涵金吉的個人專頁

之前睇過雜誌介紹一直想找機會試下佢啲雞煲，終放尋晚有事經過附近，可以試到。雞煲上檯時應該未熟透，因為服務員吩咐要等頗長一段時間才可揭盅。不過麻辣雞煲作為主角菜式，的確沒有令人失望。雞件非常惹味，而且份量不少，斬成細細件，愈食到底仲愈入味。我點的是中辣，但似乎大辣才夠味。夫妻肺片，幾好味，麻味辣味調校得不錯。西蘭花炒花枝，無錯，係西蘭花炒花枝，同川菜有乜關係？Sorry，我都唔知，純粹係粵式既一味餸。花枝炒得略過火，西蘭花太咸（味精太重手）。雪花肥牛，利用剛才的雞煲汁即灼即食，嫌切得太厚，牛味亦不算濃，12片賣$88，貴。兩個人食飯，埋單$438蚊（另外叫左兩杯飲品），以這種地區小店格局的食肆來講，真係偏貴。…查看更多

講起有名的豉油西餐（港式西餐），花園餐廳也可算數一數二。記得以前的豉油西餐，儘管味道很港式，但總有一定的西餐格局遵循。今晚一個人來到裕民坊花園餐廳，點一份晚餐Ａ，澳洲西冷牛扒，按西餐做法應該問幾乘熟吧？但這裡連這一句也欠奉，仿佛只是茶餐廳晚餐Ａ，一切自動波。鐵板牛扒好快奉上，選好醬汁（幸好尚可自選醬汁），侍應也不待我拉好餐布擋隔，就及不及待淋上，喳喳喳～（大佬，好趕時間咩？）既沒有問我幾乘熟，結果卻是over done。牛扒牛味尚可，但肉質真係很韌，又硬又韌。配菜有幾片菜葉及炸薯條，連半邊蕃茄也久奉。這跟我記憶中的以前的豉油西餐，好像差別很大。…查看更多

好朋友生日，決定請他吃鐵板燒，見雜誌介紹這間新開張的餐廳，說是台灣流行的法式鐵板燒加西班牙小食的，評價不錯。於是致電餐廳，餐廳傳真了餐牌給我，見價錢不太貴，壽星不反對，於是一行三就去試了。餐廳裝修得頗漂亮，跟雜誌上所說一樣，餐廳分了鐵板燒房與餐廳兩部份，意料之外是，座位間隔頗寬倘，不像諾士佛臺其他餐廳般座位與座之間僅有一人側身的空間。我們給安排坐在鐵板燒房，我們6點來，幾乎未有其他客人，好像包房一樣，好高級啊！當晚，我與壽星分別點了龍蝦鐵板燒餐和M7和牛鐵板燒餐，除了二人套餐外，這兩個套餐已是餐牌中最貴的套餐了，都只是$518/位，如果質素好的，以這價錢來說，吃鐵板燒一點不貴。活龍蝦鐵板燒餐黑毛豬鮮蝦米紙卷：侍應介紹是以米紙包著純種黑毛豬風乾火腿與鮮蝦等，入口黑毛豬的鹹香很惹味，卷是跟甜酸汁同上的，但單吃紙米卷不蘸汁已很夠味了。 黑松露奶油湯：好好味啊！每一啖都像吃著磨菇一樣，滿口打碎了的粒粒磨菇，磨菇味濃，材料十足！蕃茄沙律：是沙律菜與小番茄，伴以油醋汁。油醋汁令人開胃，沙律菜爽口，亦很新鮮。活龍蝦配芝士黃油膏：鐵板燒師傅終於上場，只見師傅把活龍蝦一翻一反的，在滋滋渣渣聲下，龍蝦肉變金黃，師傅更把龍蝦頭內的膏，炒成醬汁，最後熟練的把龍蝦擺好，賣相栩栩如生，吃鐵板燒的好處，就是未吃，單看鐵板Show已叫人高興！龍蝦肉好爽甜，配上龍蝦膏汁，甜而鮮香！雪葩：柚子味的，還算滑，作為清清味蕾的，不俗。黑毛豬扒配牛肝菌汁：雖然很多人看到菜單，都會以為龍蝦是整餐的主角，但實際上，這豬扒才是戲肉，因為，我們從來沒有吃過這麼美味的豬扒！豬扒是連骨的，鐵板師傅介紹，說豬扒是來自西班牙純種黑毛豬，全以橡果餵飼，合乎衛生，最理想的吃法是煮至7成。既然師傅介紹，我們戰戰競競就按師傅推介要求七成熟 (畢竟我們從少便被教育，說吃生豬肉會生蟲的啊！)。豬扒經鐵板燒以後，熱騰騰香氣迫人，切開，還帶點粉紅，眼看亦見肉汁豐富。好了，放膽吃了一口，即時”叮”一聲！雖然吃過很多黑毛豬肉，卻沒吃過這麼鮮嫩而多汁，肉味濃郁的，好味的程度，就像吃到一塊好的牛塊一樣。雖然旁邊伴有牛肝菌汁，還有海鹽，但豬扒肉味濃郁，單吃而夠照了！　特式甜品：因知道我朋友是壽星的關係，三款都小巧的式，最喜款紅酒燴梨，賣相精緻，十分討好。…查看更多

