niyuim's Profile

我同朋友都鐘情日本菜，每次相約都要發掘高質的日本餐廳。今次來到銅鑼灣的鮨逸，果然沒有令我們失望😛特飲: 檸檬梅酒酸酸甜甜，梅香帶有淡淡檸檬清香，冰涼又順喉，好開胃。平政魚肉質細緻嫩滑，伴上鹹香的烏魚子，好出色真鯛青瓜漬口感清脆，魚肉爽實又鮮甜，配上青瓜的清新酸香，格外清爽。沖繩小龍蝦小龍蝦肉質彈牙飽滿，海膽入口即融，此配搭十分鮮甜鱈魚天婦羅外層炸衣薄脆且不油膩，魚肉雪白細嫩，配上海藻鹽後鮮味更突出。池魚三星漬酸香開胃，魚肉富油香而不膩。磯粒貝爽口彈牙，白酒啫喱入口即化松葉蟹卷蟹肉十分鮮甜，肉質嫩滑甜品芝麻雪糕質地綿滑，配上十勝紅豆蓉，甜而不膩…Read More

聽朋友介紹，尖沙咀有一間隱世鰻魚小店好好食，今日放工經過，即刻諗起衝咗過去食。入去入面有一種好溫馨嘅感覺，好似去咗日本好地道嘅居酒屋。喺餐牌上見到好多小食都好吸引，於是再嗌多咗小食。黯然銷魚飯食物七點即做，一上枱就聞到好香嘅鰻魚飯，仲要有一隻煎得啱啱好嘅流心蛋，配上蔥花，簡直一流。鮑魚同醬汁嘅調味剛剛好，鰻魚食落去好鬆軟，仲配上日本米，加埋蛋黃同蔥花，每一口都好滿足。香酥炸雞軟骨雞軟骨一碟腳份量都幾多，配上檸檬汁，入口熱辣辣脆卜卜，甚是滋味。荔枝梳打用泰國醬牌嘅梳打水，係我最鍾意嘅梳打水，加上荔枝糖漿，好香好清新，而且唔會太甜，好適合呢個天氣飲。呢間餐廳係相當之唔錯嘅一人飯堂，一個人想食日式料理，呢間係好好嘅選擇✨…Read More

這間餐廳我已經來過數次了，這裡的氛圍熱情洋溢，充滿了墨西哥的獨特風情，讓人一走進來就感受到濃厚的異國情調。餐廳的裝潢色彩鮮豔，讓人仿佛置身於熱情的墨西哥街頭。Mexican All Meat Pizza外觀令人垂涎欲滴，金黃酥脆的餅底上鋪滿了各種肉類，從香腸到牛肉，再到雞肉，每一種肉類都經過精心調味，散發著誘人的香氣。當我咬下第一口時，豐富的肉汁瞬間在口中爆炸。餅底薄而脆，搭配上濃郁的番茄醬和融化的芝士，每一口都能感受到不同肉類的風味，讓人不禁想要再來一片。Beef Fajitas熱氣騰騰的牛肉片與新鮮的蔬菜一同上桌，讓人感受到墨西哥料理的熱情。牛肉經過精心醃製，肉質鮮嫩，搭配上香脆的洋蔥和甜椒，讓整道菜品的口感更加豐富。用餐時，將牛肉與蔬菜包裹在柔軟的玉米餅中，每一口都能感受到肉類的鮮美與蔬菜的清新。Beef Short Ribs牛肋骨肉質軟嫩，入口即化。搭配上特製的醬汁，讓整道菜品的風味更加豐富。醬汁的甜味與牛肉讓人感受到一種無法言喻的滿足感。牛肋骨的外皮微微焦脆，內裡卻是鮮嫩多汁，讓人一口接一口，根本停不下來。整體而言，這家餐廳很適合和朋友聊天，約會，或happy hour ，不但食物出色，飲品的種類也有很多，是放工後吃飯的好選擇。…Read More

