norris125的個人專頁

呢間大排檔非常闊落，喺佐敦站行過去先5分鐘，同友人好餓就拿拿林坐低叫野食。年底唔係打邊爐，就要食下大排檔! 雖然呢到係熟食中心，對於大排檔黎講咁先有風味，不過見唔同檯既人都幾盡興，而多數都係打邊爐。京蔥炒牛百葉 ($98)甚少喺大排檔見有牛百葉做主角，友人二話不說就話想食，因為平時牛百葉只係一個小配菜。上碟有不少牛百葉，切到一口size非常好，而牛百葉索滿京蔥嘅甜味，亦掛滿左汁，喺冬天食到熱的鑊氣小炒，確實覺得溫暖。味道適中，用來送飯亦係一流嘅菜式。豉汁蒸白鱔 ($168)呢個係去親大排檔自己必點嘅菜式，平時一班人食就會好快搶哂，今次我地終於可以慢慢嘆。今次嘅白鱔非常香滑，同時應該係比較年幼嘅鱔黎，店家仲用左少少果皮去整，中和豉汁的一貫味道，為白鱔提升少許層次。每次食豉汁蒸白鱔，幸福感增添不少。鮮蝦腐皮卷 ($58)完全無諗過呢個係炸嘅鮮蝦腐皮卷，反而係今晚最surprise嘅菜式。腐皮卷炸到非常脆口，當中蝦係用鮮蝦、配有腐皮卷中的素菜，炸物中帶點濕潤，加上酸汁就好夠味道。原以為呢個價錢大約會有4塊，但上檯又係一大碟，亦係好岩送酒嘅一個菜式。呢個會推介為必點菜式。冰鎮大鮑魚一隻 ($48)呢個鮑魚仔下面有冰凍住，所以除左凍外仲係有少少爽口。佢係配washabi豉油食，感覺好fusion但係幾夾，當中鮑魚仲係甜的。因見我地係2人食，所以店家都幫我地切片，好細心。通菜炒牛仔肉 ($108)牛仔骨嘅肉用黎炒通菜竟然係好清新，幾中意呢個組合，通菜炒至脆脆地又不會過老。呢個份量非常大碟，建議都係3人起食。…查看更多

喺妹妹生日前席，預早半個月book了呢間專門食鐵板大阪燒嘅Kozy。當時預約都無哂bar檯，要坐去卡位。所以如真係想bar檯可以再早點book。店舖環境細小，不過坐得舒適。從一開始到完哂成個晚餐，感到人手不足，只見有約2個廚師負責燒煮。上菜速度時快時慢，最耐嘅會相隔左約15分鐘先有野食。整體黎講覺得係等候食物時間太長。食物味道方面，無自行額外調味下，普遍食物都偏咸了一點。當中，有覺得好食嘅係聖子、牛舌以及黃豆粉年糕雪糕，牛舌燒得幾淋香而且夠熱。而黃豆粉雲尼拿雪糕被輕燒過暖暖地嘅年糕包圍住，一冷一熱成件事幾夾! 另外，名物大阪燒反而味道非常普通，約90蚊一份。燒蠔上碟即食係暖的並未夠熱，蠔有啲腥味，未知係咪因為蠔嘅關係，最後晚上我地同行有一人肚痛。因為味道好壞參半，覺得味道上及沒有記憶點下，不太值得等待。…查看更多

