junekg的個人專頁

第一次去呢間日本餐廳食Omakase，整個用餐感覺同以往去食Omakase既餐廳好唔同；餐廳雖然只有8個位，但整張bar 枱闊落，餐廳空間感好大，感覺非常舒服。廚師發板是沒有餐單的，明師傅以時令魚生及新鮮食材呈上，同時會講一下魚生如何處理去呈現最佳狀態俾客人享用。專業及用心🫶🏼🫶🏼🫶🏼******************************🍶🥂🍣🦪🍥前菜赤貝墨魚配酸汁海帶兵庫縣廣急黃金蠔沙甸魚卷野生深海池魚石班魚骨湯墨魚熟成5天既石班肉醃真鯛間八魚燒螢光魷魚配烏魚子中拖羅中拖羅中間最肥部位赤身炸蠔（師傅請我哋品嘗）春子鯛（𩶘魚仔）野生鯖魚海膽天婦羅蝦飯柚子葡萄（甜品）…查看更多

我哋選擇坐outdoor，首先成個海賓環境係舒適既，但啲凳就坐得唔太舒服。而且個海景係望住前面有條石壆位，真係唔算好靚而又有啲遮咗望唔到對面尖沙咀個景。喺背面有一啲植物係用嚟與後面馬路位隔一隔，唔知係咪啲植物既關係，我俾蚊咬到成腳都係(本人係惹蚊人士)，建議去既朋友如果同我一樣惹蚊既就要帶定蚊怕水去。講下食物喇，廚師煮任何菜式既熟成度都拿捏得好好，味道都係正常，無偏咸或淡，多樣化西餐黎講都正常。提一提大家，餐廳無廁所，要行番出小小用公家洗手間，都乾淨既。整體來講都ok。…查看更多

今日同大家介紹一下 我最愛呢間日本居酒屋 和居和居😊話說和居和居居酒屋喺駱克道已經有10幾年，而喺2017年 和居老闆文哥喺同一條街隔幾個舖位開多一間叫磯幸既日本燒海鮮居酒屋，而家兩間舖已經合併為一間，就係磯幸既舖位。而我最欣賞係佢哋既燒牛脷 燒雞皮 阿波尾雞翼同雞腎。今日同大家分享既係而家當造季節既香箱蟹😋，其實每年我都會喺呢度食香箱蟹，偉師傅話今年既香箱蟹比去年大隻，蟹膏同樣咁多 而蟹肉當然都多啦 因為大隻咗嘛😋跟蟹食既仲有偉師傅自家製既蟹醋 加一啲落去一齊食 有畫龍點睛既效果，更加吊出蟹既鮮甜味🫰🏼我哋仲有食日本居酒屋既基本海鮮粒貝，今次仲食埋燒粒貝既內臟👍，當日最特色係食到燒新鮮雞腎；一般居酒屋都會用日本空運黎既貨，而和居間唔中就有新鮮雞腎供應，新鮮雞腎咬落彈牙juicy，比起日本雞腎更鮮味，大家想試既話就要靠運氣喇😉，又或者訂位時可以查詢下有冇新鮮貨啊😊；但當然平時都係有日本雞腎供應既。總括嚟講，和居除咗keep 住食物水準外，佢亦有日本居酒屋既人情味 客人之間互動融和，係值得去既居酒屋。😊…查看更多

朋友提議去試新店鐵板燒，唔係呢間店新 而係我哋未去過呢間，所以朋友隨便喺OpenRice 搵一間食。好可惜…食物質素係有，但係師傅既手藝同員工既態度令我哋4個都唔舒服，老實講 我未食過咁差既鐵板燒….首先當日鐵板燒既師傅唔夠，只有3位師傅served 全場客，我哋4人食8點係訂位時個員工要求，原因亦係因為師傅唔夠，所以要等前面嗰輪食客食到尾聲，先到我哋；當時bar 枱位剩3個客人，枱就仲有一枱客，然後就係我地。我哋叫咗兩款餐，而每個餐都有1隻鮑魚；朋友兩人食大蝦牛柳，另1人食鴨肝西冷，我都係大蝦西冷。海鮮類 - 大蝦同鮑魚都over cook, 老實講師傅手藝有待改善，真心覺得佢好粗魯，大家有食過鐵板燒都知道，睇住師傅喺面前煮係一種享受，但呢位肥師傅係完全無，而且仲要喺我哋呢枱煮緊中途要去番bar枱位嗰枱煮埋尾，佢係喺兩枱之間彈黎彈去…🙄主菜西冷同牛柳 - 由於食咗海鮮類都over cook 於是我叫一叫師傅，師傅無回應 直接叫侍應過黎，原來師傅係日本人所以唔識聽廣東話；咁我直接同侍應講佢前面兩度海鮮都over cook ，所以請佢做牛排既時候務必跟番我地要求既熟成度煮，最後師傅行開咗一陣先再返黎煮牛扒，主菜無over cook…..好彩👏🏼尾聲蟹膏炒飯 - 不過不失，雖然預咗蟹膏唔會太濃味，所以沒有太大期望。另外，中途有小插曲就係個麵豉湯有點酸，可能係湯內既腐皮有問題，於是我哋叫番頭先個侍應過黎表達呢個問題，侍應態度又係令人好唔舒服，佢話佢哋成晚既客都無話個湯有問題，而且佢哋去廚房check 啲湯，啲湯已被師傅倒哂（因當時都已經9點幾，我哋又最後一枱客….我哋明白清廚房係好合理既）綜合黎講，我覺得呢間餐廳既管理好差，師傅話係日本人 而且大廚都係日本人識講廣東話，但服務欠奉👎🏼👎🏼👎🏼我哋唔會考慮再去！…查看更多

