魚皮的個人專頁

違反商品及說明條例，實物與餐牌不乎，可以報海關！如果個飯本身唔包隻蘭王蛋，咁餐牌張相就唔應該有埋隻蛋。如其他食評一樣被海報及餐牌欺騙。牛肉質素方面，薄切如parma ham, 唔似和牛，唔夠油分，邊位有燒焦黑色，應該係表面用槍燒過，無乜肉味。由於太薄切，無肉汁，肉質粗鞋。圖中是加大至120g.有十片薄如紙的牛肉。鮮忌廉格格不入，日式牛丼飯通常用酸忌廉。紅酒汁味道尚可，但略嫌偏咸，可能用鮮忌廉去中和。但鮮忌廉無任何作用，提升唔到牛肉的味道。如果要靠隻蛋去提升成個飯既質素就唔好要人另外加錢。真實食評如其他差評一樣，無下次！…查看更多

今日契媽生日去荃灣海港酒家慶祝一下，首先去揀隻長腳蟹，問阿叔有無細隻D(四斤左右），阿叔猛話無啦得返大既，目測約八斤，之後就拎隻較細既，約六斤半。叫佢唔好開蓋要原隻蒸（因為之前係其他酒家會開蓋偷晒蟹膏的經驗），阿叔就態度晦氣話唔開蓋蒸好有蟲無得投訴嫁喎，我地強調無問題，總之原隻蒸，阿叔再講話有蟲肚疴唔好投訴我喎！我食過咁多次阿拉斯加蟹唔會有蟲囉！之後點左蟶子炸米粉底，侍應話炸米粉底加80蚊，OK無問題！瑤柱扒豆苗，龍躉兩味，例牌燒鵝。食完蟹就上菜，第一味上蟶子，唔見左炸米底，侍應就話無炸米底，想我地接受，我地就話唔要了！明明問左仲話可以做到，加完錢又話無！收左碟野入廚房後侍應又出黎話整返個炸米底喎。咁頭先又話無！接住上豆苗，叫瑤柱扒豆苗得豆苗，連蒜蓉都無粒真係清炒，同侍應講D瑤柱去左邊？侍應仲要睇返張單睇下係咪有寫瑤柱。上兩樣都錯兩樣，不知所謂。立即叫埋單！等左勁耐都唔拎張單黎！叫佢地取消就話要經理取消，問經理去左邊，侍應話經理係廁所！真係第一次見明知有問題仲龜縮係廁所！最後要改單迫於無耐比同事叫出黎改單。超差體驗，經理都唔係做野，不知所謂！最後轉場去大排檔，人地招呼又好，上菜又快，瑤柱扒豆苗仲勁多瑤柱。去食大排檔好過去荃灣海港酒家！…查看更多

食小豆島每次都食赤蝦海鮮飯，不過2隻蝦雖然大大隻但無味既。反而吞拿魚質素唔錯！但係衛生方面存疑，好耐之前食到最後一啖飯發現飯中有毛髮，非常嘔心。今日呢，一開始就夾到條長長頭髮係飯中，見係頭髮就算，再食多2啖，有條白色既棉線藏於飯中，究竟想點呀？！對小豆島既飯好有陰影，煮飯或盛飯果位同事要注意一下，因為已經唔係第一次發生了。做魚生飯藏有異物真係非常嘔心，而且令客人感覺不安心，生怕會食物中毒，希望每次出餐時加倍留意食物品質。…查看更多

假日稔住搵間Cafe chill一下，上open rice睇下有咩好介紹。搵到呢間One & half,稔住西日菜應該ok. 食評影出黎好似幾靚，於是就訂座啦！當時店內無乜客人，2人枱，枱勁細小，然後有一位需背向隔離枱而且櫈係無椅背，坐得比茶餐廳更差，由於四目無人，要求調一張寬闊d既枱，男侍應一句得二人枱。入座後基本上無人理會，水都唔會比你，而且男侍應態度非常不好，非常認同較早前的食評服務態度差。食物來了，$168既Brund set比想像中小，主食三文魚得數粒仔，牛臉肉似牛肋肉，又係得數粒仔；餐飲冰果茶，只得茶味，而且好細杯，唯一可取係雪糕。 連加一埋單$370，真係可以有好多更好選擇。食物，價錢及服務都Fail,無下次！非常認同較早前比嬲面既食評，非常中肯。…查看更多

係Open Rice落單外賣自取，方便快捷！一星期總會叫幾次悠活丼！因為價錢Ok,食物品質唔錯，份量也很足！推介比同事，同事們試過都讚好味又抵食！不論和牛還是肉眼都有牛味，炸物都唔錯！炸粉唔會太厚，紫薯波波甜甜地幾好食！看見擺盤用心，令食欲大增。老闆有用心，食客是能感受到既！雖然試過漏單，但老闆好好，好快就親自送回遺漏既食物到公司。感受到老闆是重視每一位客人的。現時食肆經營困難，希望 貴店能堅持下去！否則我既午餐唔知食咩好！…查看更多

今次叫了16件自選壽司，其中6件選了海膽壽司，老闆說沒有貨，我們便唯有另選其他壽司。我們一向都選那幾款壽司，之前沒有無貨這個問題。直至我們差不多吃完之時，發現隔離比我地遲入坐的客人枱面上有海膽壽司。我們會叫那位疑似老闆過來，問佢:你又話海膽無貨，點解人地叫又有? 佢竟然淡然地答:果個係加拿大海膽。我想話我有食過加拿大海膽，果件絕對係普通海膽，而且自選壽司係無加拿大海膽。佢真係當我地傻，兼且講大話唔眨眼! 我覺得佢如果覺得叫得太多海膽會蝕錢就唔好話自選壽司，紙上又無話同一款壽司最多可叫幾多件，以往我地都係咁叫既。另外食物不新鮮，三文魚籽勁酸。之後我嘔左2次，朋友都肚痛。…查看更多

此餐廳食物每況愈下.....由食評可知一二每個星期光顧此餐廳都是指定動作但剛剛的星期終於給我一嘗差同埋一肚子火的滋味...由於每個星期都光顧....所以對於其質素和壽司的大小均心中有素....首先講下佢幾宗罪:一. 巨大壽司, 但size比平日細左三份之一二. 巨大壽司, 軍艦類別的刺拖羅茸軍艦比細小壽司還小三. 我懷疑唔夠食材,所以偷工減料 (唔夠食材應向客人講聲賣晒), 因為同一款壽司, 佢出淨兩舊...果兩舊d紫菜仲要爛晒, d拖羅茸只係薄薄咁"忟"係d飯上面四. 向侍應投訴, 侍應告訴另一侍應....該侍應再過來再問我有咩問題...我要重覆再講一次....佢話同廚房講...但我眼見佢無講總之佢價錢就收足我,貨就交唔足....比埋d垃圾我食....我嬲到唔記得影相....枉我之前成日向朋友推介....black list now!!元朗仲有咁多壽司店, 還有大把選擇....…查看更多