motorfood的個人專頁

間中元朗工作都有幾年，經常都會喺元朗食午飯，通常喺附近行個圈再搵間平靚正嘅食，今日食呢間經常都有經過，喺元朗都幾出名，一路無食原因係價錢唔吸引，今日終於去試吓佢個招牌雞飯，午市繁忙時間都唔爆，坐低叫咗個霸王雞，兩者菜飯。雞飯送例湯，個湯ok,霸王雞類似小菜，會另一碟上，跟一碗菜飯。霸王雞有4份1隻，份量唔少，雞偏細隻，雞下面有大量芽菜，雞面有好多蔥絲，今次係雞髀加雞胸位置，雞髀飲急凍雞髀，胸唔韌，兩者肉質都麻麻，雞唔滑又無雞味，連豉油都無乜味，菜飯偏淡。相信係食材本身唔靚，唔值呢個價錢。…查看更多

中秋前兩天的星期六難得約齊人提早做節，嚟到大埔呢間酒樓大約7點，櫃檯話好彩有最後一張大枱即時安排入座，坐了10分鐘應該係經理嘅人走埋嚟無乜禮貌問係咪落單，我地話睇緊，佢即話8點要交枱，我地話入座時無人講過，佢就不太滿意叫我地留意時間，走咗去無再返嚟。比佢嚇一嚇即刻叫嘢食。孖寶白灼蝦目測超過一斤好大碟，新鮮。燒黑毛豬肋排大條無乜肉又硬，最後剩3條無人食。清蒸藍瓜子斑蒸過熟有啲鞋。魚腐浸菜苗正常。脆皮燒腩仔唔脆比較肥。海皇炆豆腐調味過咸。蜜味欖角骨炸得太硬剩一半無人食。鮑魚雞煲啲雞切太細好似碎上。柚子蜜蝦球份量大，蝦球爽彈，調味適中。西蘭花帶子珊瑚蚌大碟味道唔錯。雖然價錢有點貴，但出餐份量足，味道可能太繁忙確係有啲參次，期望服務態度能有點改善。…查看更多

都好耐無得閒飲過下午茶，難得今日放假有時間一於嘆個特價下午茶，嚟到沙田呢間酒樓接近兩點攞飛，兩點準時派枱，都係得廿人等候，但派枱相當慢，一個個派，派咗15分鐘先派到我，雖然酒樓大把枱，但一個人指明係搭枱入座，都唔緊要叫嘢食。叫咗個孖寶星級燒賣，原來唔係普通燒賣，有3粒，帶子燒賣、鮑魚燒賣、黑松露燒賣各一粒，燒賣入面包有冬菇幾惹味，黑松露嗰粒就無乜黑松露味。蒜蓉魷魚桶應該係急凍唔多新鮮。翡翠蝦腸蝦仁有蝦味幾大隻，包翠玉瓜，我就覺得包韭黃好食啲。北菇綿花雞，雞幾滑，魚肚就有啲硬，仲有啲乾身。整體各樣食物味道都幾一般，唯獨壺香片茶幾香幾好飲。…查看更多

晚上出席某集團周年嘉許活動，晚上6時開始進場，主辦單位領導及主禮嘉賓們一個一個上台致詞，表現優異人員上台接受嘉許，儀式完結，主辦方安排飲品及各式食物供出席晚會人士享用。酒店員工在會場中間排一行枱，將食物放上，賓客以自助形式取食物進食。大約有十多款食物，大蝦沙律杯以急凍蝦為主體，蝦爽脆但無乜味，醬汁味道唔啱我。茄子卷包住唔知係乜，麻麻。涼拌海蜇雲耳墨魚仔正常。幾款西式蔬菜卷都唔啱我。串燒沙嗲雞沙嗲夠味香濃，煙肉腸同樣味濃，目測呢兩樣係最受歡迎。春卷又係包菜，麻麻地。炸紫薯味道幾好。仲有多款甜品都唔錯…查看更多

