mother_christine's Profile

‼️星期日至四有半價串燒優惠居酒屋競爭一向都好大！如果冇返咁上下實力，就唔可以喺銅鑼灣屹立咁耐😗仲要呢間舖頭有成700+個好評👍🏻坐低就同日本居酒屋一樣，即刻奉上前菜，新鮮蔬菜+味噌醬汁再加牛蒡😋「刺身盛合五款」有齊赤蝦、油甘魚、魚生、帶子、北海道海膽！無論係魚生、帶子都一樣厚切！北海道海膽太鮮甜😛略嫌有啲唔夠喉😙講到最有特色嘅串燒一定就係鹽燒「豬雜」！先講豬雜出邊都唔算好多地方可以食到，尤其是滷水就比較多😗都係第一次見鹽燒咋！大路嘅串燒，除咗雞翼、玉子燒、鹽燒鮑魚，比較特別就係分別以蘆筍蘆、紫蘇卷、芫荽卷、九條蔥包裹嘅豚肉卷！🐷估唔到呢度仲有日本三大名魚「喜之次」鍾意食魚嘅朋友，必定要嗌呢款，用咗一夜干技術，做法繁複，大大保留魚嘅鮮味，仲產生獨特的鹹香和風味！最後仲嗌埋甜品「港式雞蛋仔 」 同出邊嘅雞蛋仔其實有少少唔同，相信個粉漿都係特調，口感就比較似鬆軟既雞蛋！嚟得居酒屋點可以唔飲啤酒，$98 就可以飲足90分鐘，就算唔飲酒嘅朋友都唔緊要，仲有啲低酒量啲嘅果味汽酒👍🏻// 𝐎𝐮𝐫 𝐎𝐫𝐝𝐞𝐫 ///✦ 前菜 $32✦ 牛蒡 $38✦ 刺身盛合五款 $328✦ 原條 喜之次一夜干$268｜ ＄16＠1、＄29＠2✦ 焦糖玉子燒 ✦ 港式雞蛋仔 ｜＄22＠1、＄39＠2✦ 雞翼串｜＄30－＄38✦ 豬腰子 $30✦ 蒜芯豬肉卷 $32✦ 紫蘇豬肉卷 $32✦ 豬肝串 $32 
✦ 豬小腸 $34@1✦ 豬生腸 $34@1 ✦ 九條蔥豚肉卷 $34✦ 豬大腸串 $36@1✦ 西班牙黑豚肩肉串 $38＠1✦ 西班牙黑豚豬頸肉 $38＠1✦ 西班牙夾心肉 $38@1✦ 豬顎骨 $38@1✦ 露筍豬肉卷 $38✦ 鹽燒鮑魚 $38｜飲品✦巨峰味汽酒 $46✦巨峰梳打 $38…Read More

朝頭早真係好需要叉叉電！「Jomo hub」幾有趣，同酒吧分租，朝早做cafe☕️，夜晚就回歸本業做酒吧🍸俾佢個banner吸引左🫡 「咖啡是成年人白天的酒」，講得有幾有道理！啱啱新開，所以同主理人傾咗兩句，呢間Cafe係由一班啱啱畢業嘅學生創業，先開咗兩個星期，暫時食物種類唔算好多，主要都係bagel，鹹甜都各有選擇！我問🥯 signature究竟係邊一款，佢哋就推介咗我「蛋白質綠洲」、「紫霧迷蹤」。我就試咗其中一款「蛋白質綠洲」雞肉就係天天慢煮2小時，所以個肉質都幾嫩😆反而coffee有驚喜！呢度嘅飲品都係佢哋嘅自創款式，自己就真係唔係話特別識飲咖啡，比較喜歡一啲偏甜嘅口味。「初吻法則」 上層一層好厚嘅奶泡，奶泡比較棉密，唔會一攪就溶哂係咖啡☕️最底層用咗士多啤梨醬，攪勻先好飲，層次分明，比起用一般嘅糖水特別，最底層係酸酸甜甜，中層帶點咖啡獨特嘅香氣，而上層就係厚重嘅奶泡！商談甚歡，主理人仲請我飲咗，佢哋啱啱新整嘅飲品「Tiramisu coffee」（應該個名都係隨便改🤣） 我話個Tiramisu真係幾好食，原來呢個係佢哋自己整嘅甜品👍🏻 原來食到最尾，又溶左少少，杯啡溝埋個cream，個效果又會變咗另一樣嘢！依家啲後生仔真係好多諗法諗！😙希望佢哋要做越好啦💪🏻✦ 蛋白質綠洲 $68✦ 初吻法則Kiss & Tell $43（50%off)✦ Tiramisu coffee $??…Read More

