店不算太大，去到時已客滿，等咗一陣，有人走，可以入坐。
二話不説，QR code 落單，滑蛋咖喱吉列豬扒飯。沒多久，食物上枱，好…吸…引………。
説真的，開始時有少少擔心會唔會唔夠熱，畢竟客較多，炸定係常有的事。但見到食物就知係自己多慮。上枱食物，熱辣辣，吉豬好似剛炸起咁，仲有剛離油的熱氣，成個滑蛋咖喱飯仲岀緊煙。
為咗方便進食，切開晒啲豬扒先。豬扒較薄身，但唔乾，夠鬆，合格。咖喱汁夠香，隱約有少少辣味，適合大眾口味，不錯。滑蛋都好食，但可能落得太足料，食落有少少膩。個咖喱沖入面仲有少少豬肉片，但食落較乾，失色。
整體來說，是不錯的，特別份量真係幾大，應該大部份人都夠食。
見隣桌食一個石兜裝住嘅東西，好似都好吸引，下次再試！