早前住在太子嘅同事推介食蘇山雞飯中的叉燒飯同雞飯，個人比較中意懶人專享嘅無骨雞，就同友人黎試試佢嘅招牌海南雞飯。店舖只離太子站1分鐘，非常就腳易搵。見店舖喺繁忙時間full house，應該都ok!我地叫左幾個小茶個加雞飯share食。💎順化炭燒豬肉串(3串) $20第一個上台嘅小菜係炭燒豬肉串，樣子與平日豬肉串無異，但好快就聞到陣陣炭香味，超香唔係講笑! 中意佢嘅豬肉肥瘦適中，一咬開就連肉汁流出，呢個係見隔離檯有叫我地先叫，係必點同推介嘅出色小食。唔知係咪店舖嘅皇牌小食，所以放喺第一位上菜呢?👅👅💎Susan雞翼(4隻) $44無諗過原來係斬件嘅雞全翼，所以一上台都覺得幾大份，而且斬左件方便食客食用，尚算細心!有感咁juicy嘅脆皮雞翼幾抵食，一般就只會有4隻雞中翼。不贊同數量多等於抵食，但呢個係好食而份量又多，所以真抵食。作為雞翼控每次去唔同餐廳都要食雞翼，要襯熱辣辣食先好味!💎招牌海南雞飯配雞雜冬瓜湯 $85😍海南雞不負所望，無骨、滑身、肥美而不乾身，缺一不可。海南雞用左日本花菇、元貝同埋20種香料去煮，所以雞好入味。另外，個飯味道好特別!!!!!!!!!😚一問之下，原來飯係用上特別嘅方式烹煮, 令每粒飯吸收哂雞油同埋斑蘭嘅香味。重申一次，碗飯只係就咁食已經感到用心過平日食到嘅薑黃飯，不試會後悔的item。唔好少睇份量適中嘅set，因仲有個雞雜冬瓜湯配埋，友人大讚冬瓜湯混集少少雞雜，令鮮味提昇不少。💎脆炸鳳尾蝦春卷(4件) $32呢個蝦春卷入面有少少甜甘筍，食落甜甜地嘅炸物就無咁膩，不錯嘅選擇，正常發揮。💎麻辣玻璃魷魚通菜 $50建議中意濃味嘅人食用，因為通菜會索哂麻辣玻璃魷魚嘅汁，用黎送飯一流。魷魚好爽口，配角通菜更出色，幸好份量不算多，如果再多就食唔到咁多小食了，所以係剛剛好得清哂。💎恐龍美綠$28、鮮檸檬薏米水+$3美綠愛好者，一定唔可以錯過勁多嘅美綠粉凍飲，唔特別叫少冰就岩岩好唔會過甜。大滿足!😋…查看更多

荃灣廣場愈黎愈多高質食店進註呢邊比較少有西餐見B.O.T.H.係西式而且目測店面座位較多就三人行入去食個晚餐我地坐窗邊都幾有feel!店內亦都有更舒服嘅卡位供選擇選左個Daily Pasta😚煙鮭魚、茴香、芝士白汁意大利麵 ($135)Menu上無寫價錢，但每一款係$135有d唔明點解唔寫埋出黎😂意大利麵煮得比較硬身對我地黎講口感不錯掛左唔少芝士白汁係上面呢個咁大路嘅菜式達到standard主要係多料，煙鮭魚都好多片另外叫左個香脆黑松露薯條 ($68）😎三個人食份量岩岩好一食就覺得一定要配住啤酒/野飲!!非常香脆，有少少似用左啤酒炸薯條嘅口感而黑松露就同啲薯條一齊炸過再蘸蛋黃醬都係完美組合要襯熱食希望日後會轉為用黑松露醬咁黑松露呢個主角嘅味就可以更出色Night Special就叫左個慢煮原條八爪魚及海蝦（$158）B.O.T.H.呢間餐廳係燒物時好中意用埋煙燻所以就為菜式增加多一層味覺嘅享受當中海蝦煙燻過後所吸收嘅香氣比八爪魚多友人都大讚呢隻蝦燒同燻得好而八爪魚可能係慢煮關係比較淋身平時我地中意口感較爽口嘅八爪魚不過食完之後覺得好彩八爪魚係淋因為份量都有2-3條八爪魚腳如果唔係淋身排牙應該食到要換一副計八爪魚下面仲有啲焗薯同埋玉米糊做配菜原本以為玉米糊係薯蓉好似樣但佢係甜甜地再加上係非常細粒嘅玉米組成嘅玉米糊配海鮮就無咁膩可以食得哂同八爪魚一齊食都幾夾叫左兩杯drinks，每杯$48除左抵飲就係好飲至少味道唔會似假果汁而且組合新穎認真製作!分別係Mdnight Waltz (Kyoho grapes/lemon/soda)同埋Hawaii Beach (Peach/pineapple/soda)Mdnight Waltz成杯漸層紫真係有midnight feel😂提子係甜左啲啲但可接受就好似食緊日本提子嘅甜度而Hawaii Beach係橙黃色嘅drinks呢杯就會比較fresh爽口而不酸個人比較中意呢杯多啲但2杯都不錯買單每人$170, 都算係抵食而且食物都感受到係用心準備係可以encore的!已是第二次來了…查看更多

