CheukManLai的個人專頁

已經好耐冇食過一間我覺得值得寫嘅食評。本身住深水埗所以近近地試下。因為價錢好平所以都冇乜期望。而家做緊中午148💓晚市168😊❤首先講湯底，其實我都試左三四次，個人最推介嘅係冬陰功湯底同醉雞湯底。賣點係加湯唔加水。食到最後都係原湯原汁原味👍。配料亦都好多選擇。❤反而肉類嘅選擇唔多，就平時嘅牛肉豬肉羊肉雞肉魚肉，肉嘅質素你預就係牛大人嘅中價質素，我覺得呢個價錢對得起有餘。😊值得一讚嘅係無糖茶都有四款選擇，仲有樽裝可樂👍。服務亦都好到冇得講👍👍差唔多不停同你執枱，會主動問你需唔需要加湯。😊唯一缺點係冇甜品，如果可以跟一個雪糕已經係完美。👍…查看更多

賣點係臺式飲品，小食同甜品本身對個湯底都有啲期望，叫左麻辣椰子雞同沙茶三隻味。但湯底都係偏淡，醬料亦比較普通。因為本身湯底已經好淡而且醬料選擇亦都好少，食火鍋根本提唔起個味，完全食唔到啲乜味道。飲品方面就正正常常不過任飲都幾抵玩。甜品窩夫同埋仙草都幾好味嘅。如果嚟食建議食最平嗰個套餐，我叫咗268嗰餐覺得啲牛都係一般。其實叫最平嗰餐淨係飲嘢食甜品食臺灣小食，再將火鍋放喺次要d嘅位置。咁樣感覺會好啲因為火鍋個味道真係嘛嘛。…查看更多

已經想食好耐，特別提早咗一個月訂位。滙豐信用卡折左約500元一位。有生蠔，鴨肝，龍蝦，長腳蟹，麵包蟹片皮鴨，即燒和牛😍。真係乜都有。乜都有之餘，味道都唔錯，有啲喜出望外，雖然位置比較偏遠但都係嚟值得試下。我個人對甜品要求比較高，佢嘅款式亦都算多，有大概十幾20款，芝士蛋糕同藍莓芝士，仲有綠茶蛋糕都好好味，又有葡撻，水果撻，不過好多甜品上完一轉，又會轉其他款，如果睇啱就食咗先😂，仲有自家製雪糕，另外仲有H字頭嘅雪糕十款左右。其實未食曬啲嘢，已經飽曬。👍👍👍…查看更多

即日即興入大圍食，無預先book位所以貴咗少少。不過唔緊要啦覺得佢都值呢個價嘅。現場環境都闊落嘅冷氣夠。雞煲係比較乾同埋野味,辣度可以自己揀唔夠可以再加。我自己都幾鍾意個味嘅。比較驚喜亦都係咁遠坐車嚟嘅原因，就係蒜蓉生蠔同蒜蓉扇貝任食。佢係有少少類似牛油蒜蓉焗嗰種味。不過任食亦畀足你，你寫幾多畀幾多冇扣起嘅👍👍👍👍。食夠雞煲之後會俾你轉另外一個湯底。好似有五六款畀你揀嘅，我自己揀左醉雞煲，發覺原來系唔好食嘅，酒味太濃湯底有苦味，有啲後悔😭，不過算啦下次試另外一隻啦。牛肉都正正常常啦。有兩三款牛肉畀你揀。總括嚟講都係抵食嘅推介大家試下👍。…查看更多

本身去開銅鑼灣，上網睇過好多人推介呢一間湖南菜，抱住一試嘅心態就上去試下，中午時段有套餐，其實都幾抵食，大概68-98有一個餸一個飯同一杯飲品，但唔抵得都叫左個剁椒魚頭，話曬都係招牌菜。一場嚟到就要試下啦🤔個魚頭都幾貴，好似差唔多都要300元加個面又再加38，兩個人都食左500幾🙈，不過一食就知道味道真係真正湖南人做👏👏👏同喺大陸食嘅感覺一樣😊雖然價格貴咗好幾倍😭😭😭，不過冇得返大陸嘅情況下😰我覺得都ok可以一試。如果平時晚市嚟食我估兩個人都要食八百元左右先食得飽🙈🙈🙈。…查看更多

