queenietky612的個人專頁

今日去食午餐，叫左個雜錦鍋燒烏冬，入面有炸蝦天婦羅，炸雞，諗住嚟到炸野係分碟上啦，點知啲炸野浸晒係個湯度一齊上😵😵😵大佬呀，炸野浸左湯就淋晒啦，完全唔好食。強烈建議唔好叫呢樣。…查看更多

我地3人於12:48落order叫野食，叫左兩個便當餐，一個散叫壽司同小食，今日唔多客人。我地等到13:10 忍唔住要追野食，因為見到遲過我地嚟既客人野食在13:00已到達，追單後聽見廚師講：嚟緊啦，然後我地等到13:15 先到了兩個便當，足足等左25分鐘。「便當」意思是「便利的東西、方便、順利」，為了節省時間以及省卻煮飯、洗餐具等工作。然而我地等了25分鐘，對於只有一小時食飯時間既打工仔嚟講真係好趕，來回公司等lift都需要時間，即係得返10-15分鐘食。其實13:15都未嚟齊啲野，仲有個散叫壽司13:17再追單，其後13:19分先到，真係食得好趕，當詢問女侍應點解咁耐先到，佢答：外賣多單呀，佢跟著嚟做，咁點解人地個飯快過我地呢，佢就走左，然後當我地食左大約3分鐘，女侍應就放低午餐送既雪米糍，大佬，岩岩食咋，咁快就送低個雪米糍，而家夏天嚟，好快溶，食落去會有菌嫁，跟著我就問佢 可唔可以遲啲先拎嚟呢？我地都未食完，佢答我：驚你要個陣食唔到。想問問點樣要個陣會食唔到呢？呢啲服務態度真係差，係咪要送到溶晒有菌俾啲客食落肚，肚痛再搵食環告你？奉勸各位趕時間既打工仔唔好嚟食！驚你地食到一肚火！…查看更多

今日下午去左呢間茶記食下午茶，雖然服務不算係好，但茶記都無乜所謂啦，我點左一個豬扒包加杯凍檸茶，個豬扒包的餡料好特別，令到個包食落去唔覺油膩，個包又夠脆，好值得一試。另外，不得不提一提杯檸茶，味道唔會太甜，而檸檬亦夠厚，唔似外邊的鋪頭檸檬簿得通透下次有時間都會再去試試其他野食，到時再推介…查看更多

早兩個星期去左呢間餐廳食半自助餐，原先係網上見到咁多好評，仲滿心期待，點知大失所望，如果同一個價錢，我寧願去番café east / grand hyatt食全自助餐 law。因為選擇會有十倍咁多，唔會好似而家咁，貼錢買難受!講番正題，果日星期五我同埋朋友2個人約晚上8時到達，但食物供應嚴重不足，例如﹕煎鵝肝及帶子等食物，由20:00 – 21:00 每次出去拎都係冇，試過有一次煎好約10件左右，但排我前面個女人一次過攞晒，問番唯一個師傅(留意: 煎部係得一個師傅，所以你可以想像可以有幾快出野食)，佢就好晦氣咁話等下啦，要煮左主菜(即係牛) 先到你地d自助餐配菜。所以每人平均要成$500，但整晚只食到一轉煎帶子咋 (係我同我個friend各一隻)﹗由於冇野食關係，到21:15就埋單，呢一刻係完全冇食過煎鵝肝!!!!!!原先諗住黎食煎鵝肝架。不停地有得叫既只有壽司law~~關東煮入面只得返芋絲，但係冇人會refill，十分離譜。甜品選擇只有約4款，同埋質素真係麻麻。只有主菜的烏東叫還可以，但$500食烏東及壽司，我可以去食放題，價錢仲平d。真心，我以後唔會再去呢間餐廳﹗…查看更多

呢間東城既服務態度差爆，之前第一次去食，俾紙落單，等左一個鐘都無得食，追拒，拒先話無晒，唔追咪等到埋單計埋數，無晒都要同人講聲掛。第二次諗住去食下午茶，樓下寫下午2點下午茶，問埋下面職員都話2點下午茶，咁我地一家人就2點上去啦，點知個經理就話2點半先下午茶，咁我地就話樓下寫2點，拒就話我話幾點下午茶就幾點下午茶，嘩!真係明屈水啦！今日無奈屋企人又話去東城，搭枱飲茶，同枱婆婆話拒今朝9點去到個經理已經話唔係早市，話婆婆遲左1分鐘，明明樓下寫住早市去到9點半，擺明又屈水。 到叫左野食啦，叫左個蘿蔔糕，俾左碟花生醬混甜醬，咁我叫拒拎碟淨甜醬，等左好耐個甜醬都未嚟，再問個人就話無，擺明唔想拎啦，有咩理由混醬就有，淨甜醬會無!今時今日咁既服務態度真係唔掂!優惠時間經理任定，屈水屈到暈!再者就論到食物，啲腸粉勁厚皮，燒賣勁厚肥豬肉，排骨真係得骨無肉，啲豉油無味道。真係太差勁!…查看更多