跟住豬去覓食的個人專頁

煲仔沙嗲牛麵曾經風靡一時，但係慈雲山實在太遠。知道係旺角開左！又正值寒冬當然要去試下暖笠笠既煲仔沙爹牛沾麵d油多到驚⋯⋯好在食落都幾香花生味。至於煲仔既作用唔大，打卡居多啦。呢幾塊牛就加左三十蚊有d唔值呀另外仲叫左臘味煲仔飯，但太餓相都無影就食左。飯粒粒分明包裹住臘味既油香，臘腸味道正常、潤腸好腥、臘肉好鹹最失望既係煲仔飯竟然無飯焦呀！！！全餐飯最好食係你啦。茶味香濃，鍊奶味夠出加上布丁質地滑嘟嘟…查看更多

呢間鋪位置相對較入，座位都唔多。但係價錢就好親民，二人餐三百有找包餐湯、沙律、小食、主菜、飲品！湯係蒜香雜菜蓉加高湯。沙律菜唔多新鮮，醋都太甜味道一般。小食叫左薯條，連皮薯條係特別香架個醬係搽pizza個種茄醬，蒜味香草番茄味。個人就覺得唔夾。可以叫店員比普通茄汁燒雞肉嫩juice 加埋蜜糖芥末籽醬甜甜地好開胃！pizza薄批。平時千島醬都係配海鮮，其實配雞都唔錯！加埋芝士洋蔥係個不敗組合。不過留意返入面有三色椒🙊…查看更多

餐廳位於海港城，望著維港景色。樓底高空間感足。不過服務同食物比同類餐廳遜色。餐包芝士脆片好香口！麵包質地偏軟身，配甜牛油。Trio Risotto with Grilled French Oyster & Crab Meat義大利飯煮得岩岩好。芯有少少硬，口感煙韌係正宗意大利飯。cream同高湯味充滿每粒米，可惜無蠔或蟹既鮮味。蟹肉味道亦被飯調味掩蓋。Grilled US prime Ribeye (14oz)牛扒份量兩個人share岩岩好。帶筋，肉味肉質都可接受。不過調味就偏淡，醬汁更加食唔出咩味。…查看更多

出名高性價比既牛扒店。銅鑼灣呢間係街頭風。裝修同何文田分店差好遠，幾年前試過印象唔錯。唔知呢間又點呢。店員會主動問介紹餐牌上既扒，等大家可以揀啱自己想要既肉。黑松露炸薯條叫完餐就會主動上薯條，無限refill。幼薯條見唔到松露但有香味，應該用左松露油。是日特別招牌平鐵牛扒紅酒汁煮牛扒加粟米汁。牛扒用紅酒汁燉煮，微微酒香襯托肉香。聽落粟米紅酒味道唔夾，但粟米汁又真係可以清清個口既油膩感。美國390日穀飼Prime級平鐵牛扒相較下USA prime呢款就無驚喜。肉質偏硬少肉香油香。…查看更多

星期日下午茶時間坐無虛席，不過都唔難搵位。自助搭台搵位，坐低後自己出去排隊落單，連食完埋單都係自己行去留意返d位唔係亂咁坐，要對應返台上餐廳名呀！豬排調味的確唔錯，果然名不虛傳！帶少少沙嗲香，微甜。雖然成個碟底都係油，食落又唔覺不過個麵就無咩味。而且見其他米粉，通粉都一樣係分開上，可見餐廳都係主打豬扒。另外叫左咖央厚多士。多士烘完，外脆鬆軟飲品方面，瓦煲奶茶平時茶餐廳好少見。茶底與眾不同，尚算香滑，個人就唔太習慣呢隻茶味。…查看更多

旺角新開丼飯，唔駛加一，價錢唔貴。呢度裝修同餐牌設計俾人感覺好霸氣。乜蟹都有丼呢個丼飯真係將蟹入邊有嘅嘢擺晒入去，蟹膏、蟹鉗、蟹肉、蟹柳、蟹籽。不過其實有一半都係蟹柳。壽司飯偏酸。我地跟芝士蟹籽醬就有d失望，因為個醬無咩味。虎燃四皇丼入邊有火炙三文魚、左口魚邊、赤蝦、蟹棒、蟹籽。食材唔算超級鮮甜，但係都對得住價錢。當中赤蝦質地爽口，左口魚邊油脂豐富。而醬汁就揀左海膽醬，無海膽味但可以襯托出海鮮甜味。金龍卷上枱後店員會用火槍點火。啱晒鍾意打卡嘅人，啲火就冇乜實際作用既。卷食落口感豐富，味道主要來自醬料。算係店鋪特色菜式。…查看更多

