finediningfans的個人專頁

聽同事講Great Eagle Centre lobby 位置有間外賣店d燒味好得, 今日即去買尼食!叫咗叉燒油雞飯, 真係正到不得了, 叉燒竟然完全無筋, 外層少許濃邊, 上糖上得很好, 完全唔會乾柴!!!! 尼個叉燒真係不得了. 另外拼油雞, 又係一個字絕. 雞皮唔太肥, 雞肉多汁唔難咬, 簡直想叫一隻油雞打包.最勁係連條菜芯都無渣, 起晒筋, 好甜!個飯重要包野飲/例湯, 60幾蚊咁高既質素真係屈機. 重要涼住冷氣等兩三分鐘就有得拎. 我一定變常客.溫提一下大家個日12點去人重少少, 第二日12點幾經過望望已經好多人等緊, 早去唔駛等咁耐!…查看更多

朋友介紹，過來試試中菜及點心。首先一讚泊車方便，升降機直上餐廳。下午來吃點心，點了羊肚菌上素粉果。水晶皮很薄，煙韌。羊肚菌帶微辣。這款素點心做得不錯。另外點了普通蝦餃，鮮蝦爽口彈牙。這款普通，用料尚算新鮮。朋友點了一款粉紅色的蒸餃，忘了名字但不錯吃。服務員推介蜜汁叉燒，有驚喜。肥瘦分明，掛上麥芽汁，出色。另外點了獲獎菜，龍王被金甲，看餐牌名字有點霸氣，位上。造型不錯，請客價錢亦不貴，鮮蝦配上炸魚塊，但不算油膩。屬香口之選。另點了飯麵，不錯的一餐，會再來。…查看更多

好耐無堂食..實在要出去食餐飯平衡一下心情..難得出去一定搵間好野食, 訂位時知道灣仔明閣開1130-1800, 所以BOOK咗4PM 食個early dinner.同行女友人點咗個期間限家定<東方美人養顏套餐>. 好特別好有興趣. 價錢係抵既, 接近40% off.自尼招牌叉燒等前菜開開胃, 接住開始一連串美顏廣東菜: 紅燒蟹肉燕窩羹, 魚子醬雪地明蝦球, 鮑汁脆皮花膠素千層, 紅棗龍躉柳, 竹絲雞炒飯.... 一個接一個天然骨膠原, 抗氧化美食.... 完全滿足口福之餘吃完心情亦好. 最後甜品亦承著美顏之勢, 為我地奉上桃膠薑茶湯圓，暖胃棗皇糕等驅寒暖胃甜品作結.各位姊妹快d去試試啦, 男仕亦可於情人節同女朋友去品嚐尼個<東方美人養顏套餐>, 以表心意, 氹下女朋友開心.…查看更多

聽說深井咖喱寶的咖喱由印度人主理，今天經過便進去點了最愛的雞肉咖喱配印度薄餅，試試看最地道的印度咖喱。咖喱雞分量充足，印度薄餅夠熱夠香夠脆。今次坐戶外，吃着咖喱感覺十分悠閒自在。說回咖喱，入口已經感到一陣香草味，已感覺到這是正宗的印度咖喱。而且口味不太辣，想必是為了迎合香港人口味，令我一口接一口吃不停。點了一杯芒果莎莎，有香芒的果肉，味道一點也不假。不錯不錯。吃完還有剩一半咖喱汁，打包取走晚上再吃咖喱飯。總括來說這一餐十分滿意。…查看更多

再訪灣仔明閣 上次試了脆皮炸子雞的美味, 今次信心滿滿的點了雲腿琥珀百花雞.果然, 果然沒有令我失望. 這百花雞絕不欺場, 一上桌大家已嘩一聲.  請客絕不失禮, 打卡亦一流. 這百花雞看得出師傅的手藝, 手工菜色最要用心. 燒鵝皮、乳豬皮、雞皮, 配上多汁嫩雞肉, 佐酒送飯亦一流. 下層為蝦膠.夾一件雞, 多重口感, 多重口味. 伴碟的還有琥珀合桃、炸蓮藕片及雲腿. 樣樣出色. 甜香脆鹹樣樣齊, 怎可不愛. 誠意推介這雲腿琥珀百花雞.另外今次還點了油雞樅菌菜遠龍躉斑球. 菌香十足, 與菜遠鹹香配搭得十分美好. 龍躉斑球啖啖肉, 厚身的魚皮充滿骨膠原, 怎可不愛. 魚弓彈牙, 吃得出很新鮮. 整個菜式配搭一流.吃好吃滿後, 點了薑茶桃膠湯圓.冬天驅寒必吃. 這一餐十分美滿.…查看更多

