alex kwokwt的個人專頁

.銅鑼灣· 足料滋味火鍋.十下火鍋📍銅鑼灣登龍街28號永光中心2樓.➰最近天氣窄暖還寒，最適合就係同朋友一齊打邊爐，「十下十下」，咁啱今日到訪嘅餐廳就叫「十下火鍋 」，名字相當食字有意境，裝潢亦特意擺設好有氣氛情懷，牆上就有唔少霞虹燈飾佈置，環境氛圍一流。.餐廳今期主打兩款火鍋套餐，都非常抵食，適合2-4位享用，套餐分別💲328或💲398，配料大同小異，都可以享用到餐廳嘅招牌菜式，主要分別湯底嘅選擇，特別係火瞳花膠魚肚雞渺/卜卜蜆煲/蟹肉瑤柱冬瓜湯，都非常有人氣。就座後，侍應會將醬料盤俾我地調製醬料，又會介紹今日新鮮嘅海鮮推介，好積極主動。.➿✥ 精選套餐 💲398 ❀ 蟹肉瑤柱冬瓜湯 ❀ 大刀手切本地牛頸脊 ❀ 肥美大沙白 ❀ 十下三寶滑 ❀ 蟹肉蟹粉餃 ❀ 頂級野生竹笙 𖥕 醬爆瀨尿牛丸 𖥕 懷舊果皮魚蛋 𖥕 紫菜響鈴 𖥕 蔬菜拼盤.今日揀選左招牌之一嘅蟹肉瑤柱冬瓜湯，店員會將整個冬瓜盅火鍋放於中間，材料非常澎湃，鋪滿蟹肉及瑤柱，等湯滾好之後就會幫我切開冬瓜，先飲上一碗暖心順喉嘅靚湯先。.火鍋配料方面非常豐富，手切本地牛頸脊肉味濃郁，與朋友都讚不絕口; 沙白粒粒飽滿鮮甜無沙，招牌三寶滑更加由店員逐款親自講解，咸蛋墨魚滑爽彈，蝦滑鮮甜，仲有少見嘅牛肉滑都特別香濃，絕對係招牌必試。.仲有原隻嘅蟹肉蟹粉餃，入口全部都係絲絲蟹肉，超級足料;最後試埋醬爆瀨尿牛丸，內餡竟然係小籠包湯汁味道，好有趣，大家一定要試下。…查看更多

.中環·傳承粵菜美饌滋味.中環飯店📍中環畢打街12號畢打行LG樓.➰今日到訪的「中環飯店」新近落成，進駐中環核心地帶，毗鄰中環站，位於具有多年歷年的畢打行內。餐廳環境寬敞，裝潢氣派，設有包廂及大廳雅座，優雅的用餐氛圍非常適合商務聚會或是雅宴親朋聚會。.餐廳由知名總廚陳思海師傅掌舵，擁有逾20年豐富經驗，以深厚粵菜根基注入創新元素，將經典菜式重新演繹，秉持「尊重傳統，不拘泥於傳統」的理念，為食客帶來親民卻不失星級水準的粵菜體驗。.➿ ✿ 18斬話梅醉乳鴿 💲138 ❀ 懷舊蝦多士 💲138 ✿ 脆炸鹹北海道3.6牛乳 💲98 ❀ 西班牙栗子豬焦香叉燒 💲198 ✿ 黃金芝士炸釀鮮炸蟹蓋 💲288 ❀ 杏汁豬肺燉花膠 💲188  ✿ 黑蒜燉螺頭 💲168 ❀ 鴛鴦蓮藕餅 💲168 ✿ 生蒸金華玉樹雞 💲298 ❀ 紅酒炆牛尾煲 💲268 ✿ 魚湯金銀海鮮泡飯 💲248 𖥕 木桶豆腐花(4位) 💲98 𖥕 黑芝麻湯圓 💲68 𖥕 反沙芋 💲108.餐廳菜單選擇繁多，菜式由傳統粵菜經典以至家常小炒均包羅萬有，絕對有菜式能打動各位的味蕾，今日頭盤先以餐廳推介的18斬話梅醉乳鴿起首，將原隻乳鴿雕琢斬件，賣相精緻之餘亦方便入口，入口爽嫩留有酒香餘韻 ; 同行有人亦點了經典的懷舊蝦多士及脆炸鹹北海道3.6牛乳作前菜小食，油溫火喉掌控恰到好處，蝦多士賣相金黃，入口香脆滋味 ; 炸北海道牛乳配上黑醋珍珠酸甜開胃。.粵菜經典當然要點上一份叉燒，餐廳選用西班牙栗子豬，色澤油亮，半肥瘦相間，入口蜜汁甘香，外層惹味焦香口感與內裹入口即化層次分明，惹味出色。餐廳招牌之一的黃金芝士炸釀鮮炸蟹蓋亦是相當出色，造形精緻，外層炸至金黃薄脆，鮮甜蟹肉一梳梳與洋蔥混合，令人回味無窮。.湯品點了杏汁豬肺燉花膠及黑蒜燉螺頭，賣相一黑一白，入口非常驚喜，湯頭非常濃郁，前者杏汁濃郁回甘，後者黑蒜吊出湯汁的肉香，順喉滑嫩，匠心之作。接下來還試了鴛鴦蓮藕餅，以煎及炸兩種方式呈現，比家常小菜更添了一份驚喜;紅酒炆牛尾煲烹煮入味，牛尾軟糯滋味，亦是高水準;還有生蒸金華玉樹雞，將金華火腿、冬菇、雞件三位一體，淋上濃郁雞汁，口感層次豐富，兼具雞肉鮮美與火腿的鹹香感。.主食部分是魚湯金銀海鮮泡飯，濃郁魚湯浸上泡飯，再加上脆米增添口感層次，入口鮮味濃郁。.甜品亦種類繁多，推介老少咸宜的木桶豆腐花，足夠4位享用，餐廳推介的黑芝麻湯圓內餡相當濃郁，還有製作繁複的反沙芋絕對要推薦一試，外酥內軟，香甜可口。…查看更多

