solarys的個人專頁

野食味道係唔錯既價錢偏高 2個人晚餐食食900蚊 份量唔算多收加一服務費再另加每人15蚊醬料費等蝦片有得refill個湯底ready左但一路唔上碟肉拼盤同串燒等左半個鐘都無，催單先有餓到要係咁食蝦片嗌左埋單後,等左成十五分鐘先終於有人埋單間餐廳咁大得1個人負責收錢有其他枱既客人頂唔順直頭親自走左去佢個信用卡機間房搵職員埋單覺得服務費相當唔抵…查看更多

早幾日買左個餐，口痕買多個大判燒，有蟲痴住底初頭以為鍋焦望真啲有腳既！差啲想嘔返出黎係食到最尾先見到因為食個時無係包裝袋到拎出黎應該無掂到隻蟲唔知算好彩定唔好彩因為拎左返公司食收工又唔記得返去投訴唯有post上黎…查看更多

今日兩個人食野，黎foodcourt諗住平靚正快分別嗌左一個西京燒比目魚定食同海鮮意大利飯係兩個唔同既counter西京燒個個落order個時職員已話要等15分鐘咁等15分鐘都正常既因為要燒海鮮意大利飯個個就無話要等點知個西京燒仲快過西班牙飯 大概等左4個寺個西班牙海鮮飯等左半個鐘都仲未有 出去問啦 原來都有其他人等緊個職員話因為要等夠4張單先會煮個飯大家就一齊鼓躁真係搞笑 如果我知道要儲夠單先煮我就唔幫襯啦 點知等齊單要等幾耐谷鬼氣 勁肚餓唔夠10分鐘已經食完 食仲快過佢煮一兜飯…查看更多

某日心血來潮,想去西環睇日落。可惜天公不造美,大大舊雲遮住太陽,所以唔等日落,六點半左右就去食晚飯。西環真係唔熟,其實隨便係openrice搵到呢間意大利餐廳。黎到既時候,餐廳仲未有人。老闆同店員都係外國人,而老闆應該係意大利人。老闆出黎問我地有無訂枱,我地話無。老闆入去睇一睇佢份booking list,數過有一張枱剩,就比我地入去。張枱都幾細,不過明白係小本經營,應該個晚都幾full booking。好彩有位啫。我地嗌左Caesar Salad,Classic Margarita Pizza,一個special意粉同埋甜品tiramisuCaesar Salad菜非常新鮮,都足料,面撤左好多parmesan cheese。Classic Margarita Pizza最傳統既PIZZA最容易睇到個間餐廳整PIZZA好唔好食。MENU寫住係Stone baked pizza,石烤的。唔知係咪呢個原因,pizza特別香脆同有風味,呢到既pizza比較特別,唔會話好厚。而Margarita既配料都好好食。一流!Special 忘記名了其實呢碟意粉係我睇店內有個寫住special既黑版到有然後嗌,已經唔記得叫咩名。係大蝦蕃茄醬意粉,少少辣。蝦新鮮，意粉好正宗,似手工意粉,但唔知係咪佢地自己整。蕃茄醬再加少少辣好好食。Tiramisu同樣地,去意大利餐廳,點可以唔叫傳統既tiramisu呢!真係要正宗意大利餐廳先會整得好食。出面既Tiramisu硬掘掘,正宗tiramisu應該係好鬆軟的。而Bresola既tiramisu正正就係軟綿綿再配上清香既咖啡味。我地兩個人食左900幾蚊(有嗌普通野飲),不過氣氛好好,服務更加係一流。老闆成日走黎關心啲食物岩唔岩我地口味,問我地意見。P.S. 我當日唔小心跌左隻好細既耳環落地,搵極都搵唔到,老闆當場幫我搵,但搵唔到。佢同我講話會收鋪清潔個時再望,到11點左右打黎話搵唔到,夜晚比較黑,會係第二朝開鋪前再幫我搵搵。點知第二日真係搵返!!!!!!!!!!好彩咋!!!!!!!!!!!!!!!!Thank you for the owner of the restaurant and staff, they helped me to find my lost earing. Nice food and excellent service, I will come again and try other delicious food!…查看更多

