焸 - 帝王蟹海鮮火鍋專門店 (已結業)

又黎到打工仔既分水嶺—星期三，又未到放假又岩岩放完2日咁，所以咁辛苦的情況下，要大食一餐慰勞下自己今次仲要慶祝2位朋友生日。唔講咁多，拿拿林開動 一坐底就見到有3張餐牌，見到有半放題選、又有3-4人、4-6的套餐，不過因為套餐食物唔多岩食，最後都係選擇散叫 首先會選左湯底，咁我同友人就選左麻辣和番茄，好快湯底就送左上黎，嗅到麻辣湯頭有小小（公）鼻，我一連打左2個噴嚏，仲見到有好多胡椒在湯的底部。食物都陸陸續續黎到：海鮮拼盆（海蝦、蜆、扇貝、細聖子）、美國雪花肥牛、蝦滑、凍豆腐、響玲、頁丸等等。 將肥牛浸落麻辣湯底後，有點um，辣味係香但唔辣，食落與普通小辣湯底火鍋一樣，而且肥牛解凍後好軟，唔似岩岩從雪櫃取出。 就嘗一嘗另外的番茄湯底，眼見有幾顆番茄浮動，但係湯底無番茄香，沒有小小帶酸的效果，反而想起以前小學飯盒番茄飯的味道。總括而然，十分失望，可能今次沒有嘗試招牌帝皇蟹......但火鍋水準真的太一般。