allaboutgoodfood的個人專頁

家全七福位於尖沙咀旺中帶靜的地段，裝潢典雅大氣，空間感十足，而且有不少現代化和貼心的設施，例如洗手間大門是免觸的感應門，洗手間除了備有漱口水，連護手霜都有兩個不同品牌供選擇，非常周全。第一次來，點了tasting menu，希望試多幾款菜式。雞子戈渣比較少地方有得食，估唔到味道不止容易入口，口感仲豐盈軟滑，有啲似輕盈版嘅鵝肝。戈渣炸得剛剛好，外脆內嫩，同入口即化嘅雞蓉配合得天衣無縫，略帶咸香，係一道令人回味無窮嘅菜式。蜜汁燒脆鱔以外皮微脆，肉質緊實嘅燒鱔魚為主角，散發出誘人嘅香氣。加埋清甜嘅蜜汁調味，以甜味帶出鮮味鹹嘅美味，不錯👍皮蛋醬蘿蔔呢道菜結合咗經典嘅皮蛋同醬蘿蔔，皮蛋嘅軟滑同醬蘿蔔嘅爽脆完美融合，口感豐富，展現咗廚師對食材搭配嘅巧思。雞茸燴官燕最初以為官燕只係掛名，誰不知真係真材實料，啖啖都食到燕絲。配上鮮嫩嘅雞茸，每一啖都令人愛不釋口。釀焗鮮蟹蓋呢道菜以新鮮嘅蟹肉為主料，外表焗得香脆，蟹肉鮮嫩，份量超多！每一口都是滿滿的蟹肉，超滿足。燒雲腿大地鴿脯本身個菜單係田雞片，但因為朋友唔食田雞，餐廳好好人幫我地轉咗鴿脯。鴿脯有驚喜！肉質緊實有咬口，鴿味濃郁，雲腿略略帶咸，甘香可口，推薦。水煮手切牛肉手切牛肉肉質鮮嫩，湯底辣味不搶，略帶麻，配料有爽脆香藕片，算是菜單中較重口味的選擇。油雞樅菌炒四季豆雞樅菌係名貴的山珍，用油浸可保鮮提香，用嚟炒四季豆可以提升味道和口感。瑤柱荷葉飯飯一開始上的時候我以為是糯米雞🤣飯煮得軟硬適中，就算是蒸的也不會太濕，飯中加上了瑤柱和冬菇，再配上荷葉的清香，整體馥郁鮮味。生磨合桃露真材實料，而且香甜，好少食到咁濃郁足料嘅合桃露。鴛鴦棗茸糕+懷舊芝麻卷懷舊孖寶，棗茸糕微微煙韌軟糯，芝麻卷口感有點點芝麻顆粒，是懷緬過去的好選擇。服務方面，當然是非常專業周到，每吃完一道菜，侍應就趨前收盤子，再上下一道菜，全程無需等待，一眼關七的能力十分厲害👍…查看更多

五星酒店海景自助餐，實付$3xx/人環境一流，服務一流，贈送維港日落更是一流。食物選擇不多但足夠，走的是貴精不貴多路線，凍龍蝦肉質緊實，是新鮮貨，牛扒有16小時慢煮的，也有和牛。這個價錢還包括汽水任喝！唯三的問題是室外餐廳有風扇沒空調，不過今晚下了場小雨後消了暑氣，不覺悶熱。另一問題是下雨雖然有雨蓬和雨傘，但也會有點點狼狽。另外甜品除雪糕外都是室溫的，不夠冷，口感美中不足。不過以這個價錢來說，這些都不是問題😂…查看更多

今日派咗消費券，梗係要食好啲！一於出中環食意大利海鮮半自助餐！中環Baci的假日半自助Brunch我睇中咗好耐，餐廳裝修明亮、有格調，大量運用玻璃採光，室內布置是金屬+皮的風格，型格時尚。價錢是$488+10%一位，回本位一定係凍龍蝦！有海邊龍蝦和龍蝦鉗，兩款都有龍蝦鮮甜味，而且肉質緊實彈牙，非常新鮮。餐廳refill亦好大方，全餐都冇見過食物短缺。除咗龍蝦，海鮮仲有下蝦、螺、青口。另一個特色係即叫即製新鮮pizza。餐廳有兩個大烤爐，所有pizza都係即叫即整，全部香噴噴脆卜卜，喺其他自助餐絕對搵唔到。甜品一行係自助餐嘅亮點，呢度供應嘅自然係意大利甜品，例如提拉米蘇、Gelato、朱古力蛋糕等，味道濃郁又美味。其他菜式亦非常豐富，意大利菜屬於地中海料理，有好多蔬菜例如茄子、南瓜。Cold cut 有火腿和辣肉腸，芝士亦濃淡齊全。如果想食主菜，可以加$38-$78，但因為自助餐已經非常夠食，所以我同朋友都冇加。呢餐不論食物質素、環境、服務都好滿意。想weekend對自己好啲，Baci係一個Chill好嘅選擇🤭📍BACI Trattoria · Bar (中環)中環德己立街30-32號加州大廈地舖…查看更多

