金凱小廚

即日即興入大圍食，無預先book位所以貴咗少少。不過唔緊要啦覺得佢都值呢個價嘅。
現場環境都闊落嘅冷氣夠。雞煲係比較乾同埋野味,辣度可以自己揀唔夠可以再加。我自己都幾鍾意個味嘅。比較驚喜亦都係咁遠坐車嚟嘅原因，就係蒜蓉生蠔同蒜蓉扇貝任食。佢係有少少類似牛油蒜蓉焗嗰種味。不過任食亦畀足你，你寫幾多畀幾多冇扣起嘅👍👍👍👍。食夠雞煲之後會俾你轉另外一個湯底。好似有五六款畀你揀嘅，我自己揀左醉雞煲，發覺原來系唔好食嘅，酒味太濃湯底有苦味，有啲後悔😭，不過算啦下次試另外一隻啦。牛肉都正正常常啦。有兩三款牛肉畀你揀。總括嚟講都係抵食嘅推介大家試下👍。