Calvinnghk2的個人專頁

去開北角，想食個又平又好食既Lunch，諗起熟食中心既協成粥品，上到去，見到地方比之前企理同乾淨咗，雖然有一排冇上去，但靚姐依然記得我同個女鍾意食鮮茄豬扒飯，仲有飲綠豆沙，咁有人情味既食店宜家好少見，這裡一個飯只係$36蚊，包野飲，鮮茄豬扒飯來到係熱到出煙，好有鑊氣，豬扒入味又夠多；之後叫咗腸粉都係即叫即包，蘿蔔糕即叫即煎，價錢平得黎野食有質素係熟食中心既特點。:)平時見得紅荼果Ｄ黑口黑面既阿姐多，來到見到協成粥品有禮貌既招呼，直係好大對比，食完心情都靚Ｄ，希望這間好食既小店可繼續加油。…查看更多

入到長洲，見到這間店pancake好似幾特別，所以買來試下，等咗半個小時，食時覺得香焦味道已經怪怪地，不以為意，點知回程時就開始肚痛，在船上痾咗兩次。近排天氣熱咗，生果切開容易變壞，大家食時小心Ｄ啦。…查看更多

入到這間餐廳食lunch，見侍應想落order,  侍應說要用手機點餐，手機掃碼後點了飯餐，接着要選小食，不選小食不能完成點餐，因為幾肚餓，所以求其選一款小食送出；覺得小食是必須選的，但飯餐、小食再加飲品足足要90多元，lunch來說有D貴；之後問番侍應，原來選單之中有一個不揀小食的選項，只是位置不容易見到，所以現埸所見9成食客都有選小食，有些女士亦食吾哂。埋單時同老板反映，老板卻說程式有D不方便，冇辦法。在這裹話俾其他食客知，等其他食客知道原來可以吾駛叫小食，免得食吾哂浪費食物。…查看更多

一向都知道添好運D阿姐服務態度好一般，今日終於見識到，話說午市想去北角添好運食點心，入到去問店員有冇位? 女店員叫我和女兒去兩個好迫的位搭枱，和隔離枱相連的，我們不想坐得咁近，同時見到附近有張枱正準備埋軍，所以不搭枱，我和女兒已經行番去門口附近打算等這張打算埋單的枱，但沒想到剛才的女店員很生氣並大聲責備：「你吾坐冇位架啦！」「冇其他位俾你坐！」「你吾坐就出番去！」其實另一張枱已經埋咗單，又沒有人在等2人枱，但這女店員很生氣叫我們行開，完全沒有一點態度和禮貌可言。最後我另一位店員叫我入去坐己埋單的2人枱，但已經沒有心情叫野食，寧願去另一間餐廳食好過．添好運這位樓面員工，完全不懂尊重人客，希望這個員工可以反醒一下。同時亦讓管理層了解到有這樣的員工幫你們趕客。…查看更多

之前在希慎廣場食過八番拉麵, 素質一般般, 今次去開北角匯, 女兒忽然想食八番拉麵, 於是叫了一個豬軟骨野菜拉麵$67給她吃, 自己叫了义燒飯食, 由於Foodcourt是開放碗式的, 可以見大媽姨姨做拉麵的過程, 見她在碗內放了很多蘿蔔絲,芽菜和椰菜, 及將一小袋小得可憐豬軟骨(不知是熱還是涼的?)放在麵上, 來到的時侯跟相片差得很遠, 吃落麵有一點點鹼味, 麵份量不多, 反而蘿蔔絲,芽菜和椰菜足足有一大碗, 因為女兒不吃蘿蔔絲,芽菜和椰菜, 從碗內夾出來, 足足有一大碗, 所謂的豬軟骨跟平時渴例漡的豬展肉冇分別, 冇味, 又韌又鞋口, 肉質吾夠腍, 跟平時食茶木的豬軟骨差很遠~還好意思說是廚師推介, 滄浪亭的豬軟骨麵比佢好食萬倍, 都只是$55元, 這裡郤是$67元, 一定沒有下次.…查看更多

