Mango Chocolate的個人專頁

對上一次去食,食物同飲品質素都一般,但今次再幫襯,就好好多,好滿意呢!:)大概晚上8點鐘,唔洗等位,我哋一行4人坐卡位.我哋叫咗凍飲2款共4杯,我飲嘅凍蜜桃紅茶好正,紅茶味重,有蜜桃味同唔算甜,啱啱好.:)我同其他朋友叫嘅紅燒牛肉麵,雙拼米線都好食,麵質好彈牙,個湯底好香,牛肉肉質煮到啱啱好,仲大大件,雞翼大隻之餘,我食嘅蒜香雞翼都好入味,讚好.:)我覺得雙拼麵套餐能夠試到2款唔同麵質同餸係好好,仲可以試有辣同唔辣.今次有大進步呀!會繼續支持,因為要食台灣牛肉麵嘅食店唔多,荃灣區都冇.…查看更多

之前喺朋友Gathering食到呢間蛋糕店嘅曲奇焦糖慕絲蛋糕,味道好特別,所以自己買1 磅庄慶祝同事生日.雖然呢間蛋糕店喺工業大廈內,但門面同入面都裝修得幾靚,白雪雪,好有聖誕氣氛.:)個蛋糕盒都幾靚.到主角曲奇焦糖慕絲蛋糕出場,蛋糕正價係$220一磅,親自提取9折,即$198.首先個蛋糕有金箔裝飾,好貴氣:)個餅底係Oreo餅做,焦糖慕絲好香甜,好滑,唔算"漏",中間夾咗碎Oreo餅同朱古力蛋糕,整體上好夾.我哋下午茶時間切咗5件食都ok.雖然唔係地舖,但都值得去再試其他味道嘅蛋糕.…查看更多

全部餐廳喺聖誕節都要等位,同老公就揀咗食熱辣辣嘅烏冬暖肚.我哋坐咗吧枱,望住廚房.先上熱茶同熱蜂蜜柚子蘆薈茶($12),不過就超甜,好重手.:(金菇牛肉卷($32)就唔夠味,牛肉乾身冇肉汁.不過我就好鍾意牛肉鮮茄湯烏冬($44),個湯底啲蕃茄味好正,唔似係用茄膏煲出嚟.啲烏冬好彈牙,成碗湯都飲埋.老公食嘅吉列豬扒咖哩烏冬($45),個湯底又香濃,吉列豬扒香口脆身.:)喺聖誕節連加一全單係$146,好抵.值得再去試其他款式.:)不過份量就比較細,晚飯就可能唔夠飽.:(…查看更多

早幾日天氣好凍,出去食完晚飯,老公話想食燉蛋,記得家姐推介過呢間荃灣舊式糖水舖,又喺附近,就試下啦!眼見餐牌糖水款式唔多,真係好傳統嘅中式糖水,湯圓都冇嫁.不過都冇所謂.老闆話有唔同功效嘅龜苓膠,所以都有好幾款.我要咗一碗熱辣辣嘅蕃薯糖水,薑味同甜度啱啱好,唔會好辣,蕃薯煮到好香,食咗幾啖個肚好暖,超正!16蚊碗就已經好滿足.老公食嘅熱燉蛋就好滑,甜度啱啱好,蛋味又夠,新式糖水舖冇咁好質素.其實之前去過啲新式糖水舖,傳統中式糖水都做得唔夠好:(,呢間我就覺得食完要讚,食完好滿足呀!:)不過地方有限,得4,5張枱,若果一大班朋友去就要等下啦!…查看更多

之前同朋友預祝生日,有同事介紹去L'Atelier de Joel Robuchon ,雖然超出預算,但食完都覺得體驗到食物,服務,環境都超正嘅餐廳,物有所值.見到個超大麵包籃,若要食晒所有麵包就會飽晒,雖然好食又多款,特別係芝士味同牛角包.:),但係要留肚,食剩幾件.開胃前菜 - 豬油肉片包嘅多士浸落cream都好得意,豬油肉片入口即溶.前菜 - 侍應推介必食嘅海膽啫喱,超鮮甜,完全冇腥味.下次有機會一定要再order.主菜 - 侍應另一推介必食嘅龍蝦意大利飯,雖然size細碟,但啲飯同汁煮到啱啱好,配搭龍蝦肉味道一流,好過之前喺5星酒店意大利餐廳食嘅.主菜 - 羊架都燒得好準成,肉質好嫩. 甜品 - 經理喺落單前,知道我哋第一次嚟同慶祝生日,主動同我哋講,可以改選食其他甜品,唔洗4個都揀香蕉甜品.咁我哋就點咗咖啡mousse甜品,黑朱古力mousse,肉桂白桃雪葩甜品.我就鍾意咖啡mousse同ice cream,好滑,雖然成個甜品都係咖啡味,但一啲都唔覺得"漏"同"多".:)三位朋友就鍾意個黑朱古力mousse,香濃,滑,回味無窮.但係對個肉桂白桃雪葩甜品嘅評語就一般,可能覺得肉桂同白桃味道怪怪地.最後劃上完美句號嘅Petit Fours,朋友都鍾意Macaron甜度適中.:)…查看更多