之前一直幫襯開中環IFC分店，估唔到而家喺旺角都開咗分店🍪 IFC 行摩登裝修，而旺角分店大搞香港元素，店舖裝潢滿滿香港特色、舊香港情懷🙊香港創立的品曲奇 ，由口味設計、烘焙到包裝都在自家餅房進行，將傳統粵調味料和獨特食材結合，例如：蝦膏、蝦米、XO醬、蔥油雞、紅棗等等食材融入食譜😝今次試左得獎 「朱古力果仁脆脆」，朱古力味唔會太甜，每個都係細細塊，一啖一塊！「快樂果醬曲奇禮盒」入邊啲曲奇餅，竟然用咗港式風味嘅果醬，除咗經典士多啤梨果醬，仲有荔枝菠蘿，我就比較推薦後者😙曲奇餅最推介就係「XO醬曲奇」，講識得黎，又好味，鹹香鹹香咁！🤣舖頭有多款星級得獎產品，夏威夷果仁鳥結糖、原味牛油蝴蝶酥、鹹蛋蝴蝶酥、紅棗曲奇、朱古力果仁脆片🍪✦ 朱古力果仁脆脆 $148✦ 快樂果醬曲奇禮盒 $148✦ XO醬曲奇 $168…Read More

近排最鍾意嘅燒肉店「The Jeju 」終於由旺角開到港島中環！店舖主打「168小時低溫熟成罈子五花肉」，由旺角嘅兩個櫃，到中環開店增設到四個熟成五花肉櫃，可想言之佢哋嘅五花肉係幾受歡迎！連牛魔王嘅我，嚟到呢度都淨係會睇住佢哋嘅五花肉set嗌😌兩個人嚟食，叫B SET就啱啱好！見到佢嘅Menu好似有更新，「炸醬拉麵」之前就冇得揀+芝士雞蛋，未食過，今次就試吓🤨「韓式芝士蒸蛋」 上次食嘅時候又冇留意有粟米，今次就留意到啦！「芒果奇異果沙冰」、「漢拿峰百香果沙冰」、「漢拿峰梳打」，沙冰係好飲，唔會成杯都係冰水，所以order完一杯又一杯！如果計打卡嚟講，一定係濟州爺爺好睇！呢個「烤糯米糕」 外型真係唔算特別！但係可以好負責任同你講，呢個「烤糯米糕」真係好食，首先鍾意麻糬嘅一定唔可以放過😝第二，佢會煎到嗰邊脆卜卜，再好似切蛋糕咁分開幾件，煙煙韌韌仲好香脆！新Menu嚟講大推「烤糯米糕」 ‼️✦ B SET $376（2-3人）- 罈子五花肉 450g- 炸醬拉麵- 芝士雞蛋 +$20✦ 韓式芝士蒸蛋 $68✦ 烤糯米糕 $70✦ 芒果奇異果沙冰 $48✦ 漢拿峰百香果沙冰 $48✦ 漢拿峰梳打 $48+10%服務費…Read More

