chungemen的個人專頁

一出尖沙咀A2出口就見到一間幾吸睛嘅牛腩鋪環境裝修都好新淨，決定同朋友仔一齊試下🤪牛腩牛筋麵 $58牛腩和牛筋的份量不少，牛腩的口感很紮實，牛筋軟糯，兩者剛好形成兩種不同的口感😋一口牛腩一口牛筋一口麵，確實滿足🥰咖喱崩沙腩飯 $78崩沙腩肥瘦均衡，肉質軟腍，牛味濃郁，入口即溶。比一般牛腩好食得多，極度推薦！🥰同時咖哩味亦好香咖哩魷魚 $48魷魚身體部份有切花幫助入味👍🏻店家好細心而且魷魚腳都唔少，咁啱本人比較鍾意食魷魚腳😚蘿蔔 $28完全一啲渣都無😍味道好鮮甜，仲可以點少少咖喱一齊食😳都好好食油菜 (菜心）$18熱菜蜜 +$10凍檸樂 +$10凍檸樂都只係十蚊🤑幾抵飲…查看更多

最近喺觀塘發現一棟新起的大樓，逐漸有越來越多的餐廳進駐😍今日就決定同朋友由一樓開始食起💪內在環境唔錯，傳統西餐廳格調🍽️見佢嗰個雙人份量嘅Deluxe Edition Menu幾吸引，決定點咗一份另外各點一杯嘢飲品，分別是Mojito和Hochija latte🥂海鮮拼盤喀嗲蠔🦪生蠔切咗粒，而且配上細香蔥，喀嗲醬（味道類似千島醬）同黑魚子喀嗲醬帶出生蠔的奶香味😋食落更creamy生蠔下面有薯泥墊底，味道充滿咗蒜的香味意外地好吃😱熟蝦🦐口感彈牙仲好細心，移除咗蝦線🤗墨魚沙律🦑上面有蕃茄、香茜、醋。味道惹味 煙鱔、煙三文魚配多士🐟上面有黑松露奶油作點綴煙鱔質感彈牙，三文魚柔軟，多士香脆。三者在口腔中形成豐富的口感。🤤醬：拼盤配有芥末奶油，不過大部分海鮮都有調味，只有蝦需要點一下，味道都好march香蒜、辣椒、橄欖油、黑毛火腿意大利粉意想不到嘅係意粉嘅麥香味都幾突出，好少係意大利餐廳以外，食到高品質嘅意粉😳整體一齊食，先會係黑毛火腿咸香味充滿整個口腔，有點微辣嘅感覺刺激住味蕾，最後越咀嚼，意粉麥味越明顯😍炭燒澳洲M4牛排和牛部位屬於肉眼，表面煎成暗褐色，帶一點脆，入口肉香味充斥整個口腔，同時中間肉質依然保持鮮嫩🤤🤤餐廳完美咁應用到梅納效應😍脂肪同肉比例剛好。配菜有南瓜薯仔蘆筍甘筍，都一樣好好味蘑菇忌廉湯上面點綴了一點迷迭香味道香濃，入面仲帶有蘑菇粒芒果奶凍口感綿滑，奶香味充足，帶有淡淡芒果味焙茶拿鐵十分香濃焙茶味，好適合我呢啲焙茶愛好者🤭Mojito青檸和薄荷的組合，好清爽，適合作為餐酒飲用😚整體感覺好舒服好適合同朋友放工食吓傾吓計，簡直一流🥳…查看更多

黯淡銷魂飯67 一個$67的叉燒飯價格不算便宜，然而質素十分差，叉燒只有四塊，甚至只是四塊散件，我覺得是很離譜的事。先不講份量，始終味道好的話，份量少也可以接受。可惜味道也欠佳，4塊叉燒都是全瘦，咬下柴身，肉質過老🤮味道只有很強烈的又甜又鹹，沒有肉味蛋肉眼所見煎得很乾身，沒有一點流心，整個蛋黃是乾硬的。 之前在別的分店食，還是覺得不過不失。但這次真的很失望，懷疑是過度擴張，沒有控制好質素😥 大概不會再光顧了…查看更多

