YBC的個人專頁

天氣涼又是BBQ 韓燒的季節~ 奈何每次都要去唔同地方先買得齊料,而家唔洗喇! 終於搵到一間好食,又多款野食擇,有齊汁醬既專門店! 仲好企理衛生~門面舖面唔算好大,不過貨品齊全,仲好整齊~除左唔同類別的肉類,仲有用品,醬料,薯片,連燒烤叉都有!兩手fing fing入去,買齊哂出來好方便~食物食物包裝我好企理, 乾淨衛生。味道亦非常OK,好入味,肉質鬆軟唔鞋! 好岩食!本人推薦雞翼,配上自家秘製醬汁,好入味而且會食上癮,食完一隻又一隻~栗米亦預先包裝好, 直接放去爐度烤就食得! 方便又好食! 值我一試~出去BBQ定屋企爐燒都推介丫!…查看更多

樓上cafe食得多，終於比我遇到穩世日本嘢正cafe!門面同一般cafe差不多，不過坐得舒服，沙潑配上 cushion! 坐得好chill ~Menu價錢ok ,食物都多元化，鍋物，串燒，野飲同燒物都都，基本齊👍食物賣相ok! 必推鰻魚飯！非常香脆Juicy又唔漏！一口牛嘅牛味好濃，好滿足牛肉壽喜燒熱騰騰，天氣凍嘅時候食就最啱！…查看更多

有去過韓國既朋友都應該比較到呢間韓式餐廳非常地道! 一入到黎好似去左韓國咁`門面地道韓式餐廳風格混工業風,配上勁有節奏感嘅背景音樂，個人會好有mood食嘢服務員主要講英文，想去嘅朋友要留意服務態度都唔錯Menu如圖示，特別適合喜歡芝士的朋友，淨係芝士系都有好多選擇呀！芝士系列真係款款都拉絲，正！食物最深刻係佢啲湯系列，（韓物點可以無湯！)熱辣辣，邪惡感十足，而且唔膩、再配上經典韓式紫菜飯卷，肚子大滿足！好味！總括來說今次都係一個唔錯嘅飲食體驗…查看更多

因為工作關係剛巧經過，到食飯時間好多人係門口排隊! 抱住人食我又食, 多人一定唔會伏的心態排隊食, 好彩今次唔洗等太耐,平時一定要等好耐(太多人喇)好多人叫招牌米線, 眼見米線大大碗, 堆到一座山咁, 今日係我一個就唔敢試了.. 叫了榨菜肉絲和superfood螺絲藻, 果然不令人失望,份量真係唔少,同埋好夠味~ 是會令人食上癮的好味, 香噴噴送上枱~難怪咁多人排隊食, 絕對係有下次系列~…查看更多

為了果腹，沒有特別想太多就入左一間茶記，點知茶餐有驚喜！諗唔到食咩的下午就order個沙爹牛肉麵, 麵底不過不失, 不過個沙爹汁就非常出色! 食到粒粒花生，食得出係自家制沙爹汁! 牛肉唔"鞋"口又淋滑，沙爹汁另到個麵底湯錦上添花~…查看更多

次次經過呢間舖頭,以為是一般賣樣蛋糕店, 但一定聞到一陣陣好香濃奶滑既鮮忌廉味!呢陣味真係搵唔到第2間! 食左好多次,今次忍唔住來一個聖誕版...抵佢D分店愈開愈多~臨近聖誕，主力都是配上聖誕裝飾的鮮忌廉蛋糕, 職員細心分好,返到屋企都唔怕蛋糕變形或溶哂。海綿蛋糕富彈性而不偏甜,鬆軟得黎又不會太膩, 老人家都岩食!…查看更多

係門口已聞到好香既肉味! 忍唔到要入去叫2個包! 今次order左chicken burger & Cheese burger,服務員好有心同我介紹menu既食物,然後開始備料同整。係煮緊期間已聞到好香! 令人食慾大開~ 事後仲見我外賣,包得好好比我~開餐時見到好大塊既即炸雞肉, 香脆得黎唔乾,仲要大大塊!好抵食!有心又好食既餐廳,值得推介!…查看更多

適逢聖誕，又要煩惱準備啲咩禮物，一份有心思又好食嘅餅就啱啦！ 今次試吓呢間品質一向有保證的皇玥！經典聖誕包裝，有大有細，今次呢款精選，內有蝴蝶酥，綠茶曲奇，豆沙果子，同埋牛油曲奇！果然不令我失望，曲奇好香，好脆，獨立包裝方便衛生flower 豆沙果子好香陳皮味！香港製造果然有驚喜kiss 而家仲有推廣優惠 我覺得都抵食嘅 質素真係畀得返你 聖誕節假要食好啲蝴蝶酥真係值得一試 與坊間比較的確有點不同 香味較為自然 質感比較綿綿的 感覺係用一些比較高級嘅材料 的確做到了蝴蝶酥的酥香鬆脆…查看更多