星期六晚去開奧海城食Cinnabon肉桂卷,  順便食下添好運出名既酥皮焗叉燒包, 去到吾駛等位, 成班侍應阿姑企哂係度, 首先叫了酥皮焗叉燒包, 來到只是微微的暖, 不知是不是放了一段時間,  跟者叫了個海帶海帶綠豆沙, 等了十分鐘, 卒之來到,  綠豆沙完全冇味, 吾甜, 味亦很怪, 侍應阿姑話是臭草的味道, 但其他甜品店又冇咁難食既, 應該係我食過之中最難食既綠豆沙, 雖然甜品不是添好運的主食及比較少人叫, 但都沒理由咁難食. …查看更多

應該有10年冇去過數碼港食野, 星期日和女兒去數碼港遊玩,  見到這間Food court小店, 叫了一個滷水大雞脾飯, 加$8元要多肉燥, 等了5分鐘, 來到見到好似幾好食, 但飯有些硬, 應該放了一斷時間, 而肉燥就完全冇味, 如果你食過其他地方 (如茶木等台灣菜) 肉燥的話, 大既會知道肉燥的味道, 但這裹的肉燥居然是冇味的,  好干; 最後我沒有吃到肉燥, 反而滷水雞脾味道可以,  滷水汁有些义燒汁的味道, 應該是加了些酒去煮, 老板態度好似吾想做咁, 難得可以在數碼港生存咁多年?…查看更多

由於女兒中午要上興趣班, 所以有時會在這裡食午飯, 因為這個熟食中心是有冷氣, 所以夏天天熱時都食得舒服涼快, 這裡的滑蛋豬扒飯一向都幾好食, 豬扒份量多之餘又煎得鬆軟入味, 滑蛋汁味道好好,  好啱用來餸飯, 所以女兒一向都好鍾意食這裡的滑蛋豬扒飯, 有時人客多老細更會親自下廚, 我們吃的飯就是出自老細, 又大碟又好味。再加$4一杯紅豆冰, 即時暑氣盡消, 飯加紅豆冰都是$42元, 還有糖水送, 觀塘來講算是好抵食了。…查看更多

前些時間去百份百餐廳食午餐, 叫咗一個「紅白鴛鴦焗飯」,   過了一段時間還未有,  於是便問回剛才下單的女侍應,  但不知何故,  站在我身旁的另一位侍應聽到,  便用很大聲及不禮貌的態度大叫:「咩呀!」,「你個焗飯...」, 本人覺得這種完全不像連鎖式餐廳侍應應有的態度,  因我去大家樂或大快活時從來未曾見過這些粗魯的侍應,  像大排檔的阿姐一樣;  但相信只是個別員工的問題,  其他侍應回答問題都是有笑容的,  希望有關餐廳能夠好好培訓自己的員工,  免得被她損傷到百份百餐廳的形象。…查看更多

今天和女兒去到旺角圖書館溫習和看圖書, 之後到樓下三樓熟食中心食晚餐, 我們選了其中一檔〝嘉榮快餐美食〞,之前都試過其他檔口,  以三十多元一餐來講, 這一檔的質素算是最好的,  同時環境比其他檔口乾淨,  叫了一碟的〝咕嚕雞球飯〞,  我和女兒都覺得這裡的咕嚕汁比其他地方好味,  同時雞球亦炸得剛剛好,  雞皮有小小脆但內裡軟熟,  整碟飯來到時熱氣十足,  飯食到最尾飯還是暖暖的;  還有當我們要求要碗和筷子時,  檔主體貼地用熱水沖洗乾淨才拿給我們,  現在很少遇到這些食店,  食品好食之餘還態度親切. 我們坐的位置可以看到大廚煮東西, 女兒很好奇為何炒飯可以炒到著哂火, 我向她解釋這就是大排檔的鑊氣, 所以我們的雞球飯才會咁好食, 女兒說我們下次去開這裡都想再來這檔食飯.…查看更多