喺大河道嘅生記粉麵前身係路德圍嘅粉麵店。以前真係好多人會排隊食，今日見店面人流正常，不用排隊。而咁岩經過呢間店就想食番以前好出名嘅魚肉春卷。味道其實大致維持到，魚肉春卷、牛丸都好味，而且牛丸咬開都好juicy，但而家湯底較咸左一啲。友人叫嘅春卷同牛筋麵都ok，但牛筋只有2小口，稍微不夠。不過魚肉春卷的確大縮水左，比以前細了大約1/3，感覺同食落就唔夠滿足了。另外，紫菜就算5蚊變7蚊都好合理，始終疫情後成本應該都上漲了，但係由紫菜鋪滿碗面到夾起得番一啖..下次唔加就ok了。價錢我地兩碗加埋就80蚊，係底食嘅都!只係欠左滿足感，食完再過路德圍食下小食。…查看更多

時隔一年再訪銅鑼灣小曼谷，呢間泰菜真係一直都保持到水準，每次食都會好滿足💛由其係會追住食嘅蒜蓉包！！！👄無變嘅係火車轟隆轟隆嘅裝修，如果遇上live band係會更加熱鬧，之前聽過，餐廳即刻會變成小天地🚞一齊唱😆🔸黃咖喱豬頸肉（$98）💎個人認為咖喱係必點之物，因為邊隻咖喱都係煮得好野味，係唔會有伏嘅機會。今次食黃咖喱，同樣係好香濃、淡淡椰子香氣，細細煲已經好夠配住蒜蓉包食。當中有唔少燒過嘅豬頸肉，同黃咖喱好夾呢🥰🥰🥰每次食都係偏好配豬頸肉，好想飲哂d咖喱汁佢😂🔸泰式蒜蓉包4塊（$45）💎必點小曼谷皇牌食物，看似平凡嘅蒜蓉包先係最好味！！！食過嘅人一定有同感👅😆脆多士而唔硬身，隔一陣食都仲係脆，掛咖喱汁一流，d汁流哂入充滿洞洞嘅蒜蓉包，很 好 味👄！🔸雞腎沙嗲串燒（$24）💎幾爽口雞腎，比想像中無咁un，配沙嗲都係perfect之選，可以一試。🔸雞全翼沙嗲串燒（$28）💎正常發揮但又覺得幾野味，有少少燒到脆皮嘅狀態，一上檯就好快d食😛下次會再叫嘅item之一。🔸椰青波波（$53）💎😂重點黎，友人點左menu上幾吸睛嘅椰青波波，無expect咁圓嘅波，但係呢個係超好飲原來。個椰青甜到抵擋所有嘅辣海鮮，超級甜！！飲過先信，不過個肉就無咁甜，所以飲下又夾住食下就岩岩好😂幾surprise 🔸鹽燒東風螺（$168）未試過食鹽燒嘅螺，係幾原汁原味，不過如果係接受唔到有一d海水味嘅朋友，建議試下佢另一款係冬陰公味嘅東風螺🤣…查看更多