.炮台山·一期一會驚喜中西Fusion私房菜.無界小廚📍天后電氣道168號柏宜大廈1樓.➰今日到訪的「無界小廚」位於炮台山，店鋪門面裝潢低調優雅，餐廳由兩位主廚Pierre及Adrian攜手主理，兩位都擁有豐富餐飲經驗，決定攜手打造每晚「一期一會」的包場式私房菜體驗，每晚可接待約14位賓客。.兩位主廚以不分菜式界限為理念設計餐單，多年專業累積的技藝為基礎揉合不同烹飪手法重新演繹各道中西佳餚的融合與脫變，為每晚客人留下難忘美食體驗。.➿Tasting Menu 嚐味餐單 💲1180/1  ❀Appetisers 前菜    𖥕 Hairy Crab Roe · Uni Sauce · Chawanmushi         蟹皇 · 海膽醬 · 茶碗蒸    𖥕 Cherry Tomato · Osmanthus · Dried Salted Plum        櫻桃番茄 · 桂花 · 話梅    𖥕 Black Truffle Sauce Drunken Abalone Tart        黑松露醬· 最鮑魚· 酥皮撻 ❀ Starter 精緻小品    𖥕 Earl Grey Soft-Boiled Egg · Ikura · Yoghurt · Kadaifi       伯爵茶溏心蛋 · 三文魚籽 · 乳酪 · 卡塔菲絲 ❀ Soup 湯品    𖥕 Chicken Consommé · Morel Mushroom       法式雞清湯 · 羊肚菌 ❀ Meat 主菜    𖥕 Flying Buddha · Crispy Skin Chicken       佛跳牆 · 炸子鷄    𖥕 US Prime Beef Short Rib · Angelica Sinensis · Black Garlic       美國頂級牛小排 · 當歸 · 黑蒜    𖥕 Hairy Crab Claypot Rice       大閘蟹煲仔飯    𖥕 Lobster e-fu noodles       龍蝦伊麵    𖥕 Seasonal Vegetables        時令炒菜 ❀ Dessert 甜品    𖥕 Soy Sauce Caramel · Tofu Flower · Puff Pastry       豉油焦糖 · 豆腐花 · 酥皮.前菜部分有三款，蟹皇海膽茶碗蒸已經先聲奪人，濃郁蟹黃配海膽非常鮮甜，啖啖滋味，黑松露鮑魚撻色香味俱全，淡淡黑松露香之餘鮑魚粒與撻皮多層口感亦是出色。.接住落嚟，一道外型吸睛酷似鳥巢造形嘅伯爵茶溏心蛋吸引哂大家眼球，賣相相當別緻，原來內裹係包裹流心蛋，以伯爵茶及柑橘調味滲入蛋香，入口外脆內嫩滲有茶香餘韻;之後中場一碗羊肚菌雞清湯順一順喉準備近接主菜。.主菜環節相當豐富，首先係招牌嘅佛跳牆·炸子雞，主廚即場表演倒酒然後將雞剪開，呈現滿瀉嘅佛跳牆材料，之後再為我地每位分上一碗佛跳牆，材料有齊鮑參翅肚非常足材，超滿足!炸子雞亦都好香脆。.之後嘅牛小排用左中式清湯腩嘅方法烹調，非常入味，下一個高潮環節就係大閘蟹煲仔飯，主廚表示足足用左40幾隻大閘蟹即拆蟹粉製作，非常奢侈，完全係視覺同味覺嘅雙重滿足。最後仲有原隻龍蝦伊麵，菜色豐富滿載。.甜品係一道非常少見嘅酥皮豆腐花，主廚特地將依道菜式重現，賣相精緻之餘，酥皮配上順滑豆腐花層次分明，仲要甜度恰到好處，啱哂香港人口味。.…查看更多

.荃灣·「如」粵滋味饗宴如·RÚ📍荃灣楊屋道8號荃灣西如心酒店7樓.➰今日到訪「如」位於荃灣如心酒店的中菜廳，酒店最近翻新裝潢過後，整個中菜廳裝潢風格雅緻，氣派落落大方，餐枱間隔寬敞，用餐氛圍舒適。.餐廳最新呈獻「總廚臻至饗宴」，由擁近四十年深厚廚藝底蕴的主廚黃偉成師傅帶領，推出八道匠心菜式，融匯傳統粵菜精髓與創新理念，團隊更致力將傳統受歡迎粵菜揉合可持續發展的飲食概念，選用上乘食材及正宗烹調手法，重新定義各式簡約精緻粵菜滋味，呈現非凡魅力，深受老饕追棒。.➿✥總廚臻至饗宴 💲988/1 (2位起) ✿ 炭燒至尊蜜汁叉燒 ❀ 順德家鄉拆魚羹 ✿ 松露蜜糖燕窩釀雞翼 ❀ 海鮮汁脆皮釀關東遼參 ✿ 蔥香岩鹽蒸星斑柳 ❀ 摩利菌夜光杯 ✿ 砂鍋梅菜帶子脆香苗 ❀ 蝶豆花豆腐凍、棗皇千層酥.頭盤先以經典炭燒至尊蜜汁叉燒揭開序幕，選用「第一刀」部位，經炭火慢燒至外焦內嫩，色澤油亮，入口蜜汁甘香，外層惹味炭香口感與內裹細膩肉質層次分明，非常惹味出色。.湯品是順德家鄉拆魚羹，是經典的手工菜，亦是黃師傅拿手好戲，以精湛刀工將食材分拆，配以濃郁鮮魚高湯，步驟繁複，入口滑嫩順喉濃郁，匠心之作 ; 接下來的松露蜜糖燕窩釀雞翼非常有驚喜，先將雞翼去骨，然後釀入燕窩，佐以松露與蜜糖調味，入口啖啖燕窩滋味。.主菜部分，黃師傅多年來創作了不少佳餚，其中招牌之一便是這道海鮮汁脆皮釀關東遼參，選用日本關東遼參釀入蝦仁豬肉餡料，製作酥脆外皮，佐以海鮮汁，完美解決海參單調無味的刻版印象; 另一道蔥香岩鹽蒸星斑柳則選用新鮮星斑，用岩鹽吊出魚肉鮮味 ; 摩利菌夜光杯用料繁多，口感層次爽脆，同時解膩。.主食部分，以砂鍋上枱的梅菜帶子脆香苗亦是驚艷十足，用上紅菜頭令顏色更為鮮艷，配以脆米提升口感，而且鑊氣十足，粒粒分明，非常完美。最後甜品則是蝶豆花豆腐凍配以奇亞籽，以及棗皇千層酥，入口甜而不膩，為整場匠心粵式饗宴作結。➰總結餐廳今期主打的「總廚臻至饗宴」，由主廚黃偉成師傅匠心鑽研，每款菜式心思細膩，配搭想法除了保持傳統粵菜文化亦兼具創新想法，恰如其份的融洽滋味，加上套餐定價甚具性價比，而且餐廳裝潢優雅，服務水平亦是酒店級水準，絕對值得與親朋好友到訪。…查看更多