最近尖沙咀開咗一間新嘅高級鐵板燒料理餐廳三日月，仲聽講有師傅係日本人🤤，於是特登同朋友去試吓正宗嘅日本鐵板燒。前菜共有三款煙燻雞肉刺身雖然係刺身，但經過煙燻之後食落唔覺得似生雞肉，而且有淡淡煙熏香同好濃雞味。😍醬汁茄子煮至淋身加上微甜醬汁，簡單但好味炸生蠔外皮保持乾身，不會太油，生蠔鮮味十足吞拿魚沙律蔬菜同吞拿魚都好新鮮，酸甜嘅醬汁好開胃鐵板燒北海道帆立貝燒至金黃的帆立貝以簡單的胡椒和鹽調味🤗，更突出本身的鮮味。刺身三點+生蠔甜蝦：味道鮮甜吞拿魚：口感豐富，鮮味十足。油甘魚：油脂豐富，味道鮮美手掌咁大隻蠔😱，十分肥美，味道鮮甜。鐵板燒虎蝦虎蝦配上迷迭香一起燒，增加了虎蝦的層次和香氣，蝦膏拆出烹調成醬汁😋，蝦肉點上蝦膏製成的醬汁極之鮮味，令人食上癮。鐵板燒封門柳 有酸汁、味噌、胡麻三種醬汁供你搭配金菇肥牛卷，可以試到不同嘅風味。封門柳肉質柔嫩，口感豐富，牛味極香。鐵板燒日本蔬菜蔬菜香味被昇華，更突出日本蔬菜本身的甜味。😙茶碗蒸口感細滑，濃郁蛋香帶點鰹魚鮮味。鐵板炒飯白飯配白飯魚和櫻花蝦 ，炒至粒粒分明，食到一半覺得單調仲可以加昆布清湯變茶漬飯。另外加點了鐵板燒鵝肝熟度恰到好處，鵝肝的油脂香氣四溢，而且入口即溶。最後甜品係自家制柚子雪芭。甜到剛好，充滿清新嘅柚子味。…查看更多

黎開太子，見到有間鋪仔細細又好多人排隊嘅餃子店，決定試下係咪真係咁吸引。有十五款餃子餡料提供，小食嘅種類亦有不少選擇。見好多人推介金沙餃，又點可以唔試下呢。賣相十分吸引，邪惡的粒粒鹹蛋黃佈滿了煎餃，令人食指大動。咸香的蛋黃配鮮美的芫茜鮮肉，香味十足，煎香的脆皮內部亦很多汁，十分美味。因為小食也很吸引，所以除咗餃子之外，都叫了很多款小食。秘汁拼盤，醃得十分入味，色澤不錯，牛展很有口感，加上秘汁很惹味的關係，一邊咀嚼，滷水的香味充滿了口腔。忍不住另外加點一碟牛展涼拌藕尖味道帶點酸辣，口感清爽，刺激食慾。涼拌海蜇，充滿香濃麻油味，口感冰凍爽脆，十分開胃。上湯時菜鮮甜清香上湯時菜，適合在食完煎餃等油膩食物後，清一清口腔的肥膩感。涼拌爽脆竹筍口感爽脆帶着筍香，麻油香和微酸的味道配搭也不錯。誠意推薦如果喺太子嘅朋友想食餃子嘅時候，可以嚟試一試佢…查看更多

咁啱同朋友黎開大埔，平時去開超級城度搵嘢食，今次決定行遠少少嚟到呢一間放題。餐牌上都有好多選擇可以揀今次我同朋友就揀咗日本黑毛和牛盛合前菜就叫返幾款刺身試吓先，叫咗甜蝦，帶子，櫻花魷魚，油甘魚，劍魚。黎得就當然要試晒佢所有嘅肉類同海鮮啦。豬肉同海鮮都不過不失，雞肉由麻油腌製過，香味撲鼻。跟住當然係重頭戲黑毛和牛，有三個部位俾你揀，肉眼上蓋、三角腩肉、牛肩肉。個人最鍾意就係牛肩肉，係肉味比較出眾，油脂同肉比例恰到好處。呢間鋪最令我驚喜嘅係有好多款調味料俾你自由配搭，特別鍾意嘅係胡椒海鹽，香辛料加上少少咸，令牛味道昇華，又減少油膩感…查看更多