🔸蜜糖燒雞翼6隻（$76）💎燒到脹卜卜嘅蜜糖雞翼望落已經好吸引，一咬落仲要係脆皮嘅添！薄薄一層嘅蜜糖配雞翼點少得，仲要每隻都好嫩滑，一撕開就有d雞翼汁流出嚟，妙齡雞翼一定要試😛🔸流漿芝士牛肉火腿漢堡伴法炸薯條（$148）💎每次我都會食左薯條先，先可以試到最熱辣辣嘅炸薯！而呢個粗薯上左檯到食完都相當脆，最緊要有薯皮又有番d口感，配茄汁已經係滿分。漢堡當中特別中意個醬，少少蜜糖芥末嘅味，中和番插係burger正中間嘅咸香脆口Parma ham，幾夾👍🏻😋牛肉都幾juice，覺得唔洗有火腿都已經好夠味😛加上d菜係burger頭頂，賣相都幾得意係我無諗過嘅外貌😂🔸香煎北海道刺身級帶子及燒慢煮八爪魚伴車厘茄及香料仔（$198）黎！一個dish 有成5-6舊厚嘅煎刺身帶子都幾過份😚加上帶子半熟狀態，真係有少少食緊蒟蒻嘅感覺，同時因煎得夠香令人想一直食。係慢煮汁中，帶子蘸埋有少少辣嘅醬汁都幾塔配野味。當中八爪魚係慢煮嘅原故，佢會好淋身，係入味的，不過認為保留番多少少嘅八爪魚爽口感覺就喇！唔好以為呢份唔係main dish，一樣都大份而令人滿足。店舖細細，但內裡都企理而且員工有禮👍🏻…查看更多

🔸招牌肉骨茶（細）（$118）💎1-2人份嘅肉骨茶冬天一齊share好暖胃😚😚😚雖然叫左細但都好足料，有杞子、炸枝竹、金菇、幾舊大肉骨裝到個鍋仔滿滿，而且仲有個爐仔加熱。不過我都係就咁滾完熄火，因為keep住煲就會好咸，就咁加熱就岩岩好😆湯底好濃郁，係好好送飯嘅一道菜🔸海南雞喇沙（$108）掺掺由銀絲米粉同埋油麵雙拼，吸哂喇沙湯汁好入味，屬濃郁派別！海南雞份量佔左半個碗，岩哂d大食妹，而且海南雞肥瘦均勻，唔錯✔️🔸馬拉盞炒通菜（$88）💎唔係好濃烈嘅馬拉盞味炒通菜，但係味道岩岩好，所以配濃肉骨茶時食就fit。🔸熱薏米水（$33）💎雖然比想像中細杯，但呢個熱薏米水好正！！個底有少少薑粒，加上天氣凍凍地，飲呢個特飲非常暖胃，而且甜度適中無糖水嘅感覺👍🏼要試下！…查看更多

💛入到餐廳完全估唔到入面原來係咁有feel! Time Park Lounge係之前「大叔的愛」戲中常去嘅餐廳，現場比想象中大。見在場都有唔少鏡粉黎打卡，我地想傾吓計亦都去左暗d嘅呢邊食飯😍另一邊有光d嘅位可以選擇，同樣有feel。主打英倫風嘅裝修再加紅磚壁畫，整體上都幾岩一班朋友黎放鬆下，始終underground亦比人一種好private嘅感覺🥰💛💛Dinner 5 courses set （$228）🔸Starter: 自家製蟹肉脆燒賣（另有沙律）💎好fusion呀呢個，係用左炸春卷嘅皮扮燒賣嘅皮，而入面係塞滿左蟹肉蟹膏，再用左魚子同苗鋪面，幾有趣嘅組合😀係脆而蟹味濃郁嘅燒賣🤣creative starter係幾得意嘅。🔸煙三文魚香草忌廉汁意粉配63度溫泉蛋💎經典組合真係歷久不衰，意粉煮得剛好帶少少口感，而creamy嘅忌廉汁無特別再加咸幾好，配上少咸嘅smoked salmon就已經perfect，絕對唔係一般嘅普通白汁。溫泉蛋正常發揮！🤣🔸蔬菜湯細細杯好decent我飲得都好小心😂蔬菜湯濃郁但唔會好有青味，容易接受嘅健康湯😀🔸upgrade甜品：朱古力盒（+$38）💎作為朱古力愛好者最好試下呢個！外層係少甜嘅糖皮，整體係黑朱古力蛋糕with mousse黎，口感少少實好好味！🔸啤酒薯條配黑松露蛋黃醬（細）（$88）💎宇宙級香脆嘅薯條，經啤酒炸過嘅薯條非常岩送酒！雖然點左細份份量都多，但兩個人食就岩岩好😋😋同埋黑松露蛋黃醬都多，唔洗就住蘸🤩必試item，朋友食到好想再食🤣🔸Dark Moon Frozen (HH)($98) 💎由咖啡榛子糖漿同埋奶製成嘅mocktail，on top再加燒過嘅棉花糖、威化餅同埋果乾，好surprise 嘅味道，陣陣榛子味配咖啡又唔係好甜，好岩唔飲酒嘅朋友呀😚🔸Tokyo Sunset (HH)($98)💎🍹 Rum, watermelon, tonic呢個組合都幾都特別，陣陣西瓜味好正👄即使酒量一般嘅女仔應該都好岩飲😋fresh得黎送薯條一流，但rum可以多d！！！服務加分👄店員都很友善又隨傳隨到👍🏼…查看更多