.尖沙咀·高質驚喜中法Fusion.Path 📍尖沙咀金巴利道68號1樓A號舖 . .➰ 今日到訪的「Path」位於尖沙咀金巴利道，店鋪門面裝潢低調優雅，餐廳只有8席位置，以L型長枱圍繞半開放式廚房格局為主，可以近距離欣賞主廚製作美食過程，就座後侍應熱情主動介紹餐廳環境，然後主廚Tony Mak(@tony_mok_1017)亦與我們簡單介紹今日的Menu。.與坊間比較與眾不同的是，主廚崇尚將中菜的食材及風味與現代精緻菜式的創意融合，很多方面的食材及配搭都令我們耳目一新，很有水準。.➿Autumn Menu 💲1380/1       ✥ Wine Pairing 💲580 ✥ Prestige Pairing 💲1280. 𖥕 啤酒脆杯 · 茶燻菠蘿 · 生薑      Croustade · Tea Smoked Pineapple · Ginger  𖥕 蟶子 · 豉椒 · 紅尖椒      Razor Clams · Douchi · Red Chili  𖥕 蛋白餅 · 鵝肝 · 花椒      Meringue · Foie Gras · Sichuan Peppercorn ❀ 白烏賊 · 木耳 · 海膽      Ika · Black Fungus · Uni ❀ 茶碗蒸 · XO醬 · 魚子醬       Chawanmushi · XO · Caviar ❀ 紅鮋•酸菜•茄子      Red Perch • Fermented Cabbage • Eggplant ❀ 豉油雞 ·糯米飯      Soy Sauce Chicken · Sticky Rice ❀ 花蟹 · 辣椒油 · 擔擔麵      Flower Crab · Chili Oil · Dandan Noodle ❀ 芋頭 · 水晶梨 · 黑松露      Taro · Pear · Black Truffle.頭盤部分有三款，朋友最愛茶燻菠蘿配上生薑嘅點綴再配上啤酒脆杯的層次感，酸甜開胃;我最鐘意嘅係第二道，將中式鑊氣惹味嘅豉椒炒蟶子放上脆撻皮上，兼具鮮味惹味創意一身;最後一道係蛋白鵝肝慕絲，外形精緻，入口後有花椒麻香嘅回朔，同樣精彩.接住落嚟，主廚用上北海道海膽配上白烏賊及木耳製成一道湯品俾我地品嚐，賣相精緻入口鮮甜;重頭戲更要數之後，一步步睇住主廚將整盒魚子醬拆盒，再放上茶碗蒸上及配搭XO醬，非常新奇嘅配搭，茶碗蒸質感較平時嘅結實，每啖入口都有魚子醬嘅咸鮮同XO醬嘅惹味，味道層次非常複製有驚喜，絕佳嘅配搭。之後一道係香煎紅鮋佐上酸菜及茄子，加上秘製湯汁，中和返之前嘅油膩感。.主菜環菜都有兩大品項，首先係招牌豉油雞，主廚分享創作靈感源於佢父親以前做中式燒式燒味起家，於是乎佢就將豉油雞融入到佢嘅菜式上，甚至成為餐廳招牌菜之一，豉油雞入口非常嫩滑，配上糯米飯更為相得益彰，非常滿足。另一道則是將花蟹拆肉，放於擔擔麵之上，擺盤賣相非常一流，似是西式意粉，入口又意想不同嘅麻香擔擔麵汁，好夢幻。.甜品環節，主廚先是將完整松露放置係我地面前觀賞，再慢慢將金黃芋頭及水晶梨等配搭一起，最後將松露一片片刨出，視覺效果及儀式感都滿分，另外仲有即製麻糬雞蛋仔，非常煙韌，出色。.➰總結餐廳主打中西創意料理，整個用餐體驗都有驚喜，主廚與侍應更不時與客人互動分享，食物水準部分相當令人滿意，少有地將眾多中式料理風格融合嘅餐廳，值得推薦。.…查看更多

.尖沙咀·極尚滿足松葉蟹·近江牛·宮崎牛放題.宴·尖沙咀📍尖沙咀金馬倫道38-40號金龍中心1樓.➰今日到訪位於尖沙咀的「宴」，餐廳風格是屋酒屋格調為主，更有不少以沖繩風格的裝潢，更有塌塌米廂房可以與一群親友相聚，花樣繁多，而餐廳主打日式火鍋放題，晚市套餐分為「松」·「竹」·「梅」·「菊」四款，最優惠低至💲404起便可以享受到任食宮崎和牛、日本豚肉及雞肉等產地直送的美味，而今期餐廳更有期間限定主題的近江牛及松葉蟹放題，非常吸引。.➰「松」食べ放題 💲720❀ 頂級近江牛❀ 頂級宮崎和牛❀ 松葉蟹❀ 飲品放題(可任飲Sapporo/Asahi/Good whisky/無酒精飲品)✥ 三點刺身每位一客✥ 特色小食兩份✥ 日本豚肉、雞肉✥ 時令野菜拼盤✥ 日本米粥/白飯/烏斥✥ 是日雪糕每位一客.首先店員會送上一份松葉蟹及刺身給我們享用，然後再開始送上火鍋湯底慢慢烹煮，刺身品質相當不錯，而松葉蟹在松套餐更可以無限encore，蟹腳份量相當飽滿，肉質非常鮮甜，完全可以媲美日本漁市的味道，更可以無限追加，與朋友大快朵頤數盤才開始慢慢停手，另外要讚賞餐廳貼心地準備好了濕紙巾，蟹剪，骨碗等配置一應俱全，很細心。.餐廳裝潢中很多沖繩居酒屋風格，而套餐亦可以挑選兩份居酒屋風格的特色小食，有很多沖繩料理，今次與朋友選了風味香腸拼盤及自家製雞肉棒，前者外皮香脆，更有炸午餐肉口感，相當適合佐酒，雞肉棒理所當然的出色。.依今晚的重頭戲當然是頂級的近江牛，油脂豐腴，肉眼可見的美味，輕輕灼至粉嫩，入口牛脂爆溢的滿足感非常幸福，而宮崎牛亦是相當高品質，雖然油花稍欠，但肉味更為濃郁，亦是我們輪流追加的必點菜式!.➰總結餐廳主打日本產地直送的高品質火鍋放題，不時更換頂級和牛主題之外更有高品質的松葉蟹，絕對令人回味，值回票價，有興趣體驗奢華又性價比滿滿日式火鍋放題嘅朋友絕對不容錯過。…查看更多

