Naomi_nhm的個人專頁

好耐冇打邊爐，揾到呢間係坑口東港城分店嘅日式火鍋店，dinner 時間去都幾多人，見到個環境都幾企理😊呢間火鍋店主打一人一鍋，90分鐘放題任食，有幾個價錢嘅放題套餐，最貴嘅係霜降黑毛和牛（$398成人/$288小童）🤩唔同級別嘅牛會有唔同嘅價錢，我地就揀左$268嘅嚴選牛 Premium Shabu Shabu Course （$268成人/$218小童）😙🔻湯底方面有好多款，例如係四川麻辣、生姜雞、蕃茄、昆布，仲有新出嘅豆乳白雞湯同海老豚骨湯等，好多都好吸引，我同朋友都揀左壽喜燒湯底，佢會提供一隻生雞蛋🥚，湯底味道濃郁，店員定時會加湯😸🫶🏼🔻呢個course 有🥩嚴選牛肉、🍗雞脾肉同埋豬，一開始會每份肉各上一份，之後就可以手機落單。出面自助嘅食物都有好多款，例如各類嘅🥬蔬菜、丸、麵都有幾種，例如烏冬/拉麵/粉絲等，出面啲食物定時有人fill up, 睇落都好乾淨。🔻個人覺得牛舌同豬幾好食，一盤份量都幾多，而且用電話點嘅食物都黎得齊。☕️飲品有道地烏龍茶同綠茶可以任斟，仲有咖啡機同雪糕機，真係食到好飽🤪呢間火鍋食物同環境都幾好，性價比好高😋…查看更多

前排朋友話想試high tea😆所以揾左呢間W Hotel 嘅woobar，見佢定期會推出唔同嘅afternoon tea set😛而最近呢個 「福岡春之限定🍓草莓祭」好似幾吸引🤩🤩W Hotel 其實位置有啲遠，都要花少少時間先揾到酒店嘅位置...不過上到去又覺得環境幾靚🤭可以見到成個西九龍嘅景色，下午茶時間又唔會好多人，所以都幾舒服幾chill🤓呢個tea set 原價係HK$828 for two persons, 仲要加一服務費，不過去KK day 有75折，折完都係$300+/人，抵好多😙🔻咸點Savoury方面有呢幾樣：▪️北海道帶子吞拿魚他他▪️康提芝士火腿酥皮盒▪️煙三文魚香草三文治😉咸點就冇乜加到士多啤梨係入面，不過個人覺得咸點樣樣都好出色☺️每一樣都有佢嘅特色😍🔻甜點Sweet 就有：🍓焦糖布甸千層酥芭菲🍓開心果白朱古力忌廉泡芙🍓雲呢拿忌廉麻糬撻🍓士多啤梨慕絲宇治抹茶夾心餅🍓英式鬆餅配 自家製士多啤梨醬、英式奶油忌廉😉個人覺得芭菲同麻糬撻都好好食！其實佢所有士多啤梨都好甜，中意食士多啤梨嘅朋友一定好中意😊🔻下午茶套餐仲包左兩杯Ruinart Brut Rosé🥂顏色又靚，飲落幾易入口😆另外仲可以揀咖啡☕️（Coffee Americano/Cappucino/Latte/Mocha）或茶（黑茶/綠茶/herbal tea）食完真係大滿足😇…查看更多