大角咀一直好多用心經營嘅小店，又突然多一間喇！剛好遇上左呢間新開嘅酒燒弄，作為串燒頭號粉絲，見店舖細細間幾有feel就想試下，入到去真係成條巷仔咁🤣門口用左港式霓虹燈，而用餐嘅碗碗碟碟都係熟悉嘅公雞，但味道又偏日式！🔸雞頸肉（$28）💎小店有得食刁鑽部位幾surprise! 覺得雞頸肉比雞髀肉更香口，雞頸呢個部分肥瘦交織，自然肉質比較彈性同埋有咬口。呢個係必試item😋加上之前見YouTuber 日本•香港人 大島san 極力推薦雞頸肉呢個部位，果然無介紹錯，真係幾impressive🤩🤩🔸雞髀肉 ($28)日本新潟県嘅雞出名柔軟多汁，肉味鮮嫩豐富，唔錯，配住幼嫩嘅大蔥食😚係經典口味！食開串燒通常都會叫雞配大蔥，不過雞髀肉係再滑d嘅😬👍🏼🔸白膳（$58）魚皮燒得幾脆，魚肉爽口，食肉太多又可以食下海鮮平衡下，不錯的👌🏼係有少少細size🤣大多少少口感會更滿足🔸鵪鶉蛋（$23）💎蛋白個層燒到好有口感，樣子望落平凡，但師傅搽左少少汁去燒，蛋香好出，細嚼好味！🔸厚切牛舌心（$48）💎😻脆 邊 牛 舌！呢個一定要即刻食先好味，脆脆地調味又簡單，只用少量鹽吊味，更容易食到本身嘅牛味！餐廳細細最好就係一燒完轉個身就到你檯，保證可以即食到，滿意。🔸和牛橫膈膜 （$88）一份💎見到幾乎5檯都有3檯有叫呢個橫膈膜，肉質比較有嚼勁，但肥瘦平均，不會太重油花又不會太乾，肥膩感較低，難怪多人叫黎送啤酒。肉中間仲係粉嫩，再蘸埋個秘制汁，唔會好濃味或重味，送酒確係一流。🔸黑豚五花腩（$38）💎呢個肥呀！但吃脂肪就係開心😂黑豚腩肉油份較多，但亦好鎖到肉汁，友人中意呢串邪惡之物，記得肥瘦部分要一齊食🤣🔸唐揚小池魚（$38）💎呢個絕對係好想encore嘅心頭好😋😋😋肥肥地嘅一口小池魚，魚仔很香，已經去左肚可以放心連頭食，爽！😻配沙律醬，超好下酒！下次encore🤓🔸芝士年糕兩件（$42）💎讚左先，皆因友人十分欣賞呢個年糕😚年糕燒得外脆，內軟而流心。外層搽左一層薄薄嘅燒汁，再用脆紫菜包住，一咬係咸咸甜甜嘅balance，流心芝士都出埋黎，正到👅🔸牛蒡漬（$18）醬油漬嘅牛蒡都好食，如果叫的話建議最後先點，因味道會係較濃，放最後吹住水飲下野伴住食就好了。但個人比較偏好木魚漬，醬汁會啖一點，在食串燒期間時食都可以。希望第日有😝😝😝補充少少，免加一嘅串燒真係會食得開心d👍🏼另外見係用電話落單，界面亦都有show該款串燒即時仲剩幾多，要搶架原來😂所以黎食時，已經無哂當日嘅限定🤧再加埋呢到係食食材不是食調味粉，誠意之作，會再來。…查看更多

