Ernest_Kathy的个人专页

朋友推薦呢間西餐廳，話好食又平民，於是去試試。Set Salad & dinner set 送的南瓜湯 南瓜湯幾有質感，飲到沙沙地既感覺，但唔算濃郁。沙律只用簡單的橄欖油和鹽調味，配上雜菇。雜菇份量算蠻多，每啖都可以食到配料，橄欖油沒過量，不會食到成口油，口味比較清淡，作為前菜簡簡單單。$88 香蒜牛油芝士焗龍蝦半隻落枱時超香牛油香，芝士份量唔算重手，食完唔會太膩。龍蝦肉質未算彈牙，但不腥不霉，不過不失。鉗的位置沒有敲一刀，亦沒有提供開殼工具，略嚴不夠細心。$168 蝦蟹膏蟹肉帶子意粉滿滿既蝦蟹膏包裹每條意粉，蝦膏味道又香又濃，意粉偏硬身，帶子肉煮得剛剛好不會過熟，但食太多會覺得腻，而且蟹肉太少，都係食完睇番先知有蟹肉係入面。$228 燒紐西蘭特級肉眼扒 + $25 升級配菜 (五重芝士醬焗薯條)牛扒我地叫左5成熟，餐廳配左芥茱醬和鹽，仲有烤大蒜。烤大蒜吃起來軟糯又香甜，為牛扒加左好多分。不過牛扒評價一般，肉味不足但唔鞋口，肉質有少少韌。配菜本身是椰菜，但我地+$25 升級為五重芝士醬焗薯條。擺盤時牛扒壓住薯條，原意是讓薯條吸收肉汁，但食落肉汁感受不太到，反令薯條變腍，失去口感。五重芝士醬相當香濃，但食不出"五重"感覺。$68 Lychee Rose Mojito 相比起傳統Mojito，餐廳加入荔枝和玫瑰，令Mojito本身昇華了。青檸清新，加上荔枝香甜，形成誘人香氣，荔枝果肉加食肉玫瑰花，增強左口感，亦令成個色彩豐富左，打卡一流。$58 藍莓芝士蛋糕有別於傳統厚重的芝士蛋糕，這個感覺非常輕身，食落口感似食緊忌廉，蛋糕上面有藍莓和紅桑子做裝飾，水果酸甜解腻，配以藍莓醬，作為整晚結束。另外一提，當日餐廳樓面只有一位服務員，要同時做水吧工作，所以比較忙碌，客人需要耐心等待。雖然忙，但服務親切有禮。餐廳環境清靜，位置不算擠迫，有貓頭鷹擺設，掛畫及打卡位。…查看更多

<真·法國大餐>英文廢廢表示：好多佢講完都唔知咩黎🥱但係又好好食淨係送既開胃小吃已經超精緻，有3款南瓜撻，入口口感爽脆清新青豆入面有mousse，酸甜開胃餐廳自家製既長麵包，外脆內軟又煙韌牛油亦是自家製，分3款，由清新既柚子味，到原味，到最濃既雞皮味，香濃清新唔膩，搞到唔小心食左超多麵包前菜5碟，比較深刻係焗薯皮同鵝肝黑松露配日本甜粟米，朋友好鍾意食粟米，食到哇哇聲。然後係煙燻蛋白焗薯仔配魚子醬，魚子醬除左舖底之外，仲喺薯仔中間夾咗超多，果然係心機菜。海鮮有紅蝦配蝦膏醬，仲比左個麵包用黎點蝦腦，暫時係我食過最好食既紅蝦，肉質鮮嫩，入口即化，蝦膏香濃撲鼻，點麵包一流龍蝦就真唔知配左咩醬，酸甜開胃，亦都鮮嫩彈牙魚料理有海膽魚子醬配鮟鱇魚，底下有青瓜蔬菜片，一絕。另外果條係唔知咩魚，但個皮超脆，唔講以為食緊燒肉，肉質爽口，魚味十足主菜有BB鵪鶉，配鵪鶉mousse ，另外一道係鹿肉，人生第一次食鹿肉，唔知道點評價，口感似牛肉+雞肝，但係好好食。連side dish 都好有心思，將菇整成一個撻，菜包住果仁碎再配醬汁，多重口感甜品係香蕉疏乎厘配雪糕，空氣感十足。山楂唔知咩撻配車厘子醬，酸甜解膩，食完感覺又可以大戰多一百回合。另外因為生日餐廳送咗個提拉米蘇，中間包住果仁同醬汁，好有層次最後有一個朱古力製既容器，比左D小點心同朱古力，用黎配茶或咖啡整體而言，無論環境，服務，食物質素都非常高，驚喜不斷，可以感受到法國人對待食物既認真。用料新鮮，廚師唔會一味只用貴價食材堆砌菜肴，亦會善用食材所有部位去做變化，將成材精華打成醬，整成mousse，再唔同既材料搭配非常有心思。…查看更多