上星期同朋友去左呢間係荔枝角嘅金酒屋，因為好多人推介所以特登book左去試☺️平時聽講話係好full😗裝修好日式，我地咁啱坐係bar枱，可以近距離睇住師傅整食物，而且仲可以同師傅吹下水🤪食左幾樣佢嘅signature，全部都好好食😋🔻▪️金龍珠海膽吞拿魚蓉卷（四件）$158呢個卷物用左幾隻原粒嘅醃漬蛋黄，再配上新鮮海膽同吞拿魚蓉，冇錯係好heavy但食完真係超級幸福😊🔻▪️海膽拖羅千層脆脆 $138/件呢個係佢地嘅人氣新品，佢分左幾層，有兩層係紫菜天婦羅，一層係拖羅蓉，最面果層係海膽，入口即溶又鮮甜👍🏼🔻▪️焦糖鵝肝和牛千層脆脆 $98/件呢個都係有兩層紫菜天婦羅，但一層係和牛，最面果層就係用焦糖香煎嘅鵝肝，雖然係會有啲濟，但係食落好香口，味道更加濃郁，所以個人覺得呢個比起海膽拖羅蓉更加好食😋🔻▪️炙燒爆膏四頭巨型虎蝦 $158呢隻虎蝦真係好巨型，而且真係爆曬膏，好厚肉，蝦膏燒完勁好食😋🔻▪️宮崎和牛海膽刺身（兩件）$138好少食生嘅和牛，雖然睇落有啲血腥咁，但係食落又冇野🤣入面加左啲好鮮甜嘅海膽，係正嘅🤭🔻▪️自家製雞皮蝦 $58▪️厚燒牛舌心 $58每樣野都超好食😋絕對推介同埋下次會encore😙…查看更多

燒烤堂係香港有好多間分店☺️呢間係旺角嘅燒烤堂就開左一段時間，不過真係未食過，所以上次就小吃一波😆呢間店裝修好日式，而且都幾大坐得好舒適👍🏼夜晚冇訂位不過因為比較夜所以好彩有位😽🔻串燒選擇真係超多，豬牛雞羊各有唔同嘅部位，仲有海鮮、野菜、得意作等等，真係應有盡有🤪每張枱上面都有一個小火爐，可以將啲未食嘅串燒放上去保温😙因為食果時已經飽飽地，所以輕輕叫左幾款😂🔻▪️汁燒免治雞肉軟骨棒（付月見）$36▪️鹽燒原塊雞皮 $22▪️汁燒赤雞心 $22▪️厚切鹽燒牛舌拖羅 $48▪️中切鹽燒牛舌心 $28▪️孜然豚肉韮菜花卷 $24▪️孜然燒蒜蓉茄子 $38▪️紫蘇雞皮蝦 $48🔻叫左兩款牛舌，雖然牛舌心都已經好食，但牛舌拖羅係更加juicy更加有嚼頭😍蒜蓉茄子份量超多，雞皮蝦都好特別😁下次真係可以再encore！…查看更多

之前見過呢間餐廳好似都幾受歡迎，所以就同朋友去試下😊餐廳以木系裝修為設計，感覺都好舒適😉預先係openrice book枱會穩陣啲🤣dinner set嘅話有飯或者pasta, 飯就偏向日式多啲，而pasta就偏向西式, 個set有是日餐湯，可以再追加小食同甜品😛同埋佢嘅咖啡都比較出名，不過今次同朋友係食夜晚，所以就冇試到😗🔻香煎海蝦龍蝦汁捲捲意粉 $148近排呢個捲捲意粉真係超爆紅🔥佢其實係一種中空長螺旋意粉😁未食過就可以試下👍🏼睇落有啲似公仔麵咁，不過就再粗啲😂幾隻蝦隻隻都好肥美🦐每條意粉都充滿龍蝦汁，夠入味😙🔻北海道帶子明太子闊條麵 $138呢個賣相都超吸引😍帶子又係超級大粒🤩好中意個明太子汁，食落又唔會好濟🥰🔻小食加左個炙燒芝士雞肉棒（2件+$35）味道ok嘅，當然冇平時係串燒店果啲咁出色啦🤪甜品加左個tiramisu (+$48) 好食，底下都有少少酒味但個蛋糕唔會好濕/好苦😌下次有機會試埋佢嘅咖啡先🤪…查看更多