.尖沙咀·最高性價比驚安燒肉.驚安燒肉商店📍尖沙咀金馬倫道48號中國保險大廈3樓C號舖.➰今日到訪位於尖沙咀的「驚安燒肉商店」，最近餐廳推出全港最抵食最高性價比的💲8牛舌芯作賣點，吸引了我跟朋友再次回訪，餐廳通風能力一流，唔會食到全身都係燒肉味嘅情況，同場仲見到有啤酒優惠買一送一，大家盡興飲酒燒肉，氣氛相當熱鬧。.  ❀ 牛舌芯(每人限點一碟)  💲8 ⭐️4.4/5⭐️  ❀ 粟米天婦羅 💲38 ⭐️4.2/5⭐️  ❀ 上·驚安九宮格盛合 💲388 ⭐️4.3/5⭐️  ❀ 和牛壽喜燒 💲98 ⭐️4.3/5⭐️  ❀ 柚子漬雞肉山(半份) 💲28 ⭐️4.3/5⭐️  ❀ 蟹黃海膽月見飯 💲168 ⭐️4.4/5⭐️  ❀ 巨峰可爾必思梳打 💲32 ⭐️4.1/5⭐️.先點了份粟米天婦羅作前菜小食，粉漿薄脆有咬口，粟米粒粒分明，炸得出色。.燒肉部分，當然率先點每人一份💲8牛舌芯，超值之選，份量亦鋪滿全碟，絕不欺場，完全無投訴。另外招牌必點的當然包括九宮格盛合，有齊厚切牛舌芯、牛頸脊、和牛五花、一口和牛等部位，一次過可以品嚐唔同部位，非常推薦，最鐘意係牛頸脊部位，厚切之餘，肉味非常濃郁，入口超級滿足，仲推薦餐廳嘅名物- 柚子漬雞肉山，性價比滿滿之餘，每啖雞肉入口仲有淡淡嘅柚子香氣。.另外仲點選左和牛壽喜燒，由店員親自席前處理，儀式感同視覺效果都滿分，最後配上松露月見醬汁一同入口，油脂感同醬汁嘅嫩滑融為一體，亦係必點推薦。.主食部分更有驚喜，適逢最近蟹季當造，餐廳依碗蟹黃海膽月見飯非常有誠意，全碗鋪滿蟹膏蟹肉，再拌上海膽一齊入口，鮮上加鮮，鐘意食蟹嘅朋友不容錯過。.➰總結餐廳主打日式燒肉，定價親民性價比滿滿，而且出品亦相當有水準，份量豐富，非常推薦鐘意燒肉嘅朋友嚟試。…查看更多

.尖沙咀·東京星級過江龍職人江戶前Omakase.鮨 央泰·Sushi Hisayoshi📍尖沙咀廣東道3-27號海港城港威大廈地下G111號舖.➰今日到訪的「鮨 央泰」位於尖沙咀海港城中心地段，位置一流，秉承至東京銀座一星米芝蓮「銀座いわ」的手藝，承存壽司大師岩央泰職人匠心的宗旨，嚴選日本時令魚獲食材空運到港，保證新鮮。.餐廳裝潢以木系為主調，燈光柔和，以木系壽司吧枱貫穿整個餐室，每個位置均可欣賞到師傅的手藝。晚餐供應Omakase為主，以江戶前壽司的獨特風味為食客帶來最佳體驗。.➰ 皇·Sumeragi  💲1880/1.❀  先付け - 三点 ✥軟煮八爪魚 ⭐️4.4/5⭐️ ✥北海道毛蟹  ⭐️4.3/5⭐️ ✥香魚甘露煮 ⭐️4.2/5⭐️先付部分已經非常有驚喜，師傅首先展示餐廳的招牌名物，將北海道八爪魚呈現於我們眼前，非常震撼，經過蒸煮4小時後，醬汁已充分浸入八爪魚之中，入口軟嫩多汁，非常出色。另外還有北海道毛蟹及香魚甘露煮，前者佐以柚子酸汁啫喱，令毛蟹的鮮味更為昇華，後者將魚骨煮至軟化，入口層次豐富。.❀  さしみ - 二点   ✥ 九州深海池魚·象拔蚌 ⭐️4.3/5⭐️ ✥ 燒平貝 ⭐️4.3/5⭐️刺身部分有來自九州的深海池魚及象拔蚌，深海池魚肉質細膩濃郁，象拔蚌鮮甜爽彈，兩者都非常出色 ; 師傅將平貝燒至表面稍稍焦身，保持內裹肉質鮮嫩，兩種口感令層次更為提昇。.❀ 燒物 ✥ 燒鷹鯧魚 ⭐️4.3/5⭐️鷹鯧魚選料上乘，並無養殖，經灸燒處理過後令魚味更為香濃，突出豐富魚油，入口肉質結實 ，搭配蘿蔔唐辛子，更為順滑入口。.❀ 握壽司 - 八貫 ✥ 左口魚 ⭐️4.3/5⭐️將裙邊炙燒處理迫出濃香魚油，入口滿足滋味。 ✥ 秋刀魚 ⭐️4.4/5⭐️正是秋刀魚豐收的季節，肥美肉鮮，味道濃郁豐厚。 ✥ 北海道北寄貝⭐️4.3/5⭐️北海道北寄貝選料優質不在話下，經灸燒處墜更散發出海洋咸鮮調味，出色。 ✥ 春子鯛 ⭐️4.2/5⭐️清淡雅致，細膩柔和。 ✥ 長崎縣赤鯥 ⭐️4.3/5⭐️赤鯥味道濃郁，口感爽彈中帶出魚油魚香。 ✥ 鹿兒島車海老 ⭐️4.4/5⭐️車海老色澤鮮紅亮麗，品質上乘，入口爽彈愉悅。 ✥ 燒拖羅 ⭐️4.4/5⭐️將肥美的拖羅炙燒處理，魚油魚香滋味倍增，入口幸福感滿滿。 ✥ 穴子 ⭐️4.3/5⭐️細嫩柔軟，入口稍為咀嚼已然吞嚥回味。 ✥ 海膽 ⭐️4.4/5⭐️重頭戲主角選用北海道馬糞海膽，鮮甜濃郁回味，配搭爽彈紫菜一同入口，層次感一流。.❀ 玉子燒 ⭐️4.3/5⭐️師傅親自烹煮，蝦肉、魚肉、蛋調配而成，不含麵粉，口感輕盈鬆彈，一試難忘.❀ 椀物 ⭐️4.2/5⭐️❀ 甜品 ⭐️4.3/5⭐️最後奉上碗物及甜品作結，時令蜜瓜非常清甜。.➰總結餐廳以江戶前Omakase作主打，師傅功架十足，對每道菜色掌握純熟無比，令每位客人都體現到師傅日積月累對江戶前壽司的職人匠心，菜單亦會隨會四季不同而變更，推薦與親朋好友到訪這個令人難忘的江戶前壽司之旅。…查看更多

