c9lisa's Profile

今日上OpenRice 睇吓有乜好選擇，就見到香港仔開咗間新嘢，當然要去試吓啦。Lunch 時間需然人多，但好快就有位。入到去就只放低Lunch menu ，當時以為只有lunch menu 可以叫⋯⋯服務似茶餐廳咁，我哋叫咗三個set lunch 包任食沙律、任飲麵豉湯及飲品。魚生丼、牛肉烏冬、辣海鮮烏冬、茶碗蒸及炸墨魚咀。魚生丼應該是餐廳內最多人選擇，lunch 都有四款可以選擇。我就選擇了雜錦海鮮丼，質素合付預期，油甘魚夠厚身、魚生份量足夠。地獄海鮮烏冬，海洋都算多有帶子、蝦、青口、魷魚同蟹柳、湯底味精都幾重及微辣。海鮮ok彈牙爽口。:)另外一個主食牛肉讚岐烏冬⋯⋯牛肉太‘鞋’太老，味道一般、湯底味似出前一丁嘅豬骨湯味🤣點這個令我太後悔了。反而任食沙律吧，佢嘅車厘茄、菜十分新鮮，食左三、四轉。而最後的茶碗蒸比較老，一啲都唔滑。而炸墨魚咀因漏咗無落單所以無得食，有機會留返下次先再試啦。最後埋單有驚喜，小朋友有禮物揀，都算不過不失…Read More

店舖不大，但服務不錯，每次午市時間都會排出人龍，所以就試吓新嘢。排隊不用等太久大約五分鐘左右，就入得。餐牌都有很多選擇，那當然要試吓佢哋嘅籠仔蒸飯，今次試咗鰻魚飯由於怕消化不良所以糯米飯改左白飯而另一款就點了店員推介海南雞飯⋯⋯鰻魚飯——整體不過不失，係個汁較濃配飯就剛剛好。海南雞——上碟華麗嘅，三款汁料不錯，飯味道都不錯，只是雞不夠嫩滑，較令人失望，而壺入面嘅係清湯較淡。反而凍檸茶及凍奶茶茶味濃好味。整體來講值得一試…Read More

很耐無食泰國菜，就試下呢間。差不多午餐時間都有點怕沒有位，去到竟然不用等直接入去。雖然主餐牌好吸引，但午餐不而太豐富所以選了他們的午餐（都有好多選擇）。我們選了海南雞飯、豬手飯及炸蝦餅，餐飲點了凍檸茶和椰汁冰。凍檸茶，茶味剛好不會像一般茶餐廳太淡、椰汁冰，香濃椰奶味令我感覺好有童年回憶。海南雞飯必試推薦，飯香、柔軟、有濃郁雞湯味，可以吃多幾碗雞肉嫩滑、味濃兼無骨，好耐無食過咁嫩滑嘅雞了。豬手飯味道都好好、外層口感好有骨膠原而肉質都一樣好嫩滑。炸蝦餅外脆內軟，外層粉漿不會太厚，不錯。下次會再試埋他們的咖哩和串燒。…Read More

下午茶時間當然要去食個甜點啦！今天選了呢間因為之前一直排長龍都無試過，見今日無咁多人就入去啦！坐低不久，店員遞上餐牌仲好有禮貌地如要柯打可以幫我。:)雖然有期間限定白桃及南瓜但最後我都係點了士多啤梨藍莓香蕉班㦸和珍珠奶茶。珍珠奶茶，茶味一般，珍珠剛好都幾Q。士多啤梨藍莓香蕉班㦸，士多啤梨同藍莓好鮮甜不酸，只是量比較少而Pancake 方面蛋味濃郁，外層比較有彈性內裏軟綿綿，口感柔軟有質感，總括來說好味嘅…Read More

新開張當然又要試下啦中午又係超多人等，坐低之後就落order 叫左lunch set 都幾抵食，價格平當然份量也不多，所以我們也order 了一些小食。先來的是粟米湯同沙律，湯比較像嬰兒糊仔，但有濃郁粟米味。水牛芝士Pizza ，餅底很脆，屬一般。墨魚汁意大利粉，農農墨魚汁味，食完記得抹嘴，因為食到黑麻麻。黑椒雞肉意大利粉，簡單一個意粉卻帶來驚喜，小小辣，黑椒味很出，雞肉味道也剛好。小食點了雞翼、炸蝦及蒜蓉多士，三款都好好味。點了無限添飲，自助任添，你可以選三款口味汽水。若不喜歡你也可以選咖啡都是自助。…Read More