周街有咁多燒肉店，偏偏呢間「壽喜燒·肉屋」，連平日分兩段時間都可以Full house，冇返啲planning 都好難，突然間可以Walk in去食🤨「肉屋」初頭只係以外送為主，近年仲開埋餐廳，主打高級食材🐮🥩日本文化及正宗壽喜燒體驗，用膳期間侍應會幫手烹煮，逐一介紹食材！呢樣勁抵讚👍頂級「京都牛鍋x壽喜燒極致盛」有三款前菜：芥末八爪魚野菜、柚香脆豆腐、芝士炙燒和牛卷，比較突出嘅話就係「芥末八爪魚野菜」，芥末味道比較淡一點，不會太搶八爪魚野菜味道，八爪魚非常爽口！是日精緻小食「檸檬の牛舌」，好似食吐司咁厚，仲可以用爽口彈牙形容！最畫龍點睛，就係附上柚子醬，柚子醬嘅酸甜令牛舌嘅味道變得鮮明！👅（如果星期二過嚟食，三個人仲會送多碟俾你😜）終於嚟到期待已久嘅主菜「炙燒焦糖肉眼芯牛鍋」雖然話得75 g，其實佢都有女仔手掌心咁大🤚🏻🥩仲要係勁吸引嘅厚切😫店員真係照足日本食法用糖起鍋，再逐舊慢慢炙燒肉眼芯牛，真係燒完之後會令人眼前一亮！牛嘅素材本身好靚，呢樣嘢真係無需要講，店員提醒我哋，第一口原味+白飯，試真和牛本身Original嘅味道🧐第二口就係將「蘭王+無菌蛋」混合嘅蛋液沾上和牛，感受蘭王嘅香，無菌蛋嘅滑，混合而成嘅口感！因為珠玉在前，一開波已經有個咁難忘嘅體驗，後兩道菜即刻變得好平庸😂「A5和牛壽喜燒」配上夢美人特級白米飯🍚日本頂級白米代表之一，令我覺得驚艶嘅唔係A5和牛，係呢碗頂級白飯，欣賞佢嘅黏彈感！烹煮完「肩胛肉」隨即就開煮「七品野菜盛合」用和牛嘅油脂，混合壽喜燒汁慢煮。飲品方便，我哋就order咗「青風細語」、「星紫流砂」，我會極度推薦你哋試「青風細語」用咗當造水果+薑汁汽水混合而成，有儀式感，仲要超級Flash！👍頂級「京都牛鍋x壽喜燒極致盛」$𝟓𝟗𝟖｜𝐀𝐩𝐩𝐞𝐭𝐢𝐳𝐞𝐫 前菜 ✦ 芥末八爪魚野菜✦ 柚香脆豆腐✦ 芝士炙燒和牛卷｜𝐏𝐫𝐞-𝐌𝐚𝐢𝐧 𝐂𝐨𝐮𝐫𝐬𝐞𝐬精緻小食✦ 檸檬の牛舌｜𝐌𝐚𝐢𝐧 𝐂𝐨𝐮𝐫𝐬𝐞𝐬主菜-京都牛鍋x壽喜燒✦ 炙燒焦糖肉眼芯牛鍋✦ A5和牛壽喜燒✦ 西冷✦ 肩胛肉｜七品野菜盛合✦ 京蔥、冬菇、日式燒豆腐、蒟蒻、芝士竹輪、春菊、大白菜｜𝐒𝐭𝐚𝐩𝐥𝐞 𝐅𝐨𝐨𝐝 主食✦ 蘭王蛋壽喜燒飯✦ 夢美人特級白米飯✦ 蘭王蛋及無菌蛋｜𝐃𝐞𝐬𝐬𝐞𝐫𝐭 𝐚𝐧𝐝 𝐓𝐬𝐮𝐤𝐞𝐦𝐨𝐧𝐨甜品及漬物✦ 清爽柚子雪葩✦ 柚香蘿蔔與紅之漬｜𝐃𝐫𝐢𝐧𝐤𝐬 飲料✦ 青風細語 $58✦ 星紫流砂 $48…Read More