朋友bookmark左呢間係旺角嘅蕾，話好似好正咁，所以有日就同左佢一齊去試😙完全冇book枱諗住都有機會冇位，好彩咁啱有兩個位先入得😉入去已經覺得個門口好型，因為道門係六角形🤣餐牌上面食物其實唔算多，但都幾好，因為我地就點曬大部分佢推介果啲🤪🔻▪️酒盜芝士 $48▫️牛舌芯串 $78▪️豚肉生菜卷 $88▫️炸紫菜墨魚滑 $58▪️白膳 $78▫️自家製月見雞肉棒 $58▪️塩燒手羽 $28🔻大概點左呢啲，每一樣都好有驚喜，酒盜芝士就係一種醃漬吞拿魚，咸咸地咁用黎佐酒一流🤪牛舌芯好嫩，整到好林又好juicy😙仲有豚肉生菜卷，出面燒到脆脆地，入面嘅生菜都好脆口🤭月見雞肉棒更加係我嘅最愛😍每樣食物都好高質👍🏼佢仲有好多唔同嘅日本酒，中意飲酒嘅朋友真係應該要去試下☺️…查看更多

早幾日同朋友係旺角食完飯，揾到呢間甜品舖，見到都幾多人排隊，不過好彩等一陣就有位😙佢甜品選擇都幾多，中式同西式都有，仙草、芋圓、刨冰呢啲而家好流行嘅佢都有😍真係花多眼亂，樣樣都想試下😚🔻🍰焦糖開心果巴斯克芝士蛋糕配鮮果$68開心果巴斯克蛋糕已經好吸引，佢仲要加埋焦糖係面，燒到勁脆勁有口感😍個cheesecake 唔會好漏，開心果味都重，呢個甜品都可以揀配雪糕😌好正😊呢個甜品原個預訂都得添，有5吋同7吋，平時想拎走同朋友慶祝生日都得🎂🔻🍡糖不甩$26咁啱見到呢個糖不甩就好想食下🤭好中意呢啲煙煙韌韌好似湯丸又好似小丸子咁嘅口感，出面沾左滿滿嘅花生碎同椰絲，甜度十足😆好味🔻因為天氣熱好口渴，所以叫左兩杯飲品🥤，分別係鮮芒果汁乳酪$48 🥭同埋芝士奶蓋西瓜飲$38🍉兩杯睇落都好正，芒果乳酪甜度適中飲落好milky, 西瓜汁係夠鮮甜，面頭仲有厚厚嘅芝士奶蓋🤩好好飲🔻最後仲試左佢新出嘅雪糕糯米糍（$25/1球，$40/2球）有幾隻味：豆腐/芝麻/開心果/D24榴槤，其實隻隻味都好吸引，最後揀左隻比較特別嘅豆腐味，佢出面係糯米糍嘅皮，入面就包住豆腐味雪糕，出面仲有啲好cruchy嘅朱古力碎，個人覺得幾好食，豆腐味好重，仲要即叫即包🫣必試👍🏼…查看更多

