Lazidin的個人專頁

🔴假日shopping有啲攰攰哋，揀馬六做我嘅下午茶。呢間主打星馬菜嘅鋪頭，當然要試吓肉骨茶同海南雞飯啦首先海南雞：海南雞一上枱就聞到雞油飯香，飯同雞油融合得好均勻，好好味。雞肉好嫩，加上三色醬，啖啖肉都可以唔同口味。而附上紫菜湯好清甜可以解一解口中油脂感。 肉骨茶米粉湯底一淡淡嘅藥膳味同少少甜，好適合香港人口味，肉骨好易入口，唔會有鞋嘅感覺，米粉好爽口，而豆卜為湯汁增加另外一種口感。下午茶嚟講可以飽肚，有免費普飲品又可以食到特色野。呢個價錢算唔錯。🔴…查看更多

今日在荃灣附近上堂，中午放飯就過咗嚟試一試呢間《新記冰室》。鋪頭設計好有八，九十年代風格，一大道綠色人手拉趟門，入到鋪內感覺好似返咗以前細細個幫襯過啲冰室咁。我哋等咗3-4分鐘就入得，坐卡位好闊落。今次我哋嗌咗豬頸肉芝士撈🧀公仔麵同豬頸肉煎蛋乾撈麵。🐖豬頸肉整得好香口，芝士醬好濃稠，配上公仔麵好易入口。而乾撈麵整得好入味，軟硬度啱啱好，食落去好爽口彈牙。如果想體驗返舊時冰室嘅感覺，又或者係撈公仔麵嘅愛好者推薦嚟試一試。…查看更多

今日兩點零同同事食飯，諗住食吓啲飽肚野，突然諗返起有朋友推介呢間《牛藏》🐂，話幾抵食咁話喎～🤔咁入到去又唔算多人。可能過咗中午時段喇🤓我地就二話不說即刻用手機落單啦。大概十分鐘左右啲嘢食到齊啦。🤤我叫咗🔴燒汁溫泉蛋牛肉飯🔴。咁喺食飯之前緊係要飲麵豉湯暖暖胃先啦。啲湯味道啱啱好，唔會太咸或者淡，清清地😋😋然後到牛肉飯啦，牛肉飯份量好多，牛肉鋪滿成個碗，搞到我呢個大食仔好興奮。首先牛肉部分口感好好，好夠肉汁。然後飯方面燒汁同肉汁已經同啲飯融為一體，再加埋啲蛋黃撈埋，真係好好食，就算你食哂啲肉齋食飯都好易入口。👍🏻👍🏻食哂其實已經好飽，不過職員話見我地附近返工，叫我地隨便攞一杯雪糕食，咁我地就唔客氣啦，反正人有第二個胃去消化甜品。🤫其他同事食咗烏冬同鯖魚，不過我冇入口就唔點評，反正溫泉蛋牛肉飯非常推薦！💯…查看更多

放工行到路德圍附近，突然想搵嘢咬下。搵搵下發現呢間雞蛋仔好似幾有特色，而且人都唔少。即刻整件檸檬芝士🧀🍋試吓。食落去口感唔錯，雞蛋仔外脆內軟。仲帶有淡淡芝士味，同埋一陣檸檬清香。下次再去應該會再試雙重芝士。因為本人芝士控，食落真係停唔到口。😙…查看更多