曾經去過日本食美食車賣既刨冰,覺得不外如是。純粹係食冰而無其他味,同細個睇小丸子入面講到好似美食咁既印象差好遠。不過都有可能係因為我唔係去刨冰專門店,所以中伏。呢間刨冰店,早有聽聞。先於銅鑼灣開店,大受歡迎,最近再係中環開分店。老闆係日本人,而製造刨冰既冰係來自日本，雖然食唔出有咩分別。店鋪好有傳統日式小店既裝潢風格,好似置身日本既刨冰店咁。刨冰用上刨冰專用既玻璃器皿,再加上刨色顏色搶眼,賣相超級適合打卡!我最愛就係食草莓Special味配北海道牛乳奶涷。首先佢個外形已經好靚,好似一個粉紅色既綿花糖。味道有濃濃既草莓牛奶味,食到一半裡面配上北海道牛乳奶涷係更加出色!草莓,奶,冰,奶涷呢三個配搭得簡直天衣無縫!另外再嗌左個芒果乳酪味刨冰,芒果同乳酪味好重,甜甜的帶點酸，又係好夾。不過發生左件趣事，因為芒果刨冰係附送一小杯奶(?)比你淋落去，我懷疑係個奶唔夠涷，一淋落去，即刻溶左一part仔冰應該杯冰一黎到就即刻倒，我地食左一陣先淋就搞成咁,可能比我地放暖左雖然呢到一杯刨冰賣80幾90蚊,但環境,食物造型,食物味道都令人滿意,再加上係港島區,都算抵食。一個人其實都唔會食得哂,起碼要兩個人先食到一杯刨冰。難怪去親呢間刨冰店,都要排長龍啦。由其香港夏天咁熱,行完一輪,真係忍唔住想入去食返碗刨冰!…查看更多

我知道幾年前係上水既Cafe Je T'amie正正係添飲咖啡館前身。當時都想去，不過上水舊店實在太受歡迎，但店面非常細，所以直至到關門大吉都未曾去過。疫情影響，令到假日既活動大減，又唔想去人多既地方，於是就試下呢間位於舊粉嶺裁判法院既咖啡館。是日係補祝我一位朋友既生日。兩個女仔都食唔到多野，黎咖啡館就岩哂。係到提提大家:由於疫情關係，餐廳要預先預約，唔接受walk-in。，並且分左三個時段。而我地就訂左午餐時段。呢到環境幾舒服，餐廳門外有唔少盆栽，係餐廳自己種既。如果合眼緣，係可以買走佢的。價錢都幾合理。帶毛孩既可以坐係出面食。餐廳裡面因為全部都係玻璃牆身，所以會比較嘈雜，我同朋友兩個講野都要講得大聲先聽到大家講咩。呢輪我地兩個都食得熱氣，所以嗌比較健康既食物。我地嗌左個沙律同意粉。沙律好豐富，兩個人食岩岩好!菜好新鮮，烤腰豆都好香原先我地諗住58蚊一碟意粉(跟蘋果梳打或咖啡一杯)應該會細碟，諗住如果唔夠食再嗌，點知份量都ok!係正常既一人份量。味道唔錯，唔似罐頭現成醬汁我地兩個女仔share食都岩岩好。食到中途，有店員拎左兩杯細細杯，涼陣陣既紅豆沙，話老闆多謝我地黎食，請我地飲的。非常足料，佢唔係真係平時好杰個種紅豆水，相對稀，而味道都無咁，比較健康意猶未盡，再加上本意係補祝生日，就嗌左件cake食。嘩，一見到柚子卷蛋，同友人既少女心即刻大爆發!咁靚既!即刻要相機食先柚子卷蛋味道清新，配埋花瓣一齊食，會更加好食係食個用餐過程，都有位女士店員好關心我地，睇下我地對食物既評價不過唯一有件小事，原本跟意粉杯蘋果梳打消失左，到埋單個時先發覺係喎，食得太開心，都唔記得杯野無出現過!同店員講返，都好快沖返左杯梳打比我。食物都服務都不錯，會再來試下食其他食物的。呢度除左有盆栽賣之外，仲有d生果啊，小食，醬料買。大家去食既時候不妨順便睇下…查看更多