如果大家嚟呢度食飯，係圓枱嘅話。好直接咁講一句「你出返去啦」完全唔建議喺度食飯。我哋呢一餐人均四百幾本身係睇到YouTube嘅介紹，所以嚟呢度試一下。環境氣氛好明顯就係 Fine Dining 嘅級數但係無論服務同埋食物都未如理想重點嘅罪狀係：擺放食物位置不足沒有食物出場次序=> 基本上係唔會理你幾時食得晒，先出其他=>意粉同埋Pizza，已經佔據咗張枱3/4，侍應繼續出餐，拎咗兩碟出嚟，企咗喺度完全唔知點樣放。冇人幫個侍應，我哋喺度自己不停喺度執位。最後嘅解決方法係，有兩盤食物係半凌空，3/4喺張枱到咁樣！係一個Fine Dining 嘅level, 全程好似食到茶餐廳咁樣, 好似好急住食完一樣嘢然後令佢多啲位食其他.好後悔嚟咗呢間餐廳食——————————————————————我哋今次叫左1）月形Pizza係真係好味嘅，同YouTube講嘅都一致，個皮唔會太硬，食感覺幾好2）意粉普通水準，不過不失，不過可能係因為出菜速度太快，食咗個Pizza再食意粉已經凍凍地如果你只係想食Pizza嘅話可以值得一試，但係如果話想要一個好好嘅用餐體驗/想嘗試其他食物嘅話，「唔建議」…查看更多

首先係 刺身船，我哋6個人食，就6人份量~無得添加，其他野食可以無限追加~~然後係一堆小食 （沙律/熟食）其中蝦多士我哋再嗌再6個，好味雞煲可以揀辣道，我哋有孕婦，微辣好啦有蜆既雞煲，豐富~~食完就起火鍋啦~~一堆海鮮~新鮮既，鮑魚識郁~可惜貝類有D沙，明白平安夜太忙，吐唔切沙，唔緊要啦~豬好味過牛~~腐竹好新鮮好食~~第二次食家嫂，仍然好鐘意佢D涼茶大大杯唔太甜~最鐘意薏米果杯另外有紅白酒任飲，整體上好抵，雖然對比上次加左少少價，我哋又加多左一隻 象拔蚌$2百幾，平均每人$440，食到飽飽飽…查看更多

好記得：入門口問我哋燒唔燒烤,我地個反應係？ 問號？「可以唔燒烤？」一心想食燒肉既我哋笑咗出聲我哋直接問店員有咩推介，佢話唔醃好味D，有少少驚喜（因為正常諗起韓燒就聯想一堆醃製好既深色生肉）我哋兩個女仔嗌咗兩款無醃製肉+個炒粉絲（牛），差D嗌埋年糕，不過驚食晒。1.極級霜降牛（輕燒兩邊就好食啦，啖啖油好juice 油花好靚)** 隨時可以換燒板，店員好nice，送餐速度都快**2.伊比利亞黑毛豬肋排肉朋友話我燒得好好，岩岩熟，唔乾又林，邊位少少脆，如果有生菜包就仲正，不過嗌得唔多肉，無叫到生菜（唔係送架）**順便用咗D豬油燒菇~讚一讚先~以下配菜食完可以任fill😚（我哋覺得沙律同菇最好食）掛住燒，無影到粉絲，好彈Q，好多配菜，有韓國食既味道！最後我哋食到好飽都要食晒佢！聽講炸雞都好好食~~下次試~~***已經嗌左朋友去試❤️一致好評❤️食嘢其間，間唔中聽到店員講韓文，唔怪得個炒粉咁好味啦！我哋無嗌酒水，因為燒酒賣得略貴，我哋覺得唔抵…查看更多

朋友發現我鐘意食小籠包，專情帶我過黎試佢係香港食過最好食既小籠包！我試完，敢講出名既店舖都無呢間咁好食！首先，大大隻嚇親小妹，事關佢價錢好平，一籠4隻逼到個籠滿咗，皮薄得黎，個頂用筷子夾到唔會穿~咬咗個頂~D汁唔會流晒出黎，因為湯汁係包既一半超平均比例！我怕熱，吹左幾下先敢啜下D汁，超級鮮甜！有點尷尬，因為我好想食又好怕熱，口水差D流出黎，唔係講笑！！！暫時！係香港我食過最抵又最好味既小籠包「 隱店」另外嗌左個羊肉辣炒麵，朋友話食過晒佢個餐牌，繼小籠包後，呢個炒麵火係第二好食，我完全無影個炒麵，食完個小籠包好滿足小妹係正常食量，下午茶食兩個都飽飽了。…查看更多

［沙織 🤤蟹］對於蟹冇抵抗力嘅我, 見到佢出叫呢個「五王蟹粉烏冬」即刻想去食🤤雖然佢好似甜品出名啲, 但本身知道佢同京都沙織冇關係, 咁去到就順便試吓🤤當試新店咁…蟹烏冬對於我黎講一定唔夠多Haha, 不過食埋個甜品就剛剛好, 好飽🥳-五王蟹粉烏冬見到有一條一條真嘅蟹肉！好香好好味🥰 真係啖啖肉有蟹醋、花雕酒（金香水瓶）、柚子醋可以自己調味🤤係正嘅不過小貴 🥲要$198-和粟沙織 配石板街雪糕&原味班戟屋企人覺得和粟味好正～我覺得味道好嘅，不過整體中等，可能因為我預期佢會更柔滑更特別…因為有期望所以… 水準中等嘅甜品打卡會啱啲haha品嘗日: 2·10·2021…查看更多