.上環·型男Oppa主理·人氣話題韓式料理店.O'rm📍上環安和里2及8號地舖.➰今日到訪的「O'rm」位於上環九如坊附近，新張開業不久迅速成為城中人氣話題餐廳，店鋪門面裝潢低調優雅，進入餐廳內即別有洞天，一瞬間氣氛點燃，餐廳格局有E人最愛嘅主廚長型吧枱，可以與一眾Oppa廚師交流。.餐廳還有一排酒櫃陳列，侍應及主廚們更會輪番上陣，不時拎出珍藏與客人們舉杯盡興，非常熱鬧。餐廳主打韓式料理，由主廚Choi Junwoo 帶領，特意搜羅本地時令食材，融合韓式料理元素，變奏出一道道傳統與創新於一身的招牌料理。.➿ ❀ Yuk hoe 紫菜脆片拌和牛肉 💲168 ⭐️4.3/5⭐️ 𖥕 Clam muchim 涼拌本地蜆 💲118 ⭐️4.2/5⭐️ ❀ Soy fried chicken 醬油炸雞 💲138 ⭐️4.3/5⭐️ 𖥕 Cauliflower Gangjeong 韓式甜辣花椰菜 💲118 ⭐️4.2/5⭐️ ❀ Bibim buckwheat noodle 蕎麥拌麵 💲138 ⭐️4.2/5⭐️ 𖥕  Spicy pork jowl 辣炒豬頸肉 💲188 ⭐️4.4/5⭐️ ❀ Korean churrus 韓式西班牙油條 💲88 ⭐️4.2/5⭐️.落座後，Oppa侍應及主廚都非常熱情介紹餐牌及招牌菜式，再邀請我們品嚐餐廳的特式韓式美酒，入口微醺開胃。.接下來正式品嚐兩道前菜，分別是紫菜脆片拌和牛肉和涼拌本地蜆，前者是主廚招牌作之一，每枱必點，賣相精緻討好，將和牛生拌肉放上紫菜片上，再伴以魚子醬增添咸鮮感，入口層次相當豐富鮮美;另一道涼拌本地蜆用上韓式制法融合本地食材，鮮甜蜆肉配搭韓式甜辣醬及紫蘇香油，令味道更為昇華。.韓國料理當然少不了炸雞，品嚐了醬油炸雞及韓式甜辣花椰菜，兩者都炸得外脆內嫩，非常香脆，甜辣花椰菜更幾可亂真，非常適合素食者。之後主食方面挑選了蕎麥拌麵及招牌辣炒豬頸肉，前者賣相精緻，麵質入口清新爽彈，很不錯。另一招牌辣炒豬頸肉更有驚喜，炭燒令豬頸肉非常惹味，鎖住肉汁，主廚上枱時更會大玩煙燻效果，非常有氣氛。.甜品方面挑選左變奏版嘅韓式西班牙油條，主廚更展示自家製嘅紅棗醬，配搭西班牙油條，甜度適中，更適合香港人口味。.➰總結餐廳主打韓式料理，整個用餐體驗氣氛非常熱情，主廚與侍應們更不時與客人互動分享，食物水準亦相當出色，很有主廚的個人風格與特色，難怪新張開業已成人氣餐廳，值得推薦。.➿➿➿#O'rm#上環美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#Oppa #Korea#YukHoe#SpicyPorkJowl…查看更多

.灣仔·牛角Buffet さいこう !!!.牛角Buffet (利東街)📍灣仔皇后大道東200號利東街地下G32號舖.➰今日到訪位於灣仔的「牛角·Buffet」，本身已經不時光顧，最近推出嘅LV4 燒肉の巨匠，更包含九州A4+黑毛和牛與及海鮮放題，更附贈期間限定每人一客日本和牛漢堡扒，花樣繁多，保證棒腹而回。.LV4 燒肉の巨匠 包含逾超過170款燒肉及海鮮等食品，價錢由早鳥價 💲628起，享受130分鐘嘅美食滋味，其中多款A4+日本黑毛和牛當然係主角，另有厚切黑毛和牛及極上牛舌芯亦都非常出色，必試推薦。.海鮮方面，亦有鮑魚、軟殼蟹、北海道帆立貝、鱈蟹腳、燒鰻魚，銀鱈魚西京燒等超豐富品項供應，絕對花多眼亂，任君品嚐。.今期更有期間限定日本和牛漢堡扒，店員會將佢木盤托出，更有煙熏效果，絕對係儀式感滿滿，打卡效果一流，配合蛋漿拌勻入口，爆汁滋味，非凡享受。.牛角除左放題之外，更有關東煮及炸物等小食甜品可以拎，仲有靈魂牛角飯，自由制作一碗屬於你自己嘅美味牛角飯，最後仲可以次次都有驚喜味道自家制雪糕，結束極上滿足嘅一餐。.➿➿➿#牛角 #牛角Buffet#GyuKakuBuffet#灣仔美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食 #吃貨日記 #美酒佳餚#美食推薦 #燒肉の巨匠#日本黑毛和牛#厚切黑毛和牛 #極上牛舌芯…查看更多