見呢間餐廳價錢相對平，而且比起普通茶餐廳既食物有點特式，而且係茶餐廳類型既食物，應該衰極有限掛。豚肉煎蛋飯(跟咖啡或茶)聲稱係西班牙豚肉，食落味道都ok既，但乾身左少少囉。同埋個飯乜醬都無，食到口涸。同埋旁邊既菜都係用水烚過就算，完全無任何調味。既然佢想走中價茶餐廳路線，應該要有誠意啲掛。少少沙律都好丫。薄西冷牛扒飯(跟咖啡或茶)呢個飯男友差評!佢話仲衰過茶記啲碟頭飯。舊牛扒好柴，煮到好老，調味欠缺，只得醬油。同樣，個飯又係好dry同啲菜無味。雖然都預左尖沙咀呢種高檔路線食個茶記都會寧捨貴，但呢間似乎比起出名個一兩間冰室既水準差天共地，就連普通茶記都比唔上。誠意欠奉。…查看更多

我大約一年前黎過呢到食，覺得環境都舒服，又可以坐得耐。食物就不過不失啦，係出菜有少少慢。事隔一年再黎食，覺得水準大跌。首先，出菜真係好慢.....我等左起碼半個鐘，我個五品料理先到.......開頭叫五品料理呢，係因為見佢同muji cafe既五品料理相似，都比較健康，同埋可以食到唔同餸，所以就叫黎試下。五品可以叫2個熱盤，3個冷盤，當日大約8點3左右上到，但冷盤已經得返三款可以揀。我就揀左糖醋豬柳，鯖魚，蔬菜蛋同埋溫泉蛋，豆腐秋葵。其實每樣都細細份，應該可以好快出到菜架喎，仲要有三樣係冷盤黎既，唔明點解可以搞左超過半個鐘，不過我見佢廚房手忙腳亂，都廢事催佢。好啦，五盤入面有兩個盤都唔好食既。另外三個叫做正常，仲要豆腐同秋葵本身都好易整，淋日式沙律汁就可以了。蔬菜蛋餅涷食真係唔多好味我唔識形容，可能熱食會好啲。然後個溫泉蛋，有水浸住，可能又係因為涷食既關係，好唔match。我覺得自己好似食緊雪櫃拎出黎既雞蛋咁。我覺得溫泉蛋唔應該涷食,可能改做溏心蛋會好好多!我覺得好唔抵食，無印既價錢，但無無印既質素...我唔知其他食物點啦，但五品料理真係唔得。…查看更多

疫情情況底下，假日間既活動選擇大大減少。諗唔到有咩做，就去咖啡台店坐下，享受靜靜地既下午。呢到既裝潢係以木為主，牆身掛上乾花裝飾，感覺舒服店面細，只可以容納10幾個人(連出面既位置)，餐廳人數限制之下，就只招待到幾個人。好好彩地，我去既個日並唔駛等位。雖然佢係咖啡店，但除左輕食之外，都有正餐食!同男朋友一人嗌左一個lunch set menu因為好肚餓lunch set係可以免費配39蚊以下野飲或者加錢轉其他。我叫左杯奶醬啡~因為佢menu既賣相實在太吸引啦~我亦係奶醬既fans,有奶醬相關既野飲當然要試啦，就加錢轉飲品賣相係相當精美既而且杯邊都有朱古力同花生碎，我真係連杯邊都唔放過，lam埋杯邊至於杯咖啡本身呢，就有淡淡既花生香，咖啡味就唔重，但又唔係話無咖啡味既。我自己就幾鐘意飲啦，因為咁樣岩岩好，唔會太heavy。特別要提一提，呢到既咖啡似乎都會配上一個小小既咖啡蛋糕，係自家烘焙既。形式都好似粒咖啡豆咁，口感類似日本豆沙餅，味道都似既，不過甜度剛好同埋有烘焙香，配咖啡真係一流!如果想買的話可以25蚊買到5個，幾抵。入正題，講下我既正餐先-原條鰻魚溫蛋配日本飯我想講呢個飯真係超抵食首先，佢有滿滿既蔬菜沙律外食真係好難有蔬菜食，除非你嗌沙律或者炒菜之類但呢到一啲都唔姑寒，即刻感覺健康左。然後呢，真係原條鰻魚，大大條加上鰻魚汁，好好味呀!滑蛋就可以減膩，因為鰻魚汁始終食得多會有點膩。成個配搭好balance，我有種感覺食緊日本洋食既感覺好抵食，食完即刻飽飽呢個係男朋友既慢煮豬軟骨飯，因為當日店鋪無哂牛肋骨，就改左做豬軟骨。話明慢煮，係會等耐少少。呢個一樣都好好食，而且又有大大塊紅蘿蔔同一隻蛋，份量都唔少，豬軟骨炆得好入味，不過比起我個鰻魚飯，我就覺得鰻魚飯性價比高啲不過都幾唔錯。我寫完呢篇食評就已經好想搵日再去食啦大家不妨一試，不過可能要等位。…查看更多