太興集團的變身改革，真係做得唔錯。普通一份早餐，都做出了水準及質素。雞扒味道醃得唔錯，而且厚身肉嫩，雞皮煎得香脆，全片多士都烘得都脆卜卜，再配兩條脆皮腸。奶味極濃的冰鎮奶茶跟餐，毋須多加十元八塊先享用得到。一份早餐睇得出誠意，真係貴少少都值得畀。…查看更多

間鋪開張無耐，睇到啲雜誌報導同朋友嚟過一次，當時試咗招牌海南雞、無骨豬手、生菜包，做得真係唔錯，至少雞滑味濃，豬手滑得嚟留有膠質的彈彈地牙的口感，生菜包啲肉炒得香又辣。今次先會食過番尋味，再來幫趁。事間三月，水準竟然保持到，出品都算穩陣！今次點咗以下餸菜：1.招牌海南雞(例牌)：雞肉依然嫩滑，甚有雞味！2.無骨泰國豬手：都係番尋味的菜式。呢度啲無骨豬手切到薰蹄咁一片片，皮連著肉，皮與肉之間還留有膠質，入口皮有少許的彈牙，味道又濃郁。好多泰國做的泰國豬手，都皮肉分離，皮腍到無哂口感之餘，肉仲好"諧"，所以試過呢間之後，已經好少幫襯其他泰國小店的無骨豬手了。3. 咖喱炒青口：青口好大隻，都好新鮮，但論搶鏡，都唔夠個咖喱汁。咖喱汁好似咖喱炒蟹個汁，有啲蛋花，入口綿綿，又帶點甜，有啲椰奶香，好惹味。於是叫埋個牛油脆豬，蘸汁吃，正！4. 豬頸肉生菜包：老闆推介，說是新菜式，十分受歡迎。好！即管試試！豬頸肉加入了大量香茅，好香！又好辣！超惹味！包住啲生菜吃，竟然好有食韓國燒豬腩肉風味！如果伴杯啤酒，一流！不過，吃不得辣的朋友，點時記得同大廚講聲，因為不吃慣辣的，吃幾口應該再吃不下。5. 飛天通菜：雖然依現在健康標準來說是油了點，但通菜炒得通透嫩老，不像很多泰國菜館炒得過哂火，菜呈暗灰，入口又腍。呢度的炒菜入口還很爽脆，而且飛天醬亦很惹味。菜做得唔錯，加上老闆招呼殷勤，吃得開心，應該再有下次，吃過番尋味！…查看更多

這裡午市套餐的價錢並不便宜, 我點的一份香辣牛肉麵餐索價$58, 女友的香酥大排麵則要$48. (另收加一)每款套餐包括麵食一份, 一款前菜, 以及飲品的酸梅湯或豆漿, 再加$10可點一客三隻的鍋貼.前菜的粉皮和四喜烤夫不錯的, 烤夫很入味, 粉皮做得爽滑, 麻醬份量恰好.鍋貼外皮過厚過硬, 而且不是即叫即煎, 味道自然差一點.主食的份量算是不少, 吃得夠飽有餘. 女友點的香酥大排湯麵, 湯麵本身還好, 麵質爽口彈牙, 但香酥大排 (豬排) 炸得過於乾硬, 豬排薄薄的, 味道還有點兒酸.我的香辣牛肉麵更是差勁得不得了, 黑瓦煲加上滿碗的熱油, 久久不能散熱, 熱得難以入口. 此外最大的問題是麵條本身煮得太耐, 全變得軟巴巴, 一點麵條應有的口感也沒有, 而且由麵到牛肉除了辣外甚麼味道都沒有, 結果是吃了幾口已經不想再吃下去, 可說是從未試過如此難食牛肉麵.唯一可取算是環境裝修尚不俗, 座位也舒適.埋單$58+$10+$48=$127.6, 這樣的一頓午餐來講實在太不值了.…查看更多