.上環·飽覽維港夜景·品嚐北歐精緻美味.aera📍上環干諾道西48號干諾中心30樓.➰今日到訪的「aera」由灣仔街鋪搬至上環商廈30樓高，搖身一變坐擁維港夜景，甚至煙花匯演亦一覽無遺，餐廳露台更是觀賞日落的絕佳地點，而餐廳裝潢以純白簡約風格為主調，絕大部分坐位亦以吧枱為主，可以近距離欣賞廚師團隊的烹煮及互動解說過程，整個環境氛圍非常舒適優雅。.餐廳主打北歐菜系，由主廚Chevalier Yau 帶領，特意搜羅本地時令食材，融合北歐風格，創新出一道道令人印象深刻的招牌菜式，甜品則由 Sheen Foh負責，平淡中帶出玩味，帶出意想不到的驚喜；餐廳全新設計的Menu亦非常豐富，均已包含Wine/Mocktail Pairing，由侍酒師 Teresa Hitchin 精心設計，結合不同菜式配搭，令用餐體驗昇華滿足。.➿Dinner Tasting Menu💲1688/1❀ Amuse-Bouche  𖥕 Rösti / Lardo / Lingonberry ⭐️4.2/5⭐️ 𖥕 Egg / Pea /Amaebi ⭐️4.3/5⭐️ 開胃小點以精緻擺盤上場，首先是北歐的傳統小食，煙燻豬背脂與酸甜紅莓醬結合薯絲，口感層次分明 ; 另一款以甜蝦作主角，配搭嫩滑蛋漿與青豆點綴，顏色鮮艷精緻，再淋上高湯入口，味道鮮甜清爽。.❀ Starter 𖥕 Dill / Roe / Lohikeitto ⭐️4.3/5⭐️主廚以傳統芬蘭三文魚湯為基礎改良，輔以魚子醬及三文魚籽等材料，賣相精緻不在話下，口感亦是非常豐富滋味。.❀ Bread 𖥕 Soy Bread / Yeast / Horseradish ⭐️4.2/5⭐️餐廳自家製的酸種麵包，外型飽滿，入口外脆內鬆軟，配上辣牛油更是一絕。.❀ 2nd Starter  𖥕 Pattes / Malt / Lemon⭐️4.4/5⭐️餐廳歷久不衰的招牌烤三黃雞雞脾，經過麥芽糖醃製，再在餐廳風乾熟成，最後才烤焗，做造面前這份色香味俱全的美味，雞肉非常嫩滑，外皮惹味香脆，肉質嫩滑，必試推薦。.❀ 3rd Course 𖥕Oyster / Apple / Pea ⭐️4.3/5⭐️第3道菜式是以生蠔為主角，配上湯汁為基調的慕絲，入口順滑鮮味。.❀ Main Course 𖥕 Pigeon / Black Tea / Pepper ⭐️4.5/5⭐️  𖥕 A3 Wagyu / Truffle / Carrot (+💲288) ⭐️4.5/5⭐️主菜環節，招牌菜之一是選用本地乳鴿經過乾式熟成處理，配搭紅茶同胡椒等醃制調味，令鴿肉更為鮮嫩可口，更配上一份由鴨肉製成的意大利雲吞，份外滿足。.亦可升級A3和牛兩吃，和牛油脂感份外豐富，配上松露與蔬菜中和油膩感，取得適當的平衝，整體非常惹味滿足。.❀ Dessert ✥ Banana / Miso / Butter  ⭐️4.3/5⭐️ ✥Petit Four  ⭐️4.2/5⭐️最後甜品環節，將焦香牛油香蕉蛋糕及白味噌雪糕結合，再加上焦糖脆脆增添層次及玩味感，味道有驚喜。最後的ᴘᴇᴛɪᴛ ꜰᴏᴜʀ亦是餐廳一買高水準的本地粟米脆麻糬及瑪德蓮。.➰總結餐廳主打北歐菜色，在香港餐廳中較為少見，環境更是一絕，主廚精湛手藝配上新奇創意，每道菜式華麗之餘味道亦非常滋味有驚喜，加上每道精心配搭的調酒更是綿上添花，整體用餐體驗非常完滿，值得推薦。…查看更多

.灣仔·適合把酒言歡的創新居酒屋.心一 · 影📍灣仔軒尼詩道318號永倫立方1樓A號舖.➰今日到訪位於灣仔的「心一 · 影」，主打三大日菜飲食文化，包括炭火燒鳥、Omakase及割烹，以「不旬不食」為旨，嚴選時令食材，對每樣食材也嚴謹看待，以最時令新鮮食材入饌，令客人品嘗每道菜式的豐富滋味。.餐廳環境寬敞，每個區域裝修風格都不同，裝潢非常花心思。餐廳亦設有卡拉OK包廂及私人貴賓房，配備獨立洗手間及高質卡拉OK，適合不同人士需要，非常多元化。.Tasting Menu 💲880.✥ 先付   𖥕辣三文魚他他  ⭐️4.2/5⭐️  𖥕熊本蕃茄  ⭐️4.2/5⭐️  𖥕慢煮雞卷配芥末醬 ⭐️4.1/5⭐️✥ 紫蘇蝦天婦羅沙律 ⭐️4.1/5⭐️❀ 藍鰭吞拿魚赤身配醬油漬蘭王蛋⭐️4.1/5⭐️❀ 磯煮鮑魚  ⭐️4.3/5⭐️✥ 揚物   𖥕拉絲蓮根天婦羅 ⭐️4.2/5⭐️  𖥕酸甜汁椰菜花唐揚 ⭐️4.3/5⭐️✥ 炭火燒  𖥕鹽燒花膠釀雞翼 ⭐️4.2/5⭐️  𖥕日本豚角燒 ⭐️4.2/5⭐️  𖥕日本南瓜紫菜味噌燒 ⭐️4.1/5⭐️❀ 海鱸雲丹忌廉汁 ⭐️4.2/5⭐️✥ 抹茶蕨餅配黑蜜 ⭐️4.1/5⭐️.餐廳率先送上三道先付作開胃菜，辣三文魚他他配生菜很開胃，慢煮雞卷啖啖肉，再品嚐一口甜酸滋味嘅熊本蕃茄打開序幕。.再有紫蘇蝦天婦羅沙律，配搭蜜瓜入口很清新，有驚喜; 藍鰭吞拿魚赤身配醬油漬蘭王蛋非常出色，蛋漿更提昇赤身的鮮甜 ; 磯煮鮑魚爽彈有咬勁。.然後來到天婦羅部分，餐廳很有心思地將椰菜花炸成咕嚕肉的質感，加上甜酸汁，幾可亂真。.串燒中的花膠釀雞翼很有印象，坊間少見，入口花膠Q彈質感很有新鮮感，主菜的海鱸魚亦煎得很出色，最後甜品是抹茶蕨餅，很滿足的一餐。.➰總結餐廳裝潢非常有心思，非常適合與親朋好友聚餐的地點，加上食物種類豐富，可以把酒言歡，絕對是消遣好去處。…查看更多

