈光足夠位置，稍為要坐壁少少，在大圍區來說算是裝修不錯.晚餐Set Dinner.前菜 - 煙三文魚沙律 (跟晚餐)三文魚鹹味足夠，沙律附有沙律醋，不過不失.餐湯 - 酥皮薯仔忌廉湯 (跟餐+$10)酥皮焗得幾好食，忌廉湯可以更濃味，比較合適淡口味的人.主菜 - 煙熏味燒烤汁焗西班牙豬仔骨配薯條豬仔骨焗得剛好，有肉汁的香味，味道配合醬汁亦十分惹味，同埋一塊已經會好飽！配菜薯條亦不馬虎，調味剛好，亦不會炸過頭，Like！.主菜 - 奧斯轉特選全日早餐這個all day breakfast有炒蛋，煙三文魚，德國腸仔，薯條，窩夫，沙律及茄汁豆，各樣食物水準平均，炒蛋頗香，窩夫新鮮，都滿意.餐飲 - 凍檸茶，藍莓梳打正常，不會太甜，甜度控制不錯.甜品 - 朱古力雪糕，綠茶雪糕好香，好濃既朱古力味，為晚餐劃上完美既句號！綠茶相對地奶味重d同淡味d，各有特色.店員雖然不多，晚餐時間亦滿座，但服務沒有不周到的地方，在大圍來說是質素頗高的西式小店呢！…查看更多

週末同男友岀沒，有點掛住係日本食拉麵既時光，梗係醒起我的排行榜首，武士拉麵！上次食完已經好掛住了.店舖位置只有十個左右，週末兩點去到都仲有位，等五分鐘左右都有位，十足日本d拉麵店咁對住個廚房食，我覺得都幾warm，老闆都會好細心咁對待每位客人.枱面上有黑椒，香辣油，芝麻，同特製魚油，可以一試！都幾香，但唔愛魚鮮味既人就可以試少少再自行決定枱面上有齊餐具同綠茶.九州地獄  (辛辣地獄湯底)湯底濃郁，會想飲曬個湯，我簡左粗麵，大概中辣吧，所以大部分食辣既人都應該會食到的麵質彈性控制得幾好，彈牙既，好有係日本食既感覺.足利將軍拉麵  (黑蒜油豬骨湯底)本身就喜愛黑蒜油既香味，口味又偏濃，真係啱曬我，老闆話正宗既黑蒜油湯底係有小小甘甘地，店舖都係用真正同新鮮既黑蒜油 好欣賞個湯底，同埋d叉燒食真係好match，仲有隻蛋！食得岀小店用了很多心機炮製依碗拉麵.溏心蛋要加十蚊，但值得加既！蛋味岀，食拉麵真係應該要有蛋先完滿.拉麵叉燒肥瘦分佈得好平衡，咬開又唔會散開，算係我係香港食過比較滿意既拉麵叉燒.餐單如下，好細心有日文餐單呢！.食定老闆都好細心咁問滿唔滿意個拉麵，同客人會有交流，服務不錯，會繼續光顧…查看更多

星期六晚上，真的好想食一次咁岀名既金鳳餐廳，据下扒，試下到底點解咁多年來都會一直有人排隊食佢！終於，比我有咁機會食到！.六點幾去到，等了一個鐘左右，佢其實係一輪輪咁入，所以都算快.門口的餐牌.跟餐有餐包同餐湯，都是一般的味道，正常鋸平扒會附送既質素.西冷鐵板餐加蒜 $82+2熱辣辣上碟，一大塊扒，下面墊着薯菜，西冷有小小筋，口感比較實，牛味重，好味，一個女仔食會好飽，重點係加蒜！食完雖然會好大陣蒜味，但係依個真係畫龍點睛，會令到成個扒味道更豐富.蘇格蘭牛扒鐵板餐加蒜 $82+2依個配料同上，只是塊扒有點不同，依塊口感比較林身，肉味冇咁濃，但個人比較鐘意依個！.餐飲檸茶，加大加$3正常味道，茶底ok.食完都還好，唔係好大陣味，環境就係迫左d，但服務唔會好差，有些少人情味添！下次都係平日黎食會好d haha…查看更多