呢間係荔枝角嘅老荔冰室已經bookmark左好耐😍上星期終於同朋友去左食🤩一去到已經覺得啲裝修好有特色，門口有好多霓虹燈整成一個戲棚咁🫢招牌好sharp咁寫住「老荔冰室」四個字，入到去有好多懷舊嘅香港特色係入面，例如即日上映嘅海報、寫住好似九龍皇帝字跡嘅牆壁，甚至連杯碟上面都有啲金句/謎語等，真係每一個細節位都好有特色😛🎶除左裝修之外佢嘅食物都好高質，一般傳統茶餐廳有嘅佢都有，例如雞脾、西多士、傳統扒餐等，我地就揀左佢一啲特色晚餐set黎試下😌🔻🔹花膠雞阿媽足料雞湯米線 $72本身都好中意食花膠雞米線，佢真係整得好出色，入面好足料，真係有勁大條花膠！仲有好多件雞，個雞湯好濃郁，可以揀米粉/米線，好滋補🍗😚🔻🔹滑蛋粒粒蟹肉飯 $72呢個蟹肉飯見到已經覺得好吸引，因為啲蟹肉🦀真係肉眼所見粒粒都係咁大粒！滑蛋超滑，口感十足，加啲豉油撈埋係個滑蛋飯食超正呀真係！！💯🔻🔹鮮蝦餅小棠菜配酸辣米線 $58蝦餅小棠菜又幾有特色，而且炸到好香口，呢個可以揀酸辣湯/麻辣湯，佢係分開上咁就唔會浸到林曬😌🔻🔹增肌䓤油手斯雞 $48好搞笑，呢個係特別比啲做gym 人士嘅尖L追數餐🏋🏻‍♀️有麻辣/䓤油，亦可以加白飯，手撕雞啖啖肉又健康，用黎餸飯一流，餐牌仲寫住250g 手撕雞有65g 蛋白質，唔錯💪🏼🔻另外仲加左個小食單骨雞翼$32，又係冇得輸🐥跟餐加$8 仲可以配個特飲，加左個雜果賓治同椰汁紅豆冰，好味～其實仲有好多食物都好吸引，好多都想試！食物高質之餘又好有特色，所以呢間一定會再encore🤪🫶🏼…查看更多

最近想食得健康啲🥦所以揾到呢間係黄大仙嘅齋菜館😁齋菜其實都好少食，所以都想試下😉餐廳乾淨企理，頭頂有部電視，可以一邊食住家飯一邊睇電視，有啲係屋企嘅感覺🤣叫左個2人套餐$158，有一款湯品、2款小菜同🍚白飯2碗😊夠曬抵食！🔻湯品揀左粟米豆腐羹，其實份量都幾多，每人都有大概3碗😗入面好足料，真係滿滿嘅粟米、豆腐，仲有啲腐皮咁，粟米羹煮到好濃稠，味道濃郁👍🏼🔻小菜如果想轉煲仔就要+$10，揀左個豉汁素鰻魚煲，同埋欖菜豆角炒素雞😌素鰻魚原來係用紫菜包住個餡黎仿鰻魚，食落口感都有啲似，跟住加左好多啲三色椒同冬菇，聞落好香，用黎餸飯食一流😜炒素雞係用冬菇同欖菜豆角一齊炒，味道都唔錯，同埋都健康😋🔻最後加左碟自製齋滷味$40（細），入面有各款嘅齋菜，例如咖哩/甜酸齋，仲有齋叉燒，都整得幾似，啲豆腐索曬啲汁，勁入味👍🏼😉必試！…查看更多

上星期係銅鑼灣食完飯，諗住揾間糖水舖食下🙈揾下揾下就諗住試下呢間Icegreen氷舍🍧天氣咁熱食冰一流，所以就揀左佢😆去到都坐滿人咁濟，但好彩仲有張二人枱☺️佢其實主打係冰同麻糬，選擇都幾多，有傳統嘅糖水例如係杏仁露、紫米露果啲，都可以自選糖水加配料😇我地今次就揀左佢嘅招牌炒冰同刨冰😁🔻粒粒芒果炒氷$56炒氷原來即係crushed ice, 其實都唔係好分到同刨冰嘅分別🤣🤣不過感覺好似沙冰咁，面頭有鮮芒果肉同脆脆球，加埋啲芒果汁同一大舊麻糬，好有芒果味好甜🥭🥭🔻抹茶金時刨冰$78本來想叫佢嘅芒果糯米飯刨氷，可惜賣曬🫠所以揀左呢個，但呢個都好食，有雲尼拿奶蓋、紅豆粒、茶啫喱同小山園抹茶，果舊冰都好大舊，冇咁快融👍🏼呢個加左茶所以冇咁甜😊…查看更多