好多人買散水餅都選擇crazy pie，因為size適中，價錢實惠，送人完全唔失禮之餘又可以錫住個荷包。我都聽人介紹過，但我自己一路未有機會食。行開觀塘區，決定買件黎試下係咪真係咁正先上到去，地方唔大，堂食得一個小型bar枱位，可能因為佢地主打係預訂order，都唔預多人堂食，不過幾乾淨企理既。有幾款選擇，d pie賣相全部都唔錯我買左紫米紅豆麻糬，因為轉頭要食飯，諗住食d無咁heavy既味疫情關係，無得堂食，買兩件有折，男友買左一件朱古力味既。(不過我無試佢個個，佢自己食哂一件)食落有淡淡既紫米牛奶cream香，再配埋紅豆，好match，夠清新最正係入面有麻糬，煙煙韌韌，而麻糬都唔會太甜，所有野都岩岩好!推介大家食呢款撻!crazy pie既撻當tea食應該幾岩，我食個時比較晏，到食晚餐既時候好快就飽左因為撻size都有手掌心咁大，仲要有麻糬係入面呢…查看更多

黎呢到係試食招牌海南雞飯既，見呢到環境唔錯，價錢都合理，一於試試佢啦。我幾鐘意碗雞湯，內面仲有豆腐做配料至於雞亦都夠嫩夠滑呢而呢到既甜品都好特別，好明顯係fushion風系列既甜品，有純新加坡風味，亦有混合港式既甜品。今次兩個人就嗌個美祿刨冰配意大利芝士蛋糕，睇個名都知佢夠邪惡啦佢既份量一啲都唔細，兩個人食完係會飽到捧住個肚佢成碗野都鋪滿哂美祿啦，有朱古力脆脆，內面就有雪花冰同tiramisu 大家係咪覺得會好“流”呢?事實上內面既牛奶綿綿冰令到成個甜品light返哂，平衡左各種味道，唔會覺得重口味。而整個甜品既口感都好正，有軟有硬我地兩個食唔停口，大讚呢個甜品足料抵食下次會再試其他甜品…查看更多

呢到既甜品好明顯打卡一流，造型以模仿港式食品為主。次次經過都排長龍，今次見有時間，一於排隊等下。我嗌左個黑白淡奶，其實其他既造型都好可愛，但我見佢話有海鹽焦糖，我一向都鐘意食呢個配搭，就揀左佢。男友肚餓就嗌左個蘿蔔糕英式鬆餅配炒蛋。野食黎得好快，我個黑白淡奶果然同相一模一樣。menu話佢係海鹽焦糖牛奶布甸。奶罐造型係白朱古力，但唔會太甜。打開個蓋就係海鹽焦糖布甸勒!頭一兩啖都覺得幾好味既，但食到中間就覺得過份甜!食幾啖黎會發現入面有塊疑似係檸檬味既海綿蛋糕，但問題係，入面沉滿哂好似練奶既汁，甜度漏!甜到“拿”喉!食完舊蛋糕之後，個底又有返海鹽焦糖布甸，但底個part海鹽太重手，變到好咸。。。成個甜品得個樣!呢個係蘿蔔糕英式鬆餅配炒蛋，非常fusion既配搭。個鬆餅係幾香既，蛋都好食。但問題係呢，為左要有蘿蔔糕既風味，佢加左臘腸係入面，但佢啲臘腸都幾咸，而又唔似蘿蔔糕咁有醬點，所以臘腸同個鬆餅加炒蛋唔多夾。某d位無臘腸，就咁鬆餅同炒蛋就幾好食。聽人講，呢間餅店同餅師係紐約係幾出名的，但我覺得於名過其實，得賣相好，味道認真麻麻。不過佢出名既牛角包應該唔錯，排隊個時店員比左啲我地試食，好香好軟熟。可能剩係食牛角包會好啲。其他就。。。…查看更多