平時都好少去筲箕灣，見到人share個pizza已經好想食。今次入石澳途經就黎試下。呢到唔止裝修靚，連餐具都夾埋遊樂園風格，夠曬colorful。豬鞍扒配蘋果醬午餐價錢好抵食，豬扒鬆軟，切完成碟肉汁。配上自家製肉桂蘋果蓉，酸酸甜甜好清新。仲食到少少蘋果粒。可惜幼薯條浸曬蘋果醬淋左。豬排好味覺得唔夠喉，可以大份d跟餐叫左熱檸茶，呢到既餐具都好靚呀。義大利布袋芝士pizza店員會幫手分布袋芝士，呢隻芝士偏向奶香creamy。加埋ham、番茄醬、香料同各式芝士好夾。而批底看似好薄，但好煙韌有口感可惜等左半個鐘都唔夠熱，pizza熱辣辣一定會更加好味！…查看更多

好靚既海邊cafe，可以揀坐室外/室內。簡約白色裝修加埋藍天白雲，係relax既！呢到既生活節奏比市區悠閒好多呢。見到大家都叫蛋糕，可惜當日太飽食唔落，下次有機會一定要試埋佢。煙三文魚全日早餐全日早餐份量少，價錢進取。煙三文魚新鮮，唔會太鹹帶甘香。番茄同菇多汁又香但係凍冰冰既。而燒蕃薯加左孜然粉真係唔夾咖啡有得揀nutty定fruity同埋奶。我就揀nutty whole milk。奶香濃郁反而有d蓋過咖啡味。煙燻手撕豬肩肉墨西哥卷 手撕豬酸甜開胃，入面卷左牛油果同菜。個皮都好薄身，唔好睇佢細細件都好飽架。另外，炸蕃薯條必食！外層粉漿好脆，咬開入面蕃薯有入口即溶既感覺…查看更多

返工前食個快飯，坐低到上菜唔駛10分鐘，岩曬趕時間既人！午餐可以揀前菜主菜飲品。我就揀左招牌生煎包，煎到一面脆卜卜。雖然個包比淨係做外賣既鋪頭細隻左，但依然係爆汁！而且感覺無咁油膩。豬排味道同叉燒差唔多，表面搽咗蜜糖~質地呢就比較硬難咬開啦。菜飯有陣豬油味，菜既份量唔多。加埋暖豆漿，簡單又舒服既一餐。…查看更多

一直都以為呢間係Cafe，直至入去睇Menu先知係泰國菜。不過就算係都係fusion泰菜。食物份量偏少，價錢同質素都唔成正比。香辣金不換黃牛飯呢個飯應該貴在和牛。但係舊牛就冇和牛應有質素。無油香，又做唔到入口即溶。反而飯嘅質地唔錯就算溝咗紅米都唔會好硬。香草蜆肉意大利粉碟意粉望落好靚，食落好失望。首先意粉質地超級淋，冇味之餘仲要成碟水沙爹豬頸肉豬頸肉係全餐最好味嘅嘢食~炭燒豬頸肉肉質彈牙。麵包呢個配搭我諗唔明，普普通通啦。…查看更多

成日經過都見小店外大排長龍。雨天加上時間尚早未見人龍，係機會去試下啦先黎個小食，叫主菜加$25就有啦！咁抵食無理由唔叫埋！味道不過不失正常水準黑松露軟殼蟹義大利粉軟殼蟹炸到好油膩意粉質地過軟。醬係香滑既不過黑松露味就差d啦。千島醬蟹棒蟹籽帆立貝薄餅pizza既質地估你唔到，唔知以為食緊餅乾除左成個pizza好乾芝士有d漏，其他係正常既！當然都唔會expect有靚料海鮮啦。黑糖薑茶、蜂蜜檸檬兩杯野味道都幾淡下…查看更多