今日去了深井周圍行，肚餓就要搵食。見到有間西餐廳，Ciao, 諗住個名改得幾好入去試吓。其實入到去已經覺得怪怪地，有啲陳舊，枱櫈都唔係好得....不過又唔係貴，是但坐低叫咗個鴨肉意粉。真係omg.... 個意粉林到一個點...仲要係咩味都冇。係好差好差嘅意粉。我覺得大快活嘅仲好食過佢。鴨肉還可以，鴨皮算做得香脆，不過略嫌有點乾，鴨肉亦算處理得不錯，不過份量太少，可能因為意粉完全冇味，只係食咗個鴨胸所以覺得唔夠飽。 咁普通嘅意粉都可以做得咁差，真係十分驚訝。…查看更多

間唔中會想食pizza, 但絕對唔想浪費quota食d太港式既pizza.尼間paisanos pizzeria係我想食pizza既時候既唯一選擇.首先, 行過聞到已經想食. 食完lunch都係咁話..實在太香了. 這是在犯規啊... 叫剛食完一餐的我, 再食塊pizza情何以堪...不過, 佢可以比你order by slice, 想食也沒有人可阻你. 雖然by slice係reheat, 但絕對唔乾唔硬. 好食. 同埋好夠熱.order完等5-10分鐘, 邊等已經開始流口水.我食親都係magarita 同埋pepperoni, 你睇下張相既芝士同油分, 睇相都覺得香... 又開始餓了食到麵包位置已經開始飽...但飽....又如何...你也是會繼續吃下去...吃完最後一口, 剩下的, 不就是兩只沾有汁醬的手指~~ HAHA 和滿口PIZZA香. 這時間, 飲啖可樂. "吓"一聲. 真的很飽了..想了一下, 下次可以跳出自己的comfort zone 嚐嚐four cheese pizza.…查看更多

灣仔車仔麵之家, 第三次幫襯.車仔麵尼講, 個人認為尼間真係數一數二. 先說湯頭, 唔會死咸, 食完唔會口乾.要辣可加辣. 加完真係幾辣. 唔食得辣唔好加太多.叫咗魚蛋, 雞翼, 酸齋, 米粉, 味道各有各特色, 唔會全部野食一樣味,陳皮魚蛋咖哩味超香, 十分入味. 唔通D咖哩先炒過?雞翼滷水味濃, 入味之餘沒有過咸..酸齋100分. 有咬口, 重有炸過既香口感覺, 沒有被酸汁全搶風頭.唯一不好是立食, 食得較為辛苦.但風味不錯.  值得再去. …查看更多

今日我要頌一個獎比灣仔明閣既 炸 子 雞!!!你看看, 你看看...皮脫肉嫩. 個皮超薄超脆, 入口即溶, 係好似朱古力咁溶. 滿口雞油香, 但由於皮夠薄, 感覺不會油膩.再說雞肉, 新鮮雞味出晒尼, 肉質嫩到.. 我不會形容咬下去略帶有黃油脂肪, 用爆汁這詞亦絕不過份.天呀, 點解我而家先遇到尼隻灣仔明閣既 炸 子 雞!大愛. 必定再訪. …查看更多