呢間舖開咗一段時間 一路都無試過 因為心裡諗 香港食咁多台灣野 真係無一間好食。如是者見呢間有麵線食又即管試下（其實都諗咗兩三個禮拜先敢黎）🧐週日下午 成間舖爆哂 唔通真係好好食？我點咗蚵仔麵線、肉燥灼青菜、桂圓紅棗茶麵線唔熱既 暖暖地 但味道還可以肉燥灼青菜 就千祈唔好點 大拿拿$28 個人黎講就一向唔覺得肉燥好特別或好食，但你去麵檔食碟油菜都仲好過佢，見到碟菜就覺得佢搶錢😞…查看更多

因為想食生菜包同泰式生蝦 喺OpenRice隨便搵搵 見呢間泰菜既食評一致好評 所以第一次黎呢度食。雖然食物味道一般，但好值得勁贊既係員工既服務水準同態度，真心講服務非常之好，非常有禮貌。👍🏼👍🏼👍🏼店員提到W square呢間店遲下會唔做，但無講幾時，所以遲下會只剩番灣仔大王東街間舖繼續。散叫午餐🧾🐷豬肉生菜包 - 肉碎新鮮但炒得唔夠惹味，辣道剛好，生菜新鮮有甜味。🦆紅咖哩鴨 - 我從未食過，原來煮咖哩既鴨係燒鴨🤦🏽‍♀️ 朋友話一向係用燒鴨，如果我早知道 一定唔會order🙁咖哩無味，燒鴨既味同咖哩及其他配料完全係各有各既味道😣。成個餸既味好奇怪😓🥬馬拉盞通菜 - 正常水準口味👍🏼🥠烤餅- 醮咖哩係好食既，可惜個咖哩汁唔好食😓🐚冷盤翡翠螺 - 正常無味既翡翠螺，但願跟嗰個汁係生蝦個汁 所以都ok小小🙂…查看更多

之前限聚令放寛咗好難訂到位，終於都要一星期前訂位先訂到。去年已食過兩次 覺得食物既水準都係贊👍🏼 所以星期六晚再去食。唔知係咪疫情關係 有啲菜式喺餐牌上消失咗，例如海鮮湯就無咗🙁 希望遲吓佢哋會有番。一如以往 Starters我哋都係order Clams, Bovine bone marrow, 今次再加個牛脷。雖然呢幾個starter 無影相，但都要提一下就係個Marrow 改咗recipe, 用咗onion cream sauce 唔太好食 因為個sauce 搶咗牛骨髓個味，嘥咗😔 不過我哋食咗一啖之後 撥開啲洋蔥唔一齊食就好小小。另外牛脷好腍身 但香草味太重 食落有啲膩😶但整體都係好食嘅。最最想講就係個Main course 600g 澳洲和牛，好食到想飛起，我哋叫咗medium 而廚師煮得剛好 無over cook 又係要勁贊👍🏼 和牛好平衡既牛肉同脂肪既味道，入口軟滑有肉汁 好食過好多日本餐既燒和牛🤪；仲有佢跟嗰個汁 簡直係畫龍點睛，好香牛肉汁既味道，本身個牛已好夠咸味 再點埋個汁直頭食唔停口😋我哋兩個人share 都剛好，唔會太多或唔夠食。大家如果去食飯 一定要點呢個和牛試吓😃…查看更多

平常既午餐 叫咗小籠包 煎餃 餛飩雞湯 炒回鍋肉 同埋炒福花菜。包點類點心非常有水準 上述講嗰3樣都同一個共通點 就係肉餡鮮味多汁 尤其煎餃 大家一定要食👍🏼其實中午有3-4位員工服務 喺現在既食肆限制嚟講 係好足夠既人手 只係有一位似係店長既員工 態度比起其他服務員差 可能我坐喺入口既走廊卡位 所以該位員工每次經過走廊帶位或安排食客入座 都會好大聲叫 講真真係似街市賣菜👎🏼 試諗下你每每食緊野既時候都有人喺你旁邊大叫 係幾咁討厭！😒其實佢唔需要每每大聲叫 我眼見佢成個場既員工都好合拍 而且服務效率快 係值得讚🎖但呢位似店長既員工 講嘢同招呼真係明顯無其他員工咁合拍 似係自己喺度顛咁🤦🏽‍♀️以商場有open área 既食店黎講 呢種大叫既服務水準 請改善一下🙏🏼我都會再去既 但唔會係尖沙咀呢間店囉🤷🏽‍♀️…查看更多