之前去呢間荃灣金水壽司有好多次,有正價時段同宵夜時段(6折優惠).若果食宵夜時段就一定有漏單,缺貨情況,仲勁多人好嘈!:(不過今次去食晚飯正價時段,以為水準會保持得到,但就係俾一碟好咸嘅明太子炒意粉降低印象分.:(,搞到我哋唔知好唔好投訴,佢落咗好多明太子好在有碟火灸海膽赤蝦壽司補番分數,啲海膽同赤蝦都好鮮甜:),無論係邊款三文魚(煙三文魚,火灸三文魚)都係老公嘅至愛.我就鍾意食甜蝦,赤蝦壽司,都好新鮮,冇雪氣味.:)軟殼蟹手卷係我哋必食嘅款式,海膽墨魚軍艦都好味鮮甜:)正價時段就冇漏單,缺貨情況出現,價錢都算合理,希望下次碟明太子炒意粉唔好再失手.…查看更多

約咗朋友去大坑食飯聚舊,經過蛋糕店,想買幾件切餅去做飯後甜品,職員介紹蛋糕態度好好.:),陳列嘅產品都好精美,有花心思.不過放喺餅柜款式唔多,揀唔到心水,之後就買咗一樽榛子曲奇,食咗幾片,覺得入口鬆脆,有好多榛子,幾香,又唔係好甜.:):(見到個外形似水晶球嘅膠樽,放滿Brownies,貴少少都買咗試食,好重朱古力味,都幾甜,但係入面冇果仁,唔係我想食嘅有合桃,杏仁嘅Brownies,有啲失望:(見到啲朱古力賣相都幾特別精緻,但好貴,冇買到.:(…查看更多

同朋友食晚餐,大約9點,見到得幾枱客,地方都闊落,就入去試下.先有小食鹽酥雞上枱,肉質一般,炸粉好厚,仲有紅油抄手,豉油唔辣,兩款都好一般.:(朋友嘅紅燒牛肉麵就正,個湯底好香,牛肉肉質煮到啱啱好.自己嘅雙拼麵就普通,湯底清淡,貢丸大粒,但唔算香,一般貨式.:(珍珠奶茶就普通,珍珠硬身,奶味多過茶味,我嫌唔夠甜,味道好淡.…查看更多

想喺荃灣區飲一杯好正嘅奶茶,我就覺得福源餐廳都係唔錯嘅選擇.星期日同家人去食下午茶,坐滿晒人睇賽馬直擊,我哋叫咗4個茶餐,全部都係飲奶茶,奶同茶嘅比例夾得好好,又香又滑.:)我叫咗炸豬扒薯條,肉質好嫩,炸得啱啱好.其他有沙爹牛肉麵,牛肉ok,麵質普通.煙肉火腿煎蛋,煙肉幾大件,煎得啱啱好.不過啲煎蛋好油,多士都唔好食,麵包唔好食,啲牛油係好少:(…查看更多

工作夜咗,9點經過雲貴川,見得幾個人等外賣,就買咗兩碗米線做晚餐.自己個碗係炸醬貢丸紅腸米線,$34,紅腸一般,貢丸大大粒算好食,有肉汁,冇加到辣,連小辣都食唔到.老公嗰碗係小辣炸醬腩肉豬肚米線,$38,原本叫豬腸同雞翼尖,但都售罄:(,老公鍾意湯底麻辣好香,連炸醬食一流,腩肉肉質軟度適中:).份量好大碗,食唔晒.不過每次去食就梗有幾款餸售罄,冇得食.:(其實附近都有幾間米線舖,但都係得雲貴川要排隊等位同等外賣,佢嘅辣真係好食.…查看更多

星期三同家人去又尖沙咀行街,試下朋友推介嘅蘭香,閒日晚上7點要等位.:)先叫一碟黑柏葉,好爽口,點埋豉油,正!:)細妹覺得蝦球米粉嘅蝦球好新鮮,大隻爽口我食嘅墨丸雲吞河加腩汁就好一般.:(家姐話個雞腸唔新鮮,味道似急凍,食剩一半.仲有碗冬菇麵冇影相,老豆話好好味,真係招牌貨.總結有好好同失望,希望下次啲雞腸係新鮮貨啦!…查看更多

朋友介紹呢間泰之選,地點就大家方便,價錢大眾化,同6個朋友上星期走去試下.閒日有訂位都要等10分鐘,地方唔大,好在有張長枱坐,算OK.:)飲品上枱,我同2位朋友都叫椰青,但有2杯飲到1/3,發覺唔妥,入面椰青肉有大塊冰,好少椰青水,超失望.:(海鮮冬蔭功好鮮甜,唔算辣,送飯一流.泰式沙律就一般,食剩好多.小食拼盆嘅串燒幾正,其他都一般,唔特別.咖哩炒蟹好正,好多蟹肉,又係送飯一流.仲有3個餸,魚同酸辣生菜包,味道幾好:),至於炒通菜就OK.每人夾$90食晚飯算大眾化,希望下次啲椰青會改善啦!…查看更多