因為新開張又碰啱晚飯時間所以都要等10分鐘左右，門外有外賣飲品優惠所以人更加多。點了肉骨茶、喇沙同海南雞。滿心期待，上菜都很快⋯⋯肉骨茶味道較淡而且肉排不算多，整體來說一試便夠。喇沙:)材料及份量十足，味道一般但抵食，如果不吃辣就要預早講聲，因為成碗都是辣味。海南雞飯:)基乎枱枱都會點呢款，雞肉嫩滑有雞味，無骨。套餐價錢合理，有菜有湯，但個冬瓜湯淡而無味，他的油飯也不要期望太高，都是一般。整體來說可以一試。…Read More

相䣓幾年，在沒有想過的情況下，老公提議去食outback 。 以為星期日要等位，但係去到竟然唔使等，好開心，因為很肚餓就即刻睇餐牌，有set可以點，大B要求要食牛扒，所以點了肉眼扒滿足下佢，點知職員給她的填色畫冊竟然有兒童餐，結果又點了一迷你芝士漢堡餐，又點了雞肉大蝦寬麵，及洋蔥花。先上桌的當然是最好味的黑糖包，鬆軟無比配埋cream cheese 一流。粟米忌廉湯，帶甜。繼續是迷你芝士漢堡，一點也不迷你，對一個小朋友來說應該太大了吧但漢堡肉比較實，唔夠juice 。洋蔥花，和以往一樣味道濃郁如果配啤酒一流。雞肉大蝦寬麵，雞肉質鮮嫩，蝦彈牙無雪味，麵條有口感配搭的汁料很合小朋友心意。最期待的肉眼扒⋯⋯果然無得輸，雖然無任何汁料配搭，反而食到原本牛肉的味道，雖然點了五成熟但由於鐵板上，所以來到已經七，八成熟，但肉質依然鮮嫩多汁，配菜的露旬也不失色。甜品選了朱古力餅作完結。最差的就是餐飲凍檸茶，完全無味。…Read More

很想試很久，今天終於去試一試。店子很細小大約有六張枱，因為我tea time 去所以不用排隊等位，坐下看餐牌都很吸引咁就試左魔鬼疏夫班戟，店員有禮貌說要等二十五分鐘，始終即叫即做，咁當然要等下啦。店員一放低⋯⋯嘩！靚喎，不輸給大品牌。賣相好得，當然要試下味道啦！班戟鬆軟，入口即溶，上層朱古力醬唔會太甜，仲有朱古力脆餅，有濃郁朱古力味兼脆咬囗一流，再試加配朱古力雪糕又另一番味道，再試試白色cream cheese加班戟又一番味道有淡淡芝士香味十分creamy 。唯一美中不足是上面popcorn 唔夠脆我食左一粒就放棄…Read More

今天和朋友去左試牛氣，因為怕要等位所以一早book 左位。去到門囗職員好殷勤咁介紹唔同set 俾我地，雖然好想試和牛，但還是選擇了牛肩肉個set 及加左錢試個龍珠湯底。一入去坐低就即刻有員工開爐及送上肉類，而其他配料是可以自己選擇。湯底味道唔錯，牛肉新鮮，有肉味，雪花平均唔會太肥。前菜有薯仔沙律，中華沙律，芝麻八爪魚，螺肉。配料有三款菜，三，四款丸，有秀珍菇，鮮冬菇，蟲草花，午餐肉，墨魚滑⋯⋯飲料都有六，七款甜品有五丶六款，雖然賣相有點不討好但和果子及泡夫味道唔差，如果要食綿花糖就需要叫職員協助。地方唔算大，可能我們早去所以沒有爆場，但員工態度十分有禮，見你d牛肉食完會主動問你要不要添總括來說可以一試，雖然是限時但都夠時間填飽個肚。…Read More