之前糾結咗好耐要揀茶園定grand cafe 因為茶園食過一次覺得好好,想試埋呢一間,所以訂咗枱。后來改左君悅staycation就只能揀一个時段。👍好味~天婦羅，鵝肝，牛扒，熱盤。🤔一般~刺身，海南鷄，凍海鮮，甜品好大嚿，大概食一嚿兩嚿，已經飽曬冇辦法試好多款。🙈吾好~座位之間好逼，差唔多只係得返半個身位，就有一張枱喺隔籬。企檔師傅態度一般，好多好似已經做到攰曬，冇乜笑容亦冇乜表情。總括嚟講都係有d失望款式唔算多棟盤連長腳蟹都冇，如果正價嚟食，我覺得會有少少唔開心。…查看更多

尖沙咀港威酒店three on canton自助晚餐🥰無得飛😫，食buffet飛行里數到期換，吾知幾錢位？佢有齊生蠔,龍蝦,鵝肝係任食嘅,基本上唔使點排隊,行埋去就有得食所以，個感覺係ok嘅。鵝肝都切得好厚同埋好香，龍蝦生蠔正正常常囉，唔算特別鮮味。刺身方面有赤身吞拿魚，三文魚，甜蝦。甜品方面款式算多嘅，味道就正常囉，唔算特別精緻同好味啊，我覺得係一般。座位同環境方面都叫做鬆動嘅，但係唔算話有特別高級嘅感覺，位置亦都方便嘅，食完可以行下海港城。其實計落折左都要五百幾元一位，同價位都算多選擇嘅，我覺得呢間不過不失啦。呢間野其實我食左四五次，每一次感覺都係食完一餐冇乜嘢特別，如果真金白銀畀錢食我未必會揀呢間。都估到有人問幾錢位🙈，openrice寫688元位，有75折，未核實，你哋計下啦。…查看更多

已經唔係第一次食呢間自助餐，大概知道乜質素，食物嘅品種唔算特別多，刺身方面款式亦比較少質素亦唔算高。好似得四款，三文魚鯛魚希靈魚同八爪魚。質素仲差過平時食日本放題少少。生蠔係任拎嘅每人可以拎三隻，好淡口近乎無味，唔係即開，差唔多成晚任拎都唔使點排隊😊。凍海鮮方面有麵包蟹，虎蝦普通蝦同埋小龍蝦，普普通通正正常常亦冇乜特別。甜品方面我覺得佢款式真係少喎，一路呢間嘢我都覺得甜品佢真係應該加強一下🙈。今日比較開心嘅係有芒果拿破崙。但連芝士蛋糕都冇🤔如果係正價有七折左右都可以食下，如果正價我覺得唔值得嚟食。另外一讚嘅係執枱好快完工亦有禮👍…查看更多

千禧新世界香港酒店🥰，628+1,另有買二送一或75折優惠😄。即約460元/人。想去試好耐嘅一間，提早十日左右訂位，現場裝修隔局，座位，燈光都好舒服👍包橙汁汽水啤酒任飲。🙈無生蠔，鵝肝，長腳蟹原本有，琴日通知供貨原因暫停。熱食選擇算多，燒烤串燒味道亦ok.啱一家大細食。凍海鮮同刺身就正正常常，無咩特別。甜品係驚喜位，好精緻好靚亦好味，不過係無好正常既例牌甜品，差吾多都係特別少少既款式，值得一讚係好細一舊，可以試到好多款，但到大概8:45竟然被拎晒就無，有d失望。整體感覺良好，性價比高，無伏，大家可以一試😄🙌#千禧新世界酒店 #酒店自助餐…查看更多

