味頭巾Vii的個人專頁

今天同朋友行過大河道，見到呢間新店 本人喜歡食拉麵就去試一試，店面看上去好骨仔細細間，入邊有四人台及 面對街食的BAR台，對於喜歡看著師父製作的我少了少少樂趣。 調味架的選擇比較少，這個不要緊。:):)本人試的是元味豚骨 試下佢最基本的味道湯的味道 是沒有得選擇的，有得選的只有幼面 或 曲面 （普通 、硬、特硬）叉燒有得選 腩肉或肩肉青蒽 或 白蒽本人選的是 曲面（硬） 腩肉 青蒽 加多＄10替玉首先試湯先 湯底算是中等濃度 味道不算好出眾，找不到。腩肉的味道很好，可惜只有三片薄薄的，配料只是啱啱好，如果加入替玉後 湯也不太足夠，如果只是女士 份量應該OK，但一個大男人 加了替玉 都決少了滿足感。試過一次就算！店入面比較加分是充電服務 一個位 有一條線差下電，可以加分。…查看更多

琴日同一班隊友過銅纙灣打比賽，心大心細選去邊到食野好，見到別天神近近地就拉隊去食。門面細細間，入邊的座位L型大約可以坐到十幾人到，我個人很喜歡呢種格局，全自助沒有人招呼，地方細麻，但我就係喜歡咁睇住師父的全程製作麵的選項不多，無得比你話濃定淡之類 店內的指示清楚明白，所以唔洗人介紹，叫餐後用八達通比錢可以平兩蚊 台上有很多調味料，跟著指示去做調出自己喜歡的口味叫了個蝦味噌湯拉麵，有粟米粒、䓤。細麵條，湯顏色啡乳白，豬骨同味噌互相平衡，湯底濃稠美味，櫻花蝦的顏色奪目，叉燒不是很大片味道一般，如果是食量比較大的朋友可能份量會少D ，但湯好味道飲清光了…查看更多

經朋友介紹難得到觀塘試下呢間FUSION餐廳，室內的裝修不是華麗，星期一客人也不多，地方很舒服。服務員很有耐性的等我們點餐，晚餐很簡單有兩個set Combinactionappetisen + daily soup + Main course 或 Pasta + Desserts + Drink可惜呢次個個都選MAIN COURSE 未試到pasta 先上個頭啖湯自家製作的香草包之後來個頭盤，冧酒慕士三文魚意大利雲吞，那些泡泡原來的冧酒慕士透明的皮包著 煙三文魚的意大利雲吞，配上碟邊的李子醬帶給人一種清新的感覺，鵝肝醬配脆包條及酸青瓜，他的鵝肝醬不肥膩拌著酸瓜與脆條恨不得一口吃下 ，香脆酸美味得不得了！帶子煎得火候啱啱好，栗米用牛油焗香，自製蕃茄乾。我最喜觀細細粒的脆忘記問是甚麼很特別。意大利海鮮飯我向來喜歡生生地，很多店為了合港人的要求都會做得軟，這𥚃的意大利飯正正就是我要求的硬度，不竟意大利飯係要生生地先好食。慢煮日本佐賀五花腩配蜂蜜芥末醬，我用刀子輕輕壓下去先聽到脆皮的聲音，之後就是一刀掂到碟子就己經切開了。由於慢煮的關係五花腩皮脆柔軟而多汁，加上多重香草的味道，比中式的五花腩更加有富有特色。澳洲草飼安格斯西冷及法國鴨胸杏仁酒話梅汁，無論賣相品質都非常之好有五星酒店的水準，蒜蓉醬帶出西冷的鮮甜味，正！！由於只可以於十二張相，甜品都不能盡錄。 如果講西餐由頭盤 主菜 甜品，甜品就是一個精彩晚餐的完美句號。三個甜品也試灑，人多好處：花生醬蛋白餅配咖啡朱古力、石榴白朱古力芭菲、西班牙油條配辣椒朱古力慕士果醬，每款都給人複雜的味道同驚喜。本人很少寫食評，但真心感覺到此餐廳的廚師放了很多心思時間於菜飾𥚃，五花腩、自製的蕃茄乾、自家製作的香草包等，都令我真心寫下食評。…查看更多

門面係之前既米線鋪，咁樣街頭食野好有風味，坐下叫了第四天招牌拉麵，餃子。湯底係清淡既，但我喜歡濃味，感覺上唔似平時湯底，反而有點似中式豬骨湯，麵就一般，叉燒算多，整體上唔算好特別，五十幾蚊碗無咩要求了餃子都可以…查看更多

星期六行過謝斐道，一蘭無人排隊終於可以試下，入到去取點餐紙坐下唔洗三分鐘入得去，場內的格局很多人都知就無謂講，之前都知道得一款味道只可以選無、少、普通、多之類的口味等，安全計我全選普通:)，有葱 叉燒咁。之後按制落單，等了一陣就有得食，先試湯先入口想豬骨味只係好普通，可能我只係選普通關係，麵較軟、驚喜在葱係成宛麵最好食材料，很快要追加麵，雖然選擇一樣，今次麵又硬左D 渴完湯就埋單，一試無妨 ！…查看更多

今晚試食台風拉麵，以豬骨魚湯為主題，大大碗叉燒兩大片好味道：)，特色係一路食一路加魚粉。奇怪的事第一啖湯就有魚味 加入魚粉味道變化不大 ，湯選特濃 但我覺中等不是太濃，麵的份量多啱我呢啲男士可以食飽，麵條較粗建議選擇煮較軟。78元一碗呢個價錢有呢個質素都OK，總結來說呢區的拉麵店好差無得比較，係荃灣無對手，現在係荃灣最好食既拉麵…:)…查看更多

