wawa3tyt的個人專頁

這一餐真是令人百感交集首先，讓我們談談那令人「驚喜」的蒸飯。理想中的蒸飯應該是粒粒分明，柔軟水潤有彈性，但他走的路線卻是軟爛，感覺就像是為那些懶得咀嚼的人設計的。跟我想像的路線完全不同接下來講講蒸飯上的鳳爪，港式鳳爪應該是鬆軟外皮讓吸滿醬汁，但這個蒸飯裡的鳳爪鬆軟，但味道不均，大概是走淡味的路線，適合喜歡味淡的人接下來要提的是咸水角。我印象中的咸水角應該是那種外皮金黃香脆，咬下去能聽見清脆的裂開聲，然後是有嚼勁的角皮和濃郁的內餡。這裡的咸水角光是看它那油光閃閃、軟趴趴的外形，我已經失去了嚐一口的勇氣。按下去居然還能爆油，這大概是創新的「流心」系列，只不過這次是「流油咸水角」。然後，我們來聊聊燒汁釀茄子。看名字還以為是烤/燒茄子，原來是煎釀三寶的炸釀茄子啊, 味道倒是不錯茄子多汁有甜味，只是我對他名字有所誤解了唯一可以讓人稱讚的就是蝦餃，餃皮柔韌，蝦肉爽口有鮮味相中蝦餃背後的潮州粉果潮州人的家人吃了一口沒吃完，想著大概這不是走潮州風味吧🥹 本人覺得味道還可以吃，就是不要期待花生會香脆，沙葛會清甜，就...是能吃的味道平民午餐不過不失，能吃飽，只是對籠仔蒸飯專門店這個名字有點失望，或是口味不合吧🫠…查看更多

商場未裝修前已經成日幫襯，因為裝修好耐無黎呢個商場了。前幾日行過見到間舖，一直好想搵機會返黎試。以前成日見佢地意粉會風乾，偏硬，但正係我喜歡的：)今次黎食下午茶，都無令我失望wor！！叫左個芝士火腿蘑菇意粉：)。落好多芝士好香芝士味，個汁都好香香草味。菇用左新鮮的，鮮甜爽口。我好怕意粉個菇係罐頭無味又無口感。意粉無以前咁硬，但可接受。絕對好過又抵食過隔離連鎖店d意粉。唯一有意見係太子女(？)面黑過墨汁:(:(:(…查看更多

朋友帶我黎食立食，雖然少少雨，但都唔少人排隊，食完就知點解了。價錢唔算好平，但質素係有的，所以算值得。即使無得坐都覺得ok師父就在你面前，點完單直接放上你個壽司盤上魚幾新鮮，師父有根據唔同魚上有加柚子，葱等之類，味道好夾，而壽司飯本身有醬油，唔洗另外再點都得，更可以試到原味1件海膽壽司48，一個海膽飯98，覺徥好似叫碗飯抵d。個飯黎到雖然好細，但海膽唔少亦都好鮮甜，飯都係加左醬油，好夠味。整體黎講覺得幾好食，值得再去。…查看更多

第一次食，叫左紅酒汁漢堡扒+半熟玉子樣子都算唔錯玉子唔算好香滑...無用牛油? 不過健康d都好，只係味道就唔太突出蛋下面既飯加左飯素，係多左d鰹魚味，不過同個紅酒肉汁唔太夾紅酒汁味不過不失，蘿蔔西芹洋蔥好淋好入味漢堡扒都幾難食...好似無調味既純免治牛肉...仲要係瘦肉。好硬，有d乾，好重牛原味（腥）...連黑椒都無加，亦都好淡，所以腥味就好出見到隔離個炸豬排都幾厚，感覺唔錯。唔知係唔係我唔好彩揀左佢地唔好食既野加一之後要$82，雖然晚餐黎講唔算貴...但唔太抵。可以畀多次機會，下次可能揀其他試下…查看更多

將軍澳中心裝修了很久，最近店舖餐廳陸續開幕，今次來試這間看上去不錯的日本餐廳。6點多來排隊，隊伍已經很長，等了差不多一小時終於可以入座。食物選擇不少，有刺身壽司，串燒熟食，鍋物麵食等等。今次4個人點了炸鰻魚玉子燒，和牛壽喜燒，燒青花魚，天婦羅熱烏冬(雞白湯)，四色刺身丼。首先來到的是天婦羅烏冬。烏冬湯底香濃，濃厚的雞味和豬骨味，但有點味精味。天婦羅雖然是剛炸好，但皮厚不脆，沒有配蘿蔔蓉和天婦羅汁有點失色。接著是炸鰻魚玉子燒，炸漿跟天婦羅是一樣的，漿厚不脆。今次上面有蘿蔔蓉和淡醬油，或者是之前上天婦羅忘了醬汁吧。玉子燒共有4塊，只有一塊看得到裡面有鰻魚。唯一讚賞的是玉子煮得嫩滑，夠熱。和牛壽喜燒不過不失，就一般壽喜燒湯底，蔬菜還算新鮮。和牛一半有油花，另一半就實在有點失色，影響口感。青花魚就普通的烤魚，剛烤好就上台，不會太咸，整體合格。四色刺身丼份量不多，上面有三文魚，帆立貝，吞拿魚蓉，一隻蝦。三文魚，帆立貝都是切小粒狀，味道還可以，只是蝦有少許異味....不知道是否新開張未準備好，店內供應的是熱水，非熱茶。整體而言，中低檔質素，價錢還好...性價比較低。…查看更多