網上講到元朗巨脾點好食, 今日同家人專誠由觀塘去元朗試下, 原本經過建業街街市的成記茶寮, 見到差不多坐滿食客, 食客的炸豬扒又多又大塊, 賣相亦很吸引, 本來想坐底試下, 但女兒很想見識一下大隻炸雞脾, 於是就同佢去到覓食家, 12:45pm去到覓食家, 有一半空位, 不用等, 叫了炸雞脾飯, 果然皮都幾脆, 但雞皮味都一般般, 內裡的雞肉亦冇咩味, 可能腌得不夠, 個人認為大家樂或美心的炸雞脾比這裡更有味, 只是沒有這間咁大隻, 但只是大隻不夠的, 要好食才可以. 女兒亦覺得炸雞脾味都好一般, 炸得太乾了, 同時飯量又少, 沒有興趣再來這裡食, 總之就去成記茶寮好過, 難怪1:30都坐不滿這間小餐廳.不過有位男職員都幾好人, 問我女兒飯夠不夠, 但我地之後打算去附近食甜品同糖水, 所以婉拒了, 相反有位上年紀的女主管整個下午都黑口黑臉, 一句中伏!…查看更多

同家人周未去翠屏邨食飯, 食得百份百餐廳太多. 想試下其他, 於是就試下附近的"潮人館", 下午時間好到大把位, 完全不用等; 叫了 "懷舊咕噜肉 ($48) "和 "四寶飯 ($30) ",  咕噜肉份量萛少,  一個人食有點勉強,  同時咕噜肉太細粒, 沒咬口和乾身, 不合格, 比起百份百餐廳和普通大排檔的咕噜肉差很多; 同時"四寶飯"的鴨肉好一般, 冇咩鴨味, 不過$30元的飯不能有什麼要求, 好難再有興趣再幫襯.…查看更多

星期日同女兒在渣華道市政大廈玩過兒童遊戲室後, 需要食午飯, 來到2樓的渣華道熟食中心, 試下其中一檔"協成粥品", 因為價錢合理和有甜品送, 我們叫了"鮮茄豬扒飯"和"义燒滑蛋飯", 估吾到只需5分鐘時間就煮好, 而且好大碟, 我女兒只吃了一半, 我亦食吾哂, 味道方面, 豬扒不是炸的, 軟身和夠入味, 有很多鮮茄在旁; 而义燒滑蛋的义燒亦不太焦, 剛剛好, 炒得很熱和很有鑊氣, 完全是大排檔的級數.女兒最開心是堂食有豆漿或綠豆沙送, 兩個飯加飲品的價錢只是$58, 算好抵食, 唯一不習慣的是其他枱坐的老人家不停看著我和我女兒, 不過他們的目光都是親切的.下次再試試這裡的點心, 例如腸粉和包點等.…查看更多

多年前曾經食過這家燒味店, 已經覺得幾好味,  原來現在已經入選為米之蓮食店, 十多年冇食過, 今日再試, 义燒味道跟當年一樣好味, 女兒食完贊不絶口, 但一時好奇叫了一碗燒排骨飯, 就十分後悔, 總覺得义燒就义燒, 排骨就排骨, 為什麼要將它們夾埋一齊? 义燒排骨又硬同時不及义燒入味, 總之就叫油雞飯吧, 還有年老的員工下單時將一碗寫錯做一碟, 不過算吧.整體來說, 除了燒排骨外, 其他燒味道依然是很令人回味的.…查看更多

已有好幾年耐冇食過詠藜園四川菜館, 一時興起同家走去食, 下午食飯時間, 不用等便有位坐, 點了走辣擔擔麵和獅子頭客飯, 擔擔麵麵身柔軟易入口, 湯底花生醬味重, 但卻令整碗麵很油膩, 女兒吃了半碗已不想吃下去, 我吃了幾口都覺得幾油, 雖然未吃其他食物, 但已有點膩.至於獅子頭客飯等了20多分鐘, 可能即叫即煮, 但來到時有點失望, 因為菜太多, 原全看不到獅子頭本身, 同時菜吸收了大部分醬汁, 想用醬汁撈白飯都不能, 獅子頭食*落叫鬆化, 但味精有點重, 不象其他川菜館清甜, 真的有點失望, 同時跟餐的例湯不飲也罷!總結除了麵身較其他食店優勝之外, 其他食物都未必較其他地方出色.…查看更多