相信呢間餐廳99.9%嘅人都一定會錯過！一陣間咁優雅嘅餐廳，竟然坐落係民居🥹而且食物質素都唔差！見到新item係Set For 2 都有得揀～啱晒我呢啲選擇困難症人士😌跟住佢個Menu揀就可以😙 「巨頭蝦蒜香油天使麵」🐲🦐用咗長臂巨頭蝦，真係少見多怪😆真係第一次見到咁巨型嘅大頭蝦！俾佢嘅造型完全震驚到，食得辣就一定要order，辣辣地好惹味！🌶️Second choice主食就揀咗「濃汁法國黑松露蘑菇貓耳朵粉」 用黑松露忌廉汁烹煮，一定係穩穩陣陣之選😋真係好耐冇食過貓耳朵🐱佢有三款小食可以選擇，係「黑松露醬薯條」定「蒜香雞翼」揀咗好耐🥸最後有六隻雞翼戰勝咗個心理😜仲要係六隻雞全翼！即刻覺得勁抵「青檸薄荷綠茶」、「菠蘿青檸紅茶」竟然呢啲造型凍飲都唔使加錢🍹！味道就比較偏酸🫢不過原來食到最後啲冰又溶咗少少，個感覺即刻會淡口返🫠唔知呢個係咪一間餐廳嘅小心思呢？最後可以加錢食埋雪糕，有奶茶雪糕/開心果雪糕可以選擇🍨我會推薦大家食開心果雪糕😶‍🌫️起碼佢有個造型，感覺值得加錢💰｜𝐒𝐞𝐭 𝐅𝐨𝐫 𝟐 ｜✦ 巨頭蝦蒜香油天使麵 +$20✦ 濃汁法國黑松露蘑菇貓耳朵粉✦ 蒜香雞翼（6件）✦ 青檸薄荷綠茶 （冷）✦ 菠蘿青檸紅茶（冷）✦ Milk Tea Flavour Ice Cream +$20✦ Pistachio Flavour Ice Cream +$20…Read More

高手在民間！估唔到咁美味嘅私房菜會喺太古棟商業樓宇入邊搵到！以舊香港風味裝修佈置！琥珀色的鴨皮，以樟木與茶葉慢燻，木香與茶韻層層滲入肌理，挾著煙燻香氣氤氳而起，瞬間儀式感Level up！⬆️佢哋新派嘅中菜，無論係擁有視覺效果嘅原條「魚香原條茄子」🍆定係有滿滿杏仁碎嘅彈牙「杏片脆皮墨魚餅」🐙，青咇咇充滿鑊氣嘅「帶子蔥油蛋白炒飯」💚唔少得食埋佢哋嘅甜品，中式滑捋捋「雙皮奶」，同西式「特濃豆腐布甸」🍮…Read More

Buff 一早已經喺我嘅口袋名單，趁住假期，同朋友來個不期而遇嘅下午茶約會☕️Buff交通都幾方便，鄰近鰂魚涌B出口，行4分鐘就會見到！除咗精品咖啡☕️、日式料理🍱、自家製甜品🍮，仲會售賣供應本地烘焙豆🫘，及每月都有來自不同產地的單品咖啡豆！呢度最出名應該就係「香煎海蝦龍蝦汁捲捲意粉」，海蝦外皮煎得金黃酥脆，蝦肉緊實彈牙，帶著微微的焦香，配上時下流行嘅捲捲意粉，掛上濃稠馥郁龍蝦汁，意粉咬勁十足，每一口都飽蘸龍蝦汁的精華。另外下午茶時間，都有特別Menu，價錢就會比較相宜點，「特盛全日早餐」 除咗一般嘅黑松露炒蛋、腸仔、沙律、薯餅等等，估唔到窩夫有驚喜！剛出爐的窩夫熱辣辣，外脆內軟，甜而不膩，配上甜甜的楓糖，帶來滿滿的治癒感～ 🧇🍓🍯 下午茶點少得自家製甜品🍮 ，我哋就order咗：日式焦糖布甸、開心果芝士蛋糕🍰身為Cafe，餐點飲品有多款選擇，適合各類人士，我試了輕咖啡因的「桂花鮮奶咖啡」，朋友試則點了無咖啡因「薑黃檸檬薑茶」。另外餐廳設有晚市套餐，附送餐湯、熱洋甘菊茶，更有加購甜品或小食優惠，下次有機會一定嚟試吓晚市！價錢一啲都唔貴💰✦ 香煎海蝦龍蝦汁捲捲意粉 $148✦ 開心果芝士蛋糕 $68✦ 日式焦糖布甸 $50✦ 桂花鮮奶咖啡｜凍｜𨍭燕麥奶 $60✦ 下午茶套餐 - 特盛全日早餐 $138- 薑黃檸檬薑茶 +$16…Read More