這裡的魚片頭賣相和別處不一樣, 不是三角形, 卻是每片都扁扁平平.論口感尚算是彈牙爽口, 但外表稍淋, 也唔夠香口, 魚肉的魚味也只屬一般. 伙計都是阿嬸級的, 街坊感十足.…查看更多

小時候吃過的炸魚蛋, 現在很多地方都找不到, 唯一例外是大埔學利.這裡的古法炸魚蛋, 我認為是全港炸魚蛋當中味道數一數二的, 口感爽, 魚味濃自不在話下, 最難得的是炸得金黃煙韌香口的外表, 這種感覺只有在回憶裡的小時候吃過, 想不到今天仍能在學利找到. 每顆魚蛋形狀不一, 各異其趣, 絕非機械造出來顆顆如一那麼單調.…查看更多

這裡的 Burger 是即叫即做, 剛烤好的烤雞腿漢堡新鮮熱辣奉上, 燒烤醬汁味道十足, 烤雞腿香嫩, 生菜洋蔥能再多加一點更好. 可惜沒有任加自選醬料, 而且 combo 餐只是多加一杯汽水, 份量略嫌不足... 當然這個價錢到麥記一定嘆不到如此質素的漢堡.…查看更多

幫襯左下午茶 --- 香茅雞翼金邊粉, 配炸魚餅及凍飲, 盛惠$28.價錢尚可, 但食物質素欠佳.香茅雞翼明顯係翻熱雞翼, 外皮唔香唔脆之餘裡面雞肉亦因太耐而變晒質, 金邊粉, 如果唔係我狂加辣椒粉, 成個湯根本係冇味. 尤幸炸魚餅都OK.係咁多野食既東大街來講, 下次一定唔會再幫襯呢間.…查看更多

今年情人節撞正年初一，初一要返屋企陪屋企人，於是早啲同另一半慶祝。朋友推介話試過呢度個和牛野菜二人前，說好掂云云，見價錢唔算貴又有和牛食，於是揀咗星期日嚟呢間日本料理店慶祝情人節。二人前菜式：前菜：係一個三文魚粒的漬物，經理送上來時介紹話係自家醃製的，滑滑的三文魚刺身入口帶有韓國的日本泡菜味，少少辣，好開胃之餘，又吃到三文魚的味道，配搭唔錯！ 半生熟和牛沙律：一片片薄薄燒得半生熟的和牛片鋪在沙律菜上，牛肉的泛著油光，帶著少少香氣，唔知係咪肚餓的關係，有啲叫人垂涎欲滴。入口和牛片甚有油香，牛肉味都幾濃，由於油花真係幾豐富關係，齋食都會幾膩，好彩呢度個沙律配以酸汁，令人不會太膩。雜錦刺身：有三文魚、帶子、油甘魚，都很新鮮。和牛串燒：切成厚粒的和牛串燒，一串約三粒，上桌時眼見燒成深咖色的和牛串，既略嫌沒什麼看頭，又怕燒得太熟，但咬開，油花輕濺出來，原來半生熟，肉質嫩，油花很豐富，正！！ 和牛野菜鍋：一見到碟滿是油花的和牛肉，紅白分明，我地眼睛都發光了！不知是不是怕我們糟蹋了和牛肉片，經理把牛肉送上桌時再三叮囑灼一灼就要吃！把牛肉放進湯裡灼3-5秒，牛肉又滑又軟，令人愈吃愈想吃。可惜，和牛片僅約10片，吃完，還是令人意猶未盡。野菜烏冬：烏冬伴以清湯與野菜，水準OK。甜品：最初以為料理店做的是傳統日本料理，甜品會係紅豆年糕呀，綠茶糯米呀咁，意料之外，竟然係Homemade法式燉蛋，略嫌焦糖略厚，但燉蛋很滑，都算水準之作。個餐價錢$598/兩位，加理一即每人$330，食到三款和牛菜式，而且都有水準，算是物超所值。…查看更多