.荔枝角· 人氣滿座高質澎湃海膽居屋酒!.金酒屋📍荔枝角長沙灣道909號地舖.➰最近又在荔枝角附近相約朋友食飯，當區最令人難忘非「金酒屋」莫屬，餐廳依舊人氣爆登，滿滿人龍，想試的朋友記得訂位。餐廳主打日式居酒屋料理，店內設有吧枱，可以半開放式欣賞廚師手藝，更設有塌塌米廂房，可以與一眾好友高談闊論，把酒言歡。➰  ❀ 金酒杯 💲168 ⭐️4.3/5⭐️  ❀ 海膽拖羅蓉千層脆脆  💲138 ⭐️4.3/5⭐️  ❀ 焦糖鵝肝和牛千層脆脆 💲98 ⭐️4.3/5⭐️  ❀炙燒爆膏四頭巨型虎蝦 💲158 ⭐️4.3/5⭐️  ❀ 滿丼。海膽鵝肝三文魚籽飯 💲268 ⭐️4.3/5⭐️  ❀ 金龍珠海膽吞拿魚蓉卷(4件) 💲158 ⭐️4.2/5⭐️  ✥ 串燒 𖥕自家製雞皮蝦 💲58 ⭐️4.2/5⭐️ 𖥕厚燒牛舌心 💲58 ⭐️4.2/5⭐️ 𖥕西班牙豬肋條 💲58 ⭐️4.1/5⭐️ 𖥕黑豚五花腩  💲58 ⭐️4.1/5⭐️.首先當然必試的招牌龍珠卷，以自家醃漬蛋黃配上海膽及拿魚蓉，整個手卷份量滿滿，每啖入口都非常滿足，咸香蛋黃漬完美提昇海膽的鮮甜，必叫推薦。.今次更試埋海膽拖羅蓉及焦糖鵝肝和牛千層脆脆，兩件賣樣都同樣精緻，海膽份量超滿足澎湃，鵝肝超足料勁厚，性價比超高，同樣推介，接下來有餐廳另一樣招牌金酒杯，滿滿海膽，蟹肉，三文魚子，配搭紫菜入口多重層次，包無投訴。.另外亦叫左幾款串燒，自家製雞皮蝦好出色，口感同油脂感並存，牛舌芯亦相當軟嫩，另外點左炙燒爆膏四頭巨型虎蝦，非常吸睛打卡，原隻虎蝦燒至焦香再開邊，點上蝦膏一同進食，鮮味爆燈。.最後主食方面揀左滿丼。海膽鵝肝三文魚籽飯，又係份量超豐富嘅丼飯，海同，鵝肝加上滿碗三文魚籽，根本睇唔到白飯，入口每一啖都係三文魚籽嘅鮮甜，店內每枱都會叫上一碗。.➰總結餐廳主打日式居酒屋料理，每道菜色賣相打卡精緻，味道亦同樣出色，全部珍材實料，難怪人氣滿座，有興趣試下奢華打卡但性價比滿滿居酒屋嘅朋友記得預先訂位留座。…查看更多

.上環·極高性價比·週末鮑參翅無限追加江蘇點心小菜Brunch.江蘇銘悅📍上環干諾道中130-136號誠信大廈2樓.➰今日到訪的「江蘇銘悅」位於上環站附近，餐廳裝潢風格低調而私密，營造舒適的用餐氛圍。雖然環境雅緻，但週末午市卻坐無虛席，相信不少熟客多次回訪。餐廳以江浙菜為主打，屬於中菜八大菜系之一，選料講究、烹飪獨到、注重本味、製作精細為特色，廚師團隊經驗豐富，菜式融合傳統與創新，呈現精緻手工，深受老饕追棒。.餐廳最新推出的「江南晨夢」週末早午餐定價 💲488/1，性價比極高。套餐包含高級食材如鮑魚、海參和魚翅，更提供超過20款點心、小炒、主食及甜品無限量追加，令人驚喜。餐單包括開胃冷盤拼盤、精緻點心如金鉑蝦餃皇與珍珠糯米燒賣，以及主打的濃湯家燒魚翅和遼參扣南非鮑。用餐時間長達2.5小時，讓賓客能從容享用。此外，加💲150起可升級Free Flow任飲套餐，絕對物超所值，捧腹離場。.➿江南晨夢 💲488/1 A Morning in Jiangnan Weekend Seafood Delicacies Brunch.在眾多選擇之中，必試之選當然係每位一份的濃湯家燒魚翅，湯底濃厚順滑，魚翅份量豐富；還有奢華的遼參扣南非鮑，選料優質，炆燉入味軟糯，非常滿足。.點心方面除了蝦餃皇非常出色之外，推介必試招牌灌湯小籠包，皮薄而湯濃肉嫩，再多吃幾份都不食過，鮑魚鹹水角及紅油炒手竟令人相當有驚喜，值得一試。.小菜選擇亦相當多，連賽螃蟹及百葉結燒黑毛豬方肉等晚市必點的菜式均羅列，再次讚賞套餐的驚人性價比，而且味道亦相當滋味，亳不將貨就價。.甜品四款甜品水準亦相當不俗，朋友最愛棗泥拉糕，我則對酒釀丸子情有獨鍾。.開胃菜拼盤✿ 雞絲拉皮| ✿ 香辣蝦米醬伴海蜇| ✿ 雙色鎮江肴肉.點心拼盤✿ 金鉑蝦餃皇（一件）| ✿ 珍珠糯米燒賣（一件）.✿ 濃湯家燒魚翅✿ 遼參扣南非鮑.以下款式可無限追加.湯品✿酸辣湯 | ✿鹹肉豆腐湯.點心✿ 招牌灌湯小籠包 | ✿ 懷舊爆汁生煎包 |✿ 香煎豚肉鍋貼 | ✿ 銀絲卷（蒸/炸） |✿ 十三香蔥油餅 | ✿ 蒜香紅油炒手|✿ 鮑魚鹹水角 | ✿ 懷舊香煎蘿蔔糕|✿ 三娘春卷| ✿ 黑松露冬菇包.小炒✿ 乾煸開洋四季豆 | ✿ 鹹肉高山菜|✿ 上海雪菜毛豆百頁 | ✿ 京蔥爆牛肉|✿ 百葉結燒黑毛豬方肉 | ✿ 陳穚麻婆豆腐|✿ 京城木須肉 | ✿ 麻辣宫保雞丁|✿ 梅子美味醉雞 | ✿ 賽螃蟹|✿ 乾燒虎蝦球 (+💲25/ᴘᴄꜱ).主食✿ 雪菜肉絲炒年糕 | ✿ 上海粗炒麵.甜品✿ 棗泥拉糕 | ✿ 蜂蜜杏仁豆腐花|✿ 酒釀丸子 | ✿ 招牌擂沙湯圓|.餐桌自預約時間起提供2.5小時的用餐時段.➰總結餐廳今次主打的「江南晨夢」早午餐不僅份量充足，更完美展現江浙菜的精緻與奢華。無論是高級食材的運用，還是多款點心小炒的無限選擇，都讓人感受到物超所值的用餐體驗。餐廳提供2.5小時的悠閒用餐時段，適合與親朋好友細味江浙風情。對於喜愛中菜或想一試江浙菜系的饕客，這裡絕對是週末早午餐的不二之選。…查看更多