知道PAUL & JOE x PAN de PAIN 有特別聯乘，特登嚟試吓佢哋嘅限定商品🤪🍊 空氣感代表「柑橘梳乎厘」—— 雲朵般蓬鬆的現烤梳乎厘，淋上清新柑橘醬，酸酸甜甜！🥞🍳 鹹班戟代表「班尼迪克蛋班戟拼煙肉」—— 鹹班戟質地較為厚身，戟疊上流心水波蛋＋焦脆煙肉，荷蘭醬鹹香爆擊，是作為晚餐嘅一個不錯的選擇👍☕ 咖啡控選項—— PAUL & JOE 既貓咪迷注意！無論凍定熱嘅咖啡，有埋🐱「PAUL & JOE」經典貓貓logo，融合餐廳主題！🍹 果漾氣泡特調—— 如果不喜歡咖啡的朋友亦可選擇果汁梳打，Blackcurrant Soda、Mixed Fruit Soda ，亦都可以得到「PAUL & JOE」 🐱貓貓造型外賣杯！最開心係食完之後仲有禮物可以攞！而且周圍佈置得好靚！啱晒我哋啲鍾意貓貓嘅人士😌…Read More

呢排又轉新嘅主題，夏日炎炎自然就會諗起椰子🥥🌴今次牛大人竟然用椰子作為主題！除咗恆常嘅湯底，今次仲加入咗🍲「喇沙椰爺仲夏鍋」、「木瓜椰皇嫩雞鍋」！小食方邊，認真鬼馬🤪竟然將椰酥豬混合跳跳糖，「黃金椰絲蝦丸」、「椰林火山脆薯條」就配咗「香椰火焰醬」、「椰汁美奶滋」，我覺得個主廚都幾有想法😆竟然諗到呢啲組合😊Order打佢哋嘅「日本黑毛和牛A4+」晚市套餐，就可以任飲所有特調飲品😱仲有新嘅Cocktail可以飲：粉桃椰香、冰檸伴椰 、藍調微風🫣牛大人一貫都係多嘢食！除咗今次嘅新主題食物，「日本黑毛和牛A4+」質素穩定，無論嗌幾多碟都好啲油花都係咁靚！雖然好好味，但係食少少已經好飽！唔少得就一定要試吓佢哋嘅鮑魚三吃😝今次個海鮮拼盤竟然轉左有鰻魚😌鍾意食鰻魚嘅朋友就有福氣啦！今次嘅雪糕竟然有Movenpick嘅椰子雪糕，好鍾意呢個牌子有啲椰子粒粒喺入邊🥥喺度想食幾多杯都冇問題，任食當然除咗椰子雪糕之外，仲有好多唔同類型嘅雪糕，種類都比之前豐富！唔知係咪放暑假勁多學生黎食！近排優惠多多！DSE學生憑學生證都有優惠🥳適逢畢業季節，仲搞咗個「知識就是折扣」，成績有啲差，費事獻醜😂不過答中咗都有各類型嘅禮物！…Read More

夏日炎炎，星期日同啲朋友出街，必定揀個商場嘆吓冷氣😗去咗尖沙咀地標The One 1樓既「ROYAL INN」嘆下午茶😜餐廳佈置古典宮廷風，以藍白色為主調，之前試過佢哋嘅三層架下午茶，今次轉戰升級版下午茶套餐，以傳統青花瓷器皿及歐式花園特色佈局，造型別緻！「Royal Inn Garden Tea Set Platter For Two」以6甜5咸佈置，有別於傳統三層架下午茶，下午茶以傳統青花瓷器皿奉上！套餐含多款中西鹹甜，其中最特別就係用咗大熱「開心果」作為焦糖燉蛋🤪「迷你鮮果撻」，用咗七彩繽紛嘅生果，非常夏日！鹹點嘅「龍蝦牛油麵包」，最印象深刻就係整成方塊，將龍蝦舖上面😳 「巴馬火腿蜜瓜」，除咗蜜瓜仲有哈密瓜🤭整到好似紅綠燈咁可愛🚦套餐包咗兩杯$28以下嘅餐飲，天時暑熱🥵我唔可以攞住個茶壺了，另外升級咗兩杯沙冰🍹 Mixed Berry 感覺會Flash啲！推薦👍✦ Royal Inn Garden Tea Set Platter For Two $498@2｜開心果焦糖燉蛋｜迷你鮮果撻｜柑橘瑪德蓮貝殼蛋糕｜七彩馬卡龍｜桂花糕｜紅棗糕｜巴馬火腿蜜瓜｜鴨肝慕絲配無花果｜龍蝦牛油麵包｜煎蝦蛋沙律多士｜香煎北海道帶子✦ Mixed Berry Smoothie +$29✦ Chocolate Banana Smoothie +$29…Read More

