beckyf520的個人專頁

晚上時段，銅鑼灣餐廳排滿人，女朋友話：不如食一蘭，好，就決定食一蘭。在日本食過一蘭，但香港就未嘗試過，今次就試下質素如何。行近一蘭已經最小10人排隊在店外，排左15分鐘左右，就可以入店，點知入到店。起碼仲有10個人排隊，再等多陣，終於可以入場。入到去，每人一個位置，好快已經上左招牌拉麵，湯底濃厚，麵質適中，好多蔥，我最愛好快，15分鐘已經不停食，食哂意猶未盡，但已經7分飽，同女朋友再下一城食甜品。…查看更多

中環附近食野一向都好貴，就諗住周圍行下搵下，搵一間平平地餐廳，就搵到呢間日式快餐店。好似其他快餐店咁，在外面睇完餐牌點餐，拎飛入去bar枱取餐。同友人點左溫泉蛋番茄牛肉烏東、咖啡炸雞塊烏東。附送玄米茶、芝士大福。十級驚喜番茄湯濃郁，牛肉份量剛剛好4-5大片，烏東扁身，好好食 而咖哩烏東的咖哩都超好食，咖哩香濃，雞塊新鮮嫩滑，有4大塊左右，炸粉唔多，食一口好多肉汁，加埋玄米茶，配合得岩岩好。估唔到行下行下都有驚驚，埋單每人都係60幾蚊，係中環黎講，算係平民啦。…查看更多

相約朋友在apm睇戲，時間未到，就搵下附近有咩岩食，咁岩見到美人鍋新店，就膽粗粗入去一嘗味道。套餐價錢$168，一個湯底，配一份免治雞肉，一份淨豚肉/雞肉加豚肉/淨雞肉，一份蔬菜盆。 其他肉類、配料需額外收費，飲料有任飲櫃：每位加$30。我就選擇左美人鍋，白色湯底，鹽鹽地，唔太大特別，而免治雞肉味道奇怪，和鍋底不太合襯，豚肉就薄薄5-6片，蔬菜盆一大盆，有南瓜、生菜、娃娃菜、青瓜等等食完整個餐，仍感到肚餓。…查看更多

夜媽媽，在灣仔睇完舞台劇，都成10點幾，就搜尋🔍一下附近有咩好食三川居酒屋位置銅鑼灣，地庫位置，坐定定睇餐牌，見到有2人套餐$398，原價$8xx，見到選擇都唔小，就點呢個啦首先，前菜係三文魚、章魚、甜蝦刺身，三文魚好鮮甜，無猩味，章魚就略un身，甜蝦就肥美，甜 有驚喜呀前菜牛肉壽喜燒，牛肉份量多，薄薄地，底下豆腐、娃娃菜份量都十分足料。無火在鍋底，但勝在鍋夠熱，食到中途亦唔覺凍。炒飯，超好食，加左蛋入去，粒粒都痴滿蛋漿，金黃色最後係魷魚筒，不過不失，份量剛剛好。甜品係每人一球雪糕總結，下次在銅鑼灣食飯，靜靜地又有質素，可以選擇黎食三川居酒屋。…查看更多

行開尖沙咀，口痕痕，想食d韓國小食，就緊係去韓國街啦，今次女朋友就帶左我去食呢間韓國地道小食啦一入到去，店面唔大，成間店都係放左約5張桌咁。店員有2位，好好笑容，懷疑係韓國人，點餐的時候係用英文點餐點完餐，坐左一陣，店員就送上酸蘿蔔，俾我地開一開胃，酸蘿蔔表面有幾粒黑芝麻，有陣芝麻香之後串燒、餃子辣拉麵、紫菜包飯都陸續黎啦 開餐啦！ 辣拉麵勁香，上面有小小芝士係表面，好彈牙d麵，一邊食一邊飲埋d湯，雙重享受 仲有餃子好大粒，白菜豬肉餡，無得輸仲有紫菜包飯超好食，紫菜好香脆、裹面有蘿蔔、酸黃瓜餡，一個人可以食成10粒都得總括黎講，餃子辣拉麵真心推薦，可能店員係韓國人，好有韓國風味…查看更多