兩碗主食，三個小食，$200買單但仲要係味道不錯👍🏼夫復何求🔸火五生牛肉粉（$42）💎份量驚人到叫救命，非常岩大食妹👱🏼‍♀️😂事關牛肉河一上檯，就覺得個碗有少少太大，不過見多湯都應該ok嘅。點知一撈起係連個河粉都好多😂😂懷疑落左兩個麵🤣不過，因店舖嘅生牛係用牛柳頭，加上粉紅上檯，熱牛骨湯將佢變為半熟，所以好粉嫩，唔洗點咀嚼太好了😛邊飲下牛骨湯邊食河，大大碗幾爽，而湯都無咁快被河粉索哂🤪不過食食下先見到檯面上有句野係…唔夠可以免費加粉，相信我再加的話會食到懷疑人生。🔸越式炸蝦春卷撈檬（$42）💎呢個炸蝦春卷嘅肉比較實，用釀咗蝦滑做春卷，大約手指嘅size不過都有五至六條，味道不錯但撈檬麵量都係多😹👍🏼一定食得飽。🔸黃金脆魚皮（$32）💎呢個係超好味又大份，魚皮容易掛汁，用熱辣辣嘅流沙鹹蛋黃炒過嘅炸魚皮真係非常正！！而且d蛋黄分佈算係平均，令每一塊魚皮都沾滿黄金🥰個人認為呢個係必點小食😋😋😋會想encore嘅小食👄🔸香矛雞翼（$22）雞翼size係偏大隻，味道不錯，不過肉較為實正左少少，如果可以鬆脆番會比較好食👍🏼不過價錢都抵食，算係ok的。🔸黄金蝦球（$48）💎蝦球比熱鹹蛋黃包住炸，脆口而唔熱氣，好惹味🤟🏼🤟🏼一口一蝦球，配住河食好夾，不過下次可能會試下另一款蒜蓉牛油蝦球，咁就唔會同魚皮個味撞左😂overall是好味的🥰🥰…查看更多