為了幫朋友慶祝生日，突然選擇了他喜歡的日本菜，這間餐廳是他其中一間最喜歡的廚師發辦，於是今天晚上我們便過來慶生。今晚的晚飯有前菜，刺身，壽司都甜品，都令我十分滿意。九州黃粟米凍湯將盛夏九州陽光下成熟的黃粟米甘甜完全萃取，濃郁卻不失清爽。靜岡縣蕃茄去皮後的番茄肉質飽滿多汁，純淨的酸甜在口中優雅綻放，帶著陽光的氣息。北海道松葉蟹腳蟹肉鮮甜是毋庸置疑的標杆。主廚細心拆解，長長的蟹腳肉絲毫不帶半點纖維感。富山白三文魚油脂豐腴如奶油的白鮭，經過秘製醬油輕漬，鹹鮮巧妙地平衡了油脂，賦予更深邃的風味。頂上一小撮現磨的辛辣蘿蔔蓉是點睛之筆，強烈的辛香瞬間點燃味蕾。岩手縣新鮮扇貝碩大肥美的岩手扇貝，肉身如凝脂般透亮。主廚僅以新鮮青檸汁和一抹神秘的竹炭鹽調味。青檸的酸爽激活了貝類的極致鮮甜，竹炭鹽則帶來深邃的礦物鹹香與視覺衝擊，是視覺與味覺的雙重享受。靜岡縣金目鯛頂級金目鯛紅寶石色澤已令人傾心。經過輕炙，豐潤魚油微微滲出，與溫度恰好的醋飯結合。魚肉細膩柔滑，油脂香氣優雅。赤貝上桌前的「拍打儀式」是味覺覺醒的訊號。巨大的赤貝肉脆嫩彈牙至極，一吃難忘。中吞拿魚腩選用肥瘦適中的中腹，粉嫩的魚肉間佈滿誘人的雪白油花。入口即化的質感，伴隨溫和而豐盈的油脂甘。小池魚處理得極好，毫無腥氣。魚肉出乎意料地柔嫩。長崎縣鯖魚鯖魚經過傳統醋漬，酸香完美化解了魚脂的膩感，賦予了緊實紮實的口感。搭配的醃漬蘿蔔片提供了爽脆口感和清新酸度，是完美的收尾。整體而言，在香港廚師發辦餐廳中，這間算是非常出色，期待再訪💕…Read More

Check-in Taipei 室內裝修設計高雅，近窗可睇到維港景色，座位寬敞舒適，主打新派Fusion台菜。肉鬆皮蛋滷肉飯：油亮肉燥加埋肉鬆，再配合搭流心皮蛋鋪在白飯上，讓白飯能均勻與醬汁混合。吃起來不只有濃郁的肉香，還有獨特的Q彈軟嫩皮蛋，口感相當特別。髒髒鹹蛋黃芋泥蛋餅：蛋餅因為灑上紫薯粉，顏色鮮艷美麗。外層煙靭，蛋皮薄身，咬開芋泥慢慢流出，味道甜美，加埋鹹蛋黃和紫薯粉，口感和味道都好豐富。三色鹽酥雞，雞肉炸得外層酥脆，入面肉質鮮嫩有汁，配搭三款醬汁：柚子酸酸甜甜、松露香氣十足、水牛城帶辣惹味，各有特色。芋泥三Q拿破崙：最上層有蛋黃碎和芝士忌廉，鹹鹹香香，之後有肉鬆、忌廉、芋泥和麻薯，芋泥唔好甜，麻薯口感煙韌，忌廉軟滑。拿破崙好酥脆，層次豐富。紅豆沙牛乳：濃郁飽滿的紅豆味與香醇鮮奶的完美結合，擁有順滑綿密的口感。…Read More

The Point 主打自家製出獨一無二的創意手工薄餅和意粉。尤其係招牌薄餅用上幼滑意大利麵粉製作麵糰，並用以高溫的火山石窯即叫即烤製。晚市二人餐：包括前菜、主食，以優惠價加購小食及甜品，飲品仲有半價優惠，酒精飲品除外。今日餐湯：蘑菇湯濃稠，鮮味濃郁，口感綿滑，食到粒粒蘑菇好有口感。北京烤鴨pizza是中西合璧的配搭，以傳統意大利薄餅塗上海鮮醬、鴨肉、青瓜，加上香葱增添香味，薄餅厚度適中，囗感煙靭。鹹蛋黃雞肉長通粉：長通粉軟硬適中，通粉沾滿濃濃的醬汁好惹味，雞肉唔鞋口，鹹蛋黃味比較淡。蜜糖芥末雞翼：雞翼外層脆卜卜，肉質鮮嫩有汁，點些蜜糖芥末醬味道更佳。巴馬臣黑松露薯條：薯條炸至香脆，上面灑上巴馬臣芝士碎，再配埋黑松露蛋黃醬，美味至食不停口！…Read More