姚姚酸菜魚終於進駐青衣，我呢啲新界人終於唔洗出九龍食好西啦！🪑新店保持一貫Tiffany Blue裝修，打咭勁靚。而且除咗方枱、卡座之外，仲有大圓枱，一家大細嚟食都好適合。如果一兩個人嚟食，午飯亦有套餐供應。📕菜式除咗酸菜魚，仲有香港人鍾意嘅片皮鴨，而家仲做緊片皮鴨＋酸菜魚嘅套餐推廣。🐟酸菜魚份量好多！魚肉非常嫩滑、鮮味，就算揀唔辣，湯底都好香濃，有濃郁芝麻香。酸菜味道適中，淡淡嘅酸味餸飯一流！🐮水煮牛肉水煮牛肉無得揀唔辣，但亦唔會好辣。本身已有芽菜、粉條。牛肉份量頗多，肉質夠淋，配上水煮辣湯幾惹味。🥘麻辣香鍋呢個香鍋可以自選配料，最少選五款，我揀咗：🐷肥腸：大力推薦，夠肥夠香！🥔土豆：其實係薯角，愛薯人士不可錯過。🥩酥肉：包炸粉炸過的肉條，比較香口。🥒萵筍：清新＋麻辣，原來都幾夾。🐸蛙：比雞肉更嫩，啖啖肉。🌈彩虹冰粉呢個我超級推薦，配料超多，有芝麻嘅香，紅豆嘅甜，酒釀嘅酸，椰汁嘅滑，口感豐富，5-6個人都夠食，超抵。💁🏻‍♀️店鋪嘅服務都幾好，姐姐們有禮貌，座位亦闊落，同三五知己聚會幾舒服。有下次！📍姚姚酸菜魚 (青衣)青衣青敬路31-33號青衣城1地下G01號舖…查看更多

尖沙咀要坐得舒服、唔限時，我會揀Mall Cafe。今日午飯時間嚟到全場滿座，有興趣最好book定位先。見隔離枱啲漢堡賣相ok，本身想點，但無包飲品，決定放棄。午餐是唯一會包飯品、餐包、餐湯的餐，選擇偏少，絕大部份都要加錢點咗蔬菜燴羊肉配薯蓉。羊肉唔香濃無乜肉味，麻麻地。薯蓉唔係走幼滑路線，有粒粒口感，有濃郁薯仔味，好食過啲羊肉😆嚟Mall cafe 對服務、環境都會滿意，侍應唔係機械式服務，有禮貌有溫度，但個價錢+食物質素真係麻麻地。如果主要目的係傾偈就ok，如果想搵美食就最好另尋他選。…查看更多

「楚撚記」真係久仰大名，但一直無機會試，今日放工終於有時間約朋友嚟啤一啤佢🤭佢哋嘅裝修好有香港懷舊特色，好多綠色窗花、格仔磚、霓虹燈，拎住戰鬥碗，聽住周慧敏飲酒，特別好feel😆啫啫唐生菜煲真係幾正，正宗大排檔重口味，蝦醬濃郁咸香，唐生菜爽脆，食菜都可以食得好enjoy🤣再嚟就係「避風塘鮮魷」，炸蒜炸得好乾身、香脆，完全唔會有苦味，我特登叫咗碗粥嚟撈炸蒜食，呢道菜真係蒜頭怪最愛❤️鮮魷魚嘅口感亦都好好，唔韌，新鮮靚貨👍如果鍾意食豬手，「楚撚原隻脆皮炸豬手」必點，皮薄、香脆，肉嫩又有咸香味，份量亦都好大，一定滿足到你啲胃口。之後就係今晚嘅亮點——楚撚豬油撈飯！第一次食豬油撈飯，我同朋友完全唔知要加幾多豬油，又唔知要落豉油。哈哈。試完之後，真係覺得豬油加豉油再加飯係勁正嘅配搭，好香好好味，令人停唔到口。最後整番碗「綠豆爽清心丸」，甜甜地帶花香味，去油清膩，為今餐畫上一個甜美嘅句號。總括嚟講，「楚撚記」係一間好值得試下嘅餐廳。唔單止裝修有香港嘅風格，菜式更有質素，唔怪得全場爆滿，一定要記得訂位啊！📍楚撚記大排檔 (荃灣)荃灣川龍街118號百悅坊地下-1樓…查看更多