一入場內，見有唔少人都係兩個人撐枱腳，叫到成檯野食望落很吸引😋。餐廳以白光為主，竟然係有兩層，環境都幾大，同時覺得算是整潔！第一次黎，兩人一鍋的確好好吹水，我地都唔小心坐左成晚🤟🏼😛🔸🦞火焰龍蝦海鮮鍋（$388）💎呢個湯底好架勢! 首先會有個姐姐黎幫你爆炒左d龍蝦、卜卜蜆同洋蔥等等嘅料，跟住佢會加d酒去整個火焰🔥😹先再煲一煲個湯底。龍蝦size比想像中大，斬開都有五、六舊，係有d儀式感😛姐姐特別提醒我地，一滾起可以先飲湯底，唔好浪費食材咁話。結果，我地一開波就飲左兩碗龍蝦湯🦞🦞非常鮮甜而濃郁！！！係幾surprise ，值得一試嘅特色湯底😋🔸🐮牛骨牛汁丸(半份)($48)💎強烈推薦呢個牛骨牛汁丸!!!💦一咬開好多湯汁，好耐未食過咁juicy嘅牛丸喇，彈牙爆汁，而且牛汁係相對濃味，稱得上係一個高分嘅丸子! 完全同瀨尿牛丸有得揮，令我地幾surprise，即刻開心左hehe。🔸 🔲🦑黑松露墨魚丸(半份)($52)💎呢到嘅丸的確幾creative，亦都好多款選擇。呢款丸有切粒狀嘅墨魚係入面，幾有口感，加埋黑松露係無得批評，而同樣爽口彈牙! 覺得2個人真係叫半份就夠，咁就可以貪心小狗咁試多幾款。如果你選擇個濃味少少嘅湯底，就可以再將呢粒丸昇華多一級。Btw有冇覺得佢個樣好似日式甜品嘅丸子?🤣🔸🥟🥬自家製韮菜餃(半份)($48)💎相信食過呢個自家製，都好認同應該較少其他地方食到。料就同出面差唔多，但因為佢個皮都係自己整，一落鍋都好快熟，餃皮呈半透明狀態，類似三色湯丸皮有少少煙韌感，加埋就幾好味。呢個特別嘅手工餃子我都幾喜歡。🔸🛎自家製炸響鈴 （$68）大大舊而鬆化，食完不會有油膩飽濟感，認為不過不失啦，用黎索湯就正😆。🔸🫓招牌炸魚皮（$68）呢個建議放落湯2秒就好，魚皮不錯，不過佢係一片片好直嘅魚皮，好似被燙衫咁燙過😂脆度足夠，不過可以加回一點鹽比較好，咁當小食時可以更惹味，或直接叫另一款黃金炸魚皮啦。🔸🐐紐西蘭草飼羊肉片（$138）💎無麥羊肉羶味好岩朋友食，而我地都中意呢個羊肉片💃🏻屬中厚度，厚度上都比足功課，而因羊羶味主要來自脂肪，所以呢個算係半肥瘦嘅羊片就剛剛好，保留到羊肉原本嘅味而不太羶🤟🏼we like it like it🥰🔸👻老友鬼鬼 （$78）💎老友鬼鬼夠盞鬼😹其實係老油條而中間仲釀左墨魚滑，佢當小食配埋甜辣雞醬幾好味，脆脆而中間爽滑👍🏼覺得就咁食比起落左鍋後嘅佢好食，因落鍋比較快淋，但朋友就中意落鍋多d，我就原汁原味，各有各老友😺🔸蔬菜拼盤（小）（$58）小份量足夠二人食，只有兩款菜，如果多款式少少就好了🤣…查看更多

店舖不大但仍然好似招牌咁講全院滿座，見到呢個狀況覺得安慰😛位於美食街嘅山林道，係不容忽視呢間小店💛💛💛眼見餐廳menu嘅小食眾多而份量亦頗多，抵食又好味令人容易滿足，意粉亦煮得好！！不過今晚無我好想試嘅軟殼蟹🥲覺得下次再黎，叫幾款小食再叫野飲都可以chill足一晚🤤🔸垃圾八爪魚（$48）💎鎮店之香脆八爪魚仔🐙！🤤而家諗番起都想食，係紅色個種八爪魚仔，炸粉非常薄脆。甜甜地嘅炸物仲要份量唔細，而且味道係幾特別，好好嚼😂！一口一隻係非常吸引嘅下酒菜！！呢到呢炸物就算食完都唔覺得熱氣😚😚😚一定要試呢個皇牌，係有少少驚喜👍🏼🔸水牛城雞翼六隻 （$50）💎係有炸過嘅水牛城雞翼，佢無平時嘅水牛城味咁辣，反而多左自家製嘅味。用左大量茄蓉做汁，而且酸酸甜甜幾開胃，絕對有誠意，係我同友人兩個雞翼控都讚嘅吸引小食🤤🤤50蚊六大隻，收貨！🔸英國國菜1997（$107）有感小店嘅絕大部分炸物都係出色。魚塊好滑，不過叉落比較容易散開，最好將個醬倒落去就會食得方便d😛而且魚塊都有兩舊，幼薯條非常脆，可以👍🏼🔸黑松露牛肝菌卡邦尼意粉（$98）💎呀！！！意粉煮嘅適中硬度好合我心意，黑松露味濃郁同埋都幾creamy，唔會有好膩嘅感覺，所以配住炸物食都冇麥邪惡感😋✌🏼份量適中，性價比幾高嘅意粉😋😋😋😋係我會encore嘅菜式之一。…查看更多

