eleanore.0921的個人專頁

行K11見到呢間餐廳裝潢好優雅，決定喺細佬生日過嚟試一試前菜嗌咗辣子雞翼同埋川味炸薯角。薯角冇影到相，只不過係媽媽想嗌，味道普普通通。雞翼反而出色一啲，肉質算滑嫩，皮都脆，有川菜嘅香味。煮食嗌左椰汁麵同埋蟹粉意大利飯，麵索住啲椰汁，十分惹味。飯就不過不失，冇咩驚喜，可能因為我對risotto期望太高但係個羊扒真係令我有少少嬲。味道好一般，唔推薦嗌見到其他食評話甜品好正。呢個白桃奶凍的確有桃香，味道新鮮，本來都鍾意奶凍的，所以覺得幾滿意。嗰芒果楊枝甘露，不敢恭維..都係唔推薦，百幾蚊食刨冰式楊枝甘露，冇任何突出點（細佬喺都要嗌）總括而言，感受就係未必會回頭，但係打卡嘗試一下都未嘗不可。如果真係回頭食，會嗌多次雞翼同埋奶凍，以及燴麵…查看更多

之前路過見到新開嘅餐廳，bookmark咗好耐。週末同屋企人一齊嚟嘗試，冇令我失望🥰我哋四個人，嗌咗set $1299嘅套餐，勁抵食！Set餐前菜可以揀soup or salad，我哋都揀咗湯，媽媽勁讚，話湯唔會杰撻撻。我認同呢點，不過南瓜味再重啲就更perfect到呢碟蟹肉通粉，非常creamy但唔會覺得漏，令人覺得十分飽濟，屋企人平時唔鍾意食西餐就係因為太膩，都覺得呢啲通粉好出色💜呢碟牛排七成熟，肉質好，唔會有筋，我最怕食扒都可以食到筋。隔離嗰薯蓉俾媽咪秒殺咗haha，味道真的很不錯到我最鍾意嘅雞肉，都係好正，肉質好嫰，微辣，調味一啲都唔會重口味呢個乳豬飯，我爸爸激讚，唔肥膩之餘，嗰炒飯都好入味！呢份mocha cheese cake用嚟結束佳餚，都係搵唔出可以挑剔嘅地方，真係要講，就係可以再解凍多陣，等啲cheese再軟化啲…查看更多

第一次寫食評，決定寫俾呢間Bookmark咗好耐，決定母親節帶屋企人嚟食一早預訂table by the window，一覽維港景色，心曠神怡。1. 敲糖棒棒雞 4.8/5成餐不斷食嘅就係呢道菜，辣得啱啱好而且非常入味，雞肉好嫰，難怪咁多人都推薦！2. 椒麻南非鮮鮑 4/5新鮮，爽口，作為前菜一流3. 螞蟻上樹 4.5/5我真係十分喜愛螞蟻上樹呢道菜式，由細到大都好喜歡。呢間餐廳整出嚟嘅效果無令我失望4. 花椒桂花魚 4.2/5其實味道係好的，不過平時唔食辣嘅慎點，好辣不過魚肉好滑溜，都好索到湯嘅味道5. 大刀回鍋肉 3.3/5呢份係屋企人嗌的，對於好驚食油膩嘢嘅我，都覺得呢道菜可以接受。廚師將啲豬肉處理得好乾身，我反而比較鍾意，如果較重口味嘅可以考慮其他菜式。因為味道上唔會話好突出，相比其他菜式。6. 紅糖糍粑 5.1/5俾爆分，係因為誠意，嗰標語係臨時希望加上的，因為母親節廚房都好忙，但都咁有心機，隻愛心手好可愛！媽媽見到都好開心味道也不俗，因為誠意所以忽略咗性價比，如果注重性價比嘅人可以選擇其他甜品嘗試。其實唔止呢幾樣，不過我掛住食，無全部影曬7. 蔥油餅 3.7/5做法同出面唔同，唔會見到成塊餅都係蔥，好脆，味道唔錯8. 油雞樅拌帶子 4.2/5帶子都係好新鮮，而且調配嘅味道啱啱好，唔會蓋過帶子的鮮味9.重慶牛肉小麵 4/5好開胃嘅主食，雖然淨係試咗一兩啖麵同埋一塊牛肉，但係麵唔會淋，肉都鬆化入味，唔錯。整體而言，食物係有保證的，對得住靚景最值得稱讚嘅係佢哋嘅服務，非常細心，例如：1. 見到茶杯唔滿會即刻refill2. 就算嗰碟得一個鮑魚殼，都會即刻幫你換走，俾人有良好嘅觀感3. 即使係唔小心整到一滴汁喺枱，都會好快留意到並抹走4. 積極安排客人嘅需求5. 即使母親節，用餐時間緊迫，交代早啲落單嘅態度都十分有禮，有啲就算高級餐廳，都會俾態度差嘅侍應造成用餐嘅不快。就係咁多，希望可以一直保持水平，呢間餐廳一定會再去的。因為母親節食得比較趕，下一次要慢慢享受。…查看更多