xliza的個人專頁

又是我期待的lunch 時光。禮拜四嘅lunch 得自己食，可以一個人去探索未知的餐廳。一於去 試下同事力推嘅 【夏銘記】魚蛋粉，話一定要食佢嘅魚蛋。我就試下究竟有咩咁特別啦。鋪頭細細，但是用餐時間坐滿人，而且係要排隊😏。不過好在流轉率快，一個人食都係可以拎到位。我就嗌咗佢嘅 魚蛋魚皮湯河。試一口魚蛋，非常的香魚味，而且軟，感受到店家係落足材料的，魚片的賣相平凡沒有特別吸引我，然而嘗過以後卻被驚艷了，怎麼可以炸得那麼香口，雖然泡在湯裡，卻絲毫不減其鮮香。讓我立馬想下單他們的 炸魚片頭小食，然而店家說那款小食已經售罄了。吃過魚蛋魚片，就試下他們家的辣椒油，也是很出色，辣子炒得非常香，但是不太能吃辣的，要少加點，因為真的非常非常的辣。雖然沒嘗到想吃的現炸魚片頭，我還是果斷下單了他們的外賣魚條，因為我覺得如此美味必須帶回家給家人嘗嘗。總體來說，魚蛋魚片值得推薦。…查看更多

禮拜五lunch又係自己一個人食，於是決定行遠少少，去試下 最近好hit 嘅 米芝蓮餐廳 【泰排檔】試過嘅 同事 同 朋友都話一定要嗌佢哋嘅船麵。所以我就最簡單純粹的點了 他們的船麵 同 一杯 泰式奶茶。因為一人食，所以一去到唔洗等位，直接安排你去吧檯自己坐。船麵有豬腩肉，豬肉丸，炸豬皮，九層塔，炸乾蒜同少許通菜。先飲個湯，如所見，非常濃郁，而且唔鹹，最特別係炸豬皮浸住嚟食，係真係好好味！個湯我係可以飲埋。泰式奶茶味道濃厚，而且不太甜。整體而言，值得推薦，如果中午來試，一個人會比較容易拎到位，另外餐廳有加一服務費。…查看更多

#DiningExperience 飲品： 斑斕椰汁西米奶蓋 ＆ 意大利可可朱古力斑斕椰汁西米奶蓋很特別，椰奶的香甜與濃厚鹹香的奶蓋，是一種很奇妙的味道搭配，層次很豐富。大家可以順帶留意一下個飲管，係大米做的環保飲管，耐用而且不會影響口感。熱巧克力可可非常濃郁creamy, 熱朱古力愛好者一定必點。意粉：野菌牛肉碎意粉這個搭配看似簡單，但是卻很美味，意粉吸附海鮮菇蘑菇與牛肉的鮮香的味道，更值得一提的是，意粉的軟飲度恰到好處，完美演繹了" al dente" . 主食：薯蓉配慢燉牛臉頰肉牛臉頰肉和其配搭的紅蘿蔔燜煮得非常入味，蘿蔔很清甜。然後牛臉頰肉超級嫩滑, 搭配上奶香綿密的薯蓉 和 有洋蔥甜味的醬汁，一口下去，簡直就是味蕾的享受。伴碟的蔬菜也清脆爽口，整道菜誠意同心機滿滿。小食：烤牛柳粒這道小食也很出色，牛肉是外面烤香了，裡面是嫩滑juicy, 這麼香口的小食是會讓人停不了，而且分量也很足。餐後甜品： 兩杯 Haagen-daz 100ml 雪糕（由於晚餐的分量比較豐富，雪糕甜品只能外帶回家享用）整體而言，餐廳的出品非常高質也很美味。難怪飯點時間總要排隊，絕對會再來探店其他菜式。…查看更多

