irenebubble的個人專頁

同家姐行街前經過見到都覺得幾吸引⋯ 到行完之後就直接入去試。之後先知原來開咗未夠一個月。兩個人食得唔多，所以只係叫咗好多嘢食。佢有兩個套餐揀，都幾抵⋯ 最後揀咗個花膠雞鍋配手切牛⋯ 散叫另加咗一個菜同4隻生蠔。最後當然啲雞係食唔晒😅 生蠔十分新鮮！牛肉都幾好味！散叫細size都$2xx 所以直接叫佢個套餐真係抵。另外一個套餐有象拔蚌，不過佢配豬骨煲。我哋唔太好豬骨，所以冇叫。入面服務員都好好，熱心，又有禮貌。環境都唔錯，新開好乾淨。不過可能仲係新，所以都冇咩人，將近9點時入去得一檯食緊，到我哋開始食時，佢都埋單走。之前再嚟咗一個男人自己食。不過到我哋將近走時都嚟咗兩檯自由行。整體來講我幾鐘意呢度，會再約朋友過嚟嘅！…查看更多

之前一直很喜歡去香港仔街市熟食中心的「九記」，但之後老闆好似轉咗手⋯ 見到有泰國人頂過嚟做，之後一直見唔返原本最正宗的老闆。早前機緣巧合之下，我途經香港仔漁光邨街市⋯ 望到一個叔叔好熟口熟面喎⋯⋯跟住佢行，先知正宗九記老闆終於返嚟啦！！！ *即係香港仔舊大街個間九記原來係流㗎？！唔怪之得佢啲食物縮晒咁鬼細碟啦！講返食物先！一如既往，鑊氣足！火喉夠！份量都係十分之足！價錢公道！雖然近排天氣熱，但為咗試返久違嘅味道，琴晚都要拉大隊同屋企人去食，最多食飽再返屋企沖涼啫天氣涼返的話⋯ 我應該會一星期去一次…查看更多