早排男友生日，經朋友推介，揀左呢間。其實之前經過銅鑼灣個間，都成日見到大排長龍架啦。至於何文田呢間，位置就隔涉啲，唔係大街大巷，真係唔特登搵都唔會搵得到。之前睇過篇訪問，老闆話為左可以令食物價錢合理，所以特登揀租金平啲既地段。為生日做好準備，早幾日就經餐廳網站預訂左座。好彩一早book定咋!當日去到，店外已經大排長龍，因為店面比較細，目測只可以裝到20多個人。店入面比想像中細，如果兩個人食的話，係無卡位坐，坐得無咁舒服。呢度比較適合聚餐多過二人世界甫一坐低，就有侍應幫我地fill新鮮炸既薯條。我係超級薯條控黎，所以無限薯條都係吸引我黎食既原因。薯條本身灑左白松露粉，所以食起黎有淡淡松露香。如果想加茄汁食，都無問題。食左少少薯條填住肚，就嗌正餐食啦!我地一人要左一個平鐵牛扒，我係black jack，男朋友就食貴啲既穀飼牛。老闆?定唔知侍應會推介幾成熟最好食，我地跟佢建議。我地亦嗌左個沙律餐湯set,48蚊，好抵。唔駛成餐得肉咁寡，平衡返。是日餐湯係蕃茄忌廉湯。蕃茄味岩岩好，唔係罐頭個種茄膏味，個湯亦都夠creamy。藜麥沙律我唔記得左影，醬汁係黑醋黎。份量係正常一人size，唔駛驚食兩三啖就無哂。扒製作時間比較耐，我地期間係咁食薯條其實都怕會食到飽飽地，但真心抵，平時嗌碟薯條都幾十蚊啦首先黎到既係美國390日prime級穀飼平鐵牛扒5成熟，睇得出岩岩好，肉質嫩滑，都食到穀飼味，但男朋友嫌調味略為淡。不過呢個價錢有咁既份量真心抵。再黎既係我個黑桃black jack flat iron平鐵牛扒一捧上黎，個醬汁勁香濃個醬汁係秘製，有黑咖啡同蜜糖。牛扒肉質都係嫩滑的。頭幾啖係幾好味，不過越食越膩，去到最尾唔想再食。。。同埋個汁太濃，我食唔到原有既牛味。好彩有塊桃去下膩姐。當日我地仲有食蛋糕，餐廳無收我地切餅費所以其實慶祝生日係ok架整體黎講，我覺得不過不失，至少真係夠飽先啦!但牛就無想像中咁出色，不過一分錢一分貨啫~有任食薯條都好唔話得啦!…查看更多

齊柏林熱狗，呢間熱狗專門店我久仰大名好耐!好多人推介，但因為總台分店都唔就腳，所以一直未有機會去嘗試。是日黃道吉日宜食熱狗(誤))))))))，其實係想食過幾條街既漢堡包店但無開，就諗起呢間成日聽到但無機會試既小店，一於試試佢店鋪為於士林食街，食街好似台灣士林夜市咁，都係小食店黎既。芸芸食店當中，就係呢間齊柏林熱狗最多人，而佢店舖都憑著鮮黃外貌吸引眼球，一眼就搵到佢勒!熱狗都算幾多選擇，但因為我呢排比較熱氣，就選擇左士林原味熱狗。加12蚊仲可以揀兩款小食或飲品添!其實d薯條都好吸引但因為我怕傷風翻發，所以忍住唔食我平時最愛既薯條:講咁耐都未入正題添!由於實在係太好食，我剩係記得影個盒，就一口氣食左...對唔住大家我真係估唔到一個熱狗可以同時有4隻醬，包括茄汁，黃芥末，燒烤汁，同酸瓜醬!除左燒烤汁唔係好食到之外，另外三隻都食到既!:::::::食既時候已經下午5點，食完當堂覺得飽，大滿足ga nei!等我下次好返既時候要再試其他同食薯條:…查看更多

返工附近實在無咩好野食，而且食到厭哂!!適逢有外賣公司做緊promotion，於是就試下嗌同事推介話好好食既越南pho外賣我嗌左個香燒豬頸肉湯粉(唔記得影相)超好味，個湯望落清清地，但其實酸酸甜甜超開胃!係我最鐘意既味道，有d似泰式蒸烏頭個隻湯既味!而且佢仲有青檸比你吱落湯到提味!豬頸肉亦得燒到好香，食麵既話豬頸肉係唔跟醬，但都好好味!我自己就轉檬粉，一樣好好食不過個份量一般，如果係男仔食既話可能略嫌唔夠飽。真心提供比大家，價錢都抵食架…查看更多