可能係我食過最好食既....湘菜住在新界既我好少過海~ 難得過海當然要食D平時少食的!今次試米芝蓮推介既美食~地點都算容易搵, 門面時間尚早關係,入到去無咩人,但愈來愈多人! 原來都好多人, 連外國人都食~門面乾淨企理,服務態度亦好好。MENU都多野食, 圖片仲好吸引!樣樣都想試! 食物奉茶後有餐前小食, 非常喜歡個木耳, 辣得黎唔會死辣, 仲帶香!職員細心會問我地食唔食得辣,會叫師傅特調!今次試了酸菜鱸魚,真的不得了!好食到湯都飲左幾碗~食得出係鮮味魚湯,唔係落味精,食完唔會口乾,最後淋上的魚油亦係全個菜的精髓!有食過出面酸菜魚就一定食得出分別~清炒萵荀絲由數量不太多的萵荀,清炒得黎亦保持香味, 平時唔食萵荀既我都好欣賞呀!紅糖糍粑有小小失望,炸得恰度好處,但入面唔太煙韌, 不過整體來說點埋紅糖是OK的…查看更多

睇咗幾個月的名館，食評都話唔錯，賣相又幾好，終於有機會試喇！門面門口乾淨企理，舖範圍都大，坐得舒服，仲配上雲石枱面，少女心爆吖Menu同新派中菜餐廳一樣，主力點心，仲有前菜同小菜，價錢喺銅鑼灣嚟講算係ok!食物我點了京川汁秋葵($48)，個汁涼涼又辣辣地幾開胃。冰鎮菠蘿咕嚕肉($138)原個菠蘿上，外賣效果好好，啲肉切到適中大小，一啖食哂。厚切叉燒($88)，肉嫩，蜜汁仲要好香！黑松露翡翠炒帶子(138)，一上菜黑松露味勁香，仲要有6粒大帶子！真心大大粒！…查看更多

大鄉里難得出城到天后，經過見到漲卜卜糯米糍，好想試😋 眼闊肚窄唯有買住兩個嚟試…(仲要去食晚餐的說😅) 所以選了貓山皇味同榴槤味打開個盒已聞到好香！軟淋淋的糯米糍拎上手已好想一啖咬落去🤪食落仲好煙靭，好好咬口。貓山皇嘅榴槤味真係好香濃，食完就知咩叫齒頰留香~一舊唔夠食…😅 有啲後悔食左貓山皇先，因為食完後再食榴槤味就完全比下去，榴槤都好食，不過喜歡榴槤香嘅當然要選貓山皇😍^_^可惜住得遠，不然真係想食多幾個味…查看更多

好少出深水埗，仲以為一定係劣，或者冇人幫襯嘅餐廳，點知去到就好有驚喜，門口有條長龍！一啲都唔似街邊的茶餐廳！門面雖有人龍，但唔需要等太耐，好快入得！服務員態度亦好好，舖面空間唔多，都有十多張枱，裝飾牆上亦有廣告sell湯，果然有家的感覺！Menu好多選擇，價錢唔貴(見圖)，嗌多幾款都唔心痛呀！食物非常重點！碟碟都大大碟，仲要有哂配菜裝飾，真係唔hea，睇得出係有心機！今次點咗重推的湯，大大盅，好正，仲要係無味精系列！好足料，食埋湯渣吖香茅雞翼亦好香脆，再配小小雪菜，食完都唔會膩。豬扒飯大大碟，仲有2塊大豬扒，無睇錯，係兩塊吖！足料！…查看更多

新式韓菜體驗難得收早，口痕痕試下人氣韓菜~有驚喜！門面漫天星的佈置，令人感覺好似置身於韓國，座位空間夠。menu多選擇，仲附上食物簡介，有選擇障礙嘅我樣樣都好想試😍食物海鮮煎餅：咬落去有肉質口感，食落去唔會好淋，正！香蒜蜜糖炸雞，好大份，雞肉好嫩，好重蜜糖味，好抵食。送酒一流！烤牛肉粉絲：味道濃郁，粉絲口感彈牙。牛肉飯捲，牛肉配合青瓜同黃瓜，唔會覺得太飽～Grapefruit飲品 飲落酸甜適中。好freshStrawberry smoothie濃郁奶昔味，奶滑和有士多啤梨香味，好香整體環境好適合一班朋友聚舊！推薦！…查看更多

返工得1小時食飯，匆匆忙忙嚟到大圍的米線！門面茶餐廳特色，有上下兩層，座位數目都夠，午飯時間都差唔多滿座！menu如其他食客話齋，呢間店是用QR code落單，可避免漏單情況，食物款式都ok食物辣得過癮！麵底份量足夠，味道ok，價錢合理。…查看更多

充滿年輕滿力的台灣菜本週熱門餐廳十大之一，穩世台灣野食，趁得閒就來試試～位置在工業大廈群內，mtr站行十分鐘內到。門面門口貼上大大小小的勵志標語海報，非常感受到老闆的熱情！店內大約有十多張枱，空間感足夠，裝修工業風。menu如圖，唔算極多選擇，但熱門台灣野食都齊，飯，麵，小食，飲品，甜品都有，價錢亦非常合理！食物熱辣辣，好夠味！滷水汁好濃，食完個面仲想飲晒啲湯～魷魚鬚亦炸得好脆好香口，蚵仔煎非常足料！…查看更多