早幾日同朋友係銅鑼灣食飯，揾到呢間係百樂中心嘅日本餐廳「汐」，佢係一間西日fusion餐廳，睇個menu覺得好特別😊所以就黎試下😙一入到去感覺係好日式feel, 客人可以坐榻榻米或者bar枱，tatami一枱頭都係啲日本酒，好有feel🤭因為好掛住日本所以揀左坐tatami🤪餐牌主要有井飯、意粉同小食😌🔻特盛 $158呢個井飯非常特別，首先打卡一流😛因為佢真係好似一個「夕陽富士山」咁，染左藍色嘅飯粒，上面整左個雲朵蛋，入面放左個流心嘅蛋黄，食落係咸咸地咁嘅😍側邊有唔同嘅刺身，例如係三文魚、帶子、八爪魚等，啲刺身都好厚切！成個飯真係好出色，靚得黎又好食🤤🔻櫻花蝦清酒煮蜆 $98呢個小食都好抵食，份量超多，仲要每一粒都係有蜆肉嘅，食落完全冇沙，有酒味而且都好入味🤪上面加左啲櫻花蝦同葱花，味道好好，真係食唔停🤣🔻醬油七味雞皮餃子 $58呢個餃子最先上嘅，一食落口真係覺得驚為天人🤭可能因為平時好少食雞皮做嘅餃子，個皮係比較煙韌啲，但係炸到好脆好香口，入面個餡又好多汁😋加埋面頭嘅紫菜一齊食，好特別👍🏼🔻☕️🍵估唔到飲品都有驚喜，佢有coffee、non coffee同soft drink, 咁我就揀左杯「秋名山藤原豆腐咖啡」$42🤣首先我好中意呢個名，因為頭文字D好好睇🤣其實佢係Tofu Latte, 上面係latte, 下面真係有豆腐！飲落真係好特別，latte加埋豆腐唔會好苦，豆腐入口即溶咁好正😊朋友揀左靜岡抹茶豆乳$42，R左佢一啖都覺得好好飲！甜度適中，豆乳味好濃郁😙兩杯飲品都好靚，打卡一流😋🔻呢間餐廳一定會再黎，因為食物高質之餘環境都好舒服，仲要啲職員都好nice好friendly😙…查看更多

呢間係灣仔嘅薔紅原來好出名！已經開業30幾年，係一間價錢非常親民嘅茶餐廳，佢仲拎左Openrice Best restaurant 2024添🤭基本上茶餐廳有嘅食物佢都有，但好多人都係慕名黎食佢嘅金牌燒春雞🍗✨間餐廳都好容易揾，上一條樓梯已經到🙂去到已經見到坐滿曬咁濟😉🔻呢隻脆皮燒雞$88，可以配飯/意粉/薯條/沙律，聽講呢度嘅意粉都好食，所以我就揀左茄汁意粉🍝😙一黎到見到隻燒雞都好大隻！超級抵食，而且仲有手套同濕紙巾，唔洗驚整污糟隻手😆👍🏼一摸上手超熱😹😹熱到辣口果隻😹真係啱啱燒好咁🫶🏼食落去第一啖覺得超正，啲皮勁脆，真係要趁熱食！😻另外啲雞肉都好嫩，係有啲肥，不過係正常，啖啖肉👍🏼唔怪得咁多人食呢個！…查看更多