IFC唔知食乜好，行行下見到呢間新派福建菜Four Bites都幾多人，一於試吓。🪑餐廳裝潢型格，木系風帶橙調，感覺舒服，最有玩味的是店內播放懷舊老歌，同裝修好大反差😂🥃另外要讚的是餐具十分精緻，很有質感，未食都已經有好感。🦪香煎蟶子蛋蟶子大粒、肉厚、肥美，沒有腥味，搭配上金黃色的蛋，味道更加豐富，蛋香十足。🍄姬松茸竹蓀排骨湯非常香濃，菇菌味道超突出，分量足夠兩個人享用，推薦👍🐟咸香酥炸黃花魚微微咸，口感少少脆，骨都可以食。🐂閩香醬牛肉牛肉夠軟腍，醬汁咸鮮濃郁，讓人食指大動。🐓臘味雞肉捲臘腸少少甜，雞肉口感緊實，味道清新。🐚黑松露蘆筍炒鮮貝蘆筍鮮嫩無草青味，松露味不霸道，貝類炒得十分鮮美。🍋桂圓檸檬烏龍茶大杯，清新微甜，不苦澀🍮洛神花茶凍下層微酸，上層偏甜，混合的口感非常適中。🍡番薯芝士丸外皮少少脆，咸香芝士味Four Bites的菜式以及氣氛都十分吸引，如果想品嚐一下道地的福建菜，或想搵間好坐的餐廳同朋友傾吓偈，都推薦來這裏試試。…查看更多

錦麗位於東涌東薈城高層，裝修光猛，有少少藤裝飾呼應越南菜主題。服務唔算好有禮貌，樓面放菜單直接丟上枱面，反而收銀姐姐態度幾好。要用QR Code自己點餐，當日唔少行完山嘅老人家唔識用，要搵職員幫手。下午茶餐點咗生熟牛肉河，份量喺比正常細的。湯底好鮮美，牛肉又軟又有味，幾好。小食揀咗家鄉魚餅，塊魚餅好細，味道平平。不過啲紅蘿蔔絲有醃過，又頹唔曬😂自家嘅薏米水薏米算多，但係有啲甜。佢哋下午茶食到六點，今日食嘅呢個餐價錢係六十蚊。總括嚟講，錦麗係一間水準正常嘅越南餐廳，如果你想食碗ok嘅河粉湯，可以試下嚟呢度。…查看更多

牧羊少年我食過同系的葵芳店、旺角店和銅鑼灣店，印象一直良好，今次嚟試最新開業嘅尖沙咀文化中心店。在文化中心，餐廳都特別舉辦較多文藝活動。餐廳環境好寬敞，尖沙咀都放咁少枱真的可以收支平衡嗎😂整體用咗唔少天然物料如植、石材去佈置，有啲高級感。餐廳四圍有水池環繞，波光粼粼感覺好舒服。食物方面，西班牙辣椒蒜油大蝦，醬汁微辣，蝦新鮮，肉質好爽口。明太子康提芝士蟹肉墨西哥夾餅，外層香脆，明太子鹹鹹地，芝士份量多到爆，味道好香濃。慢燒威士忌保濕三黃雞配燒新薯同西藺花苗都好好味。侍應上菜時會點燃威士忌淋落去燒雞度，好啱影相打卡。啲雞皮香脆，雞肉唔會太老，味道不錯👍甜品揀咗焦糖香蕉合桃朱古力布朗尼配雲尼拿雪糕。焦糖香蕉香甜，布朗尼配雪糕口感好豐富，幸福感十足。飲品健康地選擇咗蘋果甘荀香橙汁。蘋果香甜，甘荀有營養，飲落去口感好細滑。整體嚟講，牧羊少年保持一貫水準，尖沙咀店嘅環境仲係咁多間之中最靚。如果你想搵一個餐廳坐好啲食好啲，絕對可以考慮試吓。…查看更多