.尖沙咀·不斷改良值得再訪的日法滋味.Ankôma 📍尖沙咀赫德道2號金麟商業中心5樓.➰香港作為亞洲美食集中地，餐廳美食無數，每年亦有不少新晉餐廳榮獲米芝蓮榮譽，今日到訪的「Ankôma」以日法Fine Dining作主打，主廚Fankie Wong（王歲允）曾於不少知名法餐磨礪，料理巧妙地融合法式和日式烹調技巧，更勇奪2025年米芝蓮年輕主廚大獎，最近亦在電視節目中嶄露頭角，成為城中熱話。.由Fankie掌航嘅「Ankôma」只有8席吧枱座位，仝員團隊非常年輕，以勇於創新大膽嘗試作座右銘，就好像餐廳多年來的招牌三黃烤雞，筆者曾於往年初嚐已經大為讚賞，但團隊亦不斷改良升級，務求將菜式味道層次昇華突破，精益求精。.餐廳在裝潢佈置上以簡約風格為主，燈光柔和，營造輕鬆氛圍的用餐環境。.➿Ankôma Dinner Tasting Memu 💲1480/1菜單主要供應十道菜嚐味餐單，以季節性為軸，同時搜羅全球各地的優質食材，突顯地區特色風味。.✥ Amaebi ⭐️4.2/5⭐️✥ Unagi ⭐️4.3/5⭐️前菜部分先以海鮮為主題，擺盤賣相精緻小巧，Amaebi以甜蝦配搭青木瓜及甜椒製成一口撻，酸甜開胃; Tune則以醬油漬赤身配上北海道白栗米，平衝鮮甜與清串 ; 而Unagi更用上煙燻鰻魚與鵝肝慕斯再鋪在里歐多士，將油脂感包裹在一起，好滿足。.✥ Oyster ⭐️4.2/5⭐️選用愛媛縣生蠔，配以話梅及Mojito奇異果沙冰製成醬汁，視覺效果一流之餘，亦清油解膩接了一番。.❀ Hokkigai⭐️4.3/5⭐️先將北海道北寄貝以灸燒處理過後，再用清酒將裙邊灼至半生熟狀態增添爽身口感，入口咸香鮮味。.❀ Chawanmushi ⭐️4.2/5⭐️以松葉蟹肉為主角的茶碗蒸，加入清雞湯將蛋漿蒸至滑嫩，輔以蔥油作點綴，濃淡相宜。.❀ Pasta ⭐️4.4/5⭐️餐廳經典人氣招牌的白松露醬&魚子醬天使麵，製作過程完全不加鹽，只靠白松露醬&魚子醬帶出咸香感，麵身堅挺彈牙，散發淡淡松露香，經典歷久不衰。.❀ Amadai⭐️4.3/5⭐️日式甘鯛立鱗燒做法佐以港式小炒皇配料，即時增添咸香風味，令人眼前一亮，有驚喜。.❀ Lobster ⭐️4.4/5⭐️餐廳不斷改良升級，選用肉質更為鮮甜彈牙的藍龍蝦尾，藍龍蝦尾先用牛油熟成處理，再在火山石烤製，佐以櫻花蝦南瓜醬及自家製辣油，多重滋味層次，非常出色。.❀ Pigeon ⭐️4.4/5⭐️以法國乳鴿入饌，用上多種烹調方式演繹，包括串燒內臟、慢煮烤製鴿腿丸子，以及香煎脆皮鴿胸。每款入口均有唔同滋味，個人認為又是一道全新招牌推介，必點之作。.❀ Wagyu ⭐️4.4/5⭐️澳洲M9和牛西冷則以三食形式上枱，香煎和牛配西芹頭蓉及松露牛肉汁、牛丼炒飯配醬油醃製蛋黃，還有精緻的生牛肉他他配薯仔批，香煎和牛出色不在話下，但最有驚喜嘅係醬油漬蛋黃完美配搭牛丼炒飯，令人有清碟的衝動。.❀ Chicken ⭐️4.5/5⭐️壓軸登場當然是鎮店之寶的烤三黃雞伴北海道七星米，三黃雞經過風乾處理再烤焗，令外皮更為香脆，伴以北海道七星米與三文魚籽，最後淋上自家秘製黃酒醬汁，整體配合融為一體，一試難忘，回味無窮。.✥ Pistachio Tart ⭐️4.4/5⭐️✥ Mignardise   ⭐️4.2/5⭐️甜品以餐廳招牌開心果撻作收尾，捧場熟客甚至令餐廳推出原個開心果撻預訂，可見魅力未凡。以香脆開心果杏仁餅底，餡料中間有麻糬加添口感，最後伴上開心果雪糕，三位一體，滿足離場。.➰總結餐廳將世界各地食材搜羅，配搭團隊不斷創新改良的突破想法，務求將超越傳統的美食體驗帶給食客，喜歡創新驚喜美食的大家不容錯過，絕對會是一場美食盛宴。.…查看更多