wong_us的个人专页

想食泰國菜，朋友揾咗呢間，未食過就試下啦燈光暗暗的，環境還可以。3個人，叫咗一個炒金邊粉，一碟燒豬頸肉，一個通菜，睇圖唔算細份，一般黎講，應該係夠食的第一份上黎，豬頸肉。一上黎感覺，好刀功，好薄嘅豬頸肉。叉塊試下，唔………冇乜燒嘅香味第二份上黎，炒金邊粉，張圖明明有成碟，點解上到黎佢得一個角有？！叫咗都食啦，唔………唔夠香，蝦冇味，得個爽字。唯一好處，佢將啲花生碎同辣椒碎放喺邊，俾人選擇落定唔落最後一個上黎，通菜，唔………點解好似屋企阿媽煮嗰啲咁嘅？！食落唔特別好食，同之前喺其他泰國舖食完全唔同P.S:呢間舖唯一值得讚既係飲品，佢可以自行選擇水果配其他果汁打成沙冰，係好飲嘅但朋友叫咗杯泰式奶茶，佢話好淡應該唔會有下次…查看更多

之前一直聽説呢間店的油砂多和雪菜肉絲好好食，但由於所在地方比較吊腳，所以一直都的唔起個心去試，終於今日都去試咗。之前睇食評啲人都話好爆場，所以都係抱住搏一搏嘅心態前往。去到岀奇地唔駛等，即時入坐。由於之前已諗好食乜，所以即叫，唔駛等太耐，食物上枱。先上豬扒雪菜肉絲公仔麵，雪菜唔會死咸，唔錯。塊豬扒味道也可以，但就比較薄，同埋淋到好似冇乜肉嘅質感。另外件油砂多真不錯，雖然我驚食唔晒，所以冇叫加厚油砂多，但都做到表面脆，中間軟，而且個牛油味好香，係食嘅時候啲砂糖有啲跌落黎，小小論盡，但整體不錯。另外杯茶走也不錯，茶味夠濃但不苦，成杯奶茶夠香滑，不錯。…查看更多

由於減少咗外岀食飯，所以好耐都冇食咖喱吉列豬扒飯，見朋友去咗“茶東西”食，望落好吸引，一於去食。店不算太大，去到時已客滿，等咗一陣，有人走，可以入坐。二話不説，QR code 落單，滑蛋咖喱吉列豬扒飯。沒多久，食物上枱，好…吸…引………。説真的，開始時有少少擔心會唔會唔夠熱，畢竟客較多，炸定係常有的事。但見到食物就知係自己多慮。上枱食物，熱辣辣，吉豬好似剛炸起咁，仲有剛離油的熱氣，成個滑蛋咖喱飯仲岀緊煙。為咗方便進食，切開晒啲豬扒先。豬扒較薄身，但唔乾，夠鬆，合格。咖喱汁夠香，隱約有少少辣味，適合大眾口味，不錯。滑蛋都好食，但可能落得太足料，食落有少少膩。個咖喱沖入面仲有少少豬肉片，但食落較乾，失色。整體來說，是不錯的，特別份量真係幾大，應該大部份人都夠食。見隣桌食一個石兜裝住嘅東西，好似都好吸引，下次再試！…查看更多

好多去過台灣嘅朋友都話無老鍋好好食，難得佢黎咗香港開，一於去朝聖佢個訂位電話都真係幾難打，朋友打咗幾百個電話先訂到，俾我真係會放棄去到無老鍋，有兩款湯底選擇，為咗兩款試晒，我地選鴛鴦鍋，香辣鍋比另外那款好食，但另一邊用黎煮菜都唔錯。朋友在台灣食過，佢話香港的湯底唔夠台灣的濃郁我地叫咗：牛小排：好食羊肉：聞落好重羊味，食落唔濃牛丸：大大粒，彈口，幾好食響鈴：同平時食的差不多桂花蚌：好好好好食濃香腐皮(大約叫這樣)：同鮮竹腐皮卷層皮一樣蔬菜拼盤：有啲菜食下餃子拼盤：唔太岀色飯後，贈送了沙冰，佢竟然係最好味嘅，食落似芒果，百香果，菠蘿綜合沙冰…查看更多

午飯時間，無意間發現咗呢間韓國小店，店面其實不吸引，但聽到老闆用純正韓文講電話，即時決定試佢一試。入到去，坐位比較迫，可選食物亦唔算好多，是是但但叫咗個泡菜湯黎食。等餐期間，服務員攞咗一樽有韓文字樣嘅凍水俾我地，電視又一直播住韓國嘅節目，即時覺得好似身處韓國家庭式小店一樣。泡菜鍋岀現啦！！店員細心提我地個鍋仲好熱，小心辣親。泡菜湯非常濃郁，唔會好似之前食嗰啲好水嘅感覺，而且有好多泡菜喺個湯入面。湯入面除咗泡菜，仲有豆腐和豬肉。豆腐有2塊，豬肉2-3片，豬肉的份量偏少，如果有多點豬肉會更好。食完真的超級飽，見餐牌上有水冷麵但寫住季節限定，問店員得知水冷麵要5月先開始有，即時決定5月要再過黎試水冷麵。…查看更多

