燒肉牛蔵 (已結業)

今日兩點零同同事食飯，諗住食吓啲飽肚野，突然諗返起有朋友推介呢間《牛藏》🐂，話幾抵食咁話喎～🤔咁入到去又唔算多人。可能過咗中午時段喇🤓我地就二話不說即刻用手機落單啦。大概十分鐘左右啲嘢食到齊啦。🤤我叫咗🔴燒汁溫泉蛋牛肉飯🔴。咁喺食飯之前緊係要飲麵豉湯暖暖胃先啦。啲湯味道啱啱好，唔會太咸或者淡，清清地😋😋然後到牛肉飯啦，牛肉飯份量好多，牛肉鋪滿成個碗，搞到我呢個大食仔好興奮。首先牛肉部分口感好好，好夠肉汁。然後飯方面燒汁同肉汁已經同啲飯融為一體，再加埋啲蛋黃撈埋，真係好好食，就算你食哂啲肉齋食飯都好易入口。👍🏻👍🏻食哂其實已經好飽，不過職員話見我地附近返工，叫我地隨便攞一杯雪糕食，咁我地就唔客氣啦，反正人有第二個胃去消化甜品。🤫其他同事食咗烏冬同鯖魚，不過我冇入口就唔點評，反正溫泉蛋牛肉飯非常推薦！💯