超強颱風即將遠離香港，由10號風球落翻八號，因要當風更8號風球都要搵嘢食，喺石硤尾搵到間茶餐廳有開，即衝入去搵嘢食，可能颱風期間，店員精神唔多集中，為求醫肚，即刻叫嘢食。西炒飯有腸仔、火腿、蝦仁炒，當然係落茄汁炒，但係色水就唔多靚，顏色有啲沉，仲有啲黑色一點點，同事都笑問係咪黑松露炒飯，當然唔係啦～ 似乎係連啲鑊撈都炒埋出嚟，不過味道都唔算好差，係有少少燶味。菠蘿海鮮炒飯又係有一點點，即刻問同事有無茄汁味，同事話無，即係有洗鑊？焗黑椒牛扒飯，應該係最穩陣，因為本身係黑色，汁都幾濃。粟米魚柳飯清清地，同事話還可以。…查看更多

超強颱風侵襲香港，颱風期間依然要當更，八號風球的晚上喺石硤尾搵嘢食都無乜要求，在白田邨一間連鎖集團餐廳，有晚餐，一人叫一個餐。咖哩牛腩飯我叫咗個咖哩牛腩飯，咖喱夠香夠濃有辣味，牛腩應該係牛肋條，炆得好腍好入味，不過切成一粒粒比較細粒，牛腩雖細粒但份量唔少，仲有薯仔係用新薯味道比較清，整體都算有驚喜。蜜汁欖角骨有好多件，咸甜配搭唔錯，急凍一字骨煮得唔錯。蠔仔肉碎湯飯有上湯底，蠔仔無腥味，加埋肉碎口感豐富。呢間集團都幾多負評，我又覺得唔錯。…查看更多

喺旺角諗住食個快飯，行經多間茶餐廳食個碟頭飯都要80蚊以上，放棄選擇。諗起呢間酒樓有火鍋放題一於睇吓，目標係平放題就食最平的火鍋放題。走地脆皮雞，真係未食過超彈，層皮係彈到咬唔入，雞肉唔滑，唔啱我。肥牛就係最便宜嗰種，不過唔算好韌，還可以，滑牛肉口感比肥牛更好，豬肉片普通。其他火鍋配料在自助區，主要係丸類，蔬菜有好多款，質素正常。熟食區有豬軟骨唔錯，蘿蔔牛腩碎一般，花生豬手出咗一轉幾好食，另炸物有雞翼，蝦，南瓜都係普通，有燒鴨普通，芝麻雞無驚喜，燒雞皮有啲脆比較好食。啤酒汽水任飲，雪糕杯雪條任食。食物質素認真一般，唔算難食，價錢反映一切，任食嚟講覺得幾抵。…查看更多

太子始創中心一間潮式酒樓，不過今次係食酒席，睇菜牌就無潮州菜成分，酒樓要行去商場另一邊搭上比較難搵，酒樓環境幾靚嘅。鴻運乳豬全體當然係砌出嚟，每人有兩件，皮係香脆，肉質一般。上湯波士頓龍蝦伊麵龍蝦似乎有啲細隻 ，一人分到粒細細嘅肉，外表就唔錯，伊麵同醬汁都ok,係龍蝦肉太少。脆炸鳳尾蝦多士麵包同蝦膠包住隻蝦炸，炸得酥脆，蝦味清淡啲。姬松茸螺頭燉雞湯用料充足，湯水濃郁。當紅脆皮燒雞皮脆肉嫩，雞味唔重，ok好食。瑤柱蛋白炒飯睇到有少少炸瑤柱絲同蛋白，食落就係有少少味嘅白飯咁，相當清淡。…查看更多

公司出咗全新全電動七人車，得到老細批准安裝易於清潔嘅地毯，約咗火炭嘅安裝公司，將車放低有兩個鐘，同事建議去坐低食個早餐，去到火炭公共屋邨呢間集團茶餐廳。鮑菇火腿絲通粉，跟火腿片兩塊及雞蛋（轉炒蛋），走麵包，即磨熱咖啡。鮑菇火腿原來係鮑魚菇加火腿，呢個配合第一次見，無乜味道，湯都係比較淡，通粉有啲硬，炒蛋ok，即磨咖啡算係最好，夠濃無苦澀。五香肉丁煙肉意粉，肉丁同煙肉味都比較濃，同湯意粉夾啲，湯意粉質感都唔錯。醫肚等時間還可以。…查看更多