九龍海逸君綽😊👉有齊龍蝦生蠔即燒鴨肝長腳蟹任食。叫做乜嘢都有大包圍，但係真係冇乜邊樣野特別好食，做得唔夠精緻，芝士焗龍蝦啲啲肉有啲梅咯，生蠔我食到兩隻係臭嘅🙈。蟹腳啲肉又削又梅又鹹。成晚最好食係鴨乾煎得好香亦好脆。牛扒同羊扒就做得太生基本生到食唔到。，甜品味道還可以，但賣相真係一般般，同埋好大嚿，我都冇乜點影相。我自己係staycation用酒店消費額食。如果自己畀錢食，我未必會去🙈。#九龍海逸君綽酒店 #酒店自助…查看更多

佐敦倫哥雞煲，298+1，無限時任食🥰雞煲自己最鐘意E間个味😍，至尊个醬太濃，新南苑就太乾同每次比雞太少，E間係剛好，送一碟手切牛頸脊好味，丸類亦係咁多間最高質，特別推介芝士牛丸超級爆芝士，平時街市買都幾貴，不過海鮮就一般般，今日有大虎蝦，蜆，蟹，轉湯底再打邊爐亦吾錯。如果有至愛cocoberry雪糕任食就好了🤔一直覺得E間野真係差个雪糕任食，感就完美。不過佢嘅椰汁燕窩糖水都吾錯😊仲有番薯糖水任食😂…查看更多

爐已經行過好多次想試，見經常爆滿，價錢又ok.對E餐有d期待😊首先讚下服務，員工有禮積極，坐得亦舒服，但食物質素有待改善。放題既野同其他大字頭大同小異，刺身質數亦正正常常，仲有h同m字頭雪糕任食，E个抵讚。壽司，熱食，串燒就做得一般。最失望係燒肉，肉質係真的差，網亦吾得，極度痴底同易黑，因為肉質吾得，一燒就黑同鞋。總結，當放題食ok ，無必要加錢食燒肉。…查看更多

旺角天下糧倉打邊爐之前睇其他網友話食牛ok.所以咪上去試下囉 .間嘢其實裝修同埋坐低都係一般啦，唔算舒服。醬料方面，我收貨嘅.198元一位所有野任食，有啲鍋底系要加錢嘅，我加左錢試佢哋嘅四川麻辣湯底同沙嗲湯底，湯底我覺得係好味既，不過加湯只加清水就有d失望。重點係牛肉，一黎有一盤齊款牛肉，我覺得質素只係一般，就算話係H5.都吾好食，牛肉E部分真係可惜，因為佢其他丸類，菜類選擇好少，主打牛肉亦吾算靚，兩人埋單都要500，吾算好抵食。…查看更多

以為已經全港執晒，原來荃灣仲有一間，真係叫做食個情懷，好有懷舊feel既小肥羊🤣肉真係好薄好削，麻醬亦無以前好味，湯底味道依舊，出面配料算多，不過吾好食🙃有少量炸物，冷食，不過我無試，吾知咩味飲品選擇亦少，不過E个價錢都可以理解。😊…查看更多

終於試咗呢間家嫂，價錢有啲貴🌝，所以一直都未試，今日忽然間想打邊爐，見佢有位就上去試下😊，小食同埋炸野都幾有驚喜，蝦多士係真係好好食嘅，其他嘢就不過不失啦，刺身我覺得都新鮮好味嘅，反而個雞煲係有啲失望嘅佢嘅，🥘个雞煲我覺得冇乜味嘅，就唔似倫哥雞煲啊新南苑嗰啲咁惹味囉，🦀🦐海鮮就一般般啦因為好多仲係急凍拎出嚟未解凍嘅，其他網友講好正嘅芝士蛋糕🍰已經冇咗喇，變咗雪糕代替🍨。有啲失望。飲品佢有好多自家製嘅飲品🥤都幾有特色嘅好似有薏米水啊檸檬梳打啊水果茶等都幾足料幾好飲嘅👍連埋加一約380元一個人，其實有啲貴嘅，不過佢又真係多嘢食嘅🙈。…查看更多