就腳西餐黃店，距離油麻地站都係五分鐘，諗都唔諗就轉左上樓😛😛好似好多餐廳都有urban一字，認住呢個咁靚仔嘅牌係urban cafe!餐廳用qr code落單，落完好快就有得食完全唔洗點等，好岩我地食完趕下場🤟🏼但，食物絕對交到貨😃🔸唐揚炸雞（$58）💎😍呢到嘅炸雞份量唔少，配沙律醬食落好surprise，同友人都覺得味道幾好，無額外調味味道已經好足夠。每粒滑雞都好香脆多汁，食完都無咩熱氣感，係有少少空氣感唔係好實個種炸雞。小食黎講咁大份都算抵食🤙🏽推薦。🔸大啡菇安格斯牛肉手工竹炭漢堡配薯角（$108）💎不得不說黑色嘅漢堡真係好有型，未食已經加咗一分😂。完全係係menu上吸晴既一個選擇。竹炭麵包嘅質地唔錯，非常鬆軟，好想平時都可以買到呢種竹炭麵包👅鋪咗塊芝士喺厚厚嘅安格斯牛肉上，有埋大啡菇嘅襯托係絕配，juicy and juicy😬😬! 因為有大啡菇所以好滿足。仲有啲薯條非常之脆，一直都好中意呢種彎彎曲曲嘅薯條，係剛好嘅粗幼程度。🔸美國豬鞍扒配檸檬蘋果醬、薯菜（$148）呢個名堂有趣所以叫咗黎試吓，個檸檬蘋果醬好甜，texture有少少似蘋果批入邊嘅餡咁，配豬扒都幾特別咁就唔會好乾😀同埋呢一種有骨嘅豬鞍扒嘅豬味比較出，唔似普通豬扒需要靠好多調味。🔸紅豆奶茶（凍）（$48）💎大愛呢個飲品，因為甜到剛好而茶味濃。茶底出而少甜，加上紅豆非罐頭紅豆，所以就唔會有紅豆冰中嗰種好甜嘅紅豆沙感覺，粒粒紅豆襯托返個低調優雅嘅奶茶。推！…查看更多

將軍澳 澳南呢邊真係有唔少高質餐廳，多數都係空間感大、闊落而舒適為主。即使住將軍澳，都仲未食哂海皮呢邊既餐廳😂愈開愈多唔同菜式，任君選擇。Chilli Lime就係非常近donki，集泰國、印度、印尼、新加坡菜式嘅東南亞餐廳。環境幾有分pub嘅氣氛，滿天靚靚月球燈，好坐又夠chill 👄不過，還是對泰菜情有獨鍾。🔸泰式青咖喱雞肉🍛（$128）💎Soooooooo yummy！濃濃嘅椰香青咖喱，每次食泰菜必叫🤙🏽小辣嘅咖喱非常開胃，唔會太稀，又好足料👄所以我地叫左份naan黎送咖喱，塊naan吸哂滿滿一口熱嘅青咖喱，正😋😋係有質素嘅咖喱，如果個泰茄子再煮淋d就perfect!🔸Naan 烤餅（$28）💎叫左原味，因為想試真d個咖喱😛有三塊份量剛好，比一般naan較為薄身亦較脆，原味就咁食都幾香口。反而都中意呢種薄naan，可以同咖喱雞一比一入口👍🏼厚嘅烤餅就會好易飽好似食包咁😂🔸串燒沙嗲六串（雞/牛）（$118）💎可自選三雞三牛，或全部同一類😂呢個值得一試，厚肉而保留到肉汁，比較喜歡雞肉！沙嗲唔洗講都係串燒絕配組合，easily finished六大串👅👅🔸冬陰功大蝦湯 海鮮（$108）友人點左冬陰公，比平時食嘅無咁酸，幾岩胃口。可選蔬菜或海鮮，我地選左後者，超多魷魚圈😛、仲有隻大青口再加大蝦。覺得如果再辣多少少，就會更惹味，但都達到水準。…查看更多