聽聞東涌間酒店環境靚食物抵，今日特登收工遠征東涌！🪑環境酒店內餐廳感覺高級，有室內和室外座位。室內裝修是西式古典風， 華麗典雅；室外是輕鬆浪漫風，伴有沙發、音樂和微風，勁chill。座位之間距離極遠，私隱度高。🤵🏻‍♂️服務侍應態度友善殷勤。🍽️食物酒店環境+浪漫裝修，價錢比我想像中便宜，主菜百幾蚊都有交易，Happy hour 酒精飲品仲有買一送一，OpenRice 訂位正價餐牌8折。🍝黑松露帶子白汁意大利粉 $198黑松露味幾香，白汁濃郁，真係食到奶油的濃滑口感和香味。醬汁多，每一啖都有汁，好滿足。🍔特級煙肉芝士牛肉漢堡配炸薯條 $188漢堡體積都幾大，牛肉夠厚，有超多肉汁，一路切一路瘋狂湧出嚟！煙肉夠味又唔會死咸。薯條份量勁多，兩個人都食唔晒🫢🍮法式焦糖燉蛋 $78個樣似普通焦糖布丁，但原來一點都不普通。燉蛋非常綿滑，並不是空氣感震震布丁，而是濃厚的絲滑燉蛋，甜度亦適中，有驚喜。🍨肉桂黑莓蘋果金寶配雲呢拿雪糕 $88非常多蘋果粒，酸酸甜甜好滋味，配冰凍的雲呢拿雪糕，口感豐富👍🌟總括而言，環境服務一流，食物味道好，價錢相宜，非常適合拍拖、紀念日或三五知己聚餐。🚌交通東涌地鐵站A出口逢00分和30分有免費接駁巴士，巴士車身寫住「Four Point」，坐五分鐘即到。回程接駁巴士開車時間是逢20和50分。📍 La Rosabelle Bar & Grill (東涌)東涌怡東路9號灣景薈地下G01-G02號舖…查看更多

荃灣屹立幾十年嘅燒味店標記，而家變咗三叔公。二十四小時營業，年中無休，下午五點前無小菜，主要食牛腩麵、粥等等，晚市就有小炒。呢度個牛骨湯幾有規模，一大煲，不斷滾。年三十晚嚟食小菜，都要等位，亦見到有食客食食吓被要求換枱，令餐廳可以拼枱俾其他客人。街坊店就係咁。小菜唔貴，白飯$12，無加一。叫咗三個餸，首先係大良欖角骨。份量幾多，但味道太甜，而且肉偏軟爛，欠缺咬口。三叔公小炒皇份量又係大，多蝦乾，但蝦乾有少少沙，整體味道偏咸。芥菜花甲雞煲花甲大隻，無沙，但個湯好咸，飲完一碗湯要飲一杯水。總括而言，份量大，但食得咸先好去。…查看更多

今晚食團年飯，決定encore 品質有保證嘅方叔叔，嚟到有維港海景嘅尖沙咀店恰下恰下。🍲鴛鴦麻辣鍋🌶️麻辣鍋一如以往惹味鮮香，最搞笑係屋企人平時唔食辣，今日竟然追住個麻辣湯底嚟食，叫極佢都唔肯停，真係誇張😂🍄山珍菌湯意想不到咁多菇菌，有好多好多秀珍菇，冬菇等等，由頭食到尾都仲有，非常足料。🐮大刀牛肝屋企人大讚牛肝好食，食完一片又一片，因為完全冇平時食肝臟嘅苦澀味，嫩滑豐厚。我最欣賞佢個乾碟，煮好嘅牛肝片沾上芝麻、香料，味道更香更濃。🐃稻田毛肚可能因為夠薄，毛肚非常爽口，同印象中平時要練牙力嘅感覺完全唔同，刷新咗對毛肚嘅認知。🐂鮮黃喉比較少地方有黃喉，好大塊，口感脆爽脆爽。🐟鮮龍躉片侍應姐姐大力推薦嘅龍躉片，厚切，真係好厚皮，啖啖骨膠原，唔腥有魚味，無介紹錯。🥬筍片、油麥菜菜非常新鮮，筍片爽脆，完全無苦澀或酸味。油麥菜係食得出嘅清甜。🥩prime牛小排千祈唔好煮太耐！煮得啱啱好會超軟滑，少少入口即化嘅感覺。肥瘦適中，有油香但不油膩。🦪晨洲生蠔肥美，完全唔腥，有蠔味。💁🏻‍♀️最後我要讚一讚呢度嘅服務，侍應姐姐積極主動加湯、推薦+介紹食材，而且好熟書，講得出食材喺APP落單要搵邊個類別，好幫得手👍📍方叔叔重慶老火鍋 (太子集團中心) (尖沙咀)尖沙咀北京道12A號太子集團中心19樓…查看更多