夏日炎炎，星期日同啲朋友出街，必定揀個商場嘆吓冷氣😗去咗尖沙咀地標The One 1樓既「ROYAL INN」嘆下午茶😜餐廳佈置古典宮廷風，以藍白色為主調，之前試過佢哋嘅三層架下午茶，今次轉戰升級版下午茶套餐，以傳統青花瓷器皿及歐式花園特色佈局，造型別緻！「Royal Inn Garden Tea Set Platter For Two」以6甜5咸佈置，有別於傳統三層架下午茶，下午茶以傳統青花瓷器皿奉上！套餐含多款中西鹹甜，其中最特別就係用咗大熱「開心果」作為焦糖燉蛋🤪「迷你鮮果撻」，用咗七彩繽紛嘅生果，非常夏日！鹹點嘅「龍蝦牛油麵包」，最印象深刻就係整成方塊，將龍蝦舖上面😳 「巴馬火腿蜜瓜」，除咗蜜瓜仲有哈密瓜🤭整到好似紅綠燈咁可愛🚦套餐包咗兩杯$28以下嘅餐飲，天時暑熱🥵我唔可以攞住個茶壺了，另外升級咗兩杯沙冰🍹 Mixed Berry 感覺會Flash啲！推薦👍✦ Royal Inn Garden Tea Set Platter For Two $498@2｜開心果焦糖燉蛋｜迷你鮮果撻｜柑橘瑪德蓮貝殼蛋糕｜七彩馬卡龍｜桂花糕｜紅棗糕｜巴馬火腿蜜瓜｜鴨肝慕絲配無花果｜龍蝦牛油麵包｜煎蝦蛋沙律多士｜香煎北海道帶子✦ Mixed Berry Smoothie +$29✦ Chocolate Banana Smoothie +$29…Read More

今次去到遊客必到嘅尖沙咀，食一間人氣極度高企嘅燒肉商店🤪除咗本地人，仲有唔少遊客去光顧👏🏻一入到去侍應就同我哋講打卡就會送小食，諗住都係啲普通碎料，估唔到今日嘅小食係「牛油蜜糖日本蕃薯條」，仲要送一大碗超級邪惡👿落咗超多牛油喺個面度🫠佢哋主推「全港最平牛舌!!!」 $8 已經有10片，仲以為$8 可能得3片，呢個價錢呢個份量有驚喜！樣樣都想試少少！咁就最啱嗌九宮格，order咗「上•九宮格」，入邊有齊牛肉、豬肉、雞肉、魚肉😱包羅萬有，乜都有！「和牛三角腩 」好食到要特別返兜 😋 稍加炙烤後脂肪滲出，入口即化。「和牛五花」 紅白相間如大理石紋路，脂肪比例高於其他部位，分布均勻細密。「手切牛頸脊」肌肉纖維細而緊實，咬下時帶有微妙脆感彈勁。 黎呢度點可以唔試「蟹黃海膽月見飯」話晒都係手本名菜🤗蟹黃同蟹肉真係比得好多！加埋日本蛋撈埋一齊，即刻提升咗個口感！🤭海膽好鮮甜唔會有任何腥味👍鍾意飲啤酒嘅朋友有福啦！食燒肉梗係要配埋啤酒！$48@500ml x2，酒筲箕點飲都唔怕！好似我呢啲唔飲酒嘅朋友仔，我會推薦你飲「手打香水檸檬百香果梳打」，見到水吧嗰個哥哥仔拳拳到肉！真係真材實料中佢幾嘢🤭✦ 全港最平牛舌!!! $8@10✦ 上•九宮格 $388✦ 蟹黃海膽月見飯 $148✦ 和牛三角腩 $188✦ 手打香水檸檬百香果梳打 $38✦ 可爾必思梳打 $28✦ 牛油蜜糖日本蕃薯條 Free…Read More