黎到旺角行街，夠鐘3點3下午茶啦 今次食咩好呢？ 朋友就介紹位於旺角朗豪坊的川莊，咁就拿拿林去試下啦唔使拎飛，一入去就有位啦，坐定定拎本餐牌望望先，望黎望去，都係午市套餐，問一問店員有冇下午茶餐，佢就立即俾左本下午茶餐牌俾我地下午茶餐成個套餐包括：小食3款、主食、飲品。我就叫左土豆絲、手拍青瓜、豆腐、霸王炒飯、檸檬特飲。小食的土豆絲、手拍青瓜、豆腐都好開胃🤩 辣辣地，又香，分量都好足下 霸王炒飯上台，炒得好有鍋氣，有蛋、火腿、豆、蝦乾等，唔辣，好好食，伴著岩岩的前菜，愈食愈開胃總括黎講，3點3下午茶絕對係超值。有前菜、主食同特飲。都係60幾蚊…查看更多

難得星期一收早約埋家姐去天后搵食☺家姐話想食雞煲，就即刻上Openrice搵野食，見依間食評都唔錯就決定黎依間食啦!~ 頭啖湯位置係係天后既A2出口直行幾分鐘見到新世紀物業再轉入去(即大快活對面)再行1分鐘就會見到啦!!7點鐘入到去見到全場得我地2個心諗:咁恐怖!唔通中伏?!不過唔黎都黎左啦，就膽粗粗坐低試下。見到Menu有4種湯底可以揀，我地就揀左望落好正既重慶麻辣雞煲半隻，由於我地怕會太辣所以就問店員通常啲人係食咩辣，佢就話食得辣嗰啲就食小辣，我就即刻話咁要微辣啊唔該點完餐之後店員就攞咗一個調味料嘅兜俾我哋，裏面有唔同嘅調味料：豉油、乾蒜、濕蒜、蔥花、芫荽、辣椒仔同埋我覺得最特別嘅麻油，我食過嘅雞煲都係冇麻油，好新奇。:)過咗幾分鐘之後，一盤熱辣辣又香噴噴嘅雞煲送到黎我地面前，當我地揭起個蓋嘅時候，雞煲伴隨着一啲麻辣同埋雞嘅香味撲鼻而來，我哋迫不及待試咗一啖雞塊，開頭食都冇乜辣味，但係越食個嘴唇Feel到開始有啲痹痹地，但係冇我想像中咁辣，推介大家可以試小辣！同埋半隻雞兩個人食啱啱好！正當我地食緊嘅時候，就開始不斷有客人陸續咁黎到店裏面，大部份人都訂咗位，之後先發覺似乎我哋太早黎啦，所以先冇乜人！食完雞之後，我哋就再嗌左兩杯嘢飲（巨蜂乳酸梳打特飲同埋水蜜桃乳酸梳打特飲）、蝦滑、安格斯雪花牛肉、安格斯牛丸（但係剩返兩粒所以雙拼左川辣牛丸），店員幫我地落完單後，就開始幫我地加湯，佢好貼心咁用手擋一擋仲提醒我哋唔好比啲湯彈到，服務周到！啲嘢食同埋嘢飲陸陸續續咁黎到，我哋首先是食咗安格斯牛，佢嘅雪花紋好平均，入口即溶，真係好好食！再嚟我哋先食咗牛丸，唔使講安格斯牛丸真係冇得彈，但係意想不到嘅係川辣牛丸，真係辣得適中。然後就係蝦滑，佢係用竹筒黎放啲蝦滑，別有一番風味，蝦有濃濃既鮮蝦味，再點埋加咗麻油嘅調味料真係一級棒！之後再試咗兩杯嘢飲，對於我呢啲鍾意飲乳酸製飲品嘅人真係合我胃口，一邊打邊爐，一邊飲有氣既乳製飲品真係好爽呀！最後我哋仲嗌多左兩盤西班牙黑豚肉片同埋美國肥牛，豚肉真係好好食，個人覺得好食過肥牛，雖然肥牛都唔差，但係豚肉真係令人想一試再試！整體來講，「頭啖湯」係一間服務質素好，食物質素好嘅雞煲店！大家不妨嚟到天后試一試佢哋嘅雞煲…查看更多