好耐冇打邊爐!!🍲😍揾左呢間黎自台灣嘅馬祖，佢有幾間分店，見到都幾多好評所以就去試下😝佢按級別設有唔同價位嘅無限時任食火鍋套餐😗而最正就係唔限時，坐得又舒服，真係可以慢慢食都得🤣🤣🔻我地揀左Set D套餐，🥩肉類方面有極上Prime Grade 霜降牛小排/極級SRF極黑和牛肩脊肉 / Prime Grade 安格斯牛頸 / 西班牙伊比利亞黑毛豬 / 西班牙無激素豬肉片。呢個套餐係7:30 pm 前離座都係$487/人（成人價）😉打邊爐就係想狂食牛😂見到啲牛都靚同埋新鮮😁🔻湯底選擇都好多，揀左鴛鴦鍋（加$48），分別係台灣養生醉雞涮涮鍋同埋🍅蕃茄濃湯豆腐雜菌涮涮鍋，入面好足料，有大大舊嘅雞同埋好多材料，湯底好濃郁🙀🔻食物係用手機自助落單形式，上菜都好快，而且冇漏單情況👍🏼食物選擇超多，包括有肉類、炸物、手工配料（手工丸/餃類）、海鮮類、麵類同蔬菜類。食物都好新鮮，而且份量啱啱好🙂🔻出面嘅飲料櫃除左一般嘅罐裝飲品，仲有好多自家製嘅茶，例如桂花烏龍、愛文芒茉莉花茶等，邊食邊飲就唔會咁濟啦。最後當然要以甜品作結，🍨雪糕有Haagen Daz/Movenpick 揀，兩個牌子都好食🥹可惜太飽唔食得太多😭….總括嚟講呢間都好抵食🤗…查看更多

呢間祥興咖啡室已經book mark左好耐，終於都有機會試下😌平時都中意去啲懷舊冰室😙呢間茶餐廳係跑馬地已經有好耐歷史，牆上面都掛左好多名人嘅簽名✍️入面嘅裝修都好有懷舊feel, 但係感覺都幾乾淨🤪🔻同一般茶餐廳一樣乜都有得食，不過一場黎到要試下佢馳名嘅酥皮蛋撻$10🤩平時蛋撻我都係中意曲奇皮多啲，不過佢嘅酥皮真係非常鬆脆，入面嘅蛋漿fill到好滿，食嘅時候仲係熱的，一拎起手又唔會散曬😛🔻另外仲點左佢嘅惹味豬扒菠蘿包$45，呢個餐仲包左杯熱飲，所以點左杯熱咖啡☕️呢個菠蘿包真係物有所值🤩出面個皮好脆，但個皮唔會一咬就散曬，入面塊豬扒都係炸過黎，好香口好脆☺️值得一試！…查看更多

早幾日去左呢間係銅鑼灣新開嘅韓國西式fusion餐廳🤗餐廳裝修設計以灰色簡單為主，牆上面貼滿左韓星嘅照片😝餐廳雖然唔大，不過坐得幾舒服，啱曬三五知己一齊gathering👩🏻‍🤝‍👩🏼👫🔻魚糕串辛辣麵卡邦尼意粉 $128呢個係佢嘅signature, 魚糕串同🌶️辛辣麵平時都係去韓國必食嘅，佢就融合左西式嘅carbonara, 食落一啲都唔辣，個辛辣麵形成左脆脆嘅口感😍意粉嘅汁又唔會好膩，加埋魚糕串同流心蛋，超好食😋🔻Chef’s choice $128每日嘅廚師發辦都唔同，果日就係韓式甜辣海蝦意粉🦐🍝隻隻蝦都好大隻，呢個食落個味道偏甜，入面都有菇、魚糕做配料，都好有特色😻🔻芝士秘撈薯條 $58份量超多，每條薯條都沾滿左芝士粉，食落好脆，雖然熱氣但真係食唔停！🤗🔻每個主菜都可以升級做套餐，+$48就有粟米湯+精選蛋糕同特色檸檬茶/美式咖啡，粟米湯超好飲😝餐前飲超開胃😂至於蛋糕方面逢星期一至四加$28就有蛋糕放題！🫣一共有6款，每款都好吸引同埋好好食！包括有▪️原味芝士▫️朱古力芝士▪️抹茶芝士▫️柚子乳酪慕思▪️伯爵茶慕思▫️Tiramisu個人好喜歡朱古力芝士同埋柚子乳酪慕思🍰甜品控真係要試下😆食完真係超級飽🤣…查看更多