終於輪到我食呢間刺身壽司店！特登揀咗生日嚟食✊🏼志不再刺身，最想就係測試吓佢哋甜品畫碟嘅還原度！如果要同朋友生慶祝生日，要預早最少兩日同店主confirm 畫碟內容，當日最少揀一款甜品，就可以免費得到畫碟服務，店員就話比較多人會揀心太軟，天生反骨😂 今次就揀咗「開心果巴斯克蛋糕」，其實個佈置都唔錯！壽司定食 一共有三款，揀咗中價錢「大名 壽司定食 」包含：師傅特選2貫、海鹽輕燒大本鮪魚腩、日本帆立貝、特大赤海老、油甘魚、汁燒海鰻、蔥本鮪魚腩。師傅特選今日係深海池魚王刺身、魴 （魚弗）🫣呢兩款超級特別，真係聽都未聽過🫢嚟到呢度，入鄉隨俗都食返個生食😚 我好少食生嘢，今次就揀咗「蔥吞拿魚腩海膽丼 定食」吞拿魚蓉超級豐富，鋪滿咗成個面😱食開都知道，通常一匙都多過一隻海膽，所以呢度份量好大方 👍最好味係佢個赤醋飯，溝埋吞拿魚海膽超好好味！留意到有幾樣嘢半價，時令日本真蠔$290>$145、北海道白象拔蚌(需預訂）$680>$338、半價啤酒 $68>$34，今次就試咗日本真蠔，自選醬汁就揀咗日式柚子醋，估唔到呢個組合都幾好味！😋呢度連飲品都估唔到幾平，原價+$10 升級到中杯（500ml)或+$20 升級到大杯（850ml)，以巨峰提子乳酸梳打酒為例$68 已經有 850ml容量，啱晒鍾意飲酒嘅朋友！✦ 時令日本真蠔｜半打50%off $145✦ 大名 壽司定食 $298｜日替湯品|沙律|唐揚嫩雞✦ 蔥吞拿魚腩海膽丼 定食 $238｜海帶味噌湯|胡蔴田園沙律|日式燉蛋✦ 開心果巴斯克蛋糕 $55✦ 中野梳打梅酒 500ml(中）$85✦ 巨峰提子乳酸梳打酒 850ml(大）$68…Read More

我稱銅鑼灣最強Cafe！有成180度大海景！而且價錢唔貴，啲嘢又好食🤞🏻地點就喺鵝頸橋對面街近海旁嘅位置，附近一帶有好多餐廳，「Umi」坐落喺宇宙商業大廈13樓，層數正好對住樓下車水馬龍公路，用非常相宜價錢，大嘆煙花維港景🎇今次再order返「北海道帶子明太子意大利粉」同過N咁多個朋友食過，基本上個個都讚好味🤞🏻廚師發辦係「蕃茄櫻花蝦意粉配天婦羅炸蝦」🍤 ，期期都會有唔同嘅花款，第一次喺度試蕃茄調味嘅意粉，淡淡嘅櫻花香氣配埋脆卜卜嘅天婦羅炸蝦，唔鍾意忌廉嘅朋友可以試吓呢款！「七味薯條松露醬」 都係過親嚟都必點，即炸～好基本，最正係佢俾埋松露醬，超級邪惡😈+$48 可以喺Menu自選飲品，而今日嘅精選甜品就係Tiramisu🍰呢個價錢就可以飲到靚靚嘅打卡飲品，同埋甜品！埋單不過係$2xx，如果食得到嘅話+$88 嗰個甜品仲正，好適合想生日過嚟慶祝嘅朋友🎂✦ 七味薯條松露醬 $62✦ 北海道帶子明太子意大利粉 $148✦ 蕃茄櫻花蝦意粉配天婦羅炸蝦 $13+$48自選飲品｜精選甜品…Read More