今日難得飲咗一餐靚茶 - 灣仔明閣.香辣豆腐海鮮餃 –新點心, 之前未食過, 一食十分喜歡. 入口一陣麻香花椒味, 唔會過辣, 配上清新豆腐海鮮餡, 一流. 下次要再試.雪山竹炭叉燒餐包 –竹炭餐包, 配上酥甜既雪山. 一黑一白十分有趣, 甜甜地既外層夾埋入邊既蜜汁叉燒, 口感十足, 味道剛好.巴馬火腿蘿蔔千絲酥 – 最愛灣仔明閣既和牛千絲酥. 今次一試巴馬火腿蘿蔔千絲酥, 巴馬火腿無蓋過蘿蔔既清甜, 反而令甜味更突出, 加埋外層酥皮既油香, 大愛.葡汁海皇蜂巢芋頭 – 炸得香脆不油, 外層蜂巢好乾身. 芋頭加上葡汁好夾, 屬必點之選.牛油果蟹肉鮮蝦春卷- 睇落普通, 但包住既牛油果炸完後半溶, 加埋蟹肉鮮蝦, 食落唔會太乾剛好.濃湯花膠雞絲羹 – 女士一定要點, 補充骨膠原之選.麻香金絲蛋散 – 十分出色, 完全唔油, 蛋白加上酥脆口感, 配埋蜜糖, 就算好飽都要食埋.Overall 十分滿意, 樓面服務周到有禮貌, 亦會主動推介食物.  食物上枱熱度亦好夠. 我覺得灣仔明閣既點心經常有新款式, 唔會食親都係一樣既野, 去過就知必定有驚喜. Highly recommended.…查看更多

今日去旺角食LUNCH, 一出朗豪坊地鐵站經過MARKET PLACE就見到有間新餐廳, 全店88折免加一, 見平平地入去試下. 點知見到除咗麵食之外重有個西班牙八爪魚卷, 就叫咗個同朋友SHARE.  八爪魚肉質十分好, 新鮮. 另外叫咗個芝士焗龍蝦配蟹王麵龍蝦湯底, 香到呢..... 有88折抵食.另外叫咗紫薯latte無影相, 都唔錯既. 月頭出糧同朋友傾野食豪d, 平時見佢有個雞扒一丁lunch set包沙律餐飲重有88折, 折完40蚊左右, 係朗豪坊尼講真係好平, 下次要試試. …查看更多

本身住青衣, 亦好愛泰國菜, 試盡青衣城幾間泰菜亦覺得好一般. 今次試AMAZING THAI就令我十分驚喜!午餐下午茶十分抵食, 包野飲凍飲唔加錢, GOOD.先尼一碟炒牛河, 唔油, 好夠鑊氣勁香. 牛肉亦比得好大方. 成碟份量好足, 已經決定下次再食.再尼ORDER蒜蓉包配咖哩雞. 尼個亦係可以ENCORE, 蒜蓉包好香好香但唔會好油, 咖哩雞肉好入味, 讚讚讚.而家啉起都想再食~~~~~~~加錢要咗杯凍龍眼蜜~唔太甜好啱飲~ 如果可以比多幾粒龍眼就更好啦.已經啉定下次試埋香茅雞翼同串燒. 今次真係有驚喜呀!…查看更多

HAPPY FRIDAY就想同同事食得舒服d, 就去咗之前都去過既Ambrosia. 食尼間一定無錯!Lunch set試過幾次今次開心d叫 A la carte~同事叫咗焗蠔大大隻, 焗完都無縮重好juicy~正! 重想encore不過都係留番個胃食main.之後有個pumpkin soup有驚喜, 平時自己成日煮南瓜湯, 以為尼個都係差不多既野. 點知原來同加咗入湯既蟹肉好襯, 真係要比個good! 飲晒!!最後叫咗個炭燒豬架, 聽service staff講話係客人最愛菜式之一. 又係好正, 你睇下入面重係粉紅色幾嫩!! 食晒得番條骨.食完試埋個甜品, 甜品就正正常常OK la.滿意既一餐~ 食完番公司做野第二日就放假啦~ yeah!真心推介ambrosia!…查看更多

琴日夜晚行開iSQUARE, 女朋友見到張POSTER"AMBROSIA OYSTER BAR & GRILL"入面D水晶吊飾好靚, 見佢新開張都想見識下, 就走上28樓試下.入到去無敵夜景好得, 女朋友即時笑晒可能時間都係7點幾, 未係好FULL, 可以坐到window seat...真係好耐未試過望住個無敵海景+夜景食野.首先order咗d seasonal既生蠔, 由蠔吧師傅即開即食, waiter介紹我地食淡味d既美國蠔..之後最後食belon!! 超滿足!我食6隻女朋友食4隻!!好新鮮海水味好正!! 由於時間早我地唔係好肚餓, 所以飲下野傾下計先再order其他野...張sofa坐得好舒服...坐到唔想走!之後再叫咗個YABBY湯...好濃好正..真材實料! 之後再食main course安格斯肉眼扒, 唔錯~總之夜景配美食, 價錢合理, 女朋友開心就100分!…查看更多