會所1號 水中天位於沙田城門河畔，建築外形有如一艘中式酒樓石舫樓高三層，環抱城門河及吐露港景觀，擁有5大特色宴會廳，盡顯「沙田畫舫」氣派。是婚宴理想場地，佢哋仲有提供早午晚唔同餐飲。滷水豬仔腳：皮脆爽中帶滑，看起來顏色不深卻入味。筍尖蝦餃皇餡料緊實飽滿，蝦肉鮮甜爽口。蟹籽燒賣皇：Q彈的外皮及紮實飽滿的內餡裡鹹中帶鮮，鮮甜的鮮蝦提升口感層次。黃金豆腐粒外層有酥香口感，內層仍然非常軟滑。菜遠龍躉球炒河：龍躉魚片肉質好爽脆又好滑，河粉炒得夠鑊氣，加埋芽菜和個玻璃獻汁，十分惹味！…Read More

今日同朋友喺沙田行完街，想食中菜，於是我朋友就介紹呢間中菜廳。一入到去店員就好熱情招待，枱與枱之間有間佢，坐得幾舒服。晚市餐牌都好多不同嘅食物款式，睇咗好耐先決定到食咩。鐵板白胡椒煎焗澳洲龍蝦見到餐牌已經覺得好吸引，上菜時鐵板好熱， keep住有好濃郁嘅香氣，店員幫我哋灑上白胡椒汁，嗰種香味係連隔籬枱都聞到，好震撼！龍蝦好大隻，肉質結實，而且好彈牙！食落去啖啖肉，配上白胡椒，相當惹味。雪梨無花果燉花膠湯呢碗湯好清甜，而且好足料，好適合夏天飲，消暑又滋補！啫啫蝦乾通菜煲一上菜已經香氣四溢，入面仲有好多蝦乾，鮮味十足。呢度嘅環境幾靚，應該係專做婚宴嘅場地，食物質素有水準，下次會想再約多幾個朋友過嚟食飯，試多啲唔同嘅食物，而且環境比較清靜，唔似其他酒樓咁嘈吵，係傾偈嘅好地方。…Read More

呢間餐廳設計以深色為主調，一入到去好似去咗一啲外國餐廳甘，餐廳唔算好大，但係座位好舒適。最後我哋決定點套餐，沙律份量都唔少，仲有火腿，鹹鹹香香，食完好開胃。餐包望上去平平無奇，一摸上手，好熱好脆，蒜味好香，好有驚喜，食完一個會再想食😂😂😂食餐包嘅時候，配上呢個南瓜湯，更添滋味。主菜我哋點出牛扒同埋蒜香蝦意粉，重點係呢度嘅薯條係任食㗎😍😍😍牛扒肉味香濃，火候剛剛好，配上黑椒汁，冇得輸！蒜香蝦意粉入面有兩隻蝦，好大隻，肉質結實，而且鮮味十足！意粉嘅份量都幾大，加上蒜片，令人回味無窮。而且呢度都氣氛十足，有Live Band唱歌，為我哋帶來一個愉快嘅晚上🥳🥳🥳…Read More

喺附近放工，同朋友行開先發現原來有呢間點心店，好彩比我地趕得切last order 前入座🤭🤭黑松露小籠包比想像中多黑松露，而且入面有好多湯汁，好Juicy🥰黑金流沙包，彩虹蝦餃兩款點心嘅賣相都好精緻，上面都有金箔流沙包熱辣辣，好香奶黃味蝦餃咬落去都係滿滿的蝦肉，冇令我失望😋米網鴛鴦腸紅色嘅腸粉皮，好特別口感都好煙韌，外脆內軟黃鱔飯 份量好足，上面仲有好多蟲草花，黃鱔都好好味😋楊枝甘露 有好多芒果，而且味道唔會太甜，好啱我😋😋…Read More