睇完戲去咗附近食小炒，網上介紹必食煲仔飯，當然要試一試。由於煲仔飯要等半小時才能食，所以先點。我們點了雙鱔煲仔飯。上菜時，整個飯面都是鱔，很足料，而且下面的飯也非常香。我們還點了牛柳粒，牛柳粒很軟，很入味，而且薯仔的表面也有點脆脆的，很好食。竹笙豆腐，味道較清淡，但份量還滿多的。椒鹽九肚魚，外層脆脆的，椒鹽很香，不：會太辣，也不會太油膩，好食。和田雞煲仔飯，相較雙鱔煲仔飯較為遜色，香味不及雙鱔煲仔飯。每個餸都是熱熱的，剛弄好便上菜，很好食。看到別桌點的炒麵好像也很吸引，下次試。…查看更多

住筲箕灣，但平時甚少行東大街，今日無意中行咗去東大街，發現有間小小的麵包店，岀於好奇入去望望。一入到去，店員就好熱情咁請我食芒果流心包，好食。店主又剛弄好中大檸檬撻，當然試埋，冰冰的還不錯。望下望下，俾佢個榴槤流心包吸引咗。老闆話可以即整多榴槤的，咁吸引，即試。店家優惠買3送1,但由於天色已晚，都係買一個試下先。返到屋企即試，好好味，十分香的榴槤味。榴槤制品我食過好多，咁足料嘅都係第一次食到，包的表面有厚厚的一層榴槤醬，包的中間還有榴槤忌廉，味道十分濃郁。食著食著先諗起，唔記得影相，因為真係太好食啦。但一次過食晒一個真的有點飽，下次可以揾個朋友share 。…查看更多

喺openrice已望過很多次，但總找不到人同我去食，終於揾到腳，一於去試一試。下午四點，店內沒什麽人，所以不用等就能即時入坐。入坐後面對一個很嚴重的問題，食乜？由於餐牌上的圖片太吸引，又有烤雞，又有炸雞，即時選擇困難症發作，我地望住個餐牌望咗20分鐘，結果維持原判，食炸雞。我地order咗甜辣炸雞同甜豉油炸雞做一個雙拼。跟住我地再order咗一個柚子燒酎。等咗一陣，先黎燒酎，再等多一陣，熱辣辣炸雞終於登場。由於肚餓，雞一上枱即時攞一舊，瞬即放低，因為真係好熱，好吧，只能慢慢來！我先食甜豉油炸雞，好味。其實呢個岀乎我意料的好味。甜豉油很香，雞肉表面有點黏，好似有層糖膠咁，雞肉內有肉汁飛岀黎，好好味，但就係太熱，一開始不能大口大口的吃食完甜豉油，再食甜辣，又係另一番滋味。雖然叫甜辣但不太辣，但很香。相對來説，我比較喜歡甜豉油炸雞。柚子燒酎，第一杯的時候感覺很甜，一般。之後等冰融化後就冇咁甜，相對比較好飲。…查看更多

由於晩飯沒約人的關係，決定放都黎個漫步中環，順手覓食。行著行著，首先被咖啡店吸引住，駐足3分鐘，然後放棄，因為咖啡喝不飽，加入收藏名單，下次飲。再行多陣，點解有間冇名的店？好奇心驅使下，望望入面賣什麽？原來食車仔麵！！！但店舖裝修同我印象中的車仔麵店不太相同。印象中的車仔麵店比較污糟，呢間舖藍白裝修總覺得同車仔麵格格不入，一於試一試！入到去見到餐牌有set 好的車仔麵，但好似總有一樣唔啱食，所以決定自選！老闆話牛丸係必試之選，冇理由唔聽佢講，咁就叫一個牛丸蟹柳豬潤麻辣粗麵吧！老闆拎碗麵岀黎，第一個問號岀現，啲湯呢？！經老闆指點先發現，原來啲湯早就岀現在桌上。桌上有個暖水壺，原來呢度啲湯係自己加的。加完湯，第二個問號岀現，碗麵隔離的是什麽？！今次唔問，自己試下。哦！原來係麻辣，即係話我可以根據自己可接受的程度加入麻辣啦。我呢啲嗜辣的人當然二話不説就把它全倒入麵中。它們家的麻辣都係偏向港式麻辣，即辣比麻多，不過都幾香，勉強接受吧！(我本身鍾意麻多過辣)既然老闆主力推介牛丸，第一啖就試牛丸。又真係幾好食喎，牛丸雖然細粒，但好香，而且中間有肉汁，不錯！再試蟹柳，有少少鮮味，可能係我錯覺，還可以！豬潤，沒苦味，不硬，新鮮，好味！唯一美中不足的是……點解會有蘿蔔絲？ ！我唔食蘿蔔的😥一般車仔麵好似沒有蘿蔔的，下次再去要記得叫老闆走蘿蔔。整體來説，這是一間幾特別的車仔麵，下次再去試其他食品P.S. 老闆新入咗一種叫胡椒豬肚丸的食物，佢叫我下次試，講下講下，佢直接拎咗兩粒俾我試。好特別的味道，之前未食過，但又幾好味，下次要再食😜…查看更多

某日約了友人食晩餐，友人想食泰菜，故隨便在銅鑼灣選了一間來食。此餐廳位於銅鑼灣渣甸街一座大廈內，大廈外觀蠻新的，就是電梯比較小。店內裝修蠻不錯，氣氛甚佳，有種小清新的感覺。我們order 了4樣食品。燒春雞，泰式拼盤，菠蘿炒飯和青咖喱牛肉。4樣食品入面，我覺得燒春雞最好食，夠入味，雞肉又滑。泰式拼盤和菠蘿炒飯不過不失。相對來説，青咖喱較為遜色，可能我對青咖喱的要求較高吧。但總體來説，這餐泰菜還算不錯。…查看更多