開完會，朋友提議食煲仔飯咁就去左油麻地啦。晚上7點去到已經排左一條龍，估計前面排左廿幾人，係勁凍嘅天氣在街上足足等了一個小時，終於有得坐低叫野食。我們叫了臘腸滑雞，白鱔排骨當然仲有炸蠔餅啦⋯⋯臘腸徧瘦不過雞就好滑，有雞味無雪藏味白鱔啱啱好唔會糊口但排骨比較細不過都好好味對女仔來說食得比較方便，煲仔飯有燒焦飯焦味而份量都好多。而蠔餅入口即溶，好鬆化，沒有食粉漿嘅感覺，蠔仔亦鮮味份量夠，但佢地果個醬徧咸所以點醬時不要點太多，整體來說值得一試。溫馨提示佢間店係冇飮料提供只有清茶。…Read More

銅鑼灣各式各樣都有，這店有北京煎餅而且有四款選擇兩咸兩甜，試了北京烤鴨和港式煎餅。咸煎餅，醬汁濃郁，烤鴨及薄脆令囗感豐富。甜煎餅，有點像夾餅只是轉了用煎餅，反而他們的飲品有驚喜。有奶蓋及水果茶，試了滿杯水果綠妍，甜味適中，大大杯入面有不同新鮮水果，西瓜，蘋果，橙⋯⋯如果想要茶味濃一點可以選四季春茶。另外還是了芝香莓果，有淡淡莓味，及上面層芝士奶蓋，濃厚芝士味夠軟滑，雖然是冰雪之類但配搭煎餅一冷一熱卻出奇地配合。值得一試…Read More

之前已經好想試下，今晚吃完晚餐就去。不用等位即時入座，可能已經是晚上十點幾裝修簡潔，一坐下就有職員放下餐牌，餐牌款式吸引但朱古力系産品不多，感覺上主打是綠茶。㸃了朱古力薄荷，朱古力味濃郁。 唔記得全名，但多士好好味配上呍呢拿雪糕及醬汁真的值得一推，尤其多士吃時感覺就像吃半熟蛋糕一樣，個醬汁酸酸甜甜配合得相當好。 朱古力心太軟，蛋糕不錯有流心朱古力。 綠茶心太軟，有流心，滿心期待，但反而有少少失望因為相比其他茶系甜品它比較甜。蛋糕沒有想像中鬆軟。 焙茶芭菲，焙茶雪糕茶味很濃上面的綠茶蛋糕比較乾，白玉丸子ok下一層脆米及忌廉混埋一起入口反而更舒服昇華到另一個層次，最底層啫喱好Q整體來説不錯的選擇。…Read More

一月份同朋友聚餐，想食泰國菜於是俾就選定了這間。食泰國菜一定要點冬陰公，因為每一間湯料都會有唔同，而呢間湯料十足，但味道沒有想象中咁好，比較濃稠、蝦肉'鞋'。豬頸肉燒得剛剛好，肉質香嫩。通菜屬一般。菠蘿飯，飯香甜好味依然是用新鮮菠蘿最推一定係金枕頭，d咖哩汁入哂個包入面仲有蜆肉，其實呢個都好飽肚，而且唔似一般咖哩雞果類要另外叫薄餅。下次都會因為呢個金枕頭而再去:)…Read More

今日同仔仔補祝生日去去茶木食左個下午茶。我們了芒果蜜糖吐司其實三款吐司都試過芒果味酸酸甜甜吃飽飯點是一個不錯的選擇。而且我眼見週圍都選芒果味，証明佢真係皇牌至於主食方面，豬軟骨麵湯底太咸，反而豬軟骨味道剛好。雞扒同豬扒肉燥飯，其實上菜時個樣是一樣，要吃過才知邊個好味d，雞扒肉質較好，反而豬扒未如期望。肉燥飯真是好味不過賣點在於那隻溏心蛋，真的吃完想再吃。仔仔點了珍珠奶茶，不過我覺得太甜了。…Read More

入到長洲除左勁大粒魚旦，炸雪糕，紅豆餅，刨冰外都要食下正餐醫下肚。奶奶話好耐冇食過張記於是便入去醫下肚，點知中伏了！我點魚旦牛腩河，魚旦外表並不討好，入口尚算OK但太勁胡椒粉味，牛腩超瘦。牛腩撈粗，個粗麵好似真係滾一滾就上碟咁好彩奶奶有牙食到啫！老公嘅魚片頭豬手麫反而好好味，可能魚片頭炸過而且比魚旦大舊兼彈牙！炸魚皮冇驚喜只屬一般豆漿就甜度剛好，且好香豆味。不過今次比起以前已大不如前，而且份量好像小了一點。…Read More