最近心癢癢，好想搵一些有特色的fusion菜食，朋友同我講有間英倫風嘅中菜，聽落幾有趣，今晚終於有時間去試啦！一開電梯，搶眼嘅招牌，仲有一幅好大嘅孔雀畫，已經感受到英倫色調。餐廳入面寬敞舒適，仲有 outdoor位置。 第一道菜當然選擇餐廳推介嘅香酥鴨跟薄餅。 好特別，用咗片皮鴨嘅concept做呢道菜，鴨皮好脆口，鴨肉鮮嫩，加埋薄餅，京醬，青瓜等包住一齊食，口感一流。 之後就到甜酸咕嚕肉。甜酸度剛剛好，咕嚕肉好脆口，亦唔會好似外面咁好厚粉，而且每一舊都係圓碌碌好均勻，配合不同生果，惹味開胃。豆腐什菜煲蔬菜新鮮，豆腐吸收晒醬汁特別濃郁，好味。集會脆麵又一必食推介！麵煎得好脆身但完全冇油膩感，而且配料豐富，就算配料上有芡汁都不損麵嘅口感，脆卜卜好好食。最後同朋友邊食邊飲cocktail， 我杯lemongrass mojito 好清新，味道都好好，大滿足嘅一餐。…查看更多

雖然只係隔咗一條馬路，但公眾假期青衣城酒樓排長龍，逸逸居就半滿，座位任揀。其實佢嘅環境裝修都不錯，服務都可以，搵職員到有問必答，唔會比面色你睇。飲茶點心幾便宜， 20幾蚊就有一個點心，蝦餃燒賣$12有兩粒，假期加兩蚊，抵食。味道方面，比較推薦魚腩粥，粥底幾綿，魚腩又多料。蝦餃燒賣味道正常，乳鴿入味但炸得黑咗啲。唯一唔推薦嘅係叉燒腸粉，腸粉勁厚皮，叉燒好少，食落去全口都係粉。三個人公眾假期飲茶，埋單唔使$300 ，可以一戰。…查看更多

今日又嚟大角咀尋寶。見到快遞哥哥入咗呢間麻辣仙宮，我就跟住入嚟，因為佢地周圍走，實知道邊間餐廳好食又抵食😋🪑環境裝修古色古香，座位闊落，環境乾淨企理。💁🏻‍♀️服務侍應件中式衫好靚😂服務亦卩殷勤周到，會主動介紹菜式。🐟招牌酸菜魚（黑魚）呢個酸菜湯底調味幾好，少少辣，酸菜味夠平衡，唔搶味，又可以吊出到魚嘅鮮味。魚片完全無骨，幾嫩滑，配埋芽菜薯粉一齊食，口感豐富。🥩川味回鍋肉濃油赤醬先似回鍋肉！菜炒得夠火喉，唔似其他會好硬好青，呢度好入味👍豬肉肥瘦相間，配白飯一流。🥘午市乾鍋（香辣）美蛙和肥腸都炸得乾身，美蛙幾好肉，肥腸唔會過肥，有腸味。即炸土豆片勁似厚少少嘅薯片，卜卜脆，萵荀亦炒得好腍。🧋蜂蜜柚子茶呢個唔會太甜，有柚子香味，幾清新。🍧招牌冰粉食完麻辣一定要食碗冰粉！呢度嘅冰粉清甜，有啲山楂片增加口感+味道層次。總括而言，裝修有特色，服務周到，味道惹味，午市套餐特別抵食👍📍 麻辣仙宮 (大角咀)大角咀棕樹街2-20號榮富苑地下10-11號舖…查看更多