今次去左一間連店名都唔識讀的—炊豕店話說呢間店，之前都有朋友介紹過，話一到飯點時間門外就大排長龍，坐無虛席，主要係食豬排飯，今次我都唔執輸，拉埋女朋友去食，去嘗一嘗呢碗豬排飯的滋味7點幾去到，岩岩好有2個位置，唔洗等，直接入左去坐底，一坐底，見到周圍充滿懷舊氣氛，旁邊仲有一幅紅磚牆，幾有舊時食大碗飯的味道坐底緊係拿拿杯睇餐牌，我隻肥豬都開始叫肚餓，見到旁邊枱的大大塊豬排，真係閃爆我隻豬眼最後就叫左咖哩炸豬排粗麵、芝麻雞翼、椒鹽魷魚、可樂同麥精。唔使10分鐘，野食到首先黎左係芝麻雞翼，炸得好脆身，外層灑左七味粉，好惹味，一啖咬落去，好香脆，有小小肉汁湧出黎，好正 主角出黎啦 咖哩豬排粗麵，估唔到d豬排咁粗咁大塊，一碗大大塊放係麵上，咖哩係另上的，第一下咬落去真係我係香港食過最好食既炸豬排之一，好香好多肉汁好甜，係愈咬愈有味，同薄薄既外皮一齊咬，一軟一硬，真係無得輸 連埋d咖哩粗麵，配搭一流，終於明白我之前食個d豬排同呢個相差幾袁食完呢碗，大開我隻豬眼仲有個椒鹽魷魚，本身我都好鐘意食椒鹽魷魚，佢碟起碼有7-8粒魷魚，粒粒都好大粒，魷魚同椒鹽個味好夾，旁邊仲有一個醬油，沾左之後係更香，魷魚裹面的原汁原味更加鮮明總括黎講，連我女朋友都讚不絕口，話豬排又大塊又多汁，好好食，所以下次黎到銅記，呢間係必選之一…查看更多

又黎到打工仔既分水嶺—星期三，又未到放假又岩岩放完2日咁，所以咁辛苦的情況下，要大食一餐慰勞下自己今次仲要慶祝2位朋友生日。唔講咁多，拿拿林開動 一坐底就見到有3張餐牌，見到有半放題選、又有3-4人、4-6的套餐，不過因為套餐食物唔多岩食，最後都係選擇散叫 首先會選左湯底，咁我同友人就選左麻辣和番茄，好快湯底就送左上黎，嗅到麻辣湯頭有小小（公）鼻，我一連打左2個噴嚏，仲見到有好多胡椒在湯的底部。食物都陸陸續續黎到：海鮮拼盆（海蝦、蜆、扇貝、細聖子）、美國雪花肥牛、蝦滑、凍豆腐、響玲、頁丸等等。 將肥牛浸落麻辣湯底後，有點um，辣味係香但唔辣，食落與普通小辣湯底火鍋一樣，而且肥牛解凍後好軟:(，唔似岩岩從雪櫃取出。 就嘗一嘗另外的番茄湯底，眼見有幾顆番茄浮動，但係湯底無番茄香，沒有小小帶酸的效果，反而想起以前小學飯盒番茄飯的味道。:(總括而然，十分失望，可能今次沒有嘗試招牌帝皇蟹......但火鍋水準真的太一般。…查看更多