太耐沒去添好運，禮拜六中午同媽媽去中環的分店飲茶，親自去堂食新鮮出爐的心心念念的脆皮叉燒包同古法糯米雞。環顧四周，幾乎每一桌都必點上述點心。另外，我們還點選了土魷肉餅飯、潮州粉果、及香茜牛肉腸。脆皮叉燒包：一份有三個，表皮係墨西哥包的皮，新鮮滾熱辣吃係最正。皮薄酥脆，裡面是粒粒叉燒分明的叉燒餡，一如既往的好味，果然係必點之選。土魷肉餅飯：吃到土魷魚同豬肉的香味，也都係滾熱辣燙嘴，材料都足料，而且味道剛好，呢個都算唔錯。古法糯米雞：這個係另一道必吃的點心，糯米蒸得軟糯入味，用料也很豐富，有叉燒、一整冬菇、很滑的雞肉同一些肥豬肉，整體效果非常香，糯米雞分量也比較大，我們笑言它就是一個沒有綠豆和鹹蛋黃的裹蒸粽，端午節不吃粽子，選擇這個糯米雞應節也是不錯的美味選擇。潮州粉果：一籠三個，粉果裡面包有蔥和花生米和葛，所有的餡料都剁得很細，所以入口很順滑，而且也很入味。香茜牛肉腸：腸粉和牛肉都很滑，吃到裡面牛肉的香味。因為叉燒包與牛肉腸都很棒，所以埋單的時候另外再打包一份回家。整體而言，點心店的點心種類雖然比外面酒樓的少，但味道好味，出品好，性價比高，也沒有加一服務費，正正經經吃點心，好均爭，不過茶就只有一種普洱茶選擇，茶位都沒酒樓貴。不緊要啦，反正都係志在吃點心。最重要係D點心好味，尤其係個招牌的脆皮叉燒包同糯米雞，試問又有邊間酒樓做得好似佢咁好味呀？你地又點睇呢？…查看更多

原本計劃想吃的餐廳滿座，尋找其他食肆之際，被招牌燈箱寫著 「正宗順德菜」的字眼吸引，於是就決定去試下。平時酒樓的餐前小菜一般係花生同XO醬，呢間是提供零食牛耳。既然來到順德餐廳，當然不少得點選順德的名菜，呢晚我們選了：大良炒鮮奶順德煎釀鯪魚 鬼馬焗魚腸沙姜蒸走地雞和風菇菌炒牛肉粒首先上菜的係 大良炒鮮奶，賣相都不錯。表面撒上蝦子點綴，和擺設西藍花和蘭花做擺盤。蛋白炒得比較滑溜，裡面有一粒粒爽口的蝦肉，仲吃到蝦子的脆。西藍花就沒味道的，純粹水煮，不過都幾脆。呢道菜都有點驚喜。 跟著上來的係 菇菌牛肉粒，賣相是相當不錯，看著非常有食慾。試一塊牛肉粒，非常嫩滑，不過味道略微清淡。菇菌有茶樹菇、杏鮑菇同冬菇，可能係拉過下油，非常脆口，而且重點係調味很足，就連點綴的紅黃椒都很香脆，簡直被驚艷到，都想叫碗白飯來送呢個菜（不過考慮到有機會吃不完，最後都沒叫到）。跟著上場係沙姜燜焗走地雞，一個木盤上包裹住錫紙，服務員剪開錫紙，然後攪拌均勻雞塊，聞到幾香的紅棗味。雖然話係沙姜雞，沙姜都切得好大粒下，但整體而言沙姜味不算突出。試下雞先，雞係幾滑下，不肥而且雞皮都幾薄，調味都幾足。但凍左再吃就略顯有點鹹。呢道菜，熱食都幾好吃。跟著來到係 順德煎釀鯪魚肉，哇呢個聽聞係順德名菜，話鯪魚肉很鮮美，老人孩子都愛吃，可是這麼鮮美的魚就有很多魚刺，有人就想起不如將魚肉拆肉起骨，然後剁成魚肉蓉，裡面加入炒香的臘味、香菇、蔥花，攪拌均勻，然後釀回去鯪魚身，把釀鯪魚蒸熟，然後再炸，最後澆上特製的醬汁，就可以給老人孩子吃，是一道孝心菜也是一道功夫菜。 故仔講到呢度，試下咩味先實際。呢道魚肉 大概價格是16元一兩，一條魚大概就20兩。菜色賣相都企理，汁就分開上。魚都煎得乾身香口，就甘吃呢就本身味道淡，要淋汁吃，個汁就係類似粘稠的偏鹹芡汁。其實道菜整體而言就係煎鯪魚餅，只是係魚的模樣，個人認為並非想象中那麼特別，可能出名在於背後的功夫和心思。最後呢道菜係 焗魚腸，聽聞係必吃菜色，本身又未吃過，所以一開始都好期待。外貌係缽仔水蛋，但用焗嘅方式呈現，它也都有配埋胡椒粉上。趁熱舀一勺來吃，味道比較淡，可見裡面有油炸鬼，同埋仲有口感粉粉地嘅魚腸，吃落去個口感係粉粉地同有點苦味，感覺有點奇怪，可能係我不懂得欣賞，也感覺魚腸有點腥，所以食嘅時候要落大量胡椒粉。該道菜我地大家都只係吃一口，之後原封不動，同時仲我都好奇點解佢會係順德必吃名菜呢？總括而言，呢餐飯除了牛肉粒獲得極高好評以及大力推薦，其他的都係比較普通。魚腸個人不太識欣賞。餐飯埋單明細如圖。餐廳服務員服務係不錯，例如我地張臺有滴水，他們都會關心，並幫手推入稍稍避免受影響，而且服務員都耐心講解介紹菜色同都親切。不知大家又點睇呢？覺得值唔值 同滿分100分打幾多分呢？:)…查看更多

