雞排便當
便當除左雞扒同飯之外仲有配菜。醬燒茄子、蒜蓉生菜、清炒豆芽同滷蛋，係家常菜味道。雞扒成個碟咁大塊但就比較薄身，顯得炸漿過厚同油膩。同埋飯比汁浸住個人就唔係太鍾意啦
起司肉鬆蛋餅
拉絲芝士份量十足，但記住要趁熱食呀～唔係芝士變硬左就唔好味啦！肉鬆味道好淡呀，就算落左好多都無咩味。
食到膩仲可以點個蒜味甜醬油清新下
炸甜不辣
係炸皮薄超煙韌帶魚味既甜不辣，味道愈嚼愈甜。亦都灑上椒鹽粉提鮮。美中不足係少緊個醬同望落油淋淋！
青蛙撞奶(微糖、熱)
成日係台灣見到青蛙撞奶，今次叫黎試下
原來係冬瓜茶+鮮奶+珍珠。微甜岩岩好，珍珠Q滑，冬瓜茶同奶香唔會搶味。未試過既推薦大家試試！