開學了，要幫小朋友賣校服，週末去沙田禾輋商場校服公司，順便食個午飯，行勻成個商場最後都係去校服公司隔離一間韓國食店，週末午餐時間都無乜人，地方幾大裝修唔錯。Qr code落單，有好多選擇又有優惠，但啲優惠好似有啲複雜，睇咗好耐最後叫咗兩個餐。燒雞扒香蔥粟米石頭鍋珍珠米個名已經說明一切，好足料，石鍋熱到不得了，一定要小心點，熱辣辣。大醬排骨有個小火鍋上保持熱度，大約有10分鐘燃料，排骨唔錯味濃，如果配飯就啱，我淨食有啲咸。可以加8蚊任食白飯、湯、泡菜真係好抵，但另叫咗飯就無加到。飲品冷壓檸檬茶幾好飲，咖啡都唔錯。…查看更多

早前去大埔幫親友作家居維修，整完大約中午時間，就一齊去附近酒樓飲茶，酒樓喺富善邨嘅屋邨酒樓，裝修感覺有點舊，唔太乾淨但可接受，坐低開茶劃點心紙，所選嘅都係特價點心。潮州粉果香煎蘿蔔糕蔥花蝦米腸蒜蓉蝦春卷之後發覺有點心孖寶－－水晶鮮蝦餃－－蟹籽燒賣皇兩樣只係37蚊，仲無限數量啲點心味道正正常常，一啲都唔差外賣燒味，只限茶客優惠30.8有半斤奇怪係只限外賣，但外賣又要加3蚊但有寫可自帶食物盒的埋單發覺除孖寶外，所有特價點心以正價收費，差十幾廿蚊無深究原因，整體用餐體驗不過不失。…查看更多

火炭工業區搵食看似好多選擇，其實選擇不多，好多工業區工作返工嘅人都會行上去駿洋邨商場，可能感覺無咁逼，今日就試咗一間茶餐廳，叫咗個瑞士汁乾炒牛河，成個河粉好濕又無乜味，真係唔好食。…查看更多

上星期再次到深水埗呢間順德河鮮小館，佢地店員唔會好熱情招待，自己搵位坐，叫店員開茶，再點菜，我地叫咗幾個小菜，記憶中比之前大碟。欖角骨可能有廿粒，食極都有，排骨炸過可能比較過火有少少硬，佢個醬汁咸咸地又比較甜，炒上嚟好香。鹵水牛腱係小食，下面有青瓜，但牛腱都唔少，唔係炆好耐嗰種，保持到有嚼頭口感。新會葵花鴨會唔會係來貨問題，的確係大隻咗肥咗，鴨始終有啲脂肪會香啲更啱我口味。埋單時收銀員問比卡定現金，我話比卡囉～跟著佢話現金9折咁當然比現金啦…查看更多

今日去火炭工業邨做嘢，中午飯時間比較長諗住搵間酒樓，工業區都以飯堂為主，行上啲一條屋邨商場就有一間，中午時間都算多人但是有位，酒樓以大、中、少點同價作招徠，當然集中選大點。豉汁蒸鳳爪（大）蒜香醬汁蒸排骨（大）鮮蝦腐皮卷（大）鮮蝦炸雲吞（中）家鄉煎薄餅（大）椒鹽魷魚鬚（小食）鳳爪，排骨一般，好似好多醃料味道。腐皮卷足料，外包一塊紫菜就唔多夾。煎薄餅幾特別，兩塊薄皮包韭菜牛肉煎，味道幾好。椒鹽魷魚鬚炸得香脆， 魷魚鬚唔會韌，而且幾大碟，48蚊抵食。…查看更多

今日去咗尖沙咀一間中式酒樓出席晚宴，酒樓位於 iSQUARE 26樓，有個小露臺可以遠望維多利亞全海景，所以呢棟大廈有多間中或婚宴場地。乳豬全體例牌第一味餸，豬皮脆，唔肥，肉就一般。富貴炒花姿珊瑚蚌都係正正常常，西蘭花芡汁比較厚。翡翠玉環瑤柱脯瑤柱處理很好，海味味道突出，生菜底有點過火。柚子水蜜桃脆蝦球個汁幾好味，蝦都爽脆，但個炸粉皮就太硬，影響晒個口感。紅燒竹笙海皇翅 翅湯調較幾好鮑魚合格，龍躉新鮮，火喉啱當紅脆皮炸子雞炸得外皮好香脆，雞肉嫩滑甜品比較新式唔太甜…查看更多