一向都好鍾意食燒味，聽到同事極力推薦呢間燒臘店，特登過嚟買，睇吓係咪真係咁好食😆呢間舖頭好乾淨，而且有好多透明櫃，一入到去已經見到有好多燒鵝。叉燒係必食的，經過店員推介，我選擇左腩叉，佢比一般嘅叉燒肥少少，食落去係爽脆的，調味亦都非常好，算係我食過最好食嘅叉燒之一。腩仔亦好出色，個皮脆卜卜，滿口油香，口感鬆化，送飯一流！另外買多咗個五寶飯，超多餸，全部燒味都好好食，另外仲送嘢飲，性價比超高！…Read More

尖沙咀終於有刀削麵食啦！行過厚福街，見到有一間新餐廳，專門買刀削麵，即刻好興奮。雖然係新餐廳，估唔到都幾多人，裝修企理，好光猛，望一望個餐牌，都幾多嘢食，選擇困難症即刻發作。由於今日好肚餓，於是點咗麻辣牛筋腩刀削麵同涼拌肥牛。呢度啲嘢食好大份，涼拌肥牛，入面有好多青瓜絲同埋花生，唔會好辣，好惹味，食得出係高質肥牛！麻辣牛筋腩刀削麵，麵同埋餸係分開的，牛筋炆得好淋好入味，入口即溶，腩肉質鬆化，刀削麵亦都好彈牙，湯底香濃。最後跟餐加$6可以加凍飲，以後可以成日過嚟幫襯。…Read More

今日難得平日經過中環，同朋友都想食拉麵，於是就喺呢間度排隊，之前食過一次，覺得好好食，今次就到朋友都想試吓。雖然係平日，但係都好多人，大概等咗30分鐘，終於入到去。上次食清湯，所以今次就試吓白湯，湯底好濃郁，比較稠身，餸方面有洋蔥粒，魚肉粒，筍，同叉燒，另外碗嘅旁邊有柚子醬，可以解膩，相當唔錯。雖然呢度嘅拉麵價錢略貴，但係我覺得值得食，間唔中嚟食吓都OK✨...📍 ○de▽ 鯛白湯らーめん 中環鴨巴甸街13號地舖…Read More

睇演唱會前想食啲嘢，見到呢間咁啱唔使等位，我同朋友都幾想食串燒，於是一試。串燒款式多選擇，而且價錢合理，佢提供左一個爐，溫熱啲串燒，但係個爐其實係完全冇作用嘅😂😂😂食完成餐飯個爐都吾熱。鍾意食蒜嘅人，就一定要黎試吓呢間，好有風味！必點推介:極上燒牛舌 ($32)新疆牛肉串 ($25)香烤墨魚咀 ($32)原條茄子 ($48)明太子雞皮餃子 ($38)椒鹽炸燒賣 ($20)...📍嘆炭燒尖沙咀科學館道14號新文華中心地下17-19號舖…Read More

觀塘有好多而且性價比高嘅小店，今日好想食台灣菜，於是就上網見到呢間Cafe，環境好似唔錯。佢嘅裝修簡單，以木調為主，有好多窗，好開陽。座位與座位之間唔會太迫，坐得好舒服。餐牌方面亦有好多選擇，諗咗一陣之後，最後選擇咗EDEN 特盛台式雙餸套餐，揀咗秘製辣肉碎、新竹湯米粉。至於餸方面我就選擇左鹽酥雞排同鹽酥花枝丸，另外再加左肉燥燙青菜，好豐富呀！份量好大，而且炸物全部都係即點即炸，好新鮮同熱辣辣！秘製辣肉碎好出色，食到停唔到口😍套餐已經有涼拌小食同甜品，甜品我揀咗紅豆仙草芋圓，估唔到份量亦都好大，好有台灣嘅風味！飲品方面則選擇咗波霸奶茶，為我嘅晚餐畫上圓滿嘅句號。…Read More