之前已經黎過一次食過salted pig的拿手豬料理，聽聞佢係佢地嘢都一樣做得咁出色，於是就同朋友黎試多次。葵芳呢間有隻小豬係門口上面好吸睛。店內外都有好多豬的裝飾一開始叫左個沙律開下胃先牛油果香芒大蝦沙律、車厘茄、甜辣沙律汁 $158蝦的數量唔少，牛油果同芒果亦係用左熟透ge新鮮食材，本身都有D驚會用鑵頭，不過最終都無令我失望。白酒煮荷蘭藍青口、薯條  $168醬汁係用白汁加忌廉煮成，味道濃郁之餘，帶點白酒酒香同微酸味道中和，能整體味道平衡，另外配有外脆內軟的薯條。小食黎講算大份。燒斧頭牛扒、田園沙律  $718跟住就黎到重頭戲，同朋友想試呢個好耐，一上到黎真係令我地好震撼。一大份牛扒，餐廳仲要幫我地切好左，好細心。周邊仲配上海鹽，黑椒汁，芥末醬，保證你唔會食厭。雖然佢好大份，但入面肉質依然嫩滑。飲品方面有好多選擇好難揀。最後跟佢推薦叫左兩杯飲品。The salted pig tea (mango) $88芒果味版長島冰茶，芒果清新甜味更好咁掩住酒精味。Guava Royale $98好適合作為餐酒，汽泡酒加上果汁，相信無人會唔中意。Dessert Platten  $228有齊咁多種甜品比你試晒。唔駛左諗右諗。當中最出色一定係心太軟，流心效果一流，朱古力味亦好香濃。…查看更多

偶然比我搵到呢間性價比好高嘅壽司店！對鐘意食刺身既我係一大福音🥳takeaway翻屋企一度睇劇一度慢慢嘆刺身，簡直係人生一大樂事呀🥴💕我叫咗有我最愛既三文魚、三文魚腩、油甘魚、左口魚裙邊、赤身、海膽，好豐富，師傅幫我擺到好靚。價錢親民，但塊塊都幾厚切😍而且肉質食得出係新鮮貨，性價比十分之高呢！特別推薦三文魚同海膽😋見到有蠔忍唔住叫2款試下，即開美國珍珠蠔同廣島蠔，2款都好鮮味，尤其鐘意美國珍珠蠔，蠔肉好creamy！寿司部 (大角咀)大角咀埃華街105D地下…查看更多

間唔中都想食返餐自助餐，但又怕食得太濟，於是就特登黎試下呢個素食自助餐。健康得黎，又可以食到飽好滿足。素一最特別嘅賣點就係佢有素食嘅壽司，個賣相真係做得一模一樣，但就係用類似蒟蒻質感嘅物料整成嘅，入口有d彈牙，模擬返新鮮魚生嘅口感。入面仲有多款醬汁比你自由配搭。熱食嘅選擇都唔少。個人最推薦素柱候牛腩口感好似，除左牛味，成個味道都同正品無分別。炸嘢水準都唔錯滿滿嘅香甜芋頭🤪星期六日訂座有每人有一客素鮑魚，而平日則是冰鎮咕嚕肉。…查看更多

IJ Kitchen (觀塘)觀塘成業街19-21號成業工業大廈4樓06室同女朋友係紀念日特登黎試吓呢間隱世嘅fine dining 。環境清靜，好適合兩個人黎撐枱腳談下心。呢到嘅食材會用重量來計算，在點餐記得自己問清楚啦。頭先冇人叫這塊牛扒，部位係喺牛腹膜嘅附近，肉質鮮美但筋會比較多，不過師傅好細心咁樣將筋切除左先，令口感更加好。以蒜蓉黑椒煎香至5成熟，非常好食最令人驚艷嘅係呢個鵝肝配左嘅嗰兩塊墨魚汁包，烘過之後更加香脆，入面仲有一粒嘅墨魚令整體口感增加，配埋一齊食嘅時候麵包會吸收左鵝肝嘅油份又中和到個油膩感。之後呢一個大蝦意粉更加係性價比之選，入面有好多隻蝦，而且仲要選用咗新鮮嘅海蝦。D蝦汁好濃郁咁樣吸晒啲麵條上面好正最後當然要有個甜品去為呢個晚餐畫上完美句號啦，入面嘅朱古力慕絲好香濃。…查看更多

