閨•家 (西九龍中心) (已結業)

好少出深水埗，仲以為一定係劣，或者冇人幫襯嘅餐廳，點知去到就好有驚喜，門口有條長龍！一啲都唔似街邊的茶餐廳！門面雖有人龍，但唔需要等太耐，好快入得！服務員態度亦好好，舖面空間唔多，都有十多張枱，裝飾牆上亦有廣告sell湯，果然有家的感覺！Menu好多選擇，價錢唔貴(見圖)，嗌多幾款都唔心痛呀！食物非常重點！碟碟都大大碟，仲要有哂配菜裝飾，真係唔hea，睇得出係有心機！今次點咗重推的湯，大大盅，好正，仲要係無味精系列！好足料，食埋湯渣吖香茅雞翼亦好香脆，再配小小雪菜，食完都唔會膩。豬扒飯大大碟，仲有2塊大豬扒，無睇錯，係兩塊吖！足料！