今次就黎到尖沙咀既養心殿，揾一陣，先知道間店係地下一層，見到佢做緊9點半後7折的優惠，拿拿林帶住女朋友去食。一入去餐廳，已經覺得有陣古色古香的裝飾，見到茶杯、茶壺都有別於一般酒樓，坐位都係用木的，完全有種優雅的氣氛。湯底就點左鴛鴦鍋，分別係酸菜白肉鍋同寧神養心鍋，食到咁上下，酸菜白肉鍋仲可以免費添加一次酸菜白肉。仲點左新鮮嘉美雞、鮮蝦滑、台灣菜、原條魚。一上個鴛鴦鍋已經好大陣香味湧出黎，滾左之後就更濃郁，寧神養心鍋裹面見到有魚，湯底都係奶白色，趁未放野食落去，盛一碗湯飲下先 真係超級好飲，有陣好藥材味湧出黎，但又唔係苦澀既味，係同條魚既鮮甜混合，會令你飲完一碗到一碗。 而酸菜白肉湯就有好多酸菜，菜好甜，成個湯底陣味好夾，愈食愈開胃的味道總括而且，養心殿無論湯底同配料都係無得輸，又生鮮又好食 我女朋友身為飲湯怪都飲左5碗起碼 下次要去將軍澳店嘗一嘗先～…查看更多

台灣一芳水果茶終於開到黎將軍澳，身為將軍澳人，點會錯失呢個機會呢！一芳第一間註港分店係旺角朗豪坊，而現在已經開左5-6間分店，今次就黎將軍澳嚐一嚐，見到店外都有5位以上的客人等緊，眼見店員一杯一杯水果茶新鮮咁調配。一邊等就一邊嗅到陣陣的水果香終於到我啦 拎上手，見到水果都佔左3分1既位，有蘋果有橙，飲落去，啖啖水果香、邊飲邊啜到果核的黑色一點點的種子，有咬感。飲到最後，淨返水果在底，略為甜左小小。總括黎講，下次要嘗嘗一芳水果茶，少甜。…查看更多

參加完跑步比賽，就順便入埋元朗揾下野食，眾所週知，一提起元朗，就會諗起—B仔涼粉、B仔雞翼尖呢2樣咁出名的食物就係佳記甜品裹面的皇牌 我以前唔太食得辣，自從識左我女朋友。漸漸開始食辣，今次去元朗，仲唔俾我嘗一嘗蒜辣雞翼尖的滋味18蚊一碟，大大份，起碼有20+雞翼尖，滿佈蒜粒同辣椒粒，好香好惹味，第一啖食落到，微辣，啜住d汁，同雞翼尖的肉混合，個口感直頭係難以形容，超好食 一開始我都唔太識點咬個關節位，食左幾件之後，開始摸熟咬邊度就容易斷，仲會一邊咬，一邊點碟裹面的汁最後，一整碟俾我一人完全幹掉無得輸。 我意猶未盡外賣左3包回家，慢慢品嘗雞翼尖的滋味…查看更多

