煜焙軒

同家姐行街前經過見到都覺得幾吸引⋯ 到行完之後就直接入去試。之後先知原來開咗未夠一個月。
兩個人食得唔多，所以只係叫咗好多嘢食。佢有兩個套餐揀，都幾抵⋯ 最後揀咗個花膠雞鍋配手切牛⋯ 散叫另加咗一個菜同4隻生蠔。
最後當然啲雞係食唔晒😅
生蠔十分新鮮！
牛肉都幾好味！散叫細size都$2xx 所以直接叫佢個套餐真係抵。另外一個套餐有象拔蚌，不過佢配豬骨煲。我哋唔太好豬骨，所以冇叫。
入面服務員都好好，熱心，又有禮貌。
環境都唔錯，新開好乾淨。不過可能仲係新，所以都冇咩人，將近9點時入去得一檯食緊，到我哋開始食時，佢都埋單走。之前再嚟咗一個男人自己食。不過到我哋將近走時都嚟咗兩檯自由行。
整體來講我幾鐘意呢度，會再約朋友過嚟嘅！