伊甸 (已結業)

觀塘有好多而且性價比高嘅小店，今日好想食台灣菜，於是就上網見到呢間Cafe，環境好似唔錯。佢嘅裝修簡單，以木調為主，有好多窗，好開陽。座位與座位之間唔會太迫，坐得好舒服。餐牌方面亦有好多選擇，諗咗一陣之後，最後選擇咗EDEN 特盛台式雙餸套餐，揀咗秘製辣肉碎、新竹湯米粉。至於餸方面我就選擇左鹽酥雞排同鹽酥花枝丸，另外再加左肉燥燙青菜，好豐富呀！份量好大，而且炸物全部都係即點即炸，好新鮮同熱辣辣！秘製辣肉碎好出色，食到停唔到口😍套餐已經有涼拌小食同甜品，甜品我揀咗紅豆仙草芋圓，估唔到份量亦都好大，好有台灣嘅風味！飲品方面則選擇咗波霸奶茶，為我嘅晚餐畫上圓滿嘅句號。