又黎到旺角區揾揾食食啦，今次呢間就係位於旺角地鐵站B出口可以直通過去既新商場T.O.P，最底層的鐵牛 因爲好耐無食台灣野，經朋友介紹就黎左呢間啦，聽聞製作牛肉麵班底從台灣而黎既大廚，牛肉麵上的牛肉專用金錢腱，口感同陣牛味，無得輸呀鐵牛既點餐模式呀坐底，店員會午點餐紙同筆你，選好再出去櫃臺俾錢，等一彈陣，美食就會送上到你桌上。同女朋友黎食，點左招牌牛肉麵、麻辣雞排麵（有分大、中、小辣，我地就點左小辣）、小食拼盤、原味珍珠奶茶、杯芽珍珠奶茶唔講咁多，又係餓到口水都流哂的時候，快d開動先 首先到場既係招牌牛肉麵，見到佢面層3塊長形、足足有我2隻手指咁長的牛肉條忍不住一啖咬左佢半條，入口超濃牛肉味、唔硬、淋得黎又帶d軔，食完啖牛肉，盛返啖湯飲一飲先，啖湯吸哂牛肉精華，浮起小小油光，飲落唔係好咸，再黎要夾條麵試一試，夾上手，唔易斷，一次夾起2-3條冇難道，重點咬落去，好似食緊油麵咁，粗粗地，因為麵的質感清清地，中和左岩岩食完一大啖牛肉既重味，之後麻辣雞排麵都到左，麵係用幼身麵線，雞排係用碟另上的，見到有成6-7塊雞件，分量好足，而且啖啖肉。 嘗落口，麵質感比岩岩牛肉麵較淋，唔知係咪幼身關係，索哂d湯底咪.味，每食一啖陣辣味都出哂黎，好彩叫左小辣，不過我女朋友就完全覺得過癮啦。小食拼盤就有3樣野，分別係花枝丸、炸番薯同鹽酥雞，花枝丸2粒大大粒，咬落好彈牙，炸粉唔厚，好好食 鹽酥雞個大細好似平時食開香香雞的大細咁，咬落d肉汁好夠，細細粒好快食完一粒，要再食最後係2杯珍珠奶茶，2杯都係奶味比較重，珍珠咬落煙軔，不過杯芽個杯唔係人人接受到，因為杯芽落得太多，飲落成口都係杯芽，連埋珍珠一齊咬就有小小怪既感覺啦。總括黎講，香港台灣牛肉麵又有一個唔錯既選擇…查看更多

膽粗粗未試過黑糖珍珠奶茶既我，行經旺角，就試左鹿角巷的黑糖鹿丸奶茶啦因為要等起碼50分鐘，所以就同女朋友周圍行下先，點知行到忘形哂，返返去鹿巷，見到號碼已經差過左10幾個 店員話最先30分鐘飲係最好飲，其次唔好搖勻，見到底有好多黑糖珍珠，唔講咁多；飲返幾啖試試味先飲落去，好香鮮奶味，珍珠都好容易吸到，唔係一團團痴實哂，有陣陣既黑糖香，咬落珍珠唔太硬，有口感，而且愈咬陣黑糖味愈濃 不過飲到最底個陣，陣黑糖味太濃，我會覺得太甜而唔想飲總括黎講，行過旺角可以試下，價錢都係$28，值得一試。…查看更多

話說同女朋友行開尖沙咀，就話想食烏東，就立即諗起係厚福街既大門橫丁啦之前食過1次，覺得d烏東好好食，今次實行再反兜先 一坐入去，好有日式風味，但位同位之間都好近，有小小迫，而且大聲小小講野，會容易影響其他人。拎起餐牌睇，有一張主打麵食的，有叉燒、吉列豬排等等配料，湯底就可以選佢地獄番茄湯底、豬骨湯、黑蒜濃湯等等，有成8-10款湯底俾我地選擇，最後我地選左日式叉燒烏東配地獄番茄濃湯。仲點左清酒煮大硯、燒青魚、日式餃子。唔使好耐，野食就到，太肚餓，食左先講首先係地獄番茄濃湯烏東，上枱個陣，個湯底仲滾緊 一入口，勁香濃啖番茄湯唔太酸，去到喉嚨位d辣味先湧出黎，好過癮，d烏東形狀扁扁地，好滑身，夾了2條再加埋湯底一次一啖，超好食再黎清酒煮大硯，平時清酒煮硯，大都係花甲，但呢度係用大硯，都同烏東一樣，係用石頭碗裝住，上枱個陣仲滾緊，好香清酒味，試一試佢的湯 有陣清酒味又有小小雞湯味，而大硯就吸哂d精華，一黎係啖啖肉，二黎就吸哂d雞湯清酒味，超級夾之後日式餃子同魚都不過不失，總括黎講，下次要再食呢個大硯一試難忘。…查看更多