我要分享一個關於「文昌雞神偷」的故事:今晚致電「薈軒」外賣落單文昌雞全隻，諗住逛完樓下超市就上去拎雞順便埋單，5點幾左右去到現場拎雞，只見現場熄哂大部分嘅燈，外賣桌上並無擺上外賣，我無意聽到員工們大聲討論文昌雞「個文昌雞點算啊？」然後我問「文昌雞？你講緊我呀？」，成班食緊野的員工（大概兩張檯嘅人）頓時驚呆，鴉雀無聲。「我係拎外賣文昌雞嘅」只見兩圍檯啲員工坐喺度大快朵兒食野。一名黑衫女樓面拎枝牙籤撩撩牙，表示某員工落單驚沒人拎雞，另一便裝大媽則表示如果我不嚟拎就請班員工食。我心唸我咪電話講咗我喺樓下超市行緊，一陣上嚟拎雞，洗唔洗驚我走數唔認雞呀？「我頭先喺百佳嘛，而家買完野先上嚟，係熟客嚟，成日都嚟食野，每個禮拜都起碼嗌一次呢個招牌文昌雞」另一黑衫戴眼鏡男樓面表示「你真識嗌，我哋剛都係食文昌雞」，我表示酒樓伙食真豐富。他仲話食嘅時候唔好加熱，凍凍地食，指住坐對面檯嘅廚房大佬，話對方負責整呢隻雞。該名大佬仲話知道熟客仔落單，下次親自送過去，唔洗上嚟自己拎。正當我回到家打開外賣盒時，發現我的文昌雞竟然係被偷龍轉鳳，當中一大部分的雞是被替換成普通的雞。有圖有真相（如圖），一部分係文昌雞，好大部分係普通雞頂包，明顯顏色已經不同（文昌雞係粉紅少許金黃皮，冒牌的係白色肉偏白色的雞皮）。食落更加明顯大分別，文昌雞結實韌皮脆，冒牌雞軟趴趴無咬口。因為貨不對板，裝啲雞頭雞頸雞屁股湊數，成盒只有幾塊雞脾肉係文昌雞，其餘都係冒牌雞......然後我又再回想起那句「個文昌雞點算啊？」對於食開文昌雞嘅熟客嚟講，呢啲偷龍轉鳳嘅把戲簡直令人氣憤，難道您哋就係甘回饋熟客？咁只會讓熟客離您而去。本人真心非常失望，特此發文，希望貴酒樓好好正視有關問題及做改善，希望唔好再有食客如我一樣遇上 「文昌雞神偷」。外賣單已屏蔽了落單員工的名字，畢竟對事不對人。…查看更多