之前被呢度既咖啡餐牌吸引，今日返half收工呢開附近，想飲咖啡 一於黎試下。首先，嗌杯啡先，第一次黎，無特別揀豆無飲手工，試最簡單既latte先青醬雞胸沙律配檸檬醋醬低溫暖煮雞胸好林又滑，有雞味，薄薄地嘅青醬唔會搶味，幾好，重點係「份量多！！」難得雞胸沙律係食得飽（自問食量非一般女生）All day- 多士黑黑地，原來係咖啡包（如果唔岩咖啡嘅要注意）- 中間係牛油果，搞得淋咗少少，個人比較鐘意有咬口多D，- 腸比較細條，所以有兩條，個人比較鐘意粗腸多汁D，呢款就乾D。總體，如果再黎，會食 雞胸沙律 多過想食All day.…查看更多

兩個朋友食完一次，強烈邀請我一齊再去食！佢哋話第一次去要試 「海龍皇湯」，佢地就試咗啦，所以今次試迷你佛跳牆（鮮甜又濃郁，感覺好滋補）西班牙火腿（聽講就係靠呢款而出名,將火腿浸落一浸湯，連埋湯一齊食，火腿味好出，啖湯濃味咗好多，好好味）「海龍皇湯」我真係連湯都飲晒，無添加唔會口乾！陽春麵口感適中，係D蝦唔夠新鮮，其他都好好！「涼伴麻辣手工豆腐」（少辣）一食就胃口大開，豆腐超滑，個麵又未到，連嗌咗兩碟（強烈推介）「芝麻醬海蜇雞絲粉皮」唔太凍，粉皮超超超滑，我好想嗌多個，友人唔比，驚我太飽飲唔到D湯..........另外嗌咗 「玫瑰豉油雞中翼」玫瑰露好香，醃到好夠味，我想再食，友人又係驚我太飽食唔到個麵湯🤣除了飲湯我哋嗌咗兩支「冷泡桃香雲南紅茶」係玻璃樽！倒落杯飲，懷舊feel，桃香唔錯，食飽再飲，清新去膩。****朋友到而家都仲未試到佢個牛骨湯，次次去都賣晒，希望佢每日可以整多D****…查看更多

今日女伴同我一樣勁鐘意食鵝肝，係佢帶我黎試新野！估唔到一食難忘！！！忍唔住要寫低 介紹比鐘意食鵝肝既同好者！！（原諒我用好多感嘆號！因為真係好驚喜好好味！）餐廳好貼心有中/英文餐牌，詳細講解漢堡成份，對於有食物敏感人士好有幫助。- 後者就係最想食既「銅鑼堡」！我想趁熱食，所以無影到佢大頭相...鵝肝比想像中大好多！煎得好好食,外脆內嫩,多汁多油！配埋招牌MOOMOO醬真係好夾！- 前者係熱帶之堡，純粹係朋友話想食菠蘿先嗌熱辣辣炸魷魚+凍冰冰沙律醬，偏咸送啤酒一流，我食唔停口,隔離個 醬怪叫侍應比多個醬佢先夠...香辣薯條+肉醬芝士 本身好鐘意食肉醬芝士，我覺得好好味！…查看更多

［九龍城新開嘅日式餐廳🤤］放工既時候 見到有個新嘅Adv,住喺九龍城 梗係要約人去Try try.我好似返咗日本咁🤪呢一餐嘅MVP係$438 刺身六款（拖羅、油甘魚、原隻活赤貝、三文魚、帶子、三文魚籽）好新鮮~厚切程度係成個口滿咗~好滿足！$248 A4和牛夀喜燒蔬菜甜湯煲咗之後，將和牛放係湯面~拖兩拖~~食得！入口即溶！完全唔捨得吞！係日本呀~~~~總結：刺身大大舊又新鮮🤤 和牛真係溶左出嚟🤤鰻魚炒飯兩人食唔夠喉🤤可以再去🤤 我平時係會買日式黃蘿蔔返屋企食嘅人，所以叫左新野試伏 煙燻蘿蔔芝士 ，巧啱我口味，巧香🤤嗌咗個殿粉質：鰻魚丼，估唔到係炒飯，圖片不附呀~但係真係好好食~原來炒飯仲，平時晚餐唔食飯既我，係咁問仲有無飯😂環境服務質素：店舖不大，勝在服務周到，我哋細聲討論想要嗌多樣野試，廚房師傅聽到，立即同侍應講我哋嗌人，叮一醒加咗好多分比佢，係高大又細心既師傅丫，女士表示 「心心眼」，侍應們對於我嘅好奇心都好詳細咁解釋我知~小黃瓜我真係怕酸，好彩有溶芝士中和返~唔係彈Q普通芝士~🥰九龍城又多一間高質日式店🤤#遲post系列 日本感覺👉🏻上戶酒場…查看更多