每天工作做到死死下，難得可以燒下野食。有人介紹呢間士多可以BBQ，於是入去試下：高人話鱔係最好食試了果然無錯，夠肥美。海鮮又大件又新鮮，好滿足！仲要望住個海，非常之寫意！佢地無WALK IN架，記得BOOK 位同ORDER 想食D乜野…查看更多

留了很久的食評終於可以寫上，知道在元朗的岩手轉了地頭去到旺角就立即去試試，無奈未有店鋪登記到現在才可以寫…店子可以算是有些少特色，店內播著日本萬能俠的歌（本人不懂日文，可能是會錯意）回正題！今次叫了岩手拉麵及地獄海鮮拉麵岩手拉麵還是保持水準…當然啦店主無換人只係換地址…非常好味！今次主要係食地獄拉麵 - 全港最辣的拉麵！！！！！！小弟食甚麼辣野想也不想，都會叫大辣、特辣或十級辣既…喝完湯都不用沾一點飲品解辣的人今次終於碰到對手………這碗地獄海鮮拉麵，炸蝦、帶子等非常美味但一定要食先，因為喝到湯料你就分不出味道，開頭喝的湯都不覺得太辣，但吃完半碗後那種辛辣令到胃都感到一陣陣的發熱，我只能喝到四分三的湯就喝不下，還要渴水才可以減輕度…我下次會再排戰呢碗地獄拉麵既………查看更多

走到老深，想試試呢間隱家的味道，見無人排隊時間又差不多，於是就排隊入去食店的裝修，座位有人話好特別、有人話唔好，但對我來說味道好點都無所謂，又唔係食裝修…在好多當眼的地方有好多提示教你點食，正常的人類都會知道點食…MENU很簡單，得三種湯選 紅、黑、白伝，配料一樣，最適合帶女朋友去食（唔洗等佢點成個鐘菜）點了個一紅一白，配料各樣等…8分鐘就食得到了湯是暖的，紅湯的茄味不是太重反而黑蒜味出眾（我沒有叫過黑伝，可能蒜味比它更濃）白湯不是太鹹，味道都得美味，麵的覺得軟了點，但還是本人的接受水平，肉、蛋都是基本野…不用說…:)對沾麵的看法：拉麵本人都是喜觀先喝一口湯先食，但此法的湯會鹹了點，令我喝不到頭啖湯之後加豬骨湯再一口喝盡此法又不覺得濃味過一開始的湯，有點前濃後淡的感覺…最後埋單是約100元一人，這個數可以有好多選擇服務員很有很有禮貌:)…查看更多

今天走到荃灣福來邨肚餓，本來想走出去大河道食野。但發現左呢間寶星SHOW 出來的食物相幾靚，於是入去食個下午茶，本來是沒有期望的…入到去無咩人，小貓三四隻，更加無期望…但見到餐牌的食物好類別選擇，又二幾蚊一個餐，求其點了個熱九，同熱咖啡…普通料啫咁…之後我無意中由出餐位望入去見到個師傳搞部機……咁熟口面既部機……點知出來既係一杯……拉花咖啡嘩幾廿蚊仲有野食邊度搵…之後出場係HOT DOG 非常有份量，最有趣係啲番茄有煎下，呢D小小心思，值得我會返來再食…查看更多

2點到入去坐，點了流沙奶黃包、馬拉榚、蝦蛟、雞粥、雞扎、多汁小籠包先來了馬拉榚，蝦蛟同雞扎，都無甚麼特別，味道同普通酒樓既差不多，但雞扎既芋頭很爽脆（普通茶樓都唔係咁，個人覺得粉既芋頭先好食）不知是否該店特色，算數！之後是雞粥，都可以，D材料都足既…到流沙奶黃包，果然係流沙，上台之前就流灑出黎仲要蒸軟左，問店員換，答案：「係咁架啦！熟架啦！無問題啊！」之後走開你講句SORRY都我都算數，但無講，咁即係做一次生意啦！咁我都算數！ X 2:(可惜忘記了影相…最後是多汁小籠包上場，係好多「水」，但係連最基本既煮食原則都達唔到—「熟！」（呢次有影相，包頂最厚粉既地方白色，生既）又問店員（我可能好麻煩），唔知係咪人多唔得閒，過來望了一眼之後一聲不響，走開左！我都算了兩次，比第三次佢都無所謂！咁既態度我都唔等佢覆，成籠無食，之後就埋單走人，結脹95元……查看更多

之前要食串燒野要到圓坊個頭好鬼遠，與女友在荃灣唔知想食乜，走到大河道睇睇…見到以前係一問遊戲機中心既鋪變做一間串燒店，裏面又放好多紅酒瓶，好奇之下入去試試。店員都好有禮貌介紹餐牌D食物（加分），於是叫幾樣基本野試下，燒雞翼、久菜、秋刀魚、茄子咁…燒雞翼上場好好食，久菜就同其他店差不多，但係秋刀魚就燒得非常好唔係只係得D辣粉味，茄子上蒜泥好香同唔乾身呢個我叫多一碟（100分）我女友見到有蝦，想order ，點知店員講今天D蝦唔靚無入貨，呢種態度好正確，小店也好、高級餐廳也好都要抱住呢種觀念不過要食海鮮要先call定先唔係遅左無得食…整體上是比到95分、減5分係漏左我地兩次單（不過就好有禮貌 say sorry）…查看更多

:) 同女友試食呢間放題，之前朋友話，清酒任飲。於是每樣都order一點試下，在下覺得酒就麻麻，但勝在所有飲品任飲，ok!最好食都係串燒，又有海膽等，但其他食品都一般，都算ok!服務員既態度都不差，整體給80分啦！…查看更多