成日放lunch都見到呢間味力冰室好多人排隊，決定搵次機會黎試下係咪真係咁有味力。😚聽聞呢到嘅炒滑蛋係最出名，不過咁啱又想食咖哩，好彩佢有得加炒蛋都只係6蚊，於是就叫左珍寶豬排咖喱飯再加炒蛋。😏上到枱，塊豬排確係好大塊好抵食，炸得酥脆，d肉又唔鞋。咖哩汁亦好濃郁。豬排份量好多，好有滿足感。出名嘅滑蛋都唔錯，又滑又有蛋香，下次黎食😂一定會再加。加15蚊配左杯雪糕椰汁紅豆冰好抵飲🤤最好係唔多冰，佢靠個雪糕已經夠晒冰。正…查看更多

聽人講話呢一間餐廳嘅雞胸肉做得好出色，於是特登同朋友嚟尖沙咀呢一間分店試吓佢啲雞胸肉。😛我就叫咗個青醬雞胸肉通心粉，試吓佢嘅雞胸肉係咪真係咁好食，果然個雞胸肉好嫩滑，而且仲入晒青醬嘅味係入面，而啲通心粉入面都充滿左青醬，成碟通心粉非常惹味同埋好食，雞胸肉嘅份量都唔少，一疊入面大概有五六塊到。❤️而朋友就想試吓其他嘢，於是叫咗煙三文魚沙律，佢嘅煙三文魚整得好細緻，特登卷成咗一個花形先上枱，味道唔錯。😚…查看更多

偶然搵個中午靜落黎享受下下午茶，真係好正，ULURU本身餐廳環境好特別好靜，由一批讀藝術嘅大專生畫滿左成個餐廳嘅牆。Tea set每人跟一杯飲品，Rose tea就有好芬芳嘅玫瑰花香，而Tiramisu coffee就好濃郁，好似液體Tiramisu 咁呢個溫室其實係朱古力蛋糕，入面仲有少少流心🤤好正佢嘅咸點好好食，特別係芝心火腿雞丸子，外脆內軟😍入面仲有黑朱古力，馬卡龍同幾款千層蛋糕。全部味道都好正成個擺設好精美。熱情果奶凍嘅奶凍香濃綿滑，配上熱情果配酸甜🤤🤤超好食…查看更多

環境唔錯，係尖東比較隱蔽嘅居酒屋，誤打誤撞咁同朋友入左去試下😂。整體都幾好。牛油雜菌都幾好味，有香濃牛油味。加埋七味粉，味道更佳😛。推介串燒，特別係雞肉串燒，採用左新鮮的雞頸肉和雞腎，有好重的雞味，非常推薦喜歡食雞嘅朋友，特別雞頸肉應該好少機會食到。另外銀杏個d味道都唔錯。炸池魚好適合用黎送酒嘅一道小食，d魚炸到脆卜卜，可以成條連骨食😍，配埋蛋黃醬會食到停唔到。三文魚茶漬飯，無乜特別，清清淡淡，份量唔算多。…查看更多

特登黎朝聖下呢間據稱有100年歷史嘅手搖飲料店，而且有好多台灣電視台都有報導過。蜜滋麻美係日文‘甜豆冰‘嘅意思分別點左花芝黑糖珍珠鮮奶同奶蓋四季烏龍花芝黑糖珍珠鮮奶作為皇牌，入面有好多層次，由最低至高：黑糖珍珠、鮮奶、冰、鮮奶油、花生芝麻，所以第一啖，篤枝飲管落最低，就能吸到晒全部層次，口感豐富，香味濃郁，珍珠軟身帶嚼勁，之後慢慢攪勻，味道亦會有變化。奶蓋四季烏龍都唔錯，係比較清新嘅選擇，上層奶蓋，奶香十足，四季烏龍茶香亦會係口啌逗留一段時間。…查看更多