同女友到西貢食海鮮，星期四晚冷冷清清的海鮮街，家家食肆都派人出來兜客落咀頭，生意似乎真係好難做喎！最後被金輝既伯伯既誠懇態度打動左，仲話幾十年經營老字號，又話自己鋪位唔使租所以價錢實惠，甚至拍心口話海鮮唔滿意唔收錢，而且清蒸海上鮮可以送斑仔比我地。最後我地點左個 $300 二人套餐，話冇其他立雜費。一坐低即係送上一碗爆谷！冇錯，係爆谷！1. 白灼蝦：第一感覺，好細碟，我估計得四、五兩份量左右，不過係海蝦，味道幾鮮甜！想要問伙計要些少指天椒，但話只係比普通辣椒，算啦！2. 椒鹽墨魚：外表的炸粉得好一般，炸得唔脆口，墨魚肉尚可，但份量又係超細碟。3. 芝士龍蝦伊面底：小龍蝦兩隻，其實想要大龍蝦係咪太大想頭呢？不過小龍蝦都幾實肉彈牙，伊面底就一般般。4. 蒸斑仔：條斑仔真係幾好食，蒸得剛剛好，肉質爽嫩，全條食得乾乾淨淨。5. 炒通菜：冇乜味道。6. 海鮮湯：湯裡發現有大大件瀨尿蝦尾，仲有件魚尾，材料似乎落足，不過味道仍然係唔特別。7. 生果：所謂生果，係幾片薄切橙，照睇合埋可能只有半個橙左右。講質素呢家海鮮一般般啦，但份量咁少唔會令人有嘩一聲「好抵喎」既感覺！最後埋單，居然發現原來爆谷要收 $20，之前明明話冇其他雜費，向伙計查問，佢就細細聲話畀少少伙計做「下欄」。但而家唔係錢多錢少既問題喎，一開始講明有咩雜費，做客既未必會介意畀多 $20，但而家係偷偷摸摸，即係欺騙人啫！呢樣真係令我好不滿！…查看更多

去完深圳SHOPPING由羅湖返香港見有D肚餓, 就係關口搵少少野食醫肚.首先碗淨魚蛋已經覺得難食, D魚蛋冇味, 又硬又起砂, 食完兩粒我已經頂唔順放棄, 炒青菜味道還可以, 差唔多食晒, 但味道唔係重點....食完當我已經打算埋單的時候, 突然留意到碗魚蛋湯裡面好似有D蟲仔, 睇下睇下, 哇, 睇清楚先發現原來成碗湯的黑點, 不論大點, 細點---全部都係蟲!!!! 正慶幸因為覺得難食, 碗魚蛋只食左兩粒, 點知, 再望清楚, 我頂! 原來連碟炒菜都係蟲!!!! 如果係香港, 一早打去食環署投訴, 但身在大陸冇法子~ 唯有啞忍! 從未試過咁恐怖.... …查看更多

今年美國大選話咁快就有結果，一如所料，史上首個黑鬼美國總統終於出世！ 為左切合 Change 呢個主題，前日下午一於 change 去麥記，食個美國漢堡，慶祝美國總統大選結果！（講左真係多廢話，查實係其他茶餐廳搵唔到位） 去到麥記真係冇乜特別想食，結果都係叫返「至尊漢堡」，呢樣係我覺得麥記唯一似樣既漢堡飽。起碼佢既用料叫做好些，生菜，蕃茄等等都落足，但件牛肉始終水準一般，雖然比起普通漢堡飽既已經好N倍。 加杯大奶昔，廿幾蚊咁又一餐！奧巴馬，呢餐係咪應該你請先？…查看更多

呢個鋪位不斷轉手, 最新係呢間潮桂園, 今晚去左幫襯.叫左碗腩麵($17), 淨魚旦($17), 加油菜(+$7)銀絲細麵本身夠爽口, 冇鹼水味, 牛腩選用爽腩, 味濃有口感, 雖然個人就較喜歡坑腩多一點. 湯底亦香濃.魚旦肉實彈牙, 魚片一般, 可惜冇片頭.整體水準不錯, 價錢也公道…查看更多