點左柚子辛口拉麵，覺得幾有心思除左柚子味湯出面未食過，仲加左醃過酸甜既紫洋蔥，同個柚子未幾夾，亦都可以解豬骨湯既油膩感麵質係超幼既拉麵，可以硬d更好食。食過香港好多間拉麵，個人鍾意香濃口感的拉麵，所以覺得好食過隔離米芝蓮如果食厭左普通味，絕對推介呢隻柚子味拉麵。佢個餃子唔知係唔係自己包，但肯定唔係普通街買個d，肉餡比出面日式餃子多d，入面d菜仲食到甜味。整體黎講係有心思既味道，要細心品嘗享受！！！…查看更多

這間餐廳早已在我的to-eat list入面，但到最近才有機會光顧。起初男朋友聽到是食西餐顯得有點抗拒，畢竟質素不佳的西餐廳不少，甚至很多是茶記式的偽西餐。走到餐廳門口，有點猶豫，因為星期六的晚上8點，餐廳內竟然一個人也沒有？！畢竟外觀氣氛各方面都不錯，菜式選擇又多。會是伏嗎？最後都決定試一試。我們2人選了一個2人餐。其他單選方面價錢大約是$1xx-2xx 加幾十元可以有甜品，飲品，沙律/餐湯。2人餐算是幾抵食，因為主菜那幾個選擇單選的話大約200左右。餐前小食 － 水牛芝士伴紫蘇梅蕃茄凍紫蘇梅蕃茄凍味道有點話梅？微酸甜，作為餐前小食不錯個人認為可以軟一點，口感再接近啫喱比較好前菜 － 芝士煙肉焗扇貝很香煙肉味，整體還好。敗筆在於芝士用了片裝的，味度遜色。沙律 － 巴馬火腿沙律沙律汁用日式芝麻醬，材料新鮮不會乾或苦餐湯 － 蕃茄湯不是一般開罐頭，真的是自己用蕃茄打出來的，用心度100分不過味道有點單調，就很濃的蕃茄香，或者可以加點celery? 或者蕃膏？或者cream做cream of tomato?意粉 － 溫泉蛋卡邦尼意粉有點驚喜，喜歡它不太膩的口感，比較light，吃完不會覺得太頂胃。男朋友對此讚不絕口，說有機會一定要再來。主菜 － 慢煮美國牛柳配燒大蝦這個我十分喜歡，慢煮牛柳柔軟且肉汁十足。底下的蔬菜也不欺場，很鮮甜。醬汁也調得很好，跟牛肉蔬菜都很配。蝦很大，很爽甜。不是平價餐廳浸到變膠質那種爽，是新鮮有肉質那種。心太軟，法式燉蛋普通，心太軟有點麵粉味，大概是朱古力味不夠濃，流心味道不錯，整體不太甜，有7分。法式燉蛋上面的糖好像有點燒得過火，有個位有點苦味，燉蛋還算香滑。總結：值得再去支持的用心餐廳，有改善空間，但已經是合格有餘。服務也非常好，食物順序上，剛好吃完一樣再接住上另一樣，水杯也永遠有多過一半水。真的不想見到小店結業，大家才覺得可惜一窩蜂去"懷念"，什麼可惜云云。值得支持的就一早應該用力去支持，別到失去才後悔…查看更多

同父母行過水星街找食, 被店裡的"馳名炭燒煲仔飯"吸引, 雖然大熱天時, 但竟然有d想食煲仔飯. 帶住一向咀刁的父母, 入黎呢間其貌不揚既餐廳, 其實有點擔心. 一坐低, 父母就微言, 餐廳內太嘈吵. 3個人點左3味餸, 菜膽雞, 金銀蛋豆苗, 白鱔煲仔飯 . 一般清淡小菜, 不過係十個驚喜!! 菜膽雞, 十分鮮甜, 家人一向喜歡清淡, 所以味道剛剛好. 金銀蛋豆苗湯汁都十分鮮味, 味道非常好. 白鱔煲仔飯絕對一讚, 飯焦唔會太焦, 很脆很香, 絕對係完美. 白鱔鮮甜不在話下, 上面豆豉真係好正, 仲有少少陳皮. 我媽煮野絕對唔差, 所以佢要求都好高, 出街食野成日都話佢點點點煮得好過佢, 佢呢樣點點點煮得唔好, 就算OK既佢都最多唔出聲. 呢間野佢多次讚好, 仲話如果住附近一定成日黎食. 3個餸加埋先2百幾, 平靚正…查看更多

大型連鎖出晒名排幾個鐘既餐廳唔一定最好食，有時細舖都有驚喜。呢間係最近有驚喜既其中一間。第一味係牛油果蟹肉沙律。蟹肉係拆出黎，彈牙有蟹味而且份量唔少。不過牛油果太生，有待改善。整體不錯值得一試。第二味係黑松露野箘意粉。勁多勁鮮味既新鮮野箘，絕對唔係罐頭野。意粉係屬於偏硬身，個人係偏好呢個口感，所以加分。飲品係藍莓乳酪奶昔。上面放左新鮮藍莓，好飽滿好鮮甜。奶昔係現打，因為地方唔大打奶昔時都幾嘈 :( 。呢間係我少數有衝動寫食評既餐廳。一定會再去…查看更多