酒店package入面揀咗呢間餐廳。貪佢可以望住個海景食飯夠曬氣氛，係慶祝既好選擇！餐包呢度嘅包比唔算特別出色但係對於鍾意食包嘅人，烤到脆嘅麵包加埋牛油香草橄欖油係必備既前菜三款麵包都係西式麵包。黑色嗰款就最濃麥味～洋蔥湯+芝士包成碗湯都係滿滿嘅洋蔥鮮甜，雖然樣貌不討好但有簡單樸實既味道。先香芝士脆脆加發包就好似芝士條一樣。蟹肉沙律同我想像中嘅沙律好唔同。表面有薄切芒果、中間creamy蟹膏蟹肉、底層有煙熏味啫喱三者好融洽。仲有牛油果黑醋沙律菜。比目魚卷配紫薯蓉及風乾番茄忌廉汁見係銀獎菜一於就試下啦！魚皮脆脆地，魚味濃但係就有d老啦。好在source夠creamy加埋食就滑d啦。中間卷住香料調味既魚肉蓉。配菜用牛油煮過又香又邪惡不過朱古力醬伴碟真係理解唔到⋯加拿大極級肉眼牛扒牛扒質地超淋、鬆軟，平衡到肉味牛油味但都偏淡口。另外附上蒜蓉汁、蘿蔔wasabi、紅酒汁、鹽同胡椒比你自己揀。酒我就無咩了解，不過幾易入口。少少鹽加檸檬汁好fresh…查看更多

無得去旅行唯有去食台灣野頂住癮先啦🤤雞排便當便當除左雞扒同飯之外仲有配菜。醬燒茄子、蒜蓉生菜、清炒豆芽同滷蛋，係家常菜味道。雞扒成個碟咁大塊但就比較薄身，顯得炸漿過厚同油膩。同埋飯比汁浸住個人就唔係太鍾意啦起司肉鬆蛋餅拉絲芝士份量十足，但記住要趁熱食呀～唔係芝士變硬左就唔好味啦！肉鬆味道好淡呀，就算落左好多都無咩味。食到膩仲可以點個蒜味甜醬油清新下炸甜不辣係炸皮薄超煙韌帶魚味既甜不辣，味道愈嚼愈甜。亦都灑上椒鹽粉提鮮。美中不足係少緊個醬同望落油淋淋！青蛙撞奶(微糖、熱)成日係台灣見到青蛙撞奶，今次叫黎試下原來係冬瓜茶+鮮奶+珍珠。微甜岩岩好，珍珠Q滑，冬瓜茶同奶香唔會搶味。未試過既推薦大家試試！…查看更多

星期日六點左右黎到已經見人龍，等左40分鐘終於有得入去啦！環境企理光猛，不過waiter就好似唔想做野咁🤔等左陣都未攞餐牌黎。見到空碟，檯面又唔夠位擺野食都唔會主動幫手收碟。生蝦平均$12隻，肉質彈牙。蝦頭炸到脆卜卜，又唔會好奇怪wo！好似平時食炸野咁～都係第一次見會炸埋蝦頭，有心思蒜蓉包燒得岩岩好，香脆有濃濃牛油味可惜就無咩蒜蓉味啦泰式冬陰功入面有菇、番茄同少少蝦，配料味道正常。不過個湯好酸仲鹹到苦泰式燒雞翼雖然只係好普通既燒雞翼，但火候控制岩岩好。唔會太熟保留肉汁燒牛肉見好多人推薦滿心期待咁叫，但真心失望。舊牛本身就好瘦仲要有筋。加上燒既火力唔平均搞到中間全熟，真係咬都咬唔開。另外個醬同牛一d都唔夾。泰式燒豬頸肉相反豬頸肉爽口，香得黎唔會肥到漏。醬雖然同牛肉一樣少少酸辣重香料味但帶出到豬味。泰式炒金邊粉大大碟粉，過濕，味偏淡。馬拉盞炒通菜又係成碟水呀⋯唔係太食到馬拉盞既味道。泰式西瓜沙冰、芒果沙冰、百香果沙冰沙冰類質地打到好綿密，明顯都係水果加糖水。最好飲就係芒果沙冰啦，飲得出係用泰國青芒，清新味道好適合濃味泰菜呀。椰青每次叫椰青都係靠運氣，因為隻隻既味道都唔同。今次叫左兩隻椰青，都一樣咁甜，果肉又淋又滑…查看更多

估唔到烏冬都有咁多選擇，海苔、蛋烏冬平時都好少見！但留意返個d都係冷烏冬黎架～餐牌仲好細心咁寫左唔同湯底入面既配料。骨付雞其實係bbq蜜糖雞脾燒到肉嫩多汁 ，外皮脆卜卜！仲帶d炭火香。調味就偏甜少少。鍋仔燒烏冬好有咬口，彈牙得黎唔會咬唔斷個種牛肉同蛋都好高質可惜湯底偏鹹鮮甜度不足天婦羅有冬菇、茄子、多春魚、蝦、魚。天婦羅粉漿脆而唔厚，天婦羅蝦仲特登包左麵包糠。但炸茄子有d索油🤔廣島牡蠣半湯烏冬蠔新鮮，炸得岩岩好咬開有汁呢個湯底